ಬೆಂಗಳೂರಿನಲ್ಲಿ ತೆಂಗಿನಕಾಯಿ ಮಾದರಿಯ ಸ್ಫೋಟಕ ಪತ್ತೆ; ನಿಷ್ಕ್ರಿಯಗೊಳಿಸಿ ಬೇರೆಡೆ ಕೊಂಡೊಯ್ದ ಎಫ್​ಎಸ್​ಎಲ್ ತಜ್ಞರು

ಬೆಂಗಳೂರು: ಬೆಂಗಳೂರಿನ ಹನುಮಂತನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಕತ್ರಿಗುಪ್ಪೆ ಮುಖ್ಯರಸ್ತೆಯಲ್ಲಿ ಅನುಮಾಸ್ಪದ ಸ್ಫೋಟಕ ವಸ್ತು ಪತ್ತೆಯಾಗಿದೆ. ತೆಂಗಿನಕಾಯಿ ಮಾದರಿಯಲ್ಲಿ ಈ ಸ್ಪೋಟಕ ಇದ್ದು, ಎಫ್​ಎಸ್​ಎಲ್​ ತಜ್ಞರು ಪರಿಶೀಲನೆ ನಡೆಸುತ್ತಿದ್ದಾರೆ.

ಸಿಕ್ಕ ಸ್ಪೋಟಕ ವಸ್ತುವನ್ನು ಹನುಮಂತ ನಗರ ಪೊಲೀಸ್ ಠಾಣೆಗೆ ತೆಗೆದುಕೊಂಡು ಹೋಗಲಾಯಿತು. ಬಳಿಕ ಎಫ್​ಎಸ್​ಎಲ್ ತಜ್ಞರು ಠಾಣೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಆನಂತರ ಅದನ್ನು ಕೆಂಪೇಗೌಡ ಮೈದಾನಕ್ಕೆ ತಂದು ಪರಿಶೀಲನೆ ಮಾಡಿದರು. ಅದಾದ ಬಳಿಕ ಸ್ಫೋಟಕವನ್ನು ಬಸ್ಸಿನಲ್ಲಿ ಬೇರೆಡೆಗೆ ಸ್ಥಳಾಂತರ ಮಾಡಲಾಯಿತು.

ಎಫ್​ಎಸ್​ಎಲ್​ ತಜ್ಞ ಶ್ರೀನಿವಾಸ್ ಅವರು ನ್ಯೂಸ್ 18 ಕನ್ನಡದೊಂದಿಗೆ ಮಾತನಾಡಿ,  ತೆಂಗಿನಕಾಯಿ ಮಾದರಿಯ ಐಸ್​ಕ್ರೀ ಡಬ್ಬಿ ಒಳಗಡೆ ಸ್ಪೋಟಕವನ್ನು ತುಂಬಿದ್ದಾರೆ.  ಪೊಷಾಷಿಯಂ ನೈಟ್ರೇಟ್ ರಾಸಾಯನಿಕ ಅದು. ಪಟಾಕಿಗೆ ಬಳಸುವಂತಹ ರಾಸಾಯನಿಕ ಇದಾಗಿದೆ. ಈಗಾಗಲೇ ರಾಸಾಯನಿಕವನ್ನು ನಿಷ್ಕ್ರಿಯಗೊಳಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಇದನ್ನು ಓದಿ: ಕೊರೋನಾಗೆ ಬೆಳಗಾವಿ ತತ್ತರ; ರಾಜ್ಯಾದ್ಯಂತ ಇಂದು 22 ಹೊಸ ಕೇಸ್ ಪತ್ತೆ; ಸೋಂಕಿತರ ಸಂಖ್ಯೆ 557ಕ್ಕೆ ಏರಿಕೆ