Chikkamagaluru: ಇವಿಎಂ ಯಂತ್ರಗಳನ್ನೇ ಮರೆತು ಹೋದ ಅಧಿಕಾರಿಗಳು; ಸಾರ್ವಜನಿಕರಿಂದ ಆಕ್ರೋಶ

ಚಿಕ್ಕಮಗಳೂರು: ಕರ್ನಾಟಕ ವಿಧಾನಸಭಾ ಚುನಾವಣೆಯ (Karnataka Assembly Election 2023) ಮತದಾನ ಮುಕ್ತಾಯಗೊಂಡಿದ್ದು, ಅಭ್ಯರ್ಥಿಗಳ ಭವಿಷ್ಯ ಇವಿಎಂನಲ್ಲಿ (EVM) ಭದ್ರವಾಗಿದ್ದು, ಸ್ಟ್ರಾಂಗ್ ರೂಮ್ (Strong Room) ಸೇರಿಕೊಂಡಿದೆ. ಮತದಾನ ಪ್ರಕ್ರಿಯೆ ಆರಂಭಗೊಂಡ ಕ್ಷಣದಿಂದ ಇವಿಎಂ ಯಂತ್ರವನ್ನು ಹಸ್ತಾಂತರಿಸುವಾಗ ಚುನಾವಣಾಧಿಕಾರಿಗಳು (Election Officer) ಫುಲ್ ಅಲರ್ಟ್ ಆಗಿರಬೇಕು. ಆದರೆ ಚಿಕ್ಕಮಗಳೂರು ನಗರದ (Chikkamagaluru City) ಮತಗಟ್ಟೆಯಲ್ಲಿ ಅಧಿಕಾರಿಗಳು ಇವಿಎಂ ಯಂತ್ರಗಳನ್ನು ಮರೆತು ಹೋಗಿರುವ ಘಟನೆ ನಡೆದಿದೆ ಎಂದು ವಿಜಯವಾಣಿ ವರದಿ ಮಾಡಿದೆ. ಚಿಕ್ಕಮಗಳೂರು ನಗರದ ಪೆನ್ಷನ್ ಮೊಹಲ್ಲಾದ 168ರಲ್ಲಿ ಮತಯಂತ್ರಗಳನ್ನು ಬಿಟ್ಟು ಹೋಗಿದ್ದರು. ಮತಯಂತ್ರಗಳನ್ನು ಗಮನಿಸಿದ ಪಕ್ಷದ ಚುನಾವಣಾ ಏಜೆಂಟ್​ಗಳು (Election Agents) ಕೂಡಲೇ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.

ವಿಷಯ ತಿಳಿಯುತ್ತಲೇ ದೌಡಾಯಿಸಿದ ಅಧಿಕಾರಿಗಳು ಮತಗಟ್ಟೆಗೆ ಬಂದು ಇವಿಎಂ ಯಂತ್ರಗಳನ್ನು ತೆಗೆದುಕೊಂಡು ತೆರಳಿದ್ದಾರೆ. ಚುನಾವಣಾ ಅಧಿಕಾರಿಗಳ ನಿರ್ಲಕ್ಷ್ಯಕ್ಕೆ ರಾಜಕೀಯ ಪಕ್ಷದ ಏಜೆಂಟ್​​​ರು ಆಕ್ರೋಶ ಹೊರ ಹಾಕಿದ್ದಾರೆ.

ಇವಿಎಂ ಮರೆತು ಹೋದ ಅಧಿಕಾರಿಗಳು

ಪೆನ್ಷನ್ ಮೊಹಲ್ಲಾದ ಕಾಲೇಜಿನಲ್ಲಿ 168 ಮತ್ತು 169 ಎರಡು ಮತಗಟ್ಟೆ ಸ್ಥಾಪಿಸಲಾಗಿತ್ತು. ಮತದಾನದ ಬಳಿಕ 169ರ ಮತಗಟ್ಟೆಯ ಇವಿಎಂಗಳನ್ನು ಮಾತ್ರ ತೆಗೆದುಕೊಂಡು ಹೋಗಲಾಗಿತ್ತು. 168 ಮತಗಟ್ಟೆಯ ಇವಿಎಂಗಳನ್ನು ಮರೆತು ಹೋಗಿದ್ದಾರೆ.

ಚುನಾವಣಾಧಿಕಾರಿಗಳಿಗೆ ಎಚ್ಚರಿಕೆ

ವಿಷಯ ತಿಳಿಯುತ್ತಲೇ ಪೊಲೀಸ್ ಸಿಬ್ಬಂದಿ ಜೊತೆ ಚುನಾವಣಾಧಿಕಾರಿಗಳು ಇವಿಎಂ ಯಂತ್ರಗಳನ್ನು ತೆಗೆದುಕೊಂಡು ಹೋಗಿದ್ದಾರೆ.

ಇವಿಎಂ ಮರೆತ ಅಧಿಕಾರಿಗಳು

ಇದನ್ನೂ ಓದಿ:  Exit Poll: ಕಾಂಗ್ರೆಸ್​ ಪಕ್ಷಕ್ಕೆ ಮ್ಯಾಜಿಕ್​ ನಂಬರ್​ಗಿಂತಲೂ ಹೆಚ್ಚು ಸ್ಥಾನ! ಹಸ್ತಕ್ಕೆ ಸ್ವತಂತ್ರ ಪಕ್ಷವಾಗಿ ಅಧಿಕಾರ ಎಂದ Axis My India ಸಮೀಕ್ಷೆ

ಪೆನ್ಷನ್​ ಮೊಹಲ್ಲಾದಲ್ಲಿ 700ಕ್ಕೂ ಅಧಿಕ ಮತಗಳಿವೆ. ಫಲಿತಾಂಶದ ದಿನ ಇಲ್ಲಿಯ ಯಂತ್ರಗಳಲ್ಲಿ ಯಾವುದೇ ಮೋಸ ನಡೆಯಬಾರದು ಎಂದು ಪಕ್ಷದ ಚುನಾವಣಾ ಏಜೆಂಟ್​​ಗಳು ಅಧಿಕಾರಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ.