HOME » NEWS » State » CHILDREN NEED PSYCHOLOGICAL HELP BEFORE GOING TO SCHOOL SKTV SNVS

ಶಾಲೆಗೆ ಕಳುಹಿಸುವ ಮುನ್ನ ತಿಳಿಯಿರಿ ಮಕ್ಕಳ ಮನಸು; ಸರ್ಕಾರದಿಂದ ಮನೋವೈದ್ಯರ ವ್ಯವಸ್ಥೆ

ಎಂಟು ತಿಂಗಳಿನಿಂದ ಕೊರೋನಾ ಮತ್ತು ಲಾಕ್​ಡೌನ್ ಕಾರಣದಿಂದಾಗಿ ಹೊರ ಜಗತ್ತಿಗೆ ಹೆಚ್ಚು ತೆರೆದುಕೊಳ್ಳದ ಮಕ್ಕಳು ದಿಢೀರ್ ಶಾಲೆಗೆ ಹೋಗಬೇಕೆಂದರೆ ಹಿಂಜರಿಯುವುದು ಸಹಜ. ಈ ಹಿನ್ನೆಲೆಯಲ್ಲಿ ಅವರಿಗೆ ಕೌನ್ಸಲಿಂಗ್ ಮಾಡಲು ಸರ್ಕಾರ ತಜ್ಞರ ವ್ಯವಸ್ಥೆ ಮಾಡಿದೆ.

news18-kannada
Updated:November 25, 2020, 4:12 PM IST
ಶಾಲೆಗೆ ಕಳುಹಿಸುವ ಮುನ್ನ ತಿಳಿಯಿರಿ ಮಕ್ಕಳ ಮನಸು; ಸರ್ಕಾರದಿಂದ ಮನೋವೈದ್ಯರ ವ್ಯವಸ್ಥೆ
ಸಾಂದರ್ಭಿಕ ಚಿತ್ರ
  • Share this:
ಬೆಂಗಳೂರು: ಶಾಲೆ ತೆರೆಯಲು ಸರ್ಕಾರ ಚಿಂತಿಸುತ್ತಿದೆ. ಸದ್ಯಕ್ಕೆ ಶಾಲೆ‌ ತೆರೆಯದಿದ್ದರೂ ಡಿಸೆಂಬರ್ ನಂತರ ಈ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ. ಆದ್ರೆ ಮಕ್ಕಳು ಮಾತ್ರ ಶಾಲೆಗೆ ಹೋಗೋಕೆ ಸಿದ್ಧ ಇಲ್ಲ. ಮಕ್ಕಳನ್ನು ನಾನಾ ಮಾನಸಿಕ ಸಮಸ್ಯೆಗಳು ಕಾಡುತ್ತಿದೆ. ಸದ್ದಿಲ್ಲದೇ ಈ ಮುಗ್ಧ ಮನಸುಗಳು ಒದ್ದಾಡುತ್ತಿವೆ. ಹಾಗಾಗಿ ಮಕ್ಕಳ ಸಹಾಯಕ್ಕೆ ನಿಮ್ಹಾನ್ಸ್​ನ ತಜ್ಞರು ಮುಂದೆ ಬಂದಿದ್ದಾರೆ. ಮಕ್ಕಳ ಹಕ್ಕುಗಳ ಕಾರ್ಯಕರ್ತರು, ಸ್ವಯಂಸೇವಕರಿಗೆ ವಿಶೇಷ ತರಬೇತಿ ನೀಡುತ್ತಿದ್ದಾರೆ. ರಾಜ್ಯದಲ್ಲಿ ಸುಮಾರು 60 ಸ್ವಯಂಸೇವಕರಿಗೆ ಆಪ್ತ ಸಮಾಲೋಚನೆ ಬಗ್ಗೆ ನಿಮ್ಹಾನ್ಸ್​ನ ತಜ್ಞರು ತರಬೇತಿ ನೀಡುತ್ತಿದ್ದಾರೆ.

ತರಬೇತಿ ಪಡೆದ ಸ್ವಯಂಸೇವಕರು ಸಮಸ್ಯೆ ಇರುವ ಮಕ್ಕಳ ಮನೆಗೇ ಹೋಗಿ ಕೌನ್ಸಲಿಂಗ್ ಮಾಡುತ್ತಾರೆ. ತಜ್ಞರಿಂದಲೇ ತರಬೇತಿ ಪಡೆದಾಗ ಸರಿಯಾದ ರೀತಿಯಲ್ಲಿ ಮಕ್ಕಳ ಮನಸ್ಸನ್ನು ತಿದ್ದುವುದು ಸಾಧ್ಯ.‌ ಅಂದ್ಹಾಗೆ ಇದೇ ಮೊದಲ ಬಾರಿಗೆ ಈ ರೀತಿಯ ಕೆಲಸ ನಡೆಯುತ್ತಿದೆ. ಸುಮಾರು 8 ತಿಂಗಳವರೆಗೆ ಮನೆಯಲ್ಲೇ ಇದ್ದ ಮಕ್ಕಳು ಈಗ ಮತ್ತೆ ಹೊರಜಗತ್ತಿಗೆ ಹೊಂದಿಕೊಳ್ಳಲು ಹರಸಾಹಸ ಪಡುತ್ತಿದ್ದಾರೆ.‌ ಪ್ರತಿ ಮಗುವಿನ ಸಮಸ್ಯೆಯೂ ಭಿನ್ನ, ಅವರಿಗೆ ನೀಡಬೇಕಾದ ಸಹಾಯವೂ ಬೇರೆಬೇರೆ ಆಗಿದೆ ಎನ್ನುವುದನ್ನು ತಜ್ಞರು ಗುರುತಿಸಿದ್ದಾರೆ.

ಕೊರೋನಾ ಮತ್ತು ಲಾಕ್​ಡೌನ್​ನಿಂದಾಗಿ ಮಕ್ಕಳು ಎದುರಿಸುತ್ತಿರುವ ಸಮಸ್ಯೆಗಳೇನು ಗೊತ್ತಾ?
* ಆನ್ ಲೈನ್ ತರಗತಿಯ ನೆಪದಲ್ಲಿ ನೀಲಿಚಿತ್ರದ ಚಟ
* ಶಾಲೆಗೆ ಹೋಗುತ್ತಿದ್ದಾಗ ಕದ್ದು ಮುಚ್ಚಿ ಸಿಗರೇಟ್ ಸೇದುತ್ತಿದ್ದ ಮಕ್ಕಳಲ್ಲಿ ಈಗ ವಿತ್​ಡ್ರಾಯಲ್ ಸಿಂಪ್ಟಮ್ಸ್
* ಅಂಗವಿಕಲ ಮಕ್ಕಳಿಗೆ ಎಂಟು ತಿಂಗಳಿಂದ ದೈಹಿಕ ವ್ಯಾಯಾಮ ಇಲ್ಲದೇ ಹದಗೆಟ್ಟ ಆರೋಗ್ಯ
* ಮನೆಯಲ್ಲಿ ಎಲ್ಲರೂ ತಂತಮ್ಮ ಕೆಲಸಗಳಲ್ಲಿ ಬ್ಯುಸಿ, ನಾನು ಯಾರಿಗೂ ಬೇಡ ಎಂದು ಖಿನ್ನತೆಯಲ್ಲಿ ಬಳಲುವ ಮಕ್ಕಳುು* ಸಾಮಾನ್ಯವಾಗಿ ಚೂಟಿಯಾಗಿದ್ದ ಮಕ್ಕಳು ಈಗ ಒಂಟಿತನದಿಂದಾಗಿ ಹೆಚ್ಚು ಮಾತೇ ಆಡುತ್ತಿಲ್ಲ
* ಮನೆಯಲ್ಲಿ ಮಾತನಾಡುವ ಭಾಷೆ ಬಿಟ್ಟು ಉಳಿದದ್ದೆಲ್ಲಾ ಮರೆತಿದ್ದಾರೆ - ಈಗ ಎಲ್ಲವೂ ಮೊದಲಿನಿಂದ ಆರಂಭಿಸಬೇಕು
* ಶಾಲೆಗೆ ಹೋದರೆ ಕೊರೋನಾ ಬರುತ್ತೆ, ತಾನು ಸಾಯುತ್ತೇನೆ ಎನ್ನುವ ಭಯ
* ಜನರನ್ನು ನೋಡಿದರೆ ಆತಂಕ-ಭಯ, ಹೆಚ್ಚು ಜನರ ಗುಂಪು ನೋಡಿದರೆ ನಡುಕ
* ಖಿನ್ನತೆ ಹೆಚ್ಚಾಗಿ ಆತ್ಮಹತ್ಯೆ ಆಲೋಚನೆ
* ಸರಿಯಾದ ಸಮಯಕ್ಕೆ ಪೌಷ್ಟಿಕ ಆಹಾರ ದೊರೆಯದೆ ಅಪೌಷ್ಟಿಕತೆ

ಇಷ್ಟೆಲ್ಲಾ ಯೋಚನೆ ಆಲೋಚನೆ ಆ ಪುಟ್ಟ ಮನಸ್ಸುಗಳಲ್ಲಿ ಇದೆ ಎನ್ನುವುದನ್ನು ಎಲ್ಲರೂ ಅರ್ಥ ಮಾಡಿಕೊಳ್ಳಬೇಕಿದೆ. ಮಕ್ಕಳ ಸಮಸ್ಯೆಗಳಿಗೆ ಪರಿಹಾರ ನೀಡಿ, ಅವರು ರೆಡಿ ಆದ ಮೇಲಷ್ಟೇ ಶಾಲೆಗೆ ಕಳುಹಿಸುವ ಕುರಿತು ಆಲೋಚನೆ ಮಾಡಬಹುದಾಗಿದೆ ಎನ್ನುತ್ತಾರೆ ತಜ್ಞರು.

ವರದಿ: ಸೌಮ್ಯಾ ಕಳಸ
Published by: Vijayasarthy SN
First published: November 25, 2020, 4:12 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading