• Home
  • »
  • News
  • »
  • state
  • »
  • Chandrashekhar Death: ಸ್ನೇಹಿತರ ಸಲಿಂಗಕಾಮಕ್ಕೆ ಬಲಿಯಾದ್ರಾ ಶಾಸಕ ರೇಣುಕಾಚಾರ್ಯ ಪುತ್ರ ಚಂದ್ರಶೇಖರ್?

Chandrashekhar Death: ಸ್ನೇಹಿತರ ಸಲಿಂಗಕಾಮಕ್ಕೆ ಬಲಿಯಾದ್ರಾ ಶಾಸಕ ರೇಣುಕಾಚಾರ್ಯ ಪುತ್ರ ಚಂದ್ರಶೇಖರ್?

ಚಂದ್ರಶೇಖರ್

ಚಂದ್ರಶೇಖರ್

ಚಂದ್ರು ಅಲಿಯಾಸ್ ಚಂದ್ರಶೇಖರ್ ಶವ ಪತ್ತೆಯಾದಾಗ ಆತನ ಒಳಉಡುಪು ಇರಲಿಲ್ಲ. ಆತನ ಕಿವಿ ಕಚ್ಚಲಾಗಿದೆ ಎಂದು ಆರೋಪಿಸಲಾಗಿದೆ.

  • News18 Kannada
  • Last Updated :
  • Honnali, India
  • Share this:

ಹೊನ್ನಾಳಿಯ ಬಿಜೆಪಿ ಶಾಸಕ ಎಂ.ಪಿ.ರೇಣುಕಾಚಾರ್ಯ (Honnali MP Renukacharya) ಸೋದರನ ಪುತ್ರ ಚಂದ್ರಶೇಖರ್ ಸಾವಿನ (Chandrashekhar Death) ಬಗ್ಗೆ ಹಲವು ಅನುಮಾನಗಳು ಹುಟ್ಟಿಕೊಂಡಿವೆ. ಚಂದ್ರಶೇಖರ್ ಅವರದ್ದು ಕೊಲೆಯಲ್ಲ (Murder) ಎಂದು ತಿಳಿದು ಬಂದಿದೆ. ಪೊಲೀಸರ (Police Investigation) ಪ್ರಾಥಮಿಕ ತನಿಖೆಯಲ್ಲಿ ಹಲವು ವಿಷಯಗಳು ಬೆಳಕಿಗೆ ಬಂದಿದೆ. ಸಿಡಿಆರ್ ರಿಪೋರ್ಟ್ (CDR Report)​ ಪ್ರಕಾರ, ಘಟನೆ ನಡೆದ ಸ್ಥಳ ಅಂದ್ರೆ ಕಾರ್ ಮತ್ತು ಚಂದ್ರಶೇಖರ್ ಶವ ಪತ್ತೆಯಾದ (Chandrashekhar Dead body And Car) ಜಾಗದಲ್ಲಿ ಬೇರೆ ಯಾವುದೇ ಮೊಬೈಲ್​ಗಳು (Mobile) ಪತ್ತೆಯಾಗಿಲ್ಲ. ಇನ್ನು ಪ್ರಕರಣ ಸಂಬಂಧ ಚಂದ್ರಶೇಖರ್ ಸ್ನೇಹಿತರು ನೀಡಿದ ಹೇಳಿಕೆಯಲ್ಲಿ (Chandrashekhar’s Friends Statement) ಯಾವುದೇ ಗೊಂದಲಗಳು ಇರಲಿಲ್ಲ. ಈ ಎಲ್ಲಾ ಮಾಹಿತಿಯಿಂದ ಇದೊಂದು ಅಪಘಾತವೇ ಇರಬಹುದು ಎಂದು ಪೊಲೀಸರು (Police) ಪರಿಗಣಿಸಿದ್ದಾರೆ ಎಂದು ಪಬ್ಲಿಕ್ ಟಿವಿ ಡಿಜಿಟಲ್ ಸುದ್ದಿ ಪ್ರಕಟಿಸಿದೆ.


ಈ ಎಲ್ಲಾ ಬೆಳವಣಿಗೆಗಳ ನಡುವೆ ಚಂದ್ರು ಸ್ನೇಹಿತರ ಸಲಿಂಗಕಾಮಕ್ಕೆ ಬಲಿಯಾದ್ನಾ ಅನ್ನೋದು ಆತನ ತಂದೆಯ ಹೇಳಿಕೆ ಅನುಮಾನ ಮೂಡಿಸಿದೆ. ಚಂದ್ರು ಅಲಿಯಾಸ್ ಚಂದ್ರಶೇಖರ್ ಶವ ಪತ್ತೆಯಾದಾಗ ಆತನ ಒಳಉಡುಪು ಇರಲಿಲ್ಲ. ಆತನ ಕಿವಿ ಕಚ್ಚಲಾಗಿದೆ ಎಂದು ಆರೋಪಿಸಲಾಗಿದೆ. ಚಂದ್ರಶೇಖರ್ ಅವರ ತಂದೆಯ ಈ ಹೇಳಿಕೆ ಒಂದಿಷ್ಟು ಅನುಮಾನಗಳಿಗೆ ಕಾರಣವಾಗಬಹುದು.


ಸೋದರನ ಹೇಳಿಕೆಗೆ ಪ್ರತಿಕ್ರಿಯೆ ನೀಡದ ರೇಣುಕಾಚಾರ್ಯ


ಇನ್ನು ಸೋದರನ ಈ ಹೇಳಿಕೆ ಬಗ್ಗೆ ಪ್ರತಿಕ್ರಿಯಿಸಲು ಶಾಸಕರಾದ ರೇಣುಕಾಚಾರ್ಯ ಹಿಂದೇಟು ಹಾಕಿದ್ದಾರೆ. ಪೊಲೀಸರು ಕಿರಣ್ ಮತ್ತು ಆತನ ಸ್ನೇಹಿತರನ್ನು ಚೆನ್ನಾಗಿ ವಿಚಾರಣೆ ನಡೆಸಿಲ್ಲ. ಇದರ ಜೊತೆಗೆ ಪಂಚನಾಮೆ ವೇಳೆಯೂ ನಮಗೆ ಮಾಹಿತಿ ನೀಡಿಲ್ಲ ಎಂದು ಆರೋಪ ಮಾಡಿದ್ದಾರೆ.


ಗೆಳೆಯರ ಭೇಟಿಗೆ ಯತ್ನಿಸಿದ್ದ ಚಂದ್ರಶೇಖರ್?


ಅಕ್ಟೋಬರ್ 30ರಂದ ಚಂದ್ರಶೇಖರ್ ತನ್ನ ಆಪ್ತ ಗೆಳೆಯರನ್ನು ಭೇಟಿಯಾಗಲು ಯತ್ನಿಸಿದ್ರು ಎನ್ನಲಾಗಿದೆ. ಮಾಧ್ಯಮಗಳ ಜೊತೆ ಮಾತನಾಡಿದ ಚಂದ್ರಶೇಖರ್ ಗೆಳೆಯ ಚರಣ್, ಅಂದು ರಾತ್ರಿ 11.30ವರೆಗೂ ನನ್ನ ಜೊತೆಯೇ ಚೆನ್ನಾಗಿ ಮಾತಾಡಿದ್ದನು. ಅಂದು ಸಹಜವಾಗಿ ಮತ್ತು ಶಾಂತವಾಗಿಯೇ ನನ್ನ ಜೊತೆಯಲ್ಲಿ ಮಾತನಾಡಿದ್ದನು ಎಂದು ಹೇಳಿದ್ದಾರೆ


ಇನ್ನು ಉತ್ತಮ್ ಎಂಬವರು ಮಾತನಾಡಿ, ಅಕ್ಟೋಬರ್ 30ರಂದು ನಾನು ಸಹ ಗೌರಿಗದ್ದೆಗೆ ಹೋಗಬೇಕಿತ್ತು. ಆದ್ರೆ ಅನಾರೋಗ್ಯದ ಹಿನ್ನೆಲೆ ನಾನು ಅಲ್ಲಿಗೆ ಹೋಗಲಿಲ್ಲ. ಇದೇ ವೇಳೆ ಚಂದ್ರು ಜೊತೆಗಿನ ಒಡನಾಟವನ್ನು ಹಂಚಿಕೊಂಡಿದ್ದರು.


ಇದನ್ನೂ ಓದಿ: Bengaluru Honey Trap: ಮನೆಯಲ್ಲಿ ಯಾರೂ ಇಲ್ಲ ಬಾ ಅಂದ ಮಾಯಾಂಗನೆ! ಬೆಂಗಳೂರಲ್ಲಿ ಇನ್ನೊಂದು ಹನಿಟ್ರ್ಯಾಪ್ ಪ್ರಕರಣ


ಅಂದು ಒಂದೇ ನಂಬರ್​ನಿಂದ ಪದೇ ಪದೇ ಕಾಲ್


ಚಂದ್ರಶೇಖರ್ ನಾಪತ್ತೆಯಾದ ದಿನ ಅಂದ್ರೆ ರಾತ್ರಿ 11.30ರ ವೇಳೆಗೆ ಒಂದೇ ಸಂಖ್ಯೆಯಿಂದ ಪದೇ ಪದೇ ಫೋನ್ ಕರೆ ಬಂದಿದೆ. ಈ ಕಾಲ್​ ಲಿಸ್ಟ್ ನ್ಯೂಸ್ 18 ಕನ್ನಡಕ್ಕೆ ಲಭ್ಯವಾಗಿದೆ. ಈ ಮೊಬೈಲ್ ಸಂಖ್ಯೆ ಆಧರಿಸಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ


ಶಾಸಕ ರೇಣುಕಾಚಾರ್ಯ ಹೇಳೋದೇನು?


ಶಾಸಕ ರೇಣುಕಾಚಾರ್ಯ ಪೊಲೀಸರ ತನಿಖೆ ಮೇಲೆ ಅನುಮಾನ ವ್ಯಕ್ತಪಡಿಸುತ್ತಾ ಬಂದಿದ್ದಾರೆ. ಚಂದ್ರು ಅವರದ್ದು ಕೊಲೆಯಲ್ಲ ಅಪಘಾತ ಎಂದು ಹೇಳುತ್ತಿದ್ದಾರೆ. ಹಾಗಾದ್ರೆ ಚಂದ್ರು ಕೈಗಳನ್ನು ಹಗ್ಗದಿಂದ ಕಟ್ಟಿದ್ಯಾರು? ಓರ್ವ ಶಾಸಕನ ಪುತ್ರನಿಗೆ ಹೀಗಾದ್ರೆ, ಜನ ಸಾಮಾನ್ಯರ ಗತಿ ಏನು ಎಂದು ಪ್ರಶ್ನೆ ಮಾಡಿದ್ದಾರೆ.


ಇದನ್ನೂ ಓದಿ: Moola Nakshatra: ಮೂಲ ನಕ್ಷತ್ರದ ಮಗುವಿಂದ ಮನೆಗೆ ಕೇಡು ಎಂದ ಜ್ಯೋತಿಷಿ! ಹೆಂಡತಿ ಜೊತೆ ಕಂದನನ್ನೂ ಹೊರಹಾಕಿದ ತಂದೆ!


ಪೊಲೀಸರ ತನಿಖೆ ಬಗ್ಗೆ ರೇಣುಕಾಚಾರ್ಯ ಅನುಮಾನ


ನ್ಯಾಮತಿ-ಹೊನ್ನಾಳಿ ಮಾರ್ಗದಲ್ಲಿರುವ ಕಾಲುವೆಯಲ್ಲಿ ಚಂದ್ರು ಶವ ಮತ್ತು ಕಾರ್ ಪತ್ತೆಯಾಗಿದೆ. ಆದ್ರೆ ಚಂದ್ರು ಅವರ ಮೊಬೈಲ್ ಕೊನೆಯ ಲೋಕೆಷೇನ್ ಬೇರೆ ಕಡೆ ತೋರಿಸುತ್ತಿರೋದು ಹೇಗೆ ಎಂದು ಪೊಲೀಸರ ತನಿಖೆಯ ಬಗ್ಗೆ ರೇಣುಕಾಚಾರ್ಯ ಅನುಮಾನ ವ್ಯಕ್ತಪಡಿಸಿದ್ದಾರೆ.

Published by:Mahmadrafik K
First published: