HOME » NEWS » State » CABINET EXPANSION OATH CEREMONY CAR ALLOTTED FOR KARNATAKA BJP NEW MINISTER BEFORE TAKING OATH SESR

ಪಕ್ಷಾಂತರ ಮಾಡಿದ ಈ ಎಲ್ಲಾ ಶಾಸಕರು ಮತ್ತು ಮೂಲ ಬಿಜೆಪಿಗ ಲಿಂಬಾವಳಿಗೆ ಮಂತ್ರಿ ಸ್ಥಾನ ಫಿಕ್ಸ್​: ಸರ್ಕಾರಿ ಗೂಟದ ಕಾರು ಸಿದ್ಧ

ನೂತನ ಸಚಿವರಿಗಾಗಿ ಕುಮಾರ ಕೃಪ ಗೆಸ್ಟ್​ಹೌಸ್​ನಲ್ಲಿ 20 ಇನ್ನೋವಾ ಕಾರುಗಳು ಸಿದ್ಧವಾಗಿದ್ದು, ಪ್ರಮಾಣ ವಚನಕ್ಕೂ ಮುನ್ನ ಸಚಿವಾಕಾಂಕ್ಷಿಗಳು ತಮಗಾಗಿ ಮೀಸಲಿರಿಸಿರುವ ಕಾರುಗಳ ವೀಕ್ಷಣೆ ನಡೆಸಿದರು.

news18-kannada
Updated:February 5, 2020, 6:53 PM IST
ಪಕ್ಷಾಂತರ ಮಾಡಿದ ಈ ಎಲ್ಲಾ ಶಾಸಕರು ಮತ್ತು ಮೂಲ ಬಿಜೆಪಿಗ ಲಿಂಬಾವಳಿಗೆ ಮಂತ್ರಿ ಸ್ಥಾನ ಫಿಕ್ಸ್​: ಸರ್ಕಾರಿ ಗೂಟದ ಕಾರು ಸಿದ್ಧ
ನೂತನ ಸಚಿವರಿಗೆ ಸಿದ್ಧವಾಗಿರುವ ಕಾರುಗಳು
  • Share this:
ಬೆಂಗಳೂರು (ಫೆ.5): ಬಹುನೀರಿಕ್ಷಿತ ಸಚಿವ ಸಂಪುಟ ವಿಸ್ತರಣೆ ಕಾರ್ಯ ನಾಳೆ ನಡೆಯಲಿದ್ದು, ಉಪಚುನಾವಣೆಯಲ್ಲಿ ಗೆದ್ದ ನೂತನ ಬಿಜೆಪಿ ಶಾಸಕರಲ್ಲಿ ಸಂಭ್ರಮ ಮೂಡಿದೆ. ಮಹೇಶ್​ ಕುಮಟಳ್ಳಿ ಹೊರತು ಪಡಿಸಿ ಉಳಿದೆಲ್ಲಾ ಶಾಸಕರು ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲು ಸಿದ್ಧವಾಗಿದ್ದು, ಇದಕ್ಕೂ ಮೊದಲೇ ತಮಗಾಗಿ ಸಿದ್ಧವಾಗಿರುವ ಕಾರುಗಳ ವೀಕ್ಷಣೆ ನಡೆಸಿದರು.

ರಾಜಭವನದ ಗಾಜಿನ ಮನೆಯಲ್ಲಿ 10.30ಕ್ಕೆ ಆರಿದ್ರಾ ನಕ್ಷತ್ರದ ಸಮಯದಲ್ಲಿ ಪದಗ್ರಹಣ ಮಾಡಲಿರುವ ಸಚಿವರಿಗಾಗಿ ಈಗಾಗಲೇ ಸರ್ಕಾರದ ವತಿಯಿಂದ ಕಾರು ಸೇರಿದಂತೆ ವಿವಿಧ ಸವಲತ್ತುಗಳು ಸಿದ್ಧವಾಗುತ್ತಿದೆ.

ನೂತನ ಸಚಿವರಿಗಾಗಿ ಕುಮಾರ ಕೃಪ ಗೆಸ್ಟ್​ಹೌಸ್​ನಲ್ಲಿ 20 ಇನ್ನೋವಾ ಕಾರುಗಳು ಸಿದ್ಧವಾಗಿದ್ದು, ಪ್ರಮಾಣ ವಚನಕ್ಕೂ ಮುನ್ನ ಸಚಿವಾಕಾಂಕ್ಷಿಗಳು ತಮಗಾಗಿ ಮೀಸಲಿರಿಸಿರುವ ಕಾರುಗಳ ವೀಕ್ಷಣೆ ನಡೆಸಿದರು.

ಫ್ಯಾನ್ಸಿ ನಂಬರ್​ಗಾಗಿ ನಾರಾಯಣ ಗೌಡ ಹುಡುಕಾಟ

ಇನ್ನು ತಮಗೆ ಯಾವ ಕಾರು ಬೇಕು ಎಂಬ ಬಗ್ಗೆ  ನಾರಾಯಣ ಗೌಡ, ರಮೇಶ್​ ಜಾರಕಿಹೊಳಿ, ಭೈರತಿ ಬಸವರಾಜ್​, ಕೆ ಸುಧಾಕರ್​, ಬಿ.ಸಿ ಪಾಟೀಲ್​ , ಆನಂದ್​ ಸಿಂಗ್​, ಎಸ್​ಟಿ ಸೋಮಶೇಳರ್​, ಶಿವರಾಮ್​ ಹೆಬ್ಬಾರ್​ ಪರಿಶೀಲನೆ ನಡೆಸಿ,  ಕಾಯ್ದಿರಿಸಿದ್ದಾರೆ.



ಇನ್ನು ಕೆಆರ್​ ಪೇಟೆ ಶಾಸಕ ನಾರಾಯಣ ಗೌಡ  ಸಚಿವರಾಗುವ ಮೊದಲೇ ಇಂದು ಕುಮಾರಕೃಪಗೆ ಭೇಟಿ ನೀಡಿ, ಕಾರುಗಳ ಪರಿಶೀಲನೆ ನಡೆಸಿದರು. ಯಾವ ಕಾರು ಚೆನ್ನಾಗಿದೆ ಎಂದು ನೋಡಿಕೊಂಡ ಹೋದ ಅವರು, ಇದೇ ವೇಳೆ ಫ್ಯಾನ್ಸಿ ನಂಬರ್​ಗೆ ಹುಡುಕಾಟ ನಡೆಸಿದರು. ಈ ವೇಳೆ ಜ್ಯೋತಿಷಿಗಳ ಸಲಹೆಯಂತೆ ಕೆಎ 41 ಜಿ 2727 ಫ್ಯಾನ್ಸಿ ನಂಬರ್​ನ  2018ರ ಮೊಡೆಲ್​ನ ಇನ್ನೋವಾ ಕ್ರಿಸ್ಟಾ ಕಾರನ್ನು ಬುಕ್​ ಮಾಡಿದರು.ಇದನ್ನು ಓದಿ: ನಾಳೆ ಬೆಳಗ್ಗೆ 10.30ಕ್ಕೆ ಪಂಚಾಂಗದ ಪ್ರಕಾರ ಸಂಪುಟ ವಿಸ್ತರಣೆ; ಎಷ್ಟು ಮಂದಿಗೆ ಸಚಿವ ಸ್ಥಾನ ಎಂಬುದು ಸಿಎಂಗೂ ಗೊತ್ತಿಲ್ಲ

ಇನ್ನು ವಿಶೇಷ ಎಂದರೇ ಸರ್ಕಾರದಲ್ಲಿ ಯಾವುದೇ ಸಚಿವ ಸ್ಥಾನ ಪಡೆಯದಿದ್ದರೂ ಕೂಡ ಮಾಜಿ ಸಚಿವ, ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರವಿಂದ್​ ಲಿಂಬಾವಳಿ ಕೂಡ ಈ ಸೌಕರ್ಯ ಪಡೆದಿದ್ದಾರೆ. ಇದನ್ನು ಗಮನಿಸಿದರೆ ಅವರು ಕೂಡ ಮಂತ್ರಿ ಸ್ಥಾನ ಪಡೆಯಲಿದ್ದಾರಾ ಎಂಬ ಅನುಮಾನ ಮೂಡಿದೆ.
First published: February 5, 2020, 4:51 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories