Apartment Katha : ಇನ್ಮುಂದೆ ಅಪಾರ್ಟ್​​ಮೆಂಟ್​​ ಪ್ಲ್ಯಾಟ್ ಮಾಲೀಕರು ಸಕಾಲ ಮೂಲಕ ಖಾತಾ ಪಡೆಯಬಹುದು!

ಸಕಾಲ ಯೋಜನೆಯಡಿ ಇನ್ಮುಂದೆ ಪ್ಲ್ಯಾಟ್​ ಮಾಲೀಕರು ಅರ್ಜಿ ಸಲ್ಲಿಸಿದ 30 ದಿನಗಳ ಒಳಗೆ ಖಾತಾವನ್ನು ಪಡೆಯಬಹುದು.

ಬೊಮ್ಮನಹಳ್ಳಿಯ ಬಿಳೇಕಹಳ್ಳಿ ಬಳಿ ಇರುವ ಎಸ್​ಎನ್​ಎನ್ ಲೇಕ್ ವ್ಯೂವ್ ಅಪಾರ್ಟ್ಮೆಂಟ್

ಬೊಮ್ಮನಹಳ್ಳಿಯ ಬಿಳೇಕಹಳ್ಳಿ ಬಳಿ ಇರುವ ಎಸ್​ಎನ್​ಎನ್ ಲೇಕ್ ವ್ಯೂವ್ ಅಪಾರ್ಟ್ಮೆಂಟ್

  • Share this:
ಅಪಾರ್ಟ್​​ಮೆಂಟ್​ ಪ್ಲ್ಯಾಟ್​ ಮಾಲೀಕರು ಖಾತಾ ರಿಜಿಸ್ಟ್ರೇಷನ್​​ಗಾಗಿ ಎದುರಿಸುತ್ತಿದ್ದ ಸಮಸ್ಯೆಯನ್ನು ಹೊಸ ನಿಯಮದ ಮೂಲಕ ಬಗೆಹರಿಸಲಾಗಿದೆ. ಖಾತಾ ರಿಜಿಸ್ಟ್ರೇಷನ್​ ಸಂಬಂಧ ನಾಗರೀಕರು, ಪ್ಲ್ಯಾಟ್​​ ಮಾಲೀಕರ ದೂರುಗಳ ಅನ್ವಯ ಹೊಸ ನಿಯಮವನ್ನು ಜಾರಿಗೆ ತರಲಾಗಿದೆ. ಸಕಾಲ ಯೋಜನೆಯಡಿ ಇನ್ಮುಂದೆ ಪ್ಲ್ಯಾಟ್​ ಮಾಲೀಕರು ಅರ್ಜಿ ಸಲ್ಲಿಸಿದ 30 ದಿನಗಳ ಒಳಗೆ ಖಾತಾವನ್ನು ಪಡೆಯಬಹುದು. ಈ ಮೊದಲು ಅಪಾರ್ಟ್​​ಮೆಂಟ್​​ನ ಎಲ್ಲಾ ಪ್ಲ್ಯಾಟ್​ ಮಾಲೀಕರು ಖಾತಾ ರಿಜಿಸ್ಟ್ರೇಷನ್​ಗೆ ಒಟ್ಟಿಗೆ ಅರ್ಜಿ ಸಲ್ಲಿಸಿದರೆ ಮಾತ್ರ ಖಾತಾ ನೀಡಲಾಗುತ್ತಿತ್ತು. ಯಾರೋ ಒಬ್ಬರು ಅರ್ಜಿ ಸಲ್ಲಿಸದಿದ್ದರೆ ಉಳಿದ ಎಲ್ಲರ ಅರ್ಜಿಯನ್ನು ತಿರಸ್ಕರಿಸಲಾಗುತ್ತಿತ್ತು.

ಅಪಾರ್ಟ್​​ಮೆಂಟ್​ಗಳಲ್ಲಿ ಪ್ಲ್ಯಾಟ್​ ಹೊಂದಿರುವ ಬಹುತೇಕರು ವಿದೇಶಗಳಲ್ಲಿ, ಬೇರೆಡೆ ನೆಲೆಸಿರುತ್ತಾರೆ. ಅವರು ಅರ್ಜಿ ಸಲ್ಲಿಸದಿದ್ದರೆ ನೆರೆಹೊರೆಯ ಪ್ಲ್ಯಾಟ್​​ ನವರ ರಿಜಿಸ್ಟ್ರೇಷನ್​ ಸಹ ತಿರಸ್ಕೃತಗೊಳ್ಳುತ್ತಿತ್ತು. ಈ ಸಮಸ್ಯೆಯನ್ನು ಮನಗಂಡು ಹೊಸ ನಿಯಮವನ್ನು ಜಾರಿಗೆ ತರಲಾಗಿದೆ. ಹೊಸ ನಿಯಮದ ಪ್ರಕಾರ ಪ್ಲ್ಯಾಟ್​ ಮಾಲೀಕರು ಸಕಾಲ ಯೋಜನೆಯಡಿ ಅರ್ಜಿ ಸಲ್ಲಿಸಿ 30 ದಿನಗಳ ಒಳಗೆ ಖಾತಾವನ್ನು ಪಡೆಯಬಹುದಾಗಿದೆ.

ಅರ್ಜಿ ಸಲ್ಲಿಸಿದ 30 ದಿನಗಳ ಒಳಗೆ ಖಾತಾ ಸಿಗದಿದ್ದರೆ, ಅಧಿಕಾರಿಗಳ ನಿರ್ಲಕ್ಷ್ಯವಹಿಸಿದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಶಿಕ್ಷಣ ಸಚಿವ ಸುರೇಶ್​ ಕುಮಾರ್​ ಎಚ್ಚರಿಸಿದ್ದಾರೆ.  ಸಕಾಲ ಯೋಜನೆಯ ನಿರ್ದೇಶಕರಾದ ರಾಜೀವ್​ ಚಾವ್ಲಾ ಈ ಸಂಬಂಧ ಬಿಬಿಎಂಪಿ ಆಯುಕ್ತರು ಹಾಗೂ ಕಂದಾಯ ಅಧಿಕಾರಿಗಳಿಗೆ ಸುತ್ತೋಲೆ ಹೊರಡಿಸಿದ್ದಾರೆ. ಪ್ಲ್ಯಾಟ್​ ಮಾಲೀಕರು ಅರ್ಜಿ ಸಲ್ಲಿಸಿದ 30 ದಿನಗಳ ಒಳಗೆ ಖಾತಾ ರಿಜಿಸ್ಟ್ರೇಷನ್​​ ಮಾಡುವಂತೆ ಸೂಚಿಸಿದ್ದಾರೆ. ಸಂಕೀರ್ಣ ಕಟ್ಟಡಗಳಲ್ಲಿ ಒಂದು ಮನೆಯನ್ನು ಹೊಂದಿರುವ ಎಲ್ಲರೂ ಅರ್ಜಿ ಸಲ್ಲಿಸಿ ಹೊಸ ಖಾತಾವನ್ನು ಪಡೆಯಬಹುದಾಗಿದೆ.  ಇನ್ಮುಂದೆ ಸಕಾಲದಲ್ಲಿ ಮುನ್ಸಿಪಲ್​ ಸಬ್​ ನಂಬರ್​ ಪಡೆಯಬಹುದಾಗಿದೆ.
Published by:Kavya V
First published: