Bhavya Narasimhamurthy: ಸಾಮಾಜಿಕ ಜಾಲತಾಣದಲ್ಲಿ ಅಶ್ಲೀಲ ಸಂದೇಶದ ಮೂಲಕ ವಿಕೃತಿ; ಕೀಚಕನ ಬಣ್ಣ ಬಯಲು ಮಾಡಿದ ಕಾಂಗ್ರೆಸ್​ ನಾಯಕಿ

ಕಿರುಕುಳಕ್ಕೆ ಒಳಗಾದಾಗ ಎಲ್ಲರಂತೆ ಹೆದರಿ ನಾನು ಕೂಡ ಇದನ್ನು ದೊಡ್ಡದು ಮಾಡುವುದು ಬೇಡ ಎಂದು ಸುಮ್ಮನೆ ಆಗಿದ್ದೆ. ಆದರೆ, ಈತನಿಂದ ಅನೇಕರು ಈಗ ದೌರ್ಜನ್ಯಕ್ಕೆ ಒಳಗಾಗುತ್ತಿದ್ದು, ಇದನ್ನೆ ಬಹಿರಂಗ ಪಡಿಸಿ, ಎಚ್ಚರಿಕೆ ಅರಿವು ಮೂಡಿಸಬೇಕಿದೆ

ಭವ್ಯ ನರಸಿಂಹಮೂರ್ತಿ

ಭವ್ಯ ನರಸಿಂಹಮೂರ್ತಿ

  • Share this:
    ಬೆಂಗಳೂರು (ಅ. 1): ಸಾಮಾಜಿಕ ಜಾಲತಾಣದ (Social Media) ಮೂಲಕ ಕೆಲವರು ಉದ್ದೇಶಪೂರ್ವಕವಾಗಿ ಮಹಿಳೆಯರಿಗೆ  ಅಶ್ಲೀಲ ಸಂದೇಶ ಕಳುಹಿಸುವ ಮೂಲಕ ಅವರ ಮೇಲೆ ದೌರ್ಜನ್ಯ (harassment) ನಡೆಸುತ್ತಿರುತ್ತಾರೆ. ಇಂತಹ ಅನೇಕ ಪ್ರಕರಣಗಳನ್​ನು ಅನೇಕ ವೇಳೆ ಕೆಲವರು ನಿರ್ಲಕ್ಷ್ಯ ಮಾಡುತ್ತಾರೆ. ಆದರೆ, ಕೆಲ ಕಿಡಿಗೇಡಿಗಳು ಮಾತ್ರ ಇದನ್ನೇ ಕಾಯಕವಾಗಿ ಮಾಡಿಕೊಂಡಿರುತ್ತಾರೆ. ಸಾಮಾಜಿಕ ಜಾಲತಾಣದಲ್ಲಿ ಸುಸಂಸ್ಕೃತರಂತೆ ಫೋಸ್​ ನೀಡುತ್ತ ಮಹಿಳೆಯರಿಗೆ ಸಂದೇಶದ ಮೂಲಕ ತೇಜೋವಧೆ ಮಾಡುತ್ತಿರುತ್ತಾರೆ. ಅಂತಹದ್ದೆ ಒಬ್ಬ ಕೀಚಕನ ಮುಖವನ್ನು ಕಾಂಗ್ರೆಸ್​ ವಕ್ತಾರೆ ಭವ್ಯ ನರಸಿಂಹ ಮೂರ್ತಿ  ( Bhavya Narasimhamurthy) ಬಯಸಿಗೆ ಎಳೆದಿದ್ದಾರೆ. ಹಲವು ತಿಂಗಳಗಳ ಹಿಂದೆಯೇ ಈ ರೀತಿಯ ವ್ಯಕ್ತಿಯೊಬ್ಬ ಅಶ್ಲೀಲ ಸಂದೇಶದ ಮೂಲಕ ಸಂದೇಶ ಕಳುಹಿಸುತ್ತಿದ್ದ. ಆದರೆ, ಇದನ್ನು ನಾನು ನಿರ್ಲಕ್ಷಿಸಿದೆ. ಆದರೆ, ಈತನಿಂದ ಇತರೆ ಮಹಿಳೆಯರಿಗೆ ತೊಂದರೆಯಾಗುತ್ತಿರುವ ಹಿನ್ನಲೆ ಬಹಿರಂಗ ಪಡಿಸಿರುವುದಾಗಿ ತಿಳಿಸಿದ್ದಾರೆ.

    ಸಾಮಾಜಿಕ ಜಾಲತಾಣದಲ್ಲಿ ( @rational_sapien ಎಂಬ ವ್ಯಕ್ತಿ ತಮಗೆ ಹೇಗೆಲ್ಲ ಕಿರುಕುಳದ ಸಂದೇಶವನ್ನು ಕಳುಹಿಸಿದ್ದಾನೆ ಎಂಬುದನ್ನು ಸ್ಕ್ರೀನ್ ಶಾಟ್​ (Screen Shot) ಸಮೇತ ಅವರು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ಮಹಿಳೆಯರು ಎಂಬ ಬಗ್ಗೆ ಕೊಂಚವೂ ಗೌರವ, ಅಭಿಮಾನವಿಲ್ಲದೇ, ಆಕೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹೇಗೆ ದೌರ್ಜನ್ಯ ನಡೆಸುತ್ತಿದ್ದಾನೆ ಎಂಬುದನ್ನು ಸಾಕ್ಷಿ ಸಮೇತವಾಗಿ ತಮ್ಮ ಟ್ವಿಟರ್ ಖಾತೆಯಲ್ಲಿ  (twitter) ಬಹಿರಂಗ ಪಡಿಸಿದ್ದಾರೆ.



    ಅನೇಕರಿಗೆ ಈತನಿಂದ ಕಿರುಕುಳ
    ಅನೇಕ ಮಹಿಳೆಯರು ಈತನ ಬಗ್ಗೆ ಕಿರುಕುಳದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಧ್ವನಿ ಎತ್ತುತ್ತಿದ್ದಾರೆ. ಈತ ನನಗೂ ಕೂಡ ಇದೇ ರೀತಿ ಕೆಟ್ಟದಾಗಿ ಸಂದೇಶವನ್ನು ಕಳುಹಿಸಿದ್ದ. ಆತನಿಂದ ಇತರ ಮಹಿಳೆಯರು ತೊಂದರೆಗೆ ಒಳಗಾಗುತ್ತಾರೆ ಎಂಬ ನಿರೀಕ್ಷೆ ಇರಲಿಲ್ಲ. ಈ ರೀತಿ ಮೊದಲೇ ಗೊತ್ತಿದ್ದರೆ ಆತನ ಮುಖವಾಡ ಬಯಲು ಮಾಡುತ್ತಿದ್ದೆ ಎಂದಿದ್ದಾರೆ.



    ಕಾಂಗ್ರೆಸ್​ ನಾಯಕಿಗೆ ಬೆಂಬಲ 
    ಭವ್ಯ ನರಸಿಂಹ ಮೂರ್ತಿಗೆ ಈ ರೀತಿ ಸಾಮಾಜಿಕ ಜಾಲತಾಣದಲ್ಲಿ ಕಿರುಕುಳ ಎದುರಿಸಿದ್ದಕ್ಕೆ ಅನೇಕರು ಧೈರ್ಯ ತುಂಬಿ, ಬೆಂಬಲ ನೀಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಅವರು, ಈ ರೀತಿಯ ಕಿರುಕುಳಕ್ಕೆ ಒಳಗಾದಾಗ ಎಲ್ಲರಂತೆ ಹೆದರಿ ನಾನು ಕೂಡ ಇದನ್ನು ದೊಡ್ಡದು ಮಾಡುವುದು ಬೇಡ ಎಂದು ಸುಮ್ಮನೆ ಆಗಿದ್ದೆ. ಆದರೆ, ಈತನಿಂದ ಅನೇಕರು ಈಗ ದೌರ್ಜನ್ಯಕ್ಕೆ ಒಳಗಾಗುತ್ತಿದ್ದು, ಇದನ್ನೆ ಬಹಿರಂಗ ಪಡಿಸಿ, ಎಚ್ಚರಿಕೆ ಅರಿವು ಮೂಡಿಸಬೇಕಿದೆ ಎಂದಿದ್ದಾರೆ.

    ಇದನ್ನು ಓದಿ: ಹೊಸ ರಾಜಕೀಯ ಪಕ್ಷ ಸ್ಥಾಪನೆಗೆ ಮುಂದಾದ ಕ್ಯಾಪ್ಟನ್; ಸಿಧು ವಿರೋಧಿ ಬಣದ 'ಕೈ' ನಾಯಕರನ್ನ ಸೆಳೆಯುವ ಪ್ರಯತ್ನ!

    ಅಲ್ಲದೇ ಈ ರೀತಿ ಮೊದ ಮೊದಲು ನನಗೆ ಸಂದೇಶಗಳು ಬಂದಾಗ ನನಗೆ ಭಯವಾಗುತ್ತಿದ್ದವು. ಈಗ ಇವುಗಳನ್ನು ನಿರ್ಲಕ್ಷ್ಯ ಮಾಡುತ್ತೇನೆ. ಆದರೆ, ಬೇರೆಯವರ ಕಾಳಜಿಯನ್ನು ನಾವು ಮಾಡಬೇಕಿದೆ. ಇದೇ ಕಾರಣಕ್ಕೆ ಏನಾದರೂ ಮಾಡಬೇಕು ಎಂದು ತಿಳಿಸಿದ್ದಾರೆ.

    ಇದನ್ನು ಓದಿ: ಗಾಂಧಿ ಜಯಂತಿ ಅಂಗವಾಗಿ ಅವಧೂತ ಶ್ರೀ ವಿನಯ್ ಗುರೂಜಿ ನೇತೃತ್ವದಲ್ಲಿ ಪರಿಸರ ಕಾಳಜಿ ಕಾರ್ಯಕ್ರಮ

    ನಿಮ್ಮಂತಹವರಿಗೆ ಎಚ್ಚರಿಕೆ
    ಭವ್ಯ ನರಸಿಂಹಮೂರ್ತಿ ಟ್ವೀಟ್​ ಮಾಡುತ್ತಿದ್ದಂತೆ ಕಳೆದ ಹಲವು ತಿಂಗಳ ಹಿಂದೆ ಈ ರೀತಿ ಸಾಮಾಜಿಕ ಜಾಲತಾಣದಲ್ಲಿ ವಿಕೃತಿ ಮೆರೆದ @rational_sapien ಎಂಬ ವ್ಯಕ್ತಿ. ಇಷ್ಟೆಲ್ಲಾ ಸ್ಕ್ರೀನ್​ ಶಾಟ್​ ಇದ್ದರೆ ಪೊಲೀಸ್​ಗೆ ದೂರು ನೀಡಿ ಎಂದು ದರ್ಪ ಮೆರೆದಿದ್ದಾನೆ. ಇದಕ್ಕೆ ತಿರುಗೇಟು ನೀಡಿರುವ ಕಾಂಗ್ರೆಸ್​ ನಾಯಕಿ, ನಿಮಗೆ ಸಾರ್ವಜನಿಕವಾಗಿ ಛೀಮಾರಿ ಹಾಕಿಸಬೇಕು. ಇದೇ ಉದ್ದೇಶದಿಂದ ಇಲ್ಲಿ ಬಹಿರಂಗ ಪಡಿಸಿದ್ದೇನೆ. ಇಂತಹ ವ್ಯಕ್ತಿಗಳು ಸಾಮಾಜಿಕ ಜಾಲತಾಣದಲ್ಲಿ ವಿಕೃತಿ ಮೆರೆಯುತ್ತಾರೆ ಎಂದು ಇತರೆ ಮಹಿಳೆಯರಿಗೆ ತಿಳಿಯಬೇಕು ಎಂದು ತಿಳಿಸಿದ್ದಾರೆ.
    Published by:Seema R
    First published: