ಬೆಂಗಳೂರಿನ ಟ್ರಾಫಿಕ್​ ಸಮಸ್ಯೆಗೆ ಜಪಾನ್​ನಿಂದ ಶಾಶ್ವತ ಪರಿಹಾರ?

news18
Updated:July 12, 2018, 6:25 PM IST
ಬೆಂಗಳೂರಿನ ಟ್ರಾಫಿಕ್​ ಸಮಸ್ಯೆಗೆ ಜಪಾನ್​ನಿಂದ ಶಾಶ್ವತ ಪರಿಹಾರ?
ಸಾಂದರ್ಭಿಕ ಚಿತ್ರ
news18
Updated: July 12, 2018, 6:25 PM IST
-ಲತಾ ಜಿ.ಸಿ, ನ್ಯೂಸ್​ 18 ಕನ್ನಡ

ಬೆಂಗಳೂರು, (ಜು.12): ಉದ್ಯಾನ ನಗರಿ, ಗಾರ್ಡನ್​ ಸಿಟಿ, ಸಿಲಿಕಾನ್​ ಸಿಟಿ ಎಂದು ಕರೆಸಿಕೊಳ್ಳುವ ರಾಜ್ಯ ರಾಜಧಾನಿ ಬೆಂಗಳೂರು ಟ್ರಾಫಿಕ್​ ನಗರಿ ಎಂಬ ಕುಖ್ಯಾತಿಗೂ ಪಾತ್ರವಾಗಿದೆ. ಸದಾ ಗಿಜಿಗುಡುವ, ವಾಹನಗಳ ಸದ್ದು, ಹೊಗೆಗಳಿಂದ ತುಂಬಿ ತುಳುಕುತ್ತಿರುವ ಈ ಮಾಯಾನಗರಿಯ ಟ್ರಾಫಿಕ್​ ಸಮಸ್ಯೆಗೆ ಶಾಶ್ವತ ಪರಿಹಾರ ನೀಡಲು ಸರ್ಕಾರ ಹೊಸ ಯೋಜನೆಗೆ ಕೈಹಾಕಿದೆ. ಬೆಂಗಳೂರು ಟ್ರಾಫಿಕ್​ ಸಮಸ್ಯೆಗೆ ಪರಿಹಾರ ಹುಡುಕಿಕೊಂಡು ಜಪಾನ್​ವರೆಗೆ ಸರ್ಕಾರ ತೆರಳಿದೆ.

ಹೌದು, ಈ ಯೋಜನೆ ಯಶಸ್ವಿಯಾದರೆ, ಡಿಸೆಂಬರ್​ 2019 ರ ವೇಳೆಗೆ ​ ಬೆಂಗಳೂರು ಟ್ರಾಫಿಕ್ ಸಿಗ್ನಲ್​ಗಳಲ್ಲಿ ಜಪಾನಿನ ದಕ್ಷತೆಯನ್ನು ನೋಡಲಿದ್ದೇವೆ. ಕಾಂಬೋಡಿಯಾ, ಮ್ಯಾನ್ಮಾರ್​​ ಮತ್ತು ಥೈಲ್ಯಾಂಡ್​ ದೇಶಗಳ ಟ್ರಾಫಿಕ್ ಸಮಸ್ಯೆಗಳಿಗೆ ಸಹಾಯ ಮಾಡಿದ ನಂತರ, ಜಪಾನ್​ ಇಂಟರ್​ನ್ಯಾಷನಲ್​ ಕಾರ್ಪೋರೇಷನ್​ ಏಜೆನ್ಸಿಯು ಬೆಂಗಳೂರಿನಲ್ಲಿ ಸುಮಾರು 72 ಕೋಟಿ ಬಂಡವಾಳವನ್ನು ಸ್ಮಾರ್ಟ್​ ನೆಟ್​ವರ್ಕ್​ ಸಿಗ್ನಲ್ಸ್​​ ಕಟ್ಟಡಕ್ಕೆ ಹೂಡಲಿದೆ.

"ವಿಶೇಷವಾಗಿ, 2022 ರಲ್ಲಿ, ಈ ಯೋಜನೆಯ ಪೂರ್ಣಗೊಂಡ ಮೂರು ವರ್ಷಗಳ ನಂತರ, ಈ ಹೊಸ ವ್ಯವಸ್ಥೆಯು ವಾಹನ ದಟ್ಟಣೆಯ ಉದ್ದವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಪ್ರಸ್ತುತ ಇದು 550 ಮೀಟರ್ ಉದ್ದದವರೆಗೆ ತಲುಪಿದೆ. 30 ಪ್ರತಿಶತದಷ್ಟು, ಭಾರಿ ದಟ್ಟಣೆಯನ್ನು ಎದುರಿಸುತ್ತಿರುವ ಮತ್ತು ನಗರ ಸಾರಿಗೆಯ ಅನುಕೂಲತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಸ್ಥಳೀಯ ಆರ್ಥಿಕತೆಯ ಬೆಳವಣಿಗೆಗೂ ಇದು ಸಹಕಾರಿಯಾಗಲಿದೆ," ಎಂದು ಭಾರತದ ರಾಯಭಾರಿ ಕೆಂಜೀ ಹಿರಾಮಾಟ್ಸು ಅವರು ಡಿಸೆಂಬರ್​​​​ನಲ್ಲಿ  ಆರ್ಥಿಕ ವ್ಯವಹಾರಗಳ ಇಲಾಖೆ, ಹಣಕಾಸು ಸಚಿವಾಲಯದ ಜಂಟಿ ಕಾರ್ಯದರ್ಶಿ ಎಸ್.ಎಸ್. ಸೆಲ್ವಕುಮಾರ್ ಅವರೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದ ಬಳಿಕ ದೆಹಲಿಯ ಜಪಾನಿ ರಾಯಭಾರಿ ಕಚೇರಿಯಲ್ಲಿ ಹೇಳಿದ್ದರು.

ಅರ್ಬನ್ ಲ್ಯಾಂಡ್ ಟ್ರಾನ್ಸ್​​​​ಪೋರ್ಟ್​​​​​ ಡೈರೆಕ್ಟರೇಟ್ (ಡಿ.ಯು.ಎಲ್​.ಟಿ -DULT) ಯೋಜನೆಗೆ ನೋಡಲ್ ಏಜೆನ್ಸಿ ಆಗಿರುತ್ತದೆ. ಇದು ಈ ಕೆಳಗಿನ ಅಂಶಗಳನ್ನು ಒಳಗೊಂಡಿರುತ್ತದೆ.

* ಬೆಂಗಳೂರಿನ ಸಂಚಾರ ಮಾಹಿತಿ ಕೇಂದ್ರ (ಬಿ-ಟಿಐಸಿ)- ಕೇಂದ್ರ ನರಮಂಡಲದಂತೆ ಕಾರ್ಯನಿರ್ವಹಿಸುತ್ತದೆ.

* ಬಿಎಂಟಿಸಿ  ಬಸ್ಸುಗಳು, ಟ್ಯಾಕ್ಸಿಗಳು ಮೊದಲಾದವುಗಳಿಗೆ ಜಿಪಿಎಸ್ ಪರೀಕ್ಷಾ ವ್ಯವಸ್ಥೆ. ಇದು ವಾಹನ ಸ್ಥಳ ಮತ್ತು ವೇಗ ಇತ್ಯಾದಿಗಳ ಬಗ್ಗೆ ಬಿ-ಟಿಐಸಿಗೆ ಮಾಹಿತಿ ನೀಡುತ್ತದೆ.
Loading...

* ಕ್ಯೂ-ಉದ್ದ ಅಳತೆ ಸಂವೇದಕಗಳು (ಕ್ಯೂಎಮ್ಎಸ್). ಇದು ಸಂಚಾರ ಸಾಂದ್ರತೆಯನ್ನು ವಿಶ್ಲೇಷಿಸುತ್ತದೆ.

* ಸ್ವಯಂಚಾಲಿತ ಟ್ರಾಫಿಕ್ ಕೌಂಟರ್​ಗಳು ಮತ್ತು ವರ್ಗೀಕರಣಕಾರರು ಟ್ರಾಫಿಕ್ ಸ್ವರೂಪದ ಬಗ್ಗೆ ಬಿ-ಟಿಐಸಿಗೆ ತಿಳಿಸುತ್ತಾರೆ. ಇದರಿಂದ ಸಿಗ್ನಲ್​ಗಳನ್ನು ಸುವ್ಯವಸ್ಥಿತಗೊಳಿಸಬಹುದು.

ಜಪಾನಿನ ಕಂಪನಿಗಳು ಮಾತ್ರ ಈ ಪ್ರಕ್ರಿಯೆಗಾಗಿ ಬಿಡ್​ ಮಾಡಲು(ಹರಾಜು) ಅರ್ಹವಾಗಿವೆ. ಸೆಪ್ಟೆಂಬರ್​ನಲ್ಲಿ ಟೆಂಡರ್​ಗಳನ್ನು ನೀಡಲಾಗುತ್ತಿದ್ದು, ಡಿಸೆಂಬರ್​ 2019 ರೊಳಗೆ ಈ ಅನುಷ್ಠಾನ ಪೂರ್ಣಗೊಳ್ಳಲಿದೆ. 5 ವರ್ಷಗಳ ಕಾಲ ಕಾರ್ಯಾಚರಣೆ ವ್ಯವಸ್ಥೆ ಮತ್ತು ನಿರ್ವಹಣೆಗೆ ಹರಾಜುದಾರ ಜವಾಬ್ದಾರರಾಗಿರುತ್ತಾನೆ.

ಡಿ.ಯು.ಎಲ್​.ಟಿ.ಯ ಅಧಿಕೃತ ಅಧಿಕಾರಿಯೊಬ್ಬರು ಮಾತನಾಡಿ, "ನಾವು 82 ಜಂಕ್ಷನ್​​ಗಳಲ್ಲಿ ಕ್ಯೂಎಮ್​ಎಸ್(QMS)​​ ಅನ್ನು ಸ್ಥಾಪಿಸುತ್ತೇವೆ. ಅಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಸಹ ಅಳವಡಿಸುತ್ತೇವೆ. ಕ್ಯೂಎಮ್ಎಸ್ ವಾಹನಗಳ ಉದ್ದ ಮತ್ತು ಗಾತ್ರವನ್ನು ಅಳೆಯುತ್ತದೆ. ಮತ್ತು ಇದು ಸರಿಯಾದ ಸಂಖ್ಯೆಯನ್ನು ಮತ್ತು ವಾಹನಗಳ ಪ್ರಕಾರವನ್ನು ವಿಶ್ಲೇಷಿಸುತ್ತದೆ. ನಾವು ಪ್ರತಿ ಸೆನ್ಸಾರ್​​​​(ಸಂವೇದಕ)ಗಳನ್ನು 50, 100 ಮತ್ತು 150 ಮೀಟರ್​ಗಳಷ್ಟು ದೂರದಲ್ಲಿ ಅಳವಡಿಸುತ್ತೇವೆ. ಇದರಿಂದಾಗಿ ಇದು ನೈಜ ಸಂಚಾರ ದಟ್ಟಣೆಯನ್ನು ವಿಶ್ಲೇಷಿಸುತ್ತದೆ. ಅಲ್ಲದೇ ಅದು ಸಮಗ್ರ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸೆಂಟರ್ (ಬಿಬಿಎಂಪಿ, ಬಿಎಂಟಿಸಿ ಮತ್ತು ಸಂಚಾರ ಪೊಲೀಸ್) ಅನ್ನು ಅಪ್ಡೇಡ್​​ ಮಾಡುತ್ತದೆ ಎಂದರು.

ಇದರ ಜೊತೆಯಲ್ಲಿ ನಾವು ಸಿಲ್ಕ್ ಬೋರ್ಡ್, ಕೆ.ಆರ್.ಪುರಂ ಸೇತುವೆ ಮತ್ತು ಟ್ರಿನಿಟಿ ಮೆಟ್ರೊ ಸ್ಟೇಷನ್​​ನಲ್ಲಿ ಬದಲಾಯಿಸಲಾಗುವ (ವೇರಿಯಬಲ್) ಮೆಸೇಜ್ ಚಿಹ್ನೆಗಳನ್ನು ಸಹ ಸ್ಥಾಪಿಸುತ್ತೇವೆ. ಅಲ್ಲಿ ಇದು ಸಂಚಾರ ದಟ್ಟಣೆಯನ್ನು ತೋರಿಸುತ್ತದೆ ಮತ್ತು ನಿರ್ದಿಷ್ಟ ಸ್ಥಳಗಳಿಗೆ ಪ್ರಯಾಣಿಸುವ ಸಮಯವನ್ನು ಅಂದಾಜಿಸುತ್ತದೆ. ಇದು ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸೆಂಟರ್​​ನಲ್ಲಿ ಸ್ವೀಕರಿಸಿದ ನೈಜ ಸಮಯದ ಒಳಹರಿವಿನ ಆಧಾರದ ಮೇಲೆ ಕಾಣಿಸುತ್ತದೆ. ಪ್ರಸ್ತುತ ಬಿಎಂಟಿಸಿ  ಮತ್ತು ಸಂಚಾರಿ ಪೊಲೀಸರು ತಮ್ಮ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸಿಸ್ಟಮ್​ಗಳನ್ನು ಹೊಂದಿದ್ದಾರೆ. ಆದರೆ ಈ ನಗರವು ಸಮಗ್ರ ದಟ್ಟಣೆ ನಿರ್ವಹಣಾ ಕೇಂದ್ರವಾಗಿದ್ದು, ನಗರದಲ್ಲಿ ದಟ್ಟಣೆಯನ್ನು ಕಡಿಮೆಗೊಳಿಸುತ್ತದೆ ಎಂದು ಅವರು ಹೇಳಿದರು.

ಜೆಐಸಿಎ(JICA) ನ ಇಂಟೆಲಿಜೆಂಟ್ ಟ್ರಾನ್ಸ್​​ಪೋರ್ಟ್​​ ಸಿಸ್ಟಮ್ಸ್ ಆಗ್ನೇಯ ಏಷ್ಯಾದಲ್ಲಿ ಹಲವಾರು ನಗರಗಳಿಗೆ ಸಹಾಯ ಮಾಡಿದೆ. ಆದರೆ ಜಪಾನ್​ನ ಹೊರಭಾಗದಲ್ಲಿ ಮೋಡೆರಾಟೋ (MODERATO- ಸಂಚಾರ-ಉದ್ದೇಶಿತ ಗಮ್ಯಸ್ಥಾನ ಸಂಬಂಧಿತ ಸಂಚಾರಕ್ಕೆ ಅನುಗುಣವಾಗಿ ನಿರ್ವಹಣೆ) ವ್ಯವಸ್ಥೆಗಳನ್ನು ಸ್ಥಾಪಿಸಲಾಗುವುದು ಎಂದು ಡಿಯುಎಲ್​ಟಿ ಯ ವಿಶೇಷಾಧಿಕಾರಿ ಎನ್.ಮುರಳಿ ಕೃಷ್ಣ ಹೇಳಿದರು.

ಈ ವ್ಯವಸ್ಥೆಯನ್ನು ಎಂ.ಜಿ.ರಸ್ತೆಯ 29 ಜಂಕ್ಷನ್​ಗಳಲ್ಲಿ ಮತ್ತು ಹೊಸೂರು ರೋಡ್​​ನಲ್ಲಿ ಅಳವಡಿಸಲಾಗುವುದು. ಪಾದಚಾರಿಗಳು ರಸ್ತೆ ದಾಟುವ ಮಾರ್ಗಗಳಲ್ಲಿ ಸಿಗ್ನಲ್​ಗಳು ಮತ್ತು ಸಂದರ್ಭಗಳನ್ನು ಒಟ್ಟುಗೂಡಿಸುವ ಮೂಲಕ ಸಂಚಾರ ತೊಂದರೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಮೂಲಭೂತವಾಗಿ ಅದರ ವಿವಿಧ ಘಟಕಗಳ ಮೂಲಕ, ಈ ವ್ಯವಸ್ಥೆಯು ವಾಹನ ಚಾಲಕರಿಗೆ ಕಡಿಮೆ ಸಿಗ್ನಲ್​​​​​​(ಹಸಿರು) ಕಾರಿಡಾರ್​​ನ್ನು ಒದಗಿಸುತ್ತದೆ.

"ರಸ್ತೆಗಳ ಉದ್ದಕ್ಕೂ ಅಳವಡಿಸಲಾದ ಟ್ರಾಫಿಕ್ ಸಿಗ್ನಲ್​ಗಳು ರಸ್ತೆಗಳ ಉದ್ದಕ್ಕೂ ಲೆಕ್ಕಿಸದ ವಾಹನಗಳ ಸ್ಥಿರ ಸಿಗ್ನಲ್ ಟೈಮರ್ ಅನ್ನು ಹೊಂದಿವೆ. ಆದರೆ ಜಪಾನಿನ ತಂತ್ರಜ್ಞಾನದೊಂದಿಗೆ, ಒಂದು ನಿರ್ದಿಷ್ಟ ಜಂಕ್ಷನ್​​​​ನಲ್ಲಿರುವ ರಸ್ತೆಯ ವಾಹನಗಳ ಸಂಖ್ಯೆಯ ಪ್ರಕಾರ ಸಂಕೇತಗಳನ್ನು ಸ್ವಯಂಚಾಲಿತವಾಗಿ ಬದಲಾಯಿಸಲಾಗುತ್ತದೆ. ಉದಾಹರಣೆಗೆ, ರಸ್ತೆಯ ಇನ್ನೊಂದು ಬದಿಯ ಒಂದು ಭಾಗದಲ್ಲಿ ಕಡಿಮೆ ಸಂಖ್ಯೆಯ ವಾಹನಗಳು ಇದ್ದರೆ, ಸಿಗ್ನಲ್ ಸ್ವಯಂಚಾಲಿತವಾಗಿ ಹೆಚ್ಚಿನ ವಾಹನಗಳನ್ನು ಹೊಂದಿರುವ ರಸ್ತೆಯ ಹೆಚ್ಚಿನ ಸಿಗ್ನಲ್ ಸಮಯವನ್ನು ನೀಡುತ್ತದೆ. ಎಂ.ಜಿ.ರೋಡ್​​ನಲ್ಲಿ 12 ಕಡೆ, ಹೊಸೂರು ರಸ್ತೆಯಲ್ಲಿ 9 ಕಡೆ ಹಾಗೂ ಮತ್ತಿತರ 8 ಕಡೆಗಳಲ್ಲಿ ಭಾರಿ ವಾಹನ ದಟ್ಟಣೆಯಾಗುವುದನ್ನು ಗುರುತಿಸಿದ್ದೇವೆ ಎಂದು ಕೃಷ್ಣ ಹೇಳಿದರು.
First published:July 12, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ