Viral Video: ಬಂಡೀಪುರದಲ್ಲಿ ಆನೆ ಮೇಲೆ ಫೈರಿಂಗ್; ಮಾನವೀಯತೆ ಮರೆತ ಅರಣ್ಯ ಇಲಾಖೆ ಸಿಬ್ಬಂದಿ ಅಮಾನತು

ಬೆಂಗಳೂರು (ಮಾ. 12): ಬಂಡೀಪುರ ಹುಲಿ ರಕ್ಷಿತಾರಣ್ಯದಲ್ಲಿ ಅರಣ್ಯ ಇಲಾಖೆ ಸಿಬ್ಬಂದಿಯೇ ಆನೆಗೆ ಗುಂಡು ಹಾರಿಸಿ, ಅದನ್ನು ವಿಡಿಯೋ ಮಾಡಿ ವಿಕೃತಿ ಮೆರೆದಿದ್ದಾರೆ. ತಮಾಷೆಗಾಗಿ ಆನೆಯ ಮೇಲೆ ಗುಂಡು ಹಾರಿಸಿ, ಅದನ್ನು ಹೆದರಿಸಿ, ಓಡಿಸಿದ ಸಿಬ್ಬಂದಿಯ ಅಮಾನವೀಯ ವರ್ತನೆಗೆ ಭಾರೀ ಆಕ್ರೋಶ ವ್ಯಕ್ತವಾಗಿದೆ. ವಿಡಿಯೋ ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ಅರಣ್ಯ ಇಲಾಖೆ ಅಧಿಕಾರಿಗಳು ಆ ಸಿಬ್ಬಂದಿಯನ್ನು ಅಮಾನತುಗೊಳಿಸಿದ್ದಾರೆ.

ಬಂಡೀಪುರ ಅಭಯಾರಣ್ಯದ ಯಡಿಯಾಲ ವಲಯದಲ್ಲಿ ಈ ಘಟನೆ ನಡೆದಿತ್ತು. ಜೀಪಿನಲ್ಲಿ ಗಸ್ತು ತಿರುಗುತ್ತಿದ್ದ ಅರಣ್ಯ ಇಲಾಖೆ ಸಿಬ್ಬಂದಿ ರಹೀ ಎಂಬಾತ ಈ ಕೃತ್ಯ ಎಸಗಿದ್ದ. ಅರಣ್ಯ ಇಲಾಖೆ ಅಳವಡಿಸಿದ್ದ ರೈಲ್ವೆ ಬ್ಯಾರಿಕೇಡ್ ಒಳಗಿದ್ದ ಒಂಟಿ ಆನೆ ಓಡಿಬರುತ್ತಿದ್ದಾಗ ಅದಕ್ಕೆ ಫೈರಿಂಗ್ ಮಾಡಿದ್ದ ರಹೀಂ ಜೋರಾಗೆ ಕೇಕೆ ಹಾಕಿ ನಗುತ್ತಿದ್ದ ವಿಡಿಯೋ ವೈರಲ್ ಆಗಿತ್ತು. ಗುಂಡಿನ ಸದ್ದಿಗೆ ಹೆದರಿದ್ದ ಆನೆ ಘೀಳಿಡುತ್ತಾ ಕಾಡಿನೊಳಗೆ ಓಡಿಹೋಗಿತ್ತು. ಅದನ್ನು ಇನ್ನೋರ್ವ ಸಿಬ್ಬಂದಿ ವಿಡಿಯೋ ಮಾಡಿಕೊಂಡಿದ್ದ.

ಇದನ್ನೂ ಓದಿ: ತುಮಕೂರಿನಂತೆಯೇ ಚಿಕ್ಕಮಗಳೂರಿನಲ್ಲೂ ಅಮಾನವೀಯ ಘಟನೆ; 4 ಎಕರೆ ಜಾಗದಲ್ಲಿ ಹೂ ಬಿಟ್ಟ ಕಾಫಿ ಗಿಡಗಳು ನೆಲಸಮ

ಆ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಅಲ್ಲದೆ, ಅರಣ್ಯ ಇಲಾಖೆಯ ಸಿಬ್ಬಂದಿಯ ವರ್ತನೆ ಭಾರೀ ಚರ್ಚೆಗೆ ಒಳಗಾಗಿತ್ತು. ಬ್ಯಾರಿಕೇಡ್​ನ ಹೊರಗೆ ರಸ್ತೆಯಲ್ಲಿ ಸಾಗುತ್ತಿದ್ದ ಜೀಪಿನೊಳಗಿದ್ದ ಸಿಬ್ಬಂದಿ ಆನೆಗೆ ಗುರಿ ಇಟ್ಟು ಶೂಟ್ ಮಾಡುವ ದೃಶ್ಯ ವೈರಲ್ ಆಗಿತ್ತು. ಮಾರ್ಚ್​ 7ರಂದು ಈ ಘಟನೆ ನಡೆದಿತ್ತು.

How’s this even possible? Is this really someone’s idea of fun ?? Karnataka FD , please look into the matter urgently. The culprits need to nabbed and punished immediately @aranya_kfd @moefcc @CentralIfs pic.twitter.com/phDKCxhn0L

— Randeep Hooda (@RandeepHooda) March 11, 2020

ರಬ್ಬರ್ ಬುಲೆಟ್​ನಿಂದ ಆನೆಗೆ ಶೂಟ್ ಮಾಡಿದ್ದ ಅರಣ್ಯ ಇಲಾಖೆ ಸಿಬ್ಬಂದಿ ರಹೀಂ ಗುತ್ತಿಗೆ ಆಧಾರದಲ್ಲಿ ಬಂಡೀಪುರದಲ್ಲಿ ಕೆಲಸ ಮಾಡುತ್ತಿದ್ದ. ಆನೆಗೆ ಗುಂಡು ಹಾರಿಸಿರುವ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಆತನನ್ನು ಕೆಲಸದಿಂದ ವಜಾಗೊಳಿಸಲಾಗಿದೆ. ಹಾಗೇ, ಈ ವಿಡಿಯೋ ಮಾಡಿದ್ದ ಇನ್ನೋರ್ವ ಸಿಬ್ಬಂದಿ ಉಮೇಶ್ ವಿರುದ್ಧ ತನಿಖೆಗೆ ಆದೇಶಿಸಲಾಗಿದೆ.

Umesh, who shared the video on social media, was engaged in filming the incident.
"We have removed Rahim, a temporary staff. We will take action against Umesh, a regular employee of the department, after an internal enquiry," said Bandipur field director T Balchandra.

— Randeep Hooda (@RandeepHooda) March 11, 2020

ಇದನ್ನೂ ಓದಿ: ಕೊಯಮತ್ತೂರಿನಲ್ಲಿ ತೀರ್ಥಹಳ್ಳಿ ಮೂಲದ ನಕ್ಸಲ್ ಶೋಭಾ ಬಂಧನ

ಬಂಡೀಪುರದಲ್ಲಿ ಆನೆಯ ಮೇಲೆ ಗುಂಡು ಹಾರಿಸುತ್ತಿರುವ ವಿಡಿಯೋವನ್ನು ಬಾಲಿವುಡ್ ನಟ ರಣದೀಪ್ ಹೂಡಾ ಕೂಡ ಟ್ವಿಟ್ಟರ್​ನಲ್ಲಿ ಶೇರ್ ಮಾಡಿಕೊಂಡಿದ್ದರು. ಕರ್ನಾಟಕ ಅರಣ್ಯ ಇಲಾಖೆಗೆ ಟ್ವಿಟ್ಟರ್​ನಲ್ಲಿ ಟ್ಯಾಗ್ ಮಾಡಿದ್ದ ಅವರು, ಆ ಸಿಬ್ಬಂದಿಗೆ ಕೂಡಲೇ ಶಿಕ್ಷೆ ನೀಡಿ, ಪ್ರಾಣಿಗಳ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡುವಂತೆ ಮನವಿ ಮಾಡಿದ್ದರು.

The method adopted reeks of immaturity. One is they dont need to shoot towards the direction of the elephant.Secondly, the thrill they derive of the act is clearly evident.If the act was correct in the eyes of the forest,they wouldnt have made this comment to a bangalore scribe

— Randeep Hooda (@RandeepHooda) March 11, 2020

ಫೈರಿಂಗ್ ಮಾಡಿದ್ದ ರಹೀಂನನ್ನು ಅಮಾನತುಗೊಳಿಸಿರುವ ವಿಷಯವನ್ನೂ ಟ್ವೀಟ್ ಮಾಡಿರುವ ರಣದೀಪ್ ಹೂಡಾ, ಗುತ್ತಿಗೆ ಆಧಾರದಲ್ಲಿ ನಿಯೋಜನೆಗೊಂಡಿದ್ದ ರಹೀಂನನ್ನು ಅಮಾನತುಗೊಳಿಸಲಾಗಿದೆ. ಆತನನ್ನು ತಡೆಯುವುದು ಬಿಟ್ಟು ವಿಡಿಯೋ ಮಾಡುತ್ತಿದ್ದ ಖಾಯಂ ಉದ್ಯೋಗಿ ಉಮೇಶ್​ನನ್ನು ತನಿಖೆಗೆ ಒಳಪಡಿಸಲಾಗಿದೆ ಎಂದು ಬಂಡೀಪುರ ವಲಯ ನಿರ್ದೇಶಕ ಟಿ. ಬಾಲಚಂದ್ರ ತಿಳಿಸಿದ್ದಾರೆ ಎಂದು ಟ್ವಿಟ್ ಮಾಡಿದ್ದಾರೆ.