Hubballi: ಲೋಕಲ್ ಟಗರಿಗೆ ಭರ್ಜರಿ ಡಿಮ್ಯಾಂಡ್, ವ್ಯಾಪಾರ ಬಲು ಜೋರು!

ಹುಬ್ಬಳ್ಳಿ: ಒಂದಕ್ಕಿಂತ ಒಂದು ರಣಭಯಂಕರ ಟಗರುಗಳು. ಗುಮ್ಮುತ್ತಾ ಡಿಚ್ಚಿ ಹೊಡೆಯೋಕೆ ರೆಡಿ (Ram Fighting) ಆದಂತಿವೆ ಈ ಪಂಟರ್​ಗಳು. ಎಲ್ಲವೂ ಒಂದೇ ಮೈದಾನದಲ್ಲಿ ಹೀಗೆ ಖಡಕ್ ಲುಕ್ ಕೊಡ್ತಿದ್ರೆ ಎಂತವನಿಗೂ ಮೈ ಜುಮ್ ಎನ್ನಬೇಕು. ಟಗರು ಬಂತು ಟಗರು ಅಂತಾ ವ್ಯಾಪಾರಿಗಳು ವ್ಯಾಪಾರ (Ram Market Hubballi) ಶುರು ಮಾಡಿದ್ರೆ, ಗ್ರಾಹಕರು ಮುಗಿ ಬೀಳ್ತಾರೆ.

ಯೆಸ್, ಹೀಗೆ ಗುರಾಯಿಸ್ತಾ ಗುಮ್ಮಿಕ್ಕೋ ಈ ಟಗರುಗಳ ರಾಶಿ ಕಂಡು ಬಂದಿದ್ದು ಹುಬ್ಬಳಿ ಧಾರವಾಡದ ನಡುವೆ ಇರುವ ಭೈರಿದೇವರ ಕೊಪ್ಪದ ಎಪಿಎಂಸಿ ಮಾರ್ಕೆಟ್​ನಲ್ಲಿ. ಇದೆಲ್ಲವೂ ಇಲ್ಲಿನ ಪಕ್ಕಾ ಲೋಕಲ್ ಟಗರುಗಳಾಗಿದ್ದು, ಗ್ರಾಹಕರು ಮುಗಿಬಿದ್ದು ಕೊಂಡೊಯ್ದರು. ಇನ್ನು ವ್ಯಾಪಾರ ವಹಿವಾಟು ಸಖತ್ ಆಗಿ ನಡೆಯಿತು. ಗ್ರಾಹಕರು, ವ್ಯಾಪಾರರ ನಡುವಿನ ಚರ್ಚೆಯೂ ಜೋರಾಗಿಯೇ ಇತ್ತು.

ಇದನ್ನೂ ಓದಿ: Viral Photo: ಈ ಅಭ್ಯರ್ಥಿ ನಿಮಗೆ ಮುಖ ತೋರಿಸದೇ ಪ್ರಚಾರ ಮಾಡ್ತಾರೆ!

ಭರ್ಜರಿ ರೇಟು
ಕಿವಿ, ಹಲ್ಲು, ಸಾಮರ್ಥ್ಯ ಹೀಗೆ ಹಲವು ಮಾನದಂಡಗಳು ಟಗರಿನ ವ್ಯಾಪಾರದಲ್ಲಿ ಪಾತ್ರ ವಹಿಸುತ್ತವೆ. ಬಯಲುಸೀಮೆಯಲ್ಲಿ ಟಗರು ಕಾಳಗ ಜಾಸ್ತಿ ನಡೆಯೋದ್ರಿಂದ, ಆಸಕ್ತರು ಟಗರುಗಳನ್ನ ಖರೀದಿಸಿಕೊಂಡರು. ಇನ್ನು ಬಾಡೂಟ, ಮಾರಿ ಹಬ್ಬಕ್ಕೆ ಈ ಟಗರು ಬಲಿಯನ್ನು ಜಾಸ್ತಿ ಜನ ಇಷ್ಟಪಡೋದ್ರಿಂದ ಒಂದೊಂದು ಟಗರುಗಳು ಹತ್ತು ಸಾವಿರದಿಂದ ಲಕ್ಷದವರೆಗೆ ತೂಗುತ್ತವೆ.

ಎರಡು ಸಾವಿರ ಟಗರು ಉಡೀಸ್!
ಹುಬ್ಬಳ್ಳಿ-ಧಾರವಾಡದ ಸುತ್ತ ಅಷ್ಟೂ ಹಳ್ಳಿಗಳಿಂದ ಪ್ರಾಣಿಗಳು ಇಲ್ಲಿ ಮಾರಾಟವಾಗುತ್ತವೆ. ಸಣ್ಣ ಕಿವಿಯ ಟಗರನ್ನು ಸಾಕಿದರೆ, ದೊಡ್ಡ ಕಿವಿಯ ಟಗರುಗಳನ್ನು  ಬೇಟೆ, ಬಲಿ ಇತ್ಯಾದಿಗೆ ಉಪಯೋಗಿಸುತ್ತಾರೆ.

ಇದನ್ನೂ ಓದಿ: Vande Bharat Express Train: ಕರ್ನಾಟಕದ ಈ ಮೂರು ನಗರಗಳ ನಡುವೆ 2ನೇ ವಂದೇ ಭಾರತ್

ವಾರಾಂತ್ಯದ ಈ ಮಾರ್ಕೆಟ್ ನಲ್ಲಿ ಒಂದೇ ದಿನದಲ್ಲಿ ಎರಡು ಸಾವಿರಕ್ಕೂ ಹೆಚ್ಚು ಟಗರುಗಳು ಮಾರಾಟವಾಗುತ್ತವೆ. ಲಕ್ಷಾಂತರ ರೂಪಾಯಿಯ ವಹಿವಾಟು ಆಗುತ್ತದೆ. ಒಟ್ಟಿನಲ್ಲಿ ಟಗರು ತನ್ನ ಮಾಲೀಕನಿಗೆ ಉತ್ತಮ ಆದಾಯ ತಂದುಕೊಡುವ ಪ್ರಾಣಿಯೇ ಸರಿ.