HOME » NEWS » State » HEALTH MINISTER K SUDHAKAR SAYS COVID CASES RAISING IN BANGALORE SESR

K Sudhakar :ಕೋವಿಡ್​ ಪ್ರಕರಣ ಹೆಚ್ಚಳ: ಇನ್ನೆರಡು ತಿಂಗಳು ಬೆಂಗಳೂರಿನಲ್ಲಿ ಯಾವುದೇ ಪ್ರತಿಭಟನೆ ನಡೆಸದಿರುವುದು ಸೂಕ್ತ

ಹೋರಾಟ ಹತ್ತಿಕ್ಕುವ ಕೆಲಸ ಮಾಡುತ್ತಿಲ್ಲ. ಆದರೆ ಈ ಸಮಯ ಸಂದರ್ಭ ಸರಿಯಿಲ್ಲ. ಇನ್ನೆರಡು ತಿಂಗಳು ಎಚ್ಚರಿಕೆಯಿಂದ ಇರಬೇಕು. ಈ ಬಗ್ಗೆ ಆದೇಶ ಹೊರಡಿಸಲು ಮುಖ್ಯಮಂತ್ರಿಗಳಿಗೆ ಮನವಿ ಮಾಡುತ್ತೇನೆ

news18-kannada
Updated:March 6, 2021, 6:03 PM IST
K Sudhakar :ಕೋವಿಡ್​ ಪ್ರಕರಣ ಹೆಚ್ಚಳ: ಇನ್ನೆರಡು ತಿಂಗಳು ಬೆಂಗಳೂರಿನಲ್ಲಿ ಯಾವುದೇ ಪ್ರತಿಭಟನೆ ನಡೆಸದಿರುವುದು ಸೂಕ್ತ
ಸಚಿವ ಕೆ. ಸುಧಾಕರ್.
  • Share this:
ಬೆಂಗಳೂರು (ಮಾ. 6): ಸಿಲಿಕಾನ್​ ಸಿಟಿಯಲ್ಲಿ ಕೊರೋನಾ ಸೋಂಕಿನ ಪ್ರಕರಣಗಳು ಹೆಚ್ಚಾಗುತ್ತಿರುವ ಹಿನ್ನಲೆ ನಗರದಲ್ಲಿ ಇನ್ನೆರಡು ತಿಂಗಳು ಯಾವುದೇ ಪ್ರತಿಭಟನೆ, ಗುಂಪು ಸೇರುವ ಕ್ರಮಗಳಿಗೆ ತಡೆ ನೀಡುವಂತೆ ತಾಂತ್ರಿಕ ಸಮಿತಿ ಸಲಹೆ ನೀಡಿದೆ ಎಂದು ಆರೋಗ್ಯ ಸಚಿವ ಡಾ. ಕೆ ಸುಧಾಕರ್​ ತಿಳಿಸಿದರು. ನಗರದಲ್ಲಿ ಕೋವಿಡ್​ ಪ್ರಕರಣಗಳು ಏರಿಕೆಯಾಗುತ್ತಿರುವ ಹಿನ್ನಲೆ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ನಗರದಲ್ಲಿ ಪ್ರತಿದಿನ 200ರಿಂದ ಈಗ 450ಕ್ಕೆ ಏರಿಕೆ ಆಗುತ್ತಿದೆ. ಈ ಹಿನ್ನಲೆ ಜನರು ಗುಂಪುಗೂಡುದಂತೆ ಎಚ್ಚರವಹಿಸುವಂತೆ ತಾಂತ್ರಿಕ ಸಲಹಾ ಸಮಿತಿ ಸಲಹೆ  ನೀಡಿದ್ದು, ಅದರ ಪಾಲನೆ ಮಾಡಬೇಕಾಗಿದೆ. ಈ ಕುರಿತು ಸಿಎಂ ಜೊತೆಗೆ ಚರ್ಚಿಸುತ್ತೇನೆ. ಈ ಮೂಲಕ ಹೋರಾಟ ಹತ್ತಿಕ್ಕುವ ಕೆಲಸ ಮಾಡುತ್ತಿಲ್ಲ. ಆದರೆ ಈ ಸಮಯ ಸಂದರ್ಭ ಸರಿಯಿಲ್ಲ. ಇನ್ನೆರಡು ತಿಂಗಳು ಎಚ್ಚರಿಕೆಯಿಂದ ಇರಬೇಕು. ಹೋರಾಟಗಳು ಇನ್ನೆರಡು ತಿಂಗಳು ಕಾಯಬಹುದು. ಈ ಬಗ್ಗೆ ಆದೇಶ ಹೊರಡಿಸಲು ಮುಖ್ಯಮಂತ್ರಿಗಳಿಗೆ ಮನವಿ ಮಾಡುತ್ತೇನೆ ಎಂದರು. 

ಪ್ರಕರಣ ಹೆಚ್ಚುತ್ತಿರುವ ಬೆಂಗಳೂರಿನ 12 ಕ್ಲಸ್ಟರ್​ಗಳು ಗುರುತು ಮಾಡಲಾಗಿದ್ದು, ಈವರೆಗೆ 30 ಸಾವಿರ ಕೋವಿಡ್​ ಪರೀಕ್ಷೆ ಮಾಡಲಾಗಿದೆ. ಇನ್ಮೇಲೆ ದಿನಕ್ಕೆ 40 ಸಾವಿರ ಟೆಸ್ಟ್​ ಗುರಿ ಇದ್ದು, ತಿಂಗಳ ಮಟ್ಟಿಗೆ ಗುಂಪು ಸೇರಿ ಬರಬೇಡಿ. ಬೆಂಗಳೂರಿಗೆ ಗುಂಪಾಗಿ ಯಾರೂ ಬರಬೇಡಿ. ಮದುವೆಗಳಲ್ಲಿ 500 ಜನರಿಗಿಂತ ಮೀರಬಾರದು. ಮದುವೆ ಮನೆಗಳಲ್ಲಿ ಮಾರ್ಷಲ್​ಗಳ ಸಂಖ್ಯೆ ಹೆಚ್ಚಿಸಲಾಗುವುದು. ಪೊಲೀಸರೂ ಈ ನಿಟ್ಟಿನಲ್ಲಿ ಕಣ್ಣಿಡಲಿದ್ದಾರೆ ಎಂದರು.

ಇದನ್ನು ಓದಿ: ಇಷ್ಟಾರ್ಥ ಫಲಿಕೆ: ಆರಾಧ್ಯ ದೈವ ನೊಣವಿನಕೆರೆ ಅಜ್ಜಯ್ಯನ ದರ್ಶನ ಪಡೆದ ಡಿಕೆಶಿ

ಲಸಿಕೆಯ ವಿತರಣೆ, ಶೇಖರಣೆಗೆ ಎಲ್ಲಾ ವ್ಯವಸ್ಥೆ ಆಗಿದೆ.ಬೆಂಗಳೂರು ನಗರ, ದ.ಕ, ಮೈಸೂರು, ಚಾಮರಾಜನಗರ, ಉಡುಪಿ, ಕೊಡಗು, ಬೆಳಗಾವಿ, ತುಮಕೂರು ಜಿಲ್ಲೆಗಳಲ್ಲಿ ಪ್ರಕರಣ ಹೆಚ್ಚಾಗುತ್ತಿದ್ದು, ಈ ಜಿಲ್ಲೆಗಳಲ್ಲಿ ಕೋವಿಡ್​ ಬಿಗಿ ನಿಯಮ ಪಾಲನೆ ಮಾಡಬೇಕು ಎಂದರು.

ಬೆಂಗಳೂರಿನಲ್ಲಿ ಪ್ರಕರಣಗಳು ಹೆಚ್ಚದಂತೆ ನೋಡಿಕೊಳ್ಳುವ ಪ್ರಯತ್ನ ಮಾಡಲಾಗುತ್ತದೆ. 300 ಆಸ್ಪತ್ರೆಗಳಲ್ಲಿ ತರಬೇತಿ ನೀಡಲಾಗಿದೆ. ನಿನ್ನೆ 11 ಸಾವಿರ ಜನ ಬೆಂಗಳೂರು ಜನ ಲಸಿಕೆ ತೆಗೆದುಕೊಂಡಿದ್ದಾರೆ . ಇನ್ನು 60 ದಿನಗಳಲ್ಲಿ ಎಲ್ಲರೂ ಲಸಿಕೆ ಪಡೆದರೆ ಅತೀ ಹೆಚ್ಚು ಜನರಿಗೆ ಲಸಿಕೆ ನೀಡಿದ ರಾಜ್ಯ ನಮ್ಮದಾಗುತ್ತದೆ. ಮಹಾರಾಷ್ಟ್ರ ಮತ್ತು ಕೇರಳದ ಅಪಾಯದಿಂದ ನಾವು ತಪ್ಪಿಸಿಕೊಳ್ಳಬೇಕು. ಸರ್ಕಾರ ಆ ನಿಟ್ಟಿನಲ್ಲಿ ಹೆಚ್ಚಿನ ಕೆಲಸ ಮಾಡುತ್ತಿದೆ ಎಂದರು.
Published by: Seema R
First published: March 6, 2021, 6:03 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories