ತೇಜಸ್ ವಿಮಾನಗಳ ರಫ್ತಿಗೆ ಅನುಮತಿ ನೀಡಿದ ರಕ್ಷಣಾ ಇಲಾಖೆ; ಮತ್ತೊಂದು ತಯಾರಿಕಾ ಘಟಕ ಆರಂಭಿಸಲು ಎಚ್​​ಎಎಲ್​ ಚಿಂತನೆ 

ಬೆಂಗಳೂರು(ಫೆ.04): ಇಂದು ಎಚ್ ಎ ಎಲ್ ಸಿಎಂಡಿ ಆರ್ ಮಾಧವನ್ ಅವರು ಪತ್ರಿಕಾ ಗೋಷ್ಠಿ ನಡೆಸಿ ಮಾಹಿತಿ ನೀಡಿದರು. ವಹಿವಾಟು ಹೆಚ್ಚಿಸಿಕೊಳ್ಳುವ ಉದ್ದೇಶ ಈ ಬಾರಿ ಪ್ರಮುಖವಾಗಿದೆ. ದೇಸೀ ತಯಾರಿಕೆಗೆ ಹೆಚ್ಚು ಒತ್ತು ಕೊಡಲಾಗಿದೆ. ಎಚ್ಎಎಲ್ ತನ್ನ ಡಿಸೈನ್ ಮತ್ತು ತಯಾರಿಕೆಗೆ ಪ್ರಾಮುಖ್ಯತೆ ನೀಡಿದೆ. ಏರೋ ಇಂಡಿಯಾದಲ್ಲಿ ಉತ್ತಮ‌ ವಹಿವಾಟಿನ ಮಾತುಕತೆ ಆಗಿದೆ. ಎಚ್ ಎ ಎಲ್ ಉತ್ಪನ್ನಗಳಿಗೆ ಒಳ್ಳೆ ಬೇಡಿಕೆ ಬಂದಿದೆ. ಈಗಾಗಲೇ ಇರುವ ತಂತ್ರಜ್ಞಾನಗಳನ್ನು ಅಪ್ ಗ್ರೇಡ್ ಮಾಡಿದ್ದೇವೆ. ಕೋವಿಡ್ ನಿಂದ ಮೊದಲ ತ್ರೈಮಾಸಿಕ ಬಹಳ ದುರ್ಬಲವಾಗಿತ್ತು. ಈಗ ಉತ್ತಮವಾಗಿ ಸುಧಾರಿಸಿಕೊಂಡಿದ್ದೇವೆ ಎಂದರು.

ಎಚ್​​​ಎಎಲ್​ 16 ಎಲ್​​​​ಸಿಎ ಗಳ ಬೃಹತ್ ಆರ್ಡರ್ ಪಡೆದಿದೆ. ಇದು 36 ಸಾವಿರ ಕೋಟಿಯ ಆರ್ಡರ್ ಆಗಿದೆ.  ಇನ್ನು ಎಚ್​​​ಎಎಲ್​​ 36 ತಿಂಗಳ ನಂತರ ಮೊದಲ ಆರ್ಡರ್ ಡೆಲಿವರಿ ಮಾಡಿದೆ. ಮೊದಲು ಎರಡು ಎಲ್ ಸಿ ಎ, ನಂತರ 6 ವರ್ಷಗಳಲ್ಲಿ ಉಳಿದ ಎಲ್ ಸಿ ಎ ಡೆಲಿವರಿ ಆಗಲಿದೆ. ಗರಿಷ್ಠ 9 ವರ್ಷ ಸಮಯದೊಳಗೆ ಅಷ್ಟೂ ಡೆಲಿವರಿ ಆಗಲಿದೆ.  2024ರಲ್ಲಿ ಎಚ್​​ಎಎಲ್​​ ಮೊದಲನೇ ಆರ್ಡರ್ ನೀಡಲಿದೆ.  ಕ್ಯಾಟ್ಸ್ ಗೆ ಪ್ರಾಥಮಿಕ ಹಂತದಲ್ಲಿ 400 ಕೋಟಿ ರೂಪಾಯಿ ಹೂಡಿಕೆ ಮಾಡಲಾಗಿದೆ ಎಂದು ಹೇಳಿದರು.

Gold Price Today: ಯಥಾಸ್ಥಿತಿ ಕಾಯ್ದುಕೊಂಡ ಚಿನ್ನದ ಬೆಲೆ; ಬೆಳ್ಳಿ ದರದಲ್ಲಿ ಇಳಿಕೆ

ಎಚ್​​ಎಎಲ್​​​ ಏರ್ ಫೋರ್ಸ್ ಗೆ 83 ತೇಜಸ್ ವಿಮಾನಗಳನ್ನು ನೀಡುತ್ತಿದೆ. ರಕ್ಷಣಾ ಇಲಾಖೆಯು ತೇಜಸ್ ರಫ್ತಿಗೆ ಅನುಮತಿ ನೀಡಿದೆ. ಸೌತ್ ಈಸ್ಟ್ ಏಷ್ಯಾ ದೇಶಗಳು ತೇಜಸ್ ಕೊಳ್ಳಲು ಆಸಕ್ತಿ ತೋರಿವೆ. ಮತ್ತೊಂದು ತೇಜಸ್ ತಯಾರಿಕಾ ಘಟಕ ಆರಂಭಿಸಿಲು ಎಚ್ ಎ ಎಲ್ ಚಿಂತನೆ ಮಾಡಿದೆ. ಎಚ್ ಎ ಎಲ್ ತಯಾರಿಸಿರುವ ಎಲ್ ಯು ಎಚ್ (ಲೈಟ್ ಯುಟಿಲಿಟಿ ಹೆಲಿಕಾಪ್ಟರ್) ಗಳ 12 ಹೆಲಿಕಾಪ್ಟರ್ ಗಳಿಗೆ ಆರ್ಡರ್ ಬಂದಿದೆ ಎಂದರು.

ಇನ್ನೂ 200 ಹೆಲಿಕಾಪ್ಟರ್ ಗಳಿಗೆ ರಿಕ್ವೈರ್ಮೆಂಟ್ ಇದೆ.  ರಫೇಲ್ ತಯಾರಿಸೋ ತಾಕತ್ತು ಎಚ್ ಎ ಎಲ್ ಗೆ ಇದೆ.  ಆದ್ರೆ ಡಾಸ್ಸು ಮತ್ತು ಎಚ್ ಎ ಎಲ್ ನಡುವಿನ ಒಡಂಬಡಿಕೆ ಮಾನದಂಡಗಳು ನಮಗೆ ಇಷ್ಟವಾಗಲಿಲ್ಲ.  ಕೋರ್ ಟೆಕ್ನಾಲಜಿ ನೀಡಲು ಅವರು ಸಿದ್ಧರಿರಲಿಲ್ಲ. ಬರೀ ಅಸೆಂಬ್ಲಿ ಮಾಡೋಕೆ ನಾವು ರೆಡಿ ಇರ್ಲಿಲ್ಲ ಹಾಗಾಗಿ ಅದು ಸರಿ  ಬರಲಿಲ್ಲ ಎಂದು ಹೇಳಿದರು.