(VIDEO): ಸ್ಥಳೀಯ ಸಂಸ್ಥೆ ಚುನಾವಣೆ: ಗೆದ್ದ ಬಳಿಕ ಗಂಗೂಲಿ ಅಭಿಮಾನಿ ಮಾಡಿದ್ದೇನು?

ನ್ಯೂಸ್ 18 ಕನ್ನಡ

ಕಳೆದ 2002 ರಲ್ಲಿ ಲಂಡನ್​​​ನ ಲಾರ್ಡ್ಸ್​​ ಅಂಗಳದಲ್ಲಿ ಟೀಂ ಇಂಡಿಯಾ ಇಂಗ್ಲೆಂಡ್ ವಿರುದ್ಧ ಐತಿಹಾಸಿಕ ಗೆಲುವು ಸಾಧಿಸಿತ್ತು. ಭಾರತ ನ್ಯಾಟ್​​ವೆಸ್ಟ್​ ಫೈನಲ್​ನಲ್ಲಿ ಗೆಲುವು ಸಾಧಿಸುತ್ತಿದ್ದಂತೆಯೇ ಅಂದಿನ ಟೀಂ ಇಂಡಿಯಾದ ನಾಯಕ ಸೌರವ್ ಗಂಗೂಲಿ ಬಾಲ್ಕನಿಯಲ್ಲಿ ಶರ್ಟ್​ ಬಿಚ್ಚಿ ಜೋಶ್​ನಲ್ಲಿ ತಿರುಗಿಸಿದ್ದು ಕ್ರಿಕೆಟ್​​ ಇತಿಹಾಸದಲ್ಲೇ ಅವಿಸ್ಮರಣೀಯ ಕ್ಷಣವಾಗಿತ್ತು.

ಇದೇ ಮಾದರಿಯಲ್ಲಿಯೇ ಕರ್ನಾಟಕ ಸ್ಥಳೀಯ ಸಂಸ್ಥೆ ಚುನಾಣೆಯಲ್ಲಿ ಗೆದ್ದ ಗಂಗೂಲಿ ಅಭಿಮಾನಿಯೋರ್ವ ಶರ್ಟ್​ ಬಿಚ್ಚಿ ದಾದ ಅವರ ಅಪರೂಪದ ಘಟನೆಯನ್ನು ನೆನಪಿಸಿದ್ದಾರೆ. ನಿನ್ನೆ(ಸೆ. 04) ರಂದು ಭಾರೀ ಕುತೂಹಲ ಕೆರಳಿಸಿದ್ದ ಸ್ಥಳೀಯ ಸಂಸ್ಥೆ ಚುನಾವಣೆ ಫಲಿತಾಂಶ ಹೊರಬಿದ್ದಿದೆ.

 

#WATCH: Veerappa Siragannavar, BJP candidate from ward No. 19 of Bagalkote municipal council, celebrates his victory in the urban local body polls by removing his shirt. #Karnataka pic.twitter.com/hUl7PnCG6W

— ANI (@ANI) September 3, 2018

ಮೂರು ನರಸಭೆ ಸೇರಿದಂತೆ 102 ಪುರಸಭೆ ಸ್ಥಳೀಯ ಸಂಸ್ಥೆಗಳಿಗೆ ಚುನಾವಣೆ ನಡೆದಿದೆ. ಇದರಲ್ಲಿ ಒಟ್ಟು ​2662 ವಾರ್ಡ್​ಗಳ ಪೈಕಿ ಕಾಂಗ್ರೆಸ್​ಗೆ 982, ಬಿಜೆಪಿ 929, ಜೆಡಿಎಸ್-ಬಿಎಸ್​​ಪಿ 388 ಸ್ಥಾನ ಗೆದ್ದಿದ್ದಾರೆ. ಮತದಾರ ಯಾವ ಪಕ್ಷಕ್ಕೂ ಬಹುಮತ ನೀಡದೆ, ಅತಂತ್ರ ಫಲಿತಾಂಶ ಬಂದಿದೆ.

ಆದರೆ, ಬಾಗಲಕೋಟೆಯಲ್ಲಿ ಗಂಗೂಲಿ ಅಭಿಮಾನಿಯೋರ್ವ ಪುರಸಭೆ 19ನೇ ವಾರ್ಡ್​​ನಲ್ಲಿ ಜಯಭೇರಿ ಬಾರಿಸಿದ್ದಾರೆ. ವೀರಪ್ಪ ಸಿರಗನ್ನವರ್ ಎಂಬಾತ ದಾದ ಮಾದರಿಯಲ್ಲಿಯೇ ಗೆದ್ದ ಖುಷಿಯಲ್ಲಿ ರಸ್ತೆ ಮಧ್ಯ ಶರ್ಟ್​​ ಬಿಚ್ಚಿ ತಿರುಗಿಸುವ ಮೂಲಕ ಸಂಭ್ರಮಿಸಿದ್ಧಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಜೊತೆಗೆ ಟ್ವಿಟರ್​ನಲ್ಲಿ ಈ ಘಟನೆ ಟ್ರೆಂಡ್​ ಶುರು ಮಾಡಿದೆ.

 

seems he is a fan of Sourab Ganguly
🤣😂 pic.twitter.com/0RuGXdTs2t

— Nairs (@Nairs20) September 3, 2018

 

Dada @SGanguly99 everytime some one pulls of the tshirt it remind me you....😊

— Pritesh Shah (@prit_inc) September 3, 2018

 

Sourav Ganguly of Politics!! 😀🤣😀🤣

— धर्मो रक्षति रक्षितः (@AmbrMB) September 3, 2018