• Home
  • »
  • News
  • »
  • state
  • »
  • Covid 19 Update: ರಾಜ್ಯದಲ್ಲೂ BF.9 ಒಮಿಕ್ರಾನ್ ಭೀತಿ; ಬೆಂಗಳೂರಿಗೆ ಬಂದಿಳಿದ 7 ಮಂದಿಗೆ ಕೋವಿಡ್​​ ದೃಢ

Covid 19 Update: ರಾಜ್ಯದಲ್ಲೂ BF.9 ಒಮಿಕ್ರಾನ್ ಭೀತಿ; ಬೆಂಗಳೂರಿಗೆ ಬಂದಿಳಿದ 7 ಮಂದಿಗೆ ಕೋವಿಡ್​​ ದೃಢ

ಕೋವಿಡ್-19

ಕೋವಿಡ್-19

10ಕ್ಕೂ ಹೆಚ್ಚು ದೇಶಗಳ ಕೊರೊನಾ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಅದರಲ್ಲೂ ಬಿಎಫ್​​-7 ರೂಪಾಂತರಿ ವ್ಯಾಪಕವಾಗಿ ಹರಡುತ್ತಿದೆ. ಮುಂದಿನ ಎರಡ್ಮೂರು ತಿಂಗಳಿನಲ್ಲಿ ರಾಜ್ಯಕ್ಕೂ ಹೊಸ ರೂಪಾಂತರಿ ಕಾಲಿಡುವ ಸಾಧ್ಯತೆ ಇದೆ.

  • News18 Kannada
  • 3-MIN READ
  • Last Updated :
  • Bangalore [Bangalore], India
  • Share this:

ಬೆಂಗಳೂರು: ಚೀನಾದಲ್ಲಿ (China) ಕೋವಿಡ್​ (Covid-19) ಅಬ್ಬರಿಸ್ತಿದೆ. ಈ ಹಿನ್ನೆಲೆ ರಾಜ್ಯ, ದೇಶದಲ್ಲಿ ಕೊರೊನಾ ಆತಂಕ ಶುರುವಾಗಿದೆ. ನಾಳೆ ಕೊರೊನಾ ಸಂಬಂಧ ಮಹತ್ವದ ಸಭೆ ನಡೆಯಲಿದ್ದು, ನಾಳೆಯೇ ಟಫ್​ರೂಲ್ಸ್​​​, ಮಾಸ್ಕ್​ ಕಡ್ಡಾಯದ ಬಗ್ಗೆ ಮಾರ್ಗಸೂಚಿ ಪ್ರಕಟಿಸುವ ಸಾಧ್ಯತೆ ಇದೆ. ಕೊರೊನಾ (Coronavirus) ಅಂಕಿ ಅಂಶಗಳ ಬಗ್ಗೆ ವಿಪಕ್ಷಗಳು ಉಡಾಫೆಯಾಗಿ ಮಾತನಾಡುತ್ತಿವೆ. ಅದಕ್ಕೆ ಎಲ್ಲಾ ರಾಜ್ಯಗಳಲ್ಲೂ (Karnataka) ಜನ ಅವರನ್ನು ನಿರ್ನಾಮ ಮಾಡುತ್ತಿದ್ದಾರೆ ಅಂತ ಚಿಕ್ಕಬಳ್ಳಾಪುರದಲ್ಲಿ ಆರೋಗ್ಯ ಸಚಿವ ಡಾ.ಕೆ ಸುಧಾಕರ್ (Health Minister Dr.K Sudhakar) ಹೇಳಿದ್ದಾರೆ.


ಬಿಎಫ್​-7 ಹೊಸ ತಳಿಯ ಬಗ್ಗೆ ಮಾಹಿತಿ ನೀಡಿದ್ದ ಸಚಿವರು, ಚೀನಾ ಮತ್ತು ಅಮೆರಿಕ ಸೇರಿದಂತೆ 10ಕ್ಕೂ ಹೆಚ್ಚು ದೇಶಗಳ ಕೊರೊನಾ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಅದರಲ್ಲೂ ಬಿಎಫ್​​-7 ರೂಪಾಂತರಿ ವ್ಯಾಪಕವಾಗಿ ಹರಡುತ್ತಿದೆ. ಮುಂದಿನ ಎರಡ್ಮೂರು ತಿಂಗಳಿನಲ್ಲಿ ರಾಜ್ಯಕ್ಕೂ ಹೊಸ ರೂಪಾಂತರಿ ಕಾಲಿಡುವ ಸಾಧ್ಯತೆ ಇದೆ. ಆದ್ದರಿಂದ ನಾವು ಈಗಾಗಲೇ ಮಾರ್ಗಸೂಚಿಯನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಕು. ಪ್ರತಿಯೊಬ್ಬರು ಬೂಸ್ಟರ್ ಡೋಸ್​ ಪಡೆದುಕೊಳ್ಳಬೇಕು ಎಂದು ತಿಳಿಸಿದ್ದರು.


RT-PCR test must for arrivals from China, 4 more countries as global Covid cases spike
ಕೊರೊನಾ ಟೆಸ್ಟ್


ಜಾರಿಯಾಗುತ್ತಾ ಕಠಿಣ ನಿಯಮಗಳು


ನಾಳಿನ ಸಭೆಯಲ್ಲಿ ಏನೆಲ್ಲಾ ನಿರ್ಧಾರ ಆಗಬಹುದು, ಹೊಸ ವರ್ಷಕ್ಕೆ ಯಾವೆಲ್ಲಾ ರೂಲ್ಸ್‌ ಜಾರಿಯಾಗಬಹು ಅಂತ ನೋಡುವುದಾದರೇ, ಮಾಸ್ಕ್​, ಸ್ಯಾನಿಟೈಸರ್​ ಕಡ್ಡಾಯ ಆಗಬಹುದು. ಪಾರ್ಟಿ ಹಾಲ್​​ಗಳಲ್ಲಿ ಜನರಿಗೆ ಮಿತಿ ಹೇರಬಹುದು, ಬಾರ್, ಪಬ್, ರೆಸ್ಟೋರೆಂಟ್‌ಗಳಿಗೆ ಪ್ರತ್ಯೇಕ ನಿಯಮ ಜಾರಿಯಾಗಬಹುದು. ಮತ್ತೆ ವರ್ಕ್​ ಫ್ರಂ ಹೋಂ, ಕಚೇರಿ, ಕಂಪನಿಗಳಲ್ಲಿ 50:50 ಸೂತ್ರ, ಬಸ್ಸು, ಆಟೋ, ಟ್ಯಾಕ್ಸಿ ಪ್ರಯಾಣಿಕರಿಗೆ ಮಿತಿ, ಮದುವೆ, ಜಾತ್ರೆ, ಹಬ್ಬಗಳಿಗೆ ಷರತ್ತು ವಿಧಿಸಬಹುದು.


ಇದನ್ನೂ ಓದಿ: Corona Virus: ಅಂತರಾಷ್ಟ್ರೀಯ ಪ್ರಯಾಣಿಕರಿಗೆ ಕೋವಿಡ್ ಟೆಸ್ಟ್ ಕಡ್ಡಾಯ? ಹೊಸ ವರ್ಷಾಚರಣೆಗೆ ಬ್ರೇಕ್ ಸಾಧ್ಯತೆ


ಸರ್ಕಾರಿ ಆಸ್ಪತ್ರೆಗಳಲ್ಲಿ ಬೆಡ್ ಪ್ರಿಪರೇಷನ್‌


ಇನ್ನು, ಸರ್ಕಾರದ ನಿರ್ದೇಶನ ಮೇರೆಗೆ ಕಾರ್ಯ ಪ್ರವೃತ್ತರಾದ ಸರ್ಕಾರಿ ಆಸ್ಪತ್ರೆಗಳು, ಕೊರೊನಾ ಮೊದಲ ಮತ್ತು ಎರಡನೇ ಅಲೆಯಲ್ಲಿ ರೀತಿಯೇ ಬೆಡ್ ಗಳ ವ್ಯವಸ್ಥೆ ಮಾಡಿಕೊಂಡಿವೆ. ಸದ್ಯ ರಾಜೀವ್ ಗಾಂಧಿ ಎದೆ ರೋಗಗಳ ಸಂಸ್ಥೆ ಸನ್ನದ್ಧವಾಗಿದೆ. ಶೇ.50 ರಷ್ಟು ಬೆಡ್ ಗಳನ್ನ ಕೋವಿಡ್ ಸೋಂಕಿತರಿಗೆಂದೇ ಮೀಸಲಿಡಲಾಗಿದೆ.


ಈಗಾಗಲೇ ಬಿಎಂಟಿಸಿ ಬಸ್​​ಗಳಲ್ಲಿ ಮಾಸ್ಕ್​ ಧರಿಸುವುದು ಕಡ್ಡಾಯ ಮಾಡಲಾಗಿದ್ದು, ಶನಿವಾರದಿಂದಲೇ ಎಲ್ಲಾ ಸಿಬ್ಬಂದಿ ಮಾಸ್ಕ್​ ಧರಿಸಿ ಕೆಲಸ ಮಾಡಲು ಸೂಚನೆ ನೀಡಲಾಗಿದೆ. ಆದರೆ ಬೆರಳೆಣಿಕೆಯಷ್ಟು ಪ್ರಯಾಣಿಕರು ಮಾತ್ರ ಮಾಸ್ಕ್ ಧರಿಸುತ್ತಿದ್ದು, ಜನರಿಂದ ನಿರಾಸ ಪ್ರತಿಕ್ರಿಯೆ ಎದುರಾಗಿದೆ. ಇನ್ನು, ಮಾರ್ಕೆಟ್​ ಸೇರಿದಂತೆ ನಗರದ ಹಲವು ಸ್ಥಳಗಳಲ್ಲಿ ಮಾರ್ಷಲ್​​ಗಳು ಫಿಲ್ಡ್​ಗೆ ಇಳಿದಿದ್ದು ಮಾಸ್ಕ್​ ಧರಿಸುವ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದಾರೆ.


Health minister K Sudhakar Says Covid mock drill to be conducted in Karnataka hospitals on 27th December sns
ಡಾ. ಕೆ ಸುಧಾಕರ್, ಆರೋಗ್ಯ ಸಚಿವ


ಬೆಂಗಳೂರಿಗೆ ಬಂದ ಏಳು ಪ್ರಯಾಣಿಕರಿಗೆ ಕೊರೊನಾ ಸೋಂಕು


ವಿದೇಶಗಳಲ್ಲಿ ಕೊರೊನಾ ಸೋಂಕಿನ ವ್ಯಾಪಕತೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಭಾರತದಲ್ಲೂ ಮುನ್ನೆಚ್ಚರಿಕ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಅದರಲ್ಲೂ ರಾಜ್ಯಕ್ಕೆ ಆಗಮಿಸುವ ಎಲ್ಲಾ ಪ್ರಮುಖ ವಿಮಾನ ನಿಲ್ದಾಣಗಳಲ್ಲಿ ಕೇಂದ್ರ ಸರ್ಕಾರದ ಮಾರ್ಗಸೂಚಿ ಅನ್ವಯ ಕಡ್ಡಾಯವಾಗಿ ಕೋವಿಡ್ ಪರೀಕ್ಷೆ ನಡೆಸಲಾಗುತ್ತಿದೆ.


ಇದನ್ನೂ ಓದಿ: Karnataka Weather: ಬೆಂಗಳೂರು ಇನ್ನೆರಡು ದಿನ ಕೂಲ್​​ ಕೂಲ್​; ರಾಜ್ಯದಲ್ಲಿ ಮುಂದಿನ ನಾಲ್ಕು ದಿನ ಮಳೆ ಮುನ್ಸೂಚನೆ


ಬೆಂಗಳೂರಿನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲೂ ಆಗಮಿಸುವ ವಿದೇಶಿ ಪ್ರಯಾಣಿಕರಿಗೆ ಕೊರೊನಾ ಟೆಸ್ಟ್​ ಮಾಡುತ್ತಿದ್ದು, ಕಳೆದ 24 ಗಂಟೆ ಅವಧಿಯಲ್ಲಿ ಮಾಡಿದ ಪರೀಕ್ಷೆಗಳಲ್ಲಿ 7 ಮಂದಿಗೆ ಕೊರೊನಾ ಸೋಂಕು ಇರುವುದು ದೃಢಪಟ್ಟಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಪ್ರಯಾಣಿಕರಿಗೆ ಮಾಡಿದ್ದ ಆರ್​​ಟಿಪಿಸಿಆರ್​ ಪರೀಕ್ಷಾ ವರದಿ ಪಾಸಿಟಿವ್ ಬಂದಿದ್ದು, ಒಮಿಕ್ರಾನ್​ ಶಂಕೆ ಹಿನ್ನೆಲೆಯಲ್ಲಿ ಮಾದರಿಗಳನ್ನು ಜೆನೋಮ್​ ಸೀಕ್ವಿನ್ಸಿಂಗ್ ಪರೀಕ್ಷೆಗೆ ರವಾನಿಸಲಾಗಿದೆ ಅಂತ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

Published by:Sumanth SN
First published: