Kannada Language | ಭಾರತದ ಅತ್ಯಂತ ಕೊಳಕು ಭಾಷೆ ಕನ್ನಡ!; ಗೂಗಲ್ ವಿರುದ್ಧ ರೊಚ್ಚಿಗೆದ್ದ ಕನ್ನಡಿಗರು

ಬೆಂಗಳೂರು (ಜೂನ್ 3): 2 ಸಾವಿರ ವರ್ಷಗಳ ಇತಿಹಾಸವಿರುವ ಕನ್ನಡ ಭಾಷೆಯನ್ನು ವಿಶ್ವದ ಲಿಪಿಗಳ ರಾಣಿ ಎಂದೆಲ್ಲ ವಿನೋಬಾ ಬಾವೆ ಬಣ್ಣಿಸಿದ್ದರು. ಕನ್ನಡ ಭಾಷೆಯನ್ನು ಬಳಸುವವರ ಸಂಖ್ಯೆ ಕಡಿಮೆಯಾಗುತ್ತಿದೆ ಎಂಬ ಆರೋಪದ ನಡುವೆಯೂ ಒಂದಷ್ಟು ಯುವಪೀಳಿಗೆಯವರು ಕನ್ನಡ ಭಾಷೆಯ ಉಳಿವಿಗಾಗಿ ಅಭಿಯಾನಗಳನ್ನು ಮಾಡುತ್ತಾ, ಆಧುನಿಕ ತಂತ್ರಜ್ಞಾನದಲ್ಲೂ ಕನ್ನಡದ ಉಳಿಸುವಿಕೆಗೆ ಪ್ರಯತ್ನಿಸುತ್ತಿದ್ದಾರೆ. ಆದರೆ, ಈ ಕನ್ನಡ ಭಾಷೆಗೆ ಇದೀಗ ಹೊಸದೊಂದು ಕಳಂಕ ಅಂಟಿಕೊಂಡಿದೆ. ಕನ್ನಡ ಭಾಷೆ ಭಾರತದ ಅತ್ಯಂತ ಅಸಹ್ಯಕರ, ಕೊಳಕು ಭಾಷೆ ಎಂದು ಗೂಗಲ್ ಘೋಷಿಸಿದೆ!

ಹೌದು, ನೀವೇನಾದರೂ ಗೂಗಲ್​ ಸರ್ಚ್​ಗೆ ಹೋಗಿ ಭಾರತದ ಅತ್ಯಂತ ಕೊಳಕು ಭಾಷೆ ಯಾವುದು? (which is the ugliest Language in India) ಎಂದು ಸರ್ಚ್ ಮಾಡಿದರೆ ಅಲ್ಲಿ ಬರುವ ಉತ್ತರ ಕನ್ನಡ! ಸುಲಿದ ಬಾಳೆಯ ಹಣ್ಣಿನಂದದಿ, ಕಳೆದ ಸಿಗುರಿನ ಕಬ್ಬಿನಂದದಿ ಇರುವ ಭಾಷೆ ಕನ್ನಡ ಎಂದು ಕ್ರಿ.ಶ. 1675ರಲ್ಲೇ ಮಹಾಕವಿಗಳು ಕನ್ನಡ ಭಾಷೆಯ ಬಗ್ಗೆ ಹಾಡಿ ಹೊಗಳಿದ್ದರು. ಆದರೆ, ಈ ಸುಂದರವಾದ ಭಾಷೆಗೆ ಅಗ್ಲಿಯೆಸ್ಟ್​ ಭಾಷೆ ಎಂದು ಸರ್ಟಿಫಿಕೇಟ್ ನೀಡಿರುವ ಗೂಗಲ್ ವಿರುದ್ಧ ಅನೇಕರು ಕಿಡಿಕಾರಿದ್ದಾರೆ.

Google ನಲ್ಲಿ ಕನ್ನಡ ಭಾಷೆಯನ್ನು ಕುರೂಪಿ ಭಾಷೆ ಎಂದು ಹೇಳಲಾಗಿದೆ ದಯವಿಟ್ಟು ಎಲ್ಲಾ ಕನ್ನಡಿಗರು ಈ ವೀಡಿಯೋ ದಲ್ಲಿ ತಿಳಸಿರುವ ಹಾಗೆ ಪ್ರತಿಯೊಬ್ಬರು ರಿಪೊರ್ಟ್ ಮಾಡಿ ಕನ್ನಡ ಕನ್ನಡಿಗರು ಅಂದ್ರೆ ಏನು ಎಂದು ಈ Google ಗೆ ತಿಳಿಸೋಣ#Kannada #kannadiga pic.twitter.com/1tTAeMs9mi

— Naveen Kumar B S (@naveensendmail) June 3, 2021

ಕನ್ನಡಿಗರು ವಿಶಾಲ ಹೃದಯದವರು. ಸ್ವಾಭಿಮಾನಿ ಕನ್ನಡಿಗರನ್ನು ಕೆಣಕುವಂತೆ ಅತ್ಯಂತ ಕೆಟ್ಟ ಭಾಷೆ ಎಂದು ಗೂಗಲ್ ನಲ್ಲಿ ಕನ್ನಡಕ್ಕೆ ಅಪಮಾನ ಮಾಡಿರುವುದಕ್ಕೆ ಇದೀಗ ಇನ್​ಸ್ಟಾಗ್ರಾಂ, ಫೇಸ್​ಬುಕ್, ಟ್ವಿಟ್ಟರ್​ನಲ್ಲಿ ಭಾರೀ ವಿರೋಧ ವ್ಯಕ್ತವಾಗಿದೆ. ಕೋಟ್ಯಂತರ ಜನರು ಮಾತನಾಡುವ ಕನ್ನಡ ಭಾಷೆಯನ್ನು ಕೊಳಕು ಭಾಷೆ ಎಂದಿರುವುದಕ್ಕೆ ಕನ್ನಡಿಗರು ರೊಚ್ಚಿಗೆದ್ದಿದ್ದಾರೆ. 6 ಕೋಟಿ ಜನರು ಮಾತನಾಡುವ ಕನ್ನಡ ಭಾಷೆಗೆ 2,500 ವರ್ಷಗಳ ಇತಿಹಾಸವಿದೆ. ಈ ಭಾಷೆಯನ್ನು ಹೀಗೆ ಹೀಗಳೆಯಲು ಯಾವ ಆಧಾರವಿದೆ? ಎಂದು ಅನೇಕರು ಪ್ರಶ್ನೆ ಮಾಡಿದ್ದಾರೆ.

ಕನ್ನಡ ನನ್ನ ಮಾತೃ ಭಾಷೆ .
ಕನ್ನಡವೇ ನಮ್ಮಉಸಿರು
ಕನ್ನಡ ವಿಶ್ವಲಿಪಿಗಳ ರಾಣಿ
ನಮ್ಮ #Kannada ನಮ್ಮ ಹೆಮ್ಮೆ
ಸಿರಿಗನ್ನಡಂ ಗೆಲ್ಗೆ ಸಿರಿಗನ್ನಡಂ ಬಾಳ್ಗೆ
ಜೈ ಕರ್ನಾಟಕ
ಜೈ ಭುವನೇಶ್ವರಿ@Google @GoogleIndia see this post #Kannada is the QUEEN of WORLD SCRIPTS not the ugliest language 😡 #kannadiga #Kannada pic.twitter.com/S86c32inlc

— Monisha Gowda (@Monisha_Gowda_) June 3, 2021

ಯಾವ ಭಾಷೆ ನಮ್ಮ ಜೀವ ಅಂತಿವೋ ಅದೇ ಭಾಷೆ ಇವತ್ತು ಗೂಗಲ್ ಅಲ್ಲಿ ಅಷ್ಟೂ ಕಠೋರವಾಗಿ ಕನ್ನಡ ಒಂದು ಕೆಟ್ಟ ಭಾಷೆ ಅಂತ ಹಾಕಿದಾರೆ, ಇದರ ಮೇಲೆ ಕೂಡಲೇ ಕ್ರಮ ಕೈಗೊಳ್ದಿದರೆ ಎಲ್ಲಾ ಕನ್ನಡಿಗರಿಗೆ ಘೋರ ಅವಮಾನ ವಾಗುವುದು @OPratham @BJP4Karnataka @ShobhaBJP @Tejasvi_Surya @NamKarnataka @Karnataka_DIPR@astitvam @mepratap @ pic.twitter.com/xOIU5QkMsA

— ಆಶ್ವಿನ್ ಶ್ರೀನಿವಾಸ್ (@Ashwinsri668) June 3, 2021

ಈ ಸ್ಕ್ರೀನ್​ಶಾಟ್ ಅನ್ನು ಶೇರ್ ಮಾಡಿಕೊಂಡು ಸಾಹಿತಿಗಳು, ಸೆಲೆಬ್ರಿಟಿಗಳು ಸೇರಿದಂತೆ ಅನೇಕರು ಆಕ್ರೋಶ ಹೊರಹಾಕಿದ್ದಾರೆ. ನಿರ್ದೇಶಕ ಪನ್ನಗಾಭರಣ, ನಟಿ ಅದ್ವಿತಿ ಶೆಟ್ಟಿ ಸೇರಿದಂತೆ ಅನೇಕರು ಸೋಷಿಯಲ್ ಮೀಡಿಯಾ ಪೋಸ್ಟ್, ವಿಡಿಯೋಗಳ ಮೂಲಕ ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.

ನಮ್ಮ ನಾಡಲ್ಲಿ ಹುಟ್ಟೊಕೆ ಯೋಗ ಬೇಕು
ನಮ್ಮ ಭಾಷೆ ಬಗ್ಗೆ ಮಾತಾಡೊಕೆ ಯೋಗ್ಯತೆ ಬೇಕು

💛 ನಮ್ಮ ಭಾಷೆ ಕನ್ನಡ ಅದು ನಮ್ಮ ಹೆಮ್ಮೆ ❤️

ವೀಡಿಯೋ ಶೇರ್ ಮಾಡಿ #Kannada #ಕನ್ನಡ#ಮನೋಹರಭಾಷೆಕನ್ನಡ#PleasantLanguageKannada pic.twitter.com/aSruvPwTcc

— Yash Boss (@YashFanSachin) June 3, 2021

ಭಾರತದ ಅತ್ಯಂತ ಅಗ್ಲಿಯೆಸ್ಟ್ (ಕೊಳಕು, ಅಸಹ್ಯಕರ) ಭಾಷೆ ಯಾವುದು ಎಂಬ ಪ್ರಶ್ನೆಗೆ ಕನ್ನಡ ಎಂದು ಉತ್ತರ ತೋರಿಸುತ್ತಿರುವ ಗೂಗಲ್ ಯಾವ ಆಧಾರದ ಮೇಲೆ ಈ ರೀತಿ ತೋರಿಸುತ್ತಿದೆ? ಎಂದು ಕನ್ನಡಿಗರು ಸಿಡಿದೆದ್ದಿದ್ದಾರೆ.

ಕೋಟ್ಯಂತರ ಜನರಿಂದ ಮಾತನಾಡಲ್ಪಡುವ ನಮ್ಮ ಕನ್ನಡ ಭಾಷೆಯನ್ನು ಭಾರತದ ಅತೀ ಕೊಳಕು(ugly) ಭಾಷೆ ಎಂದು ಕರೆಯುವ ಹಕ್ಕು ಯಾರಿಗೂ ಇಲ್ಲ. ಇದು ಕನ್ನಡಕ್ಕೆ ಕನ್ನಡಿಗರ ಭಾಷಾಭಿಮಾನಕ್ಕೆ ಸ್ವಾಭಿಮಾನಕ್ಕೆ ಧಕ್ಕೆಯುಂಟು ಮಾಡುವಂತದ್ದು. ಪ್ರತಿಯೊಬ್ಬ ಕನ್ನಡಿಗನು ಈ ಬಗ್ಗೆ ಎಚ್ಚೆತ್ತುಕೊಳ್ಳಬೇಕು. #google#kannada#reportongoogle@sundarpichai pic.twitter.com/gFUKGE2cNx

— ರೋಹನ್ ನವಲೆ ಕನ್ನಡಿಗ (@RoNaKa_) June 3, 2021

ಪರಭಾಷಿಕರು ಕೂಡ ಸುಲಭವಾಗಿ ಕನ್ನಡವನ್ನು ಕಲಿತಿದ್ದಾರೆ. ಅತ್ಯಂತ ಸರಳ, ಸುಂದರವಾಗಿರುವ, ಸಾವಿರಾರು ವರ್ಷಗಳ ಇತಿಹಾಸವಿರುವ ಪ್ರಾಚೀನ ಭಾಷೆ ಕನ್ನಡ ಅದು ಯಾವ ರೀತಿಯಲ್ಲಿ ಕೊಳಕು ಭಾಷೆಯಾಗಿ ಕಾಣುತ್ತಿದೆ? ಎಂದು ಟ್ವಿಟ್ಟಿಗರು ಕಿಡಿ ಕಾರಿದ್ದಾರೆ.