ನಮ್ಮ ಬೆಂಗಳೂರು ಇಮೇಜ್​ಗೆ ಬಿಗ್ ಡ್ಯಾಮೇಜ್..!: ನಗರದಲ್ಲಿ ಹೆಚ್ಚಾಗ್ತಿದೆ ಮಕ್ಕಳ ಮೇಲಿನ ದೌರ್ಜನ್ಯ..!

ಮುನಿರಾಜು, ನ್ಯೂಸ್​ 18 ಕನ್ನಡ

ಬೆಂಗಳೂರು(ಸೆ. 06): ಸಿಲಿಕಾನ್​ ಸಿಟಿ ಬೆಂಗಳೂರು ವಿಶ್ವ ಮಟ್ಟದಲ್ಲಿ ಬ್ರಾಂಡ್​ ಬೆಂಗಳೂರು ಆಗುತ್ತಿದೆ. ಈ ಖ್ಯಾತಿ ಗಳಿಸಿದ್ದ ನಗರಕ್ಕೆ ಒಂದು ಕಳಂಕವೂ ಅಂಟಿಕೊಳ್ಳುತ್ತಿದೆ. ಇತ್ತೀಚಿಗೆ ನಗರದಲ್ಲಿ ಮಕ್ಕಳ ಮೇಲೆ ದೌರ್ಜನ್ಯ ಹೆಚ್ಚಾಗ್ತಿದೆ. ಇಷ್ಟಕ್ಕೂ ಆ ಕೇಸ್​ಗಳೇನು.? ಇಲ್ಲಿದೆ ವಿವರ

ಸಿಲಿಕಾನ್ ಸಿಟಿ‌ ಬೆಂಗಳೂರಲ್ಲಿ ಜನಸಂಖ್ಯೆ ಹೆಚ್ಚಾಗ್ತಿದ್ದಂತೆ ಸಮಸ್ಯೆಗಳೂ ಹೆಚ್ಚಾಗ್ತಿವೆ. ಅದರಲ್ಲೂ ಕ್ರಿಮಿನಲ್ ಕೃತ್ಯಗಳು ಸಿಕ್ಕಾಪಟ್ಟೆ. ಕಳ್ಳತನ, ದರೋಡೆ, ಕೊಲೆ ಸುಲಿಗೆ ಪ್ರಕರಣಗಳು ಆಧಿಕವಾಗ್ತಿವೆ. ಇದು ಪೊಲೀಸರಿಗೆ ದೊಡ್ಡ ತಲೆ‌ನೋವಾಗಿ ಪರಿಣಮಿಸಿದೆ.. ಇವೆಲ್ಲದರ ನಡುವೆ ಬ್ರಾಂಡ್​ ಬೆಂಗಳೂರು ಹೆಸರಿಗೆ ಕಳಂಕವಾಗುತ್ತಿರುವುದು ಮುಗ್ಧ ಮಕ್ಕಳ ಮೇಲಿನ ದೌರ್ಜನ್ಯ. ಸಿಲಿಕಾನ್​ ಸಿಟಿಯಲ್ಲಿ ವರ್ಷದಿಂದ ವರ್ಷಕ್ಕೆ ಅಪ್ರಾಪ್ತ ಬಾಲಕಿಯರ ಮೇಲಿನ ದೌರ್ಜನ್ಯ ಪ್ರಕರಣಗಳು ಜಾಸ್ತಿ ಆಗುತ್ತಿವೆ. ಇದಕ್ಕೆ ಪೊಲೀಸ್​ ಇಲಾಖೆಯೇ ನೀಡಿರುವ ಮಾಹಿತಿ ಸಾಕ್ಷಿ ಎಂಬಂತಿದೆ.

ಬೆಂಗಳೂರಲ್ಲಿ ಮಕ್ಕಳ ಮೇಲೆ ದೌರ್ಜನ್ಯ

2016 - 315 ಕೇಸ್ ದಾಖಲು

2017 - 401 ಕೇಸ್​ ದಾಖಲು

2018 ಜೂನ್​ವರೆಗೆ - 181 ಕೇಸ್​ ದಾಖಲು

​ಇಂತಹ ಪ್ರಕರಣಗಳಲ್ಲಿ ತ್ವರಿತವಾಗಿ ತನಿಖೆ ಮಾಡಿ ಆರೋಪಿಗಳಿಗೆ ಶಿಕ್ಷೆಯಾಗಬೇಕು. ಅದ್ರೆ ಬಹುತೇಕ ಪ್ರಕರಣಗಳು ಸೂಕ್ತ ಸಾಕ್ಷ್ಯಗಳಿಲ್ಲದೆ ಮುಚ್ಚಿ ಹೋಗುತ್ತಿವೆ.

ಇದುವರೆಗೂ ರಾಜ್ಯದಲ್ಲಿ 4,771 ಪೋಕ್ಸೊ ಕೇಸ್​ಗಳು ಪೆಂಡಿಂಗ್​ ಇವೆ. ವಿಚಾರಣೆ ಹಾಗೂ ತನಿಖೆ ನಡೆಯುತ್ತಿಲ್ಲ ಎಂದು ಖುದ್ದು ಗೃಹ ಸಚಿವ ಜಿ. ಪರಮೇಶ್ವರ್​ ಹೇಳಿದ್ದಾರೆ. ಕೆಲವು ಕೇಸ್​ಗಳಲ್ಲಿ ಸೂಕ್ತ ಸಾಕ್ಷ್ಯ ಸಂಗ್ರಹಿಸುವಲ್ಲಿ ಪೊಲೀಸರು ವಿಫಲರಾಗುತ್ತಿದ್ದು ಆರೋಪಿಗಳು ಖುಲಾಸೆ ಆಗುತ್ತಿದ್ದಾರೆ.

ಪೋಕ್ಸೊ ಕೇಸ್​ಗಳ ವಿಚಾರಣೆ ಮಾಡುವ ಎಸ್​ಪಿಪಿಗಳ ಜೊತೆ ಗೃಹ ಸಚಿವರು ಸಭೆ ನಡೆಸಿ ಎಲ್ಲ ವಕೀಲರಿಗೂ ಹಿರಿಯ ನ್ಯಾಯಮೂರ್ತಿಗಳಿಂದ ತರಬೇತಿ ನೀಡಲು ಮುಂದಾಗಿದ್ದಾರೆ. ಆದೇನೆ ಇರ್ಲಿ ಸಾರ್ವಜನಿಕರಿಗೆ ಪೋಕ್ಸೊ ಕೇಸ್​ಗಳ ಸಂಬಂಧ ಇನ್ನೂ ಹೆಚ್ಚಿನ ಅರಿವು ಮೂಡಿಸುವ ಆಗತ್ಯ.