Rajyotsava Award 2021: 66ನೇ ಕನ್ನಡ ರಾಜ್ಯೋತ್ಸವಕ್ಕೆ 66 ಸಾಧಕರಿಗೆ ಪ್ರಶಸ್ತಿ; ಗಂಗಾವತಿ ಪ್ರಾಣೇಶ್​ಗೆ ರಾಜ್ಯೋತ್ಸವ ಪ್ರಶಸ್ತಿ ಗರಿ

2020 -2021 ನೇ ಸಾಲಿನ 66ನೇ ಕನ್ನಡ ರಾಜ್ಯೋತ್ಸವ ಅಂಗವಾಗಿ 66 ಸಾಧಕರಿಗೆ ಪ್ರಶಸ್ತಿ ಘೋಷಿಸಲಾಗಿದೆ. ಕೊಪ್ಪಳ ಜಿಲ್ಲೆಗೆ ಈ ಬಾರಿ 2 ರಾಜ್ಯೋತ್ಸವ ಪ್ರಶಸ್ತಿಗಳು ಲಭಿಸಿದ್ದು, ಗಂಗಾವತಿ ಬೀಚಿ ಎಂದು ಹೆಸರಾದ ಪ್ರಾಣೇಶ್ (gangavathi pranesh ) ಹಾಗೂ ವೆಂಕಣ್ಣ ಚಿತ್ರಗಾರ ಗೌರವಕ್ಕೆ ಭಾಜನರಾಗಿದ್ದಾರೆ.

ಗಂಗಾವತಿ ಪ್ರಾಣೇಶ್​

ಗಂಗಾವತಿ ಪ್ರಾಣೇಶ್​

  • Share this:
ಕೊಪ್ಪಳ: ನವೆಂಬರ್​ 1 ಕನ್ನಡ ರಾಜ್ಯೋತ್ಸವ (kannada Rajyotsava) ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ರಾಜ್ಯೋತ್ಸವ ಪ್ರಶಸ್ತಿ (Rajyotsava Award) ವಿಜೇತ ಸಾಧಕರ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.  2020 -2021 ನೇ ಸಾಲಿನ 66ನೇ ಕನ್ನಡ ರಾಜ್ಯೋತ್ಸವ ಅಂಗವಾಗಿ 66 ಸಾಧಕರಿಗೆ ಪ್ರಶಸ್ತಿ ಘೋಷಿಸಲಾಗಿದೆ. ಕೊಪ್ಪಳ ಜಿಲ್ಲೆಗೆ ಈ ಬಾರಿ 2 ರಾಜ್ಯೋತ್ಸವ ಪ್ರಶಸ್ತಿಗಳು ಲಭಿಸಿದ್ದು, ಗಂಗಾವತಿ ಬೀಚಿ ಎಂದು ಹೆಸರಾದ ಪ್ರಾಣೇಶ್ (gangavathi pranesh ) ಹಾಗೂ ವೆಂಕಣ್ಣ ಚಿತ್ರಗಾರ ಗೌರವಕ್ಕೆ ಭಾಜನರಾಗಿದ್ದಾರೆ. ಶಿಲ್ಪಕಲೆಯಲ್ಲಿ ವೆಂಕಣ್ಣ ಚಿತ್ರಗಾರಗೆ, ಸಂಕೀರ್ಣ ಕ್ಷೇತ್ರದಲ್ಲಿ ಗಂಗಾವತಿ ಪ್ರಾಣೇಶ್ ಗೆ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ. ಈ ಬಗ್ಗೆ ಹಾಸ್ಯ ಕಲಾವಿದ ಪ್ರಾಣೇಶ್​ ಸಂತಸ ವ್ಯಕ್ತಪಡಿಸಿದರು. ಸರ್ಕಾರ ನನ್ನ 30 ವರ್ಷಗಳ ಸಾಹಿತ್ಯ ಸೇವೆ ಗುರುತಿಸಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿದೆ. ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿರುವುದು ಸಂತಸ ತಂದಿದೆ ಎಂದರು.  

ತಡವಾದರೂ ಪ್ರಶಸ್ತಿ ಬಂದಿರುವುದಕ್ಕೆ ಸಂತಸವಾಗಿದೆ

ಈ ಪ್ರಶಸ್ತಿ ಕನ್ನಡ ಜನತೆಗೆ ಸಂದಿದೆ, 60 ವರ್ಷದಲ್ಲಿ ಪ್ರಶಸ್ತಿ ನೀಡಿದರೆ ಲೇಟ್ ಆಗುತ್ತಾ ಎಂದು ನನಗೆ ಅನಿಸಿತ್ತು. ಸಣ್ಣ ವಯಸ್ಸಿನಲ್ಲಿ ಪ್ರಶಸ್ತಿ ಬಂದರೆ ಹೆಚ್ಚಿನ ಸೇವೆ ಸಲ್ಲಿಸಬಹುದು. ನಾನು ಇನ್ನೂ ಗಟ್ಟಿಯಾಗಿರುವುದರಿಂದ ಈ ಪ್ರಶಸ್ತಿ ಸ್ವೀಕರಿಸುತ್ತೇನೆ. ಸ್ವಲ್ಪ ಮೊದಲೇ ಪ್ರಶಸ್ತಿ ನೀಡಿದರೆ ಇನ್ನಷ್ಟು ಸಾಧನೆ ಮಾಡಲು ಸಾಧ್ಯವಾಗುತ್ತದೆ ಎನ್ನುವುದು ನನ್ನ ಅಭಿಪ್ರಾಯ. ಪ್ರಶಸ್ತಿ ನೀಡಿರುವುದಕ್ಕೆ ಸರಕಾರಕ್ಕೆ ಅಭಿನಂದನೆ ಸಲ್ಲಿಸುತ್ತೇನೆ ಎಂದರು ಬಿ ಪ್ರಾಣೇಶ್.

ಪ್ರಶಸ್ತಿ ನಿರೀಕ್ಷೆ ಕೈ ಬಿಟ್ಟಿದ್ದೆ

ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಕಲಾವಿದ ವೆಂಕಣ್ಣ ಚಿತ್ರಗಾರ್ ಮಾತನಾಡಿ, ರಾಜ್ಯೋತ್ಸವ ಪ್ರಶಸ್ತಿಗಾಗಿ ತೆಲೆಕೆಡಿಸಿಕೊಂಡಿರಲಿಲ್ಲ. ಈ ಬಾರಿ ಪ್ರಶಸ್ತಿ ಬಂದಿದೆ. 40 ವರ್ಷಗಳಿಂದ ರಥ,ದೇವರ ಮೂರ್ತಿಗಳ ತಯಾರಿಕೆ ಕೆಲಸ ಮಾಡುತ್ತಿದ್ದೇನೆ. 3-4 ವರ್ಷಗಳ ಹಿಂದೆ  ಪ್ರಶಸ್ತಿಗಾಗಿ ಅರ್ಜಿ ಹಾಕಲಾಗಿತ್ತು, ಆಗ ಪ್ರಶಸ್ತಿ ಸಿಗಲಿಲ್ಲ. ಆಗ ಪ್ರಶಸ್ತಿ ಬಗ್ಗೆ ಕೈ ಬಿಟ್ಟಿದ್ದೇವು, ಈಗ ಮಕ್ಕಳು ಅರ್ಜಿ ಹಾಕಿದ್ದರು. ಈ ಬಾರಿ ದೇವರ ದಯೆಯಿಂದ ಪ್ರಶಸ್ತಿ ಬಂದಿದೆ. ಪ್ರಶಸ್ತಿ ಸಿಕ್ಕಿರುವುದು ಖುಷಿ, ಹೆಮ್ಮೆ ಆಗುತ್ತಿದೆ ಎಂದರು.

ಇದನ್ನೂ ಓದಿ: Puneeth Rajkumar Cremation: ಅಪ್ಪುನ ಅಚ್ಚುಕಟ್ಟಾಗಿ ಕಳುಹಿಸುವಲ್ಲಿ ದಕ್ಷತೆ ಮೆರೆದ ಖಾಕಿ ಪಡೆಗೆ ಪ್ರಶಂಸೆಯ ಸುರಿಮಳೆ

ಕನ್ನಡದ ಸಾಧಕರಿಗೆ ಪ್ರಶಸ್ತಿಯ ಗರಿ

ಧಾರವಾಡ ಜಿಲ್ಲೆಗೆ ಈ ಬಾರಿ ಒಟ್ಟು ನಾಲ್ಕು ರಾಜ್ಯೋತ್ಸವ ಪ್ರಶಸ್ತಿಗಳು ಲಭಿಸಿದೆ. ಜಾನಪದ, ವೈದ್ಯಕೀಯ ಮತ್ತು ಶಿಕ್ಷಣ ಕ್ಷೇತ್ರ ಸೇರಿ ಒಟ್ಟು ನಾಲ್ವರು ಸಾಧಕರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಗುವುದು. ಜಾನಪದ ಕ್ಷೇತ್ರದಲ್ಲಿವೆಂಕಪ್ಪ ಗೋವಿಂದಪ್ಪ ಭಜಂತ್ರಿ, ವೈದ್ಯಕೀಯದಲ್ಲಿ ಡಾ. ವ್ಯಾಸ ದೇಶಪಾಂಡೆ, ಡಾ. ಎಸ್.ಆರ್. ರಾಮನಗೌಡ ಹಾಗೂ ಶಿಕ್ಷಣ ಕ್ಷೇತ್ರದಲ್ಲಿ ಶ್ರೀಧರ ಚಕ್ರವರ್ತಿ ಅವರಿಗೆ ಪ್ರಶಸ್ತಿ ಲಭಿಸಿದೆ. ಕೋಟೆನಾಡು ಚಿತ್ರದುರ್ಗ ಜಿಲ್ಲೆಗೂ ಈ ವರ್ಷ ಒಂದು ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ. ಜಿಲ್ಲೆಯ ಸಾಹಿತ್ಯ ಕ್ಷೇತ್ರಕ್ಕೆ‌ ಪ್ರೋ‌ ಡಿ.ಟಿ ರಂಗಸ್ವಾಮಿಗೆ ರಾಜ್ಯೋತ್ಸವ ಪ್ರಶಸ್ತಿ ಒಲಿದಿದೆ. ಹೊರಕೇದೇವಪುರ ಗ್ರಾಮದ‌ ನಿವಾಸಿ ನಿವೃತ್ತ ಪ್ರೋ. ಡಿ.ಟಿ ರಂಗಸ್ವಾಮಿ ಅವರು ಸುಮಾರು 50ಕ್ಕೂ ಅಧಿಕ ಪುಸ್ತಕಗಳನ್ನು ರಚಿಸಿದ್ದಾರೆ. ಉತ್ತರಕನ್ನಡ  ಜಿಲ್ಲೆಯ ಜೋಯಿಡಾ ತಾಲೂಕಿನ ಪರಿಸರ ಹೋರಾಟಗಾರ ಮಹಾದೇವ ವೆಳಿಪಾ ಅವರಿಗೆ ಈ ಬಾರಿ ರಾಜ್ಯೋತ್ಸವ ಪ್ರಶಸ್ತಿ ಲಭಿಸಿದೆ.
Published by:Kavya V
First published: