'ಮುಟ್ಟಾಳ ಕಾಂಗ್ರೆಸ್​​​ ಹಾಗೂ ಮಮತಾ ಬ್ಯಾನರ್ಜಿಯ ಪ್ರಚೋದನೆಗೆ ಒಳಗಾಗಬೇಡಿ'; ಸಚಿವ ಪ್ರಹ್ಲಾದ್​ ಜೋಶಿ ಕರೆ

ಮೋದಿ ಸರ್ಕಾರದಡಿಯಲ್ಲಿ ಎಲ್ಲರೂ ಸುರಕ್ಷಿತವಾಗಿರುತ್ತೀರಿ. ಬೇರೆ ದೇಶದಿಂದ ಬಂದ ಮುಸ್ಲಿಂರಿಗೆ ಪೌರತ್ವ ಕೊಟ್ಟಿದ್ದೇವೆ. ಆದರೆ ವಿಶ್ವದಲ್ಲಿ 40 ದೇಶಗಳಿವೆ, ಅಲ್ಲಿಂದ ಎಲ್ಲರೂ ಬರುತ್ತಾರೆ. ಪೌರತ್ವ ಕೊಡಲು ಸಾಧ್ಯವೇ, ದೇಶವೇನು ಧರ್ಮಶಾಲೆಯೇ? ಫೆಬ್ರವರಿ 1 ರಂದು ಬಜೆಟ್ ಮಂಡನೆಯಾಗಲಿದೆ. ಆಗ ಇದರ ಬಗ್ಗೆ ಎಲ್ಲರೂ ಚರ್ಚೆಗೆ ಬರಲಿ ಆಹ್ವಾನ ನೀಡಿದರು.

ಕೇಂದ್ರ ಸಚಿವ ಪ್ರಲ್ಹಾದ್​ಜೋಶಿ

ಕೇಂದ್ರ ಸಚಿವ ಪ್ರಲ್ಹಾದ್​ಜೋಶಿ

  • Share this:
ಬೆಂಗಳೂರು(ಡಿ.22): ಕಳೆದ ಕೆಲವು ದಿನಗಳಿಂದ ಕಾಂಗ್ರೆಸ್​  ಸೇರಿ ಕೆಲ ಪಕ್ಷಗಳಿಂದ ಗಲಭೆ ಎಬ್ಬಿಸುವ ಕೆಲಸ ಆಗುತ್ತಿದೆ. ಪೌರತ್ವ ತಿದ್ದುಪಡಿ ಕಾಯ್ದೆಗೆ ರಾಷ್ಟ್ರಪತಿ ಅಂಕಿತ ಹಾಕಿ ಆಯ್ತು. ರಾಷ್ಟ್ರಪತಿ ಅಂಕಿತ ಬೀಳುವವರೆಗೂ ಕಾಂಗ್ರೆಸ್ ಏನು ಮಾಡುತ್ತಿತ್ತು? ಕಾಂಗ್ರೆಸ್​​​​ನವರ ವಾದವನ್ನು ಅರ್ಥ ಮಾಡಿಕೊಳ್ಳಲು ಆಗುತ್ತಿಲ್ಲ. ಅಲ್ಪಸಂಖ್ಯಾತರನ್ನು ತಪ್ಪು ದಾರಿಗೆಳೆಯುವ ಪ್ರಯತ್ನ ಮಾಡುತ್ತಿದೆ. ಕೇವಲ ದೊಂಬಿ ಎಬ್ಬಿಸುವುದೇ ಕಾಂಗ್ರೆಸ್​ನವರ ಉದ್ದೇಶ ಎಂದು ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ತೀವ್ರ ವಾಗ್ದಾಳಿ ನಡೆಸಿದ್ದಾರೆ.

ಬೆಂಗಳೂರಿನಲ್ಲಿ ಮಾತನಾಡಿದ ಅವರು, ಆಫ್ಘಾನಿಸ್ತಾನದಲ್ಲಿ ಕೇವಲ 500 ಸಿಖ್, ಹಿಂದುಗಳಿದ್ದಾರೆ. ಪಾಕ್ ನಲ್ಲಿ 1947ರಲ್ಲಿ ಶೇ.13ರಷ್ಟು ಹಿಂದುಗಳಿದ್ದರು. 2015ರಲ್ಲಿ ಪಾಕ್​​​​ನಲ್ಲಿ ಶೇ.96 ಮುಸ್ಲಿಮರು, ಹಿಂದುಗಳೀಗ ಶೇ. 1.06 ಗಳಿದ್ದಾರೆ. ಶೇ.22 ರಷ್ಟು ಹಿಂದೂಗಳು ಬಾಂಗ್ಲಾದೇಶದಲ್ಲಿದ್ದಾರೆ ಎಂದು ಹೇಳಿದರು.

ಸಾರ್ವಜನಿಕ ಆಸ್ತಿಪಾಸ್ತಿ ಹಾನಿ ಮಾಡಿದವರಿಗೆ ಗುಂಡಿಕ್ಕಿ; ಹೇಳಿಕೆ ಸಮರ್ಥಿಸಿಕೊಂಡ ಸಚಿವ ಸುರೇಶ್​ ಅಂಗಡಿ

ಕಾಂಗ್ರೆಸ್ ಅಲ್ಪಸಂಖ್ಯಾತರನ್ನು ತಪ್ಪು ದಾರಿಗೆಳೆಯುವ ಪ್ರಯತ್ನ ಮಾಡುತ್ತಿದೆ. ಒಂದೆರಡು ರಾಜ್ಯಗಳನ್ನ ಹೊರತುಪಡಿಸಿದರೆ ಕಾಂಗ್ರೆಸ್​​ಗೆ ದೇಶದಲ್ಲಿ ವಿಳಾಸ ಇಲ್ಲ.  ಪೌರತ್ವ ತಿದ್ದುಪಡಿ ಕಾಯ್ದೆ ಪಾಸ್ ಆಗುವ ಮುನ್ನ ಗುಲಾಂ ನಬಿ ಆಜಾದ್ ಅವರಿಗೆ ಕೇಳಿದ್ದೆ. ಈ ಕಾಯ್ದೆಯಿಂದ ದೇಶದ ಅಲ್ಪಸಂಖ್ಯಾತರಿಗೆ ತೊಂದರೆ ಆದ ಒಂದೇ ಒಂದು ಉದಾಹರಣೆ ನೀಡಿ ಎಂದು ಕೇಳಿದ್ದೆ. ಪಾರ್ಲಿಮೆಂಟ್ ನಲ್ಲಿ ಇಲ್ಲಿಯವರೆಗೆ ಒಂದು  ಉದಾಹರಣೆಯನ್ನು ನೀಡಲು ಸಾಧ್ಯವಾಗಿಲ್ಲ ಎಂದರು.

ದೇಶದಲ್ಲಿನ ವಾತಾವರಣದಿಂದಾಗಿ ಈ ರಾಷ್ಟ್ರ ಜಾತ್ಯಾತೀತ ಆಗಿದೆ. ಜವಾಹರಲಾಲ್​​​ ನೆಹರೂ, ಇಂದಿರಾಗಾಂಧಿಯಿಂದ ಈ ದೇಶ ಜಾತ್ಯಾತೀತ ಆಗಿಲ್ಲ. ಸೆಕ್ಯೂಲರ್ ಎನ್ನುವುದು ದೇಶದ ಪ್ರತಿ ವ್ಯಕ್ತಿಯ ರಕ್ತದಲ್ಲಿದೆ. ಮುಟ್ಟಾಳ ಕಾಂಗ್ರೆಸ್​​​ನ ಹಾಗೂ ಮಮತಾ ಬ್ಯಾನರ್ಜಿಯ ಪ್ರಚೋದನೆಗೆ ಒಳಗಾಗಬೇಡಿ. ಅಲ್ಪಸಂಖ್ಯಾತರಿಗೆ ಸೇರಿ‌ ಇತರೆ  ಸಮುದಾಯದವರಿಗೆ ಇಲ್ಲಿ ರಕ್ಷಣೆ ಇದೆ. ಮಮತಾ ಬ್ಯಾನರ್ಜಿ ಮಾಡುತ್ತಿರುವುದು ದೇಶದ್ರೋಹ ಎಂದು ಕಿಡಿಕಾರಿದರು.

ಕರ್ತವ್ಯದ ಜೊತೆ ಪರಿಸರ ಪ್ರೇಮ; ಎಲ್ಲರಿಗೂ ಮಾದರಿ ರಾಯಚೂರಿನ ಈ ಪೊಲೀಸ್​ ಅಧಿಕಾರಿ

ಮೋದಿ ಸರ್ಕಾರದಡಿಯಲ್ಲಿ ಎಲ್ಲರೂ ಸುರಕ್ಷಿತವಾಗಿರುತ್ತೀರಿ. ಬೇರೆ ದೇಶದಿಂದ ಬಂದ ಮುಸ್ಲಿಂರಿಗೆ ಪೌರತ್ವ ಕೊಟ್ಟಿದ್ದೇವೆ. ಆದರೆ ವಿಶ್ವದಲ್ಲಿ 40 ದೇಶಗಳಿವೆ, ಅಲ್ಲಿಂದ ಎಲ್ಲರೂ ಬರುತ್ತಾರೆ. ಪೌರತ್ವ ಕೊಡಲು ಸಾಧ್ಯವೇ, ದೇಶವೇನು ಧರ್ಮಶಾಲೆಯೇ? ಫೆಬ್ರವರಿ 1 ರಂದು ಬಜೆಟ್ ಮಂಡನೆಯಾಗಲಿದೆ. ಆಗ ಇದರ ಬಗ್ಗೆ ಎಲ್ಲರೂ ಚರ್ಚೆಗೆ ಬರಲಿ ಆಹ್ವಾನ ನೀಡಿದರು.

 
Published by:Latha CG
First published: