Karnataka Election: ಥಟ್ ಅಂತ ಹೇಳಿ! ಹಣದಾಸೆಗೆ ಅರ್ಹರಲ್ಲದವರನ್ನು ಶಿಕ್ಷಕರನ್ನಾಗಿ ನೇಮಿಸಿದ್ದು ಯಾರು? ಕಾಂಗ್ರೆಸ್​​ ವಸರ್ಸ್​ ಬಿಜೆಪಿ ಬಿಗ್​ಫೈಟ್​​

ಬೆಂಗಳೂರು: ರಾಜ್ಯ ವಿಧಾನಸಭಾ ಚುನಾವಣೆ (Karnataka Aassembly Election 2023) ಸಮೀಪಿಸುತ್ತಿದ್ದಂತೆ ಆಡಳಿತ ರೂಢ ಬಿಜೆಪಿ (BJP) ಹಾಗೂ ಕಾಂಗ್ರೆಸ್ (Congress)​ ನಾಯಕರ ನಡುವಿನ ವಾಗ್ದಾಳಿ ಜೋರಾಗಿದೆ. ಕಾಂಗ್ರೆಸ್ ಪಕ್ಷ ಆಡಳಿತ ಪಕ್ಷದ ವಿರುದ್ಧ ಇರುವ ವಿರೋಧಿ ಅಲೆಯನ್ನು ಬಳಸಿಕೊಳ್ಳುವ ತವಕದಲ್ಲಿದ್ದಾರೆ. ಇತ್ತ ಬಿಜೆಪಿ ಪಕ್ಷ ಈ ಹಿಂದಿನ ಕಾಂಗ್ರೆಸ್​ ಸರ್ಕಾರದ ವೈಫಲ್ಯಗಳನ್ನು ಮತ್ತೊಮ್ಮೆ ಜನರ ಮುಂದಿಟ್ಟು ಚುನಾವಣೆಗೆ ಸಿದ್ಧತೆ ನಡೆಸಿದೆ. ಈ ನಡುವೆ ಆಡಳಿತರ ರೂಢ ಬಿಜೆಪಿ ಸರ್ಕಾರದವ ವಿರುದ್ಧ ಕಾಂಗ್ರೆಸ್ ಸಾಲು ಸಾಲು ಅಭಿಯಾನಗಳನ್ನು ಮಾಡುತ್ತಿದೆ. ಸದ್ಯ ನಡುವೆ ಮತ್ತೊಂದು ಅಭಿಯಾನ ಸೇರ್ಪಡೆಯಾಗಿದ್ದು, ಈ ಬಾರಿ ಬಿಜೆಪಿ, ಕಾಂಗ್ರೆಸ್​ ವಿರುದ್ಧ ಥಟ್​ ಅಂತ ಹೇಳಿ ಎಂಬ ಅಭಿಯಾನವನ್ನು ಆರಂಭ ಮಾಡಿದೆ.

ಹೌದು,ಟ್ವಿಟರ್ ನಲ್ಲಿ ಎರಡು ಪಕ್ಷಗಳು ಥಟ್ ಅಂತ ಹೇಳಿ ಎಂಬ ಅಭಿಯಾನವನ್ನು ಶುರು ಮಾಡಿವೆ. ಹಣದಾಸೆಗೆ ಶಿಕ್ಷಕರ ಸ್ಥಾನಕ್ಕೆ ಅರ್ಹರಲ್ಲದವರನ್ನು ಶಿಕ್ಷಕರನ್ನಾಗಿ ನೇಮಿಸುವ ಮೂಲಕ ಮಕ್ಕಳ ಭವಿಷ್ಯವನ್ನು ಬುಡಮೇಲು ಮಾಡಲು ಹೊರಟವರು ಯಾರು? ಎಂದು ಪ್ರಶ್ನಿಸಿ ಮಾಜಿ ಸಿಎಂ ಸಿದ್ದರಾಮಯ್ಯ, ಡಿಕೆ ಶಿವಕುಮಾರ್ ಹಾಗೂ ಎಂಪಿ ಪಾಟೀಲ್ ಸೇರಿದಮತೆ ತನ್ವೀರ್ ಶೇಠ್​​ ಅವರ ಫೋಟೋಗಳನ್ನು ಶೇರ್​​ ಮಾಡಿದೆ.

ಥಟ್ ಅಂತ ಹೇಳಿ !

ಹಣದಾಸೆಗೆ ಶಿಕ್ಷಕರ ಸ್ಥಾನಕ್ಕೆ ಅರ್ಹರಲ್ಲದವರನ್ನು ಶಿಕ್ಷಕರನ್ನಾಗಿ ನೇಮಿಸುವ ಮೂಲಕ ಮಕ್ಕಳ ಭವಿಷ್ಯವನ್ನು ಬುಡಮೇಲು ಮಾಡಲು ಹೊರಟವರು ಯಾರು? #ಥಟ್‌ಅಂತಹೇಳಿ #CorruptCongress pic.twitter.com/P8ehrrHfQL

— BJP Karnataka (@BJP4Karnataka) January 7, 2023

ಬಿಜೆಪಿ ಟ್ವೀಟ್​​ಗೆ ತಿರುಗೇಟು ನೀಡಿರುವ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷ ಎಂಬಿ ಪಾಟೀಲ್​, ಥಟ್ ಅಂತ ಹೇಳಿ? ರಾಜ್ಯ ಬಿಜೆಪಿ ಸರ್ಕಾರವನ್ನು ಎಷ್ಟು ಪರ್ಸೆಂಟ್ ಕಮಿಷನ್ ಸರ್ಕಾರ ಎಂದು ಜನ ಕರೆಯುತ್ತಾರೆ? 40%, 50%, 60%, 70% ಕಮಿಷನ್ ಎಂದು ಆಯ್ಕೆಗಳನ್ನು ನೀಡುವ ಮೂಲಕ ತಿರುಗೇಟು ನೀಡಿದ್ದಾರೆ.

ಇದನ್ನೂ ಓದಿ: KGF Babu: ಮರ್ಯಾದೆ ಮಾತನ್ನಾಡಿದ್ದ ಕೆಜಿಎಫ್‌ ಬಾಬು ಕಾಂಗ್ರೆಸ್​ನಿಂದ ಔಟ್! ಕೋಟಿ ಒಡೆಯ ತೆನೆ ಹೊತ್ತವಳ ಮನೆ ಸೇರುವ ದಿನ ಇನ್ನಷ್ಟು ಹತ್ತಿರ

ಇನ್ನು, ದಿನಕ್ಕೊಂದು ಪ್ರಶ್ನೆಯನ್ನು ರಾಜ್ಯ ಜನರ ಮುಂದಿಡುತ್ತಿರುವ ಬಿಜೆಪಿ, ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲಿ ಆದ ಘಟನೆಗಳನ್ನು ಮರಳಿ ನಪಿಸುತ್ತಿದೆ. ಶರತ್ ಮಡಿವಾಳ, ಪ್ರವೀಣ್ ಪೂಜಾರಿ ಮತ್ತಿತರ ಹಿಂದೂ ಕಾರ್ಯಕರ್ತರ ಕೊಲೆಯಿಂದ ಅವರ ಕುಟುಂಬಸ್ಥರು ಕಣ್ಣೀರಿನಲ್ಲಿ ಕೈತೊಳೆಯುವಂತೆ ಮಾಡಿದವರು ಯಾರು? ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್, ಮಾಜಿ ಸಚಿವ ಯುಟಿ ಖಾದರ್​ ಹಾಗೂ ಬಿಕೆ ಹರಿಪ್ರಸಾದ್ ಅವರ ಫೋಟೋಗಳನ್ನು ಶೇರ್​ ಮಾಡಿದೆ.

ಥಟ್ ಅಂತ ಹೇಳಿ!

ರಾಜ್ಯ @BJP4Karnataka ಸರ್ಕಾರವನ್ನು ಎಷ್ಟು ಪರ್ಸೆಂಟ್ ಕಮಿಷನ್ ಸರ್ಕಾರ ಎಂದು ಜನ ಕರೆಯುತ್ತಾರೆ?

— M B Patil (@MBPatil) January 8, 2023

ಇದಕ್ಕೂ ಮುನ್ನ, ಥಟ್ ಅಂತ ಹೇಳಿ ಅಭಿಯಾನದಲ್ಲಿ ವಕ್ಫ್ ಮಂಡಳಿಗೆ ಸೇರಿದ ಅಂದಾಜು 2.30 ಲಕ್ಷ ಕೋಟಿ ರೂಪಾಯಿ ಮೌಲ್ಯದ 29,000 ಎಕರೆ ಭೂಮಿಯನ್ನು ಅಕ್ರಮವಾಗಿ ಹಂಚಿಕೆ ಮಾಡಲಾಗಿತ್ತು. ಈ ಪ್ರಕರಣದ ಭೂಗಳ್ಳ ಯಾರು? ಎಂದು ಪ್ರಶ್ನಿಸಿ, ಸಿದ್ದರಾಮಯ್ಯ, ಡಿಕೆ ಶಿವಕುಮಾರ್, ಮಲ್ಲಿಕಾರ್ಜುನ ಖರ್ಗೆ, ಜಮೀರ್​​ ಅವರ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಥಟ್ ಅಂತ ಹೇಳಿ !

ವಕ್ಫ್ ಮಂಡಳಿಗೆ ಸೇರಿದ ಅಂದಾಜು 2.30 ಲಕ್ಷ ಕೋಟಿ ರೂಪಾಯಿ ಮೌಲ್ಯದ 29,000 ಎಕರೆ ಭೂಮಿಯನ್ನು ಅಕ್ರಮವಾಗಿ ಹಂಚಿಕೆ ಮಾಡಲಾಗಿತ್ತು. ಈ ಪ್ರಕರಣದ ಭೂಗಳ್ಳ ಯಾರು? #CorruptCongress #ಥಟ್‌ಅಂತಹೇಳಿ‌ pic.twitter.com/KukKUGwjsd

— BJP Karnataka (@BJP4Karnataka) January 6, 2023

ಇದನ್ನೂ ಓದಿ: Mangaluru Blast Case: ಕಾಂಗ್ರೆಸ್​ ಮುಖಂಡನ ಮಗ ಎನ್​​ಐಎ ವಶಕ್ಕೆ; ಶಂಕಿತನ ತಂದೆಗೂ  ಕೈ ನಾಯಕರಿಗೂ ಲಿಂಕ್!

ಸಿದ್ದರಾಮಯ್ಯ ಹಾಗೂ ಡಿಕೆ ಶಿವಕುಮಾರ್ ನಡುವೆ ಮುಸುಕಿನ ಗುದ್ದಾಟ ನಡೆಸುತ್ತಿರೋ ಬಗ್ಗೆಯೂ ಆರೋಪಿಸಿರೋ ಬಿಜೆಪಿ, ದಳಕ್ಕೆ ಕೈ ಕೊಟ್ಟವರು, ಸ್ವಕ್ಷೇತ್ರಕ್ಕೆ ಕೈ ಕೊಟ್ಟವರು, ಬಾದಾಮಿಗೆ ಕೈ ಕೊಟ್ಟವರು, ರಾಜ್ಯಕ್ಕೆ ಕೈ ಕೊಟ್ಟವರು ಸಿದ್ದರಾಮಯ್ಯ. ಈ ಬಾರಿ ಇವರಿಗೆ ಕೈ ಕೊಡಲು ವೇದಿಕೆ ಸಿದ್ಧ ಮಾಡಿದ್ದಾರೆ ಡಿಕೆ ಶಿವಕುಮಾರ್ ಎಂದು ವ್ಯಂಗ್ಯವಾಡಿದೆ.

ಥಟ್ ಅಂತ ಹೇಳಿ.

ಶರತ್ ಮಡಿವಾಳ, ಪ್ರವೀಣ್ ಪೂಜಾರಿ ಮತ್ತಿತರ ಹಿಂದೂ ಕಾರ್ಯಕರ್ತರ ಕೊಲೆಯಿಂದ ಅವರ ಕುಟುಂಬಸ್ಥರು ಕಣ್ಣೀರಿನಲ್ಲಿ ಕೈತೊಳೆಯುವಂತೆ ಮಾಡಿದವರು ಯಾರು?#ಥಟ್‌ಅಂತಹೇಳಿ #CriminalCongress pic.twitter.com/RlOa9Cq3nN

— BJP Karnataka (@BJP4Karnataka) January 8, 2023

ಬಿಜೆಪಿ ವಿರುದ್ಧ ತನ್ನ ಅಭಿಯಾನವನ್ನು ಮುಂದುವರಿಸಿರುವ ಕಾಂಗ್ರೆಸ್​, ಪೌರಕಾರ್ಮಿಕರ ಸಮಸ್ಯೆಗಳನ್ನು ಮುಂದಿಟ್ಟು ರಾಜ್ಯ ಸರ್ಕಾರದ ವೈಫಲ್ಯವನ್ನು ಪ್ರಶ್ನಿಸಿದೆ. ಪೌರಕಾರ್ಮಿಕರಿಗೆ ವ್ಯವಸ್ಥಿತ ಆರೋಗ್ಯ ಚಿಕಿತ್ಸೆ ನೀಡುತ್ತೇವೆ ಎಂದಿತ್ತು ಬಿಜೆಪಿ. ಆದರೆ ಆಡಳಿತಕ್ಕೆ ಬಂದಮೇಲೆ ಪೌರ ಕಾರ್ಮಿಕರಿಗೆ ಅಗತ್ಯ ಸೌಲಭ್ಯ ನೀಡಲಿಲ್ಲ, ವೇತನಕ್ಕಾಗಿ ಹೋರಾಡುತ್ತಿದ್ದರೂ ಕಣ್ಣೆತ್ತಿ ನೋಡ್ತಿಲ್ಲ, ಸುರಕ್ಷಾ ಪರಿಕರಗಳನ್ನು ನೀಡಿಲ್ಲ, ಈ ನಿರ್ಲಕ್ಷ್ಯವೇಕೆ ಸಿಎಂ ಬೊಮ್ಮಾಯಿ ಅವರೇ ಅಂತ ಪ್ರಶ್ನೆ ಮಾಡಿದೆ.