Karnataka Budget 2023: ರೈತರ ಓಲೈಕೆಗೆ ಮುಂದಾದ ಸರ್ಕಾರ: ಬಜೆಟ್​ನಲ್ಲಾದ ಪ್ರಮುಖ ಘೋಷಣೆಗಳ ಲಿಸ್ಟ್​ ಹೀಗಿದೆ

ಬೆಂಗಳೂರು(ಫೆ.17): ಕರ್ನಾಟಕದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ (Basavaraj Bommai) ಅವರು ಶುಕ್ರವಾರ ತಮ್ಮ ಎರಡನೇ ಬಜೆಟ್ (Karnataka Budget 2023) ಮತ್ತು ಪ್ರಸ್ತುತ ಅವಧಿಯಲ್ಲಿ ಬಿಜೆಪಿ ಸರ್ಕಾರದ (BJP Govt) ಕೊನೆಯ ಬಜೆಟ್ ಅನ್ನು ಮಂಡಿಸಿದರು . ಚುನಾವಣಾ ವರ್ಷದಲ್ಲಿ ರೈತರನ್ನು ಓಲೈಸುವ ಉದ್ದೇಶದಿಂದ ಮುಖ್ಯಮಂತ್ರಿಗಳು ಬಡ್ಡಿರಹಿತ ಅಲ್ಪಾವಧಿ ಸಾಲದ ಮಿತಿ ಹೆಚ್ಚಳ ಮಾಡಿದ್ದಾರೆ. 

ಬಜೆಟ್​ನಲ್ಲಿ ಮಾಡಲಾದ ಪ್ರಮುಖ ಘೋಷಣೆಗಳ ಪಟ್ಟಿ ಇಲ್ಲಿದೆ ನೋಡಿ

* ರೈತರಿಗೆ ನೀಡಲಾಗುವ ಬಡ್ಡಿ ರಹಿತ ಸಾಲದ ಮಿತಿ 3 ಲಕ್ಷದಿಂದ 5 ಲಕ್ಷಕ್ಕೆ ಏರಿಕೆ

* ಭೂ ಸಿರಿ ಯೋಜನೆ ಮೂಲಕ 50 ಲಕ್ಷ ರೈತರಿಗೆ ಲಾಭ. ಈ ಯೋಜನೆಯಡಿ, ಕಿಸಾನ್ ಕ್ರೆಡಿಟ್ ಕಾರ್ಡ್ ಹೊಂದಿರುವ ರೈತರಿಗೆ 10,000 ರೂಪಾಯಿ ಹೆಚ್ಚುವರಿ ಸಬ್ಸಿಡಿ.

ಇದನ್ನೂ ಓದಿ: Karnataka Budget 2023-24 Live: ಸರ್ಕಾರಿ ಉದ್ಯೋಗಿಗಳ ಆಸೆಗೆ ತಣ್ಣೀರೆರಚಿದ ಬಜೆಟ್​, 7ನೇ ವೇತನ ಆಯೋಗದ ಬಗ್ಗೆ ಸಿಎಂ ಮೌನ

* ರೈತರು ಮತ್ತು ಕುಟುಂಬಗಳಿಗೆ ₹150 ಕೋಟಿ ಮೌಲ್ಯದ ಜೀವನ್ ಜ್ಯೋತಿ ವಿಮಾ ಯೋಜನೆ

* ರೈತರಿಗೆ 100 ಕಟಾವು ಯಂತ್ರಗಳನ್ನು ಖರೀದಿಸುವ ಯೋಜನೆಗೆ 50 ಕೋಟಿ ರೂ

* ಪ್ರತಿ ರೈತ ಉತ್ಪಾದಕ ಸಂಸ್ಥೆಗಳಿಗೆ ರೂ 10 ಲಕ್ಷ ಹೂಡಿಕೆ

* 1,000 ಸಣ್ಣ ಟ್ಯಾಂಕ್‌ಗಳ ಅಭಿವೃದ್ಧಿ

* ಅಂತರ್ಜಲವನ್ನು ಸುಧಾರಿಸುವ ಯೋಜನೆಯಾದ ಜಲ ನಿಧಿಯನ್ನು MNREGAದಡಿ ಸೇರ್ಪಡೆ.

* ಬೆಂಗಳೂರಿನ ಅಭಿವೃದ್ಧಿಗೆ 10,000 ಕೋಟಿ ರೂ ಮೀಸಲು.

* ಅಂಗನವಾಡಿ ಕಾರ್ಯಕರ್ತೆಯರು, ಅಡುಗೆಯವರು, ಆಶಾ ಕಾರ್ಯಕರ್ತೆಯರು ಮತ್ತು ಗ್ರಂಥಪಾಲಕರ ಗೌರವಧನ 1,000 ರೂ ಹೆಚ್ಚಳ

* ಬೊಮ್ಮಾಯಿ ಅವರು 'ಸಿಎಂ ವಿದ್ಯಾ ಶಕ್ತಿ ಯೋಜನೆ'ಯನ್ನು ಘೋಷಿಸಿದರು, ಇದರ ಅಡಿಯಲ್ಲಿ ಸರ್ಕಾರಿ ಪಿಯು ಮತ್ತು ಪದವಿ ಕಾಲೇಜುಗಳಲ್ಲಿ ಉನ್ನತ ಶಿಕ್ಷಣವನ್ನು ಪಡೆಯುವ ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣ. 8 ಲಕ್ಷ ವಿದ್ಯಾರ್ಥಿಗಳಿಗೆ ಅನುಕೂಲವಾಗುವ ಯೋಜನೆ

* ವಿದ್ಯಾರ್ಥಿಗಳಿಗೆ 'ಮಕ್ಕಳ ಬಸ್' ಎಂಬ ಮೀಸಲಾದ ಬಸ್‌ಗಳನ್ನು ನಿರ್ವಹಿಸಲು ರಸ್ತೆ ಸಾರಿಗೆ ನಿಗಮಗಳಿಗೆ ರಾಜ್ಯದಿಂದ 100 ಕೋಟಿ ರೂ.

* ಗ್ರಾಮೀಣ ಸರ್ಕಾರಿ ಕನ್ನಡ ಮಾಧ್ಯಮ ಶಾಲೆಗಳಲ್ಲಿ ಶಾಲೆ ಮುಗಿಸಿ ಸರ್ಕಾರಿ ಕೋಟಾದಡಿ ವೃತ್ತಿಪರ ಕೋರ್ಸ್‌ಗಳಿಗೆ ಆಯ್ಕೆಯಾದ ವಿದ್ಯಾರ್ಥಿಗಳ ಶುಲ್ಕವನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಭರಿಸಲಿದೆ.

* ದೇಶೀಯ ತಳಿ ಮುಧೋಳ ಶ್ವಾನವನ್ನು ಅಭಿವೃದ್ಧಿಪಡಿಸಲು 5 ಕೋಟಿ ರೂಪಾಯಿಗಳ ಯೋಜನೆಯನ್ನು ಘೋಷಿಸಲಾಯಿತು, ಇದರಿಂದಾಗಿ ನಾಯಿ ಪ್ರೇಮಿಗಳು ಅವುಗಳನ್ನು ಮತ್ತಷ್ಟು ದತ್ತು ಪಡೆದುಕೊಳ್ಳಲು ಪ್ರೋತ್ಸಾಹಿಸಿದಂತಾಗುತ್ತದೆ.

* 50 ಕೋಟಿ ವೆಚ್ಚದಲ್ಲಿ 250 'ಶೀ ಟಾಯ್ಲೆಟ್'ಗಳನ್ನು ಸಿಎಂ ಘೋಷಿಸಿದ್ದಾರೆ. ಬೆಂಗಳೂರಿನ ಹೆಚ್ಚಿನ ಜನಸಂಖ್ಯೆಯ ಮಾರುಕಟ್ಟೆಗಳು ಮತ್ತು ಬೃಹತ್ ವಾಣಿಜ್ಯ ಸಂಕೀರ್ಣಗಳಲ್ಲಿ ಶೌಚಾಲಯಗಳನ್ನು ನಿರ್ಮಿಸಲಾಗುವುದು.

* ಸಾಂಕ್ರಾಮಿಕವಲ್ಲದ ರೋಗಗಳ ಆರಂಭಿಕ ಪತ್ತೆಗೆ ಆದ್ಯತೆಯನ್ನು ನೀಡುತ್ತಾ, 45 ಜಿಲ್ಲಾ ಆಸ್ಪತ್ರೆಗಳನ್ನು ಜಯದೇವ ಆಸ್ಪತ್ರೆಗೆ ಮ್ಯಾಪಿಂಗ್ ಮಾಡಲು ಮತ್ತು ಶಿವಮೊಗ್ಗ, ಕಲಬುರ್ಗಿ ಮತ್ತು ಮೈಸೂರಿನಲ್ಲಿ ಕಿದ್ವಾಯಿ ಶಾಖೆಗಳನ್ನು ಪ್ರಾರಂಭಿಸಲು ಬಜೆಟ್​ನಲ್ಲಿ ಪ್ರಸ್ತಾಪಿಸಲಾಗಿದೆ.

ಇದನ್ನೂ ಓದಿ: Karnataka Budget 2023: ಬಣ್ಣ ಬಣ್ಣದ ಘೋಷಣೆ ಮಾಡಿ, ಕಿವಿ ಮೇಲೆ ಹೂ ಇರಿಸುವ ಪ್ರಯತ್ನ; ಬಜೆಟ್​ಗೆ ಕಾಂಗ್ರೆಸ್ ಪ್ರತಿಕ್ರಿಯೆ

* ಆರು ಹೊಸ ಇಎಸ್‌ಐ ಆಸ್ಪತ್ರೆಗಳು, 28 ಸಮುದಾಯ ಆರೋಗ್ಯ ಕೇಂದ್ರಗಳು ಮತ್ತು 10 ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಗಳನ್ನು ಪ್ರಾರಂಭಿಸುವ ಪ್ರಸ್ತಾವನೆಯನ್ನು ಸಿಎಂ ಘೋಷಿಸಿದರು.

* ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯನ್ನು ಮಕ್ಕಳ ಪೋಷಣೆ ಇಲಾಖೆ ಮತ್ತು ಮಹಿಳಾ ಸಬಲೀಕರಣ ಇಲಾಖೆಯಾಗಿ ವಿಭಜಿಸಲಾಗುತ್ತದೆ.

* ಸಿಎಂ ಬೊಮ್ಮಾಯಿ 'ಗೃಹಿಣಿ ಶಕ್ತಿ ಯೋಜನೆ' ಘೋಷಣೆ. ಇದರ ಅಡಿಯಲ್ಲಿ, 'ಶ್ರಮ ಶಕ್ತಿ' ಎಂಬ ಹೊಸ ಯೋಜನೆಯನ್ನು ಪ್ರಾರಂಭಿಸಲಾಗುವುದು, ಡಿಬಿಟಿ ಅಡಿಯಲ್ಲಿ ಭೂರಹಿತ ಮಹಿಳಾ ರೈತ ಕಾರ್ಮಿಕರಿಗೆ ತಿಂಗಳಿಗೆ ತಲಾ 500 ರೂ. ನೀಡಲಾಗುತ್ತದೆ.