Hassan Ticket Fight: 2018ರ ಹೆಚ್​ಡಿಕೆ ತಂತ್ರವನ್ನೇ ಪ್ರಯೋಗಿಸಿದ್ರಾ ಹೆಚ್​​ಡಿ ರೇವಣ್ಣ?

ಬೆಂಗಳೂರು: ಹಾಸನ ಟಿಕೆಟ್ (Hassan Ticket) ಗೊಂದಲ ಜೆಡಿಎಸ್​ಗೆ (JDS) ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಟಿಕೆಟ್ ಕಗ್ಗಂಟಿನ ಬೆನ್ನಲ್ಲೇ ದೇವೇಗೌಡರ (Former PM HD Deve gowda) ನಿವಾಸಕ್ಕೆ ಮಾಜಿ ಸಚಿವ ಹೆಚ್.ಡಿ. ರೇವಣ್ಣ (Former Minister HD Revanna) ಆಗಮಿಸಿದ್ದರು. ಎರಡನೇ ಪಟ್ಟಿ ಘೋಷಣೆಗೂ ಮುನ್ನ ರೇವಣ್ಣ ಆಗಮಸಿ ಸಭೆ ನಡೆಸಿದ್ದಾರೆ. ಈ ವೇಳೆ ಭವಾನಿಗೆ (Bhavani Revanna) ಟಿಕೆಟ್​ ಕೊಡದೇ ಇದ್ದರೂ ಪರವಾಗಿಲ್ಲ. ನನಗೆ ಮಾತ್ರ ಹಾಸನ, ಹೊಳೆನರಸೀಪುರ ಎರಡೂ ಕಡೆ ಟಿಕೆಟ್ ಕೊಡಿ ಅನ್ನೋ ಬೇಡಿಕೆ ಇಟ್ಟದ್ದಾರೆ ಎನ್ನಲಾಗಿದೆ. ಕೊನೆಗೆ  ದೇವೇಗೌಡರ ನಿರ್ಧಾರವೇ ಅಂತಿಮ ಎಂದು ರೇವಣ್ಣ ವಾಪಸ್​ ತೆರಳಿದ್ದಾರೆ.

ಇನ್ನು, 2018ರಲ್ಲಿ ಕುಮಾರಸ್ವಾಮಿ ರಾಮನಗರ, ಚನ್ನಪಟ್ಟಣ ಸ್ಪರ್ಧಿಸಿದ್ದರು. ಎರಡು ಕಡೆ ಗೆದ್ದ ಬಳಿಕ ರಾಮನಗರ ಕ್ಷೇತ್ರ ಪತ್ನಿ ಅನಿತಾ ಕುಮಾರಸ್ವಾಮಿ ಅವರಿಗೆ ಬಿಟ್ಟುಕೊಟ್ಟಿದ್ದರು. ಅದೇ ಮಾದರಿಯಲ್ಲಿ ಹಾಸನ, ಹೊಳೆನರಸೀಪುರಕ್ಕೆ ರೇವಣ್ಣ ಅರ್ಜಿ ಹಾಕಿದ್ರಾ ಅನ್ನೋ ಪ್ರಶ್ನೆ ಮೂಡಿದೆ.

ಹೆಚ್​​ಡಿಕೆ ಸ್ಪಷ್ಟನೆ

ಇದೇ ರೀತಿ ಎರಡೂ ಕ್ಷೇತ್ರಗಳಲ್ಲಿ ಗೆದ್ದ ಬಳಿಕ ಹಾಸನವನ್ನು ಪತ್ನಿ ಭವಾನಿ ರೇವಣ್ಣ ಅವರಿಗೆ ಬಿಟ್ಟುಕೊಡುವ ಯೋಚನೆಯಲ್ಲಿ ರೇವಣ್ಣ ಇದ್ದಾರಂತೆ ಎಂದು ಹೇಳಲಾಗುತ್ತಿದೆ. ಮಾಜಿ ಸಿಎಂ ಹೆಚ್​​ಡಿ ಕುಮಾರಸ್ವಾಮಿ ಮಾತ್ರ ಕಾರ್ಯಕರ್ತರಿಗೆ ಹಾಸನದ ಟಿಕೆಟ್ ನೀಡಲಾಗುವುದು. ನನ್ನ ನಿಲುವಿನಲ್ಲಿ ಯಾವುದೇ ಬದಲಾವಣೆಗಳಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಇಂದಿನಿಂದ HDD ಪ್ರಚಾರ

ರಾಜ್ಯ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಮೂರೂ ಪಕ್ಷಗಳು ಗೆಲ್ಲಲೇಬೇಕೆಂಬ ಪಣ ತೊಟ್ಟಿದೆ. ಈ ಹಿನ್ನೆಲೆಯಲ್ಲಿ  ಅಬ್ಬರದ ಪ್ರಚಾರಗಳು ನಡೆಯುತ್ತಿದ್ದು, ಇಂದಿನಿಂದ ಮಾಜಿ ಪ್ರಧಾನಿ ಜೆಡಿಎಸ್ ವರಿಷ್ಠ ಹೆಚ್​.ಡಿ ದೇವೇಗೌಡರು, ರಾಜ್ಯದ ವಿವಿಧೆಡೆ ಚುನಾವಣಾ ಪ್ರಚಾರ ಆರಂಭಿಸಲಿದ್ದಾರೆ.

ಇದನ್ನೂ ಓದಿ: Hassan Ticket Fight: ಸಿಂ‘ಹಾಸನ’ ಕ್ಷೇತ್ರ ಕದನ; ಎಚ್​ಡಿಕೆ ಸೈಲೈಂಟ್​ ಗೇಮ್​ಗೆ ರೇವಣ್ಣ ಪ್ರತ್ಯೇಕ ಪ್ಲ್ಯಾನ್​!

ಹಳೇ ಮೈಸೂರು ಭಾಗದ ಮಂಡ್ಯ, ಹಾಸನ, ಕೋಲಾರ, ರಾಮನಗರ, ಕೋಲಾರ, ಚಿಕ್ಕಮಗಳೂರು, ಚಿಕ್ಕಬಳ್ಳಾಪುರ, ತುಮಕೂರು ಜಿಲ್ಲೆಗಳಲ್ಲಿ ಪ್ರಚಾರ ಮಾಡಲಿದ್ದಾರೆ. ಅಲ್ಲದೇ ಉತ್ತರ ಕರ್ನಾಟಕ ಭಾಗದಲ್ಲೂ ದೇವೇಗೌಡರು ಪ್ರಚಾರ ಮಾಡಲಿದ್ದಾರೆ ಎನ್ನಲಾಗಿದೆ.