Corona Delta Mutation: ರಾಜಧಾನಿಯಲ್ಲಿ ಪತ್ತೆಯಾಯ್ತು ಡೆಲ್ಟಾ ವೈರಸ್​​​ನ ವಂಶವಾಹಿಯ ತಳಿಗಳು: 3ನೇ ಅಲೆ ಆರಂಭವೇ.!?

ರಾಜಧಾನಿ ಬೆಂಗಳೂರಿನಲ್ಲಿ ಮತ್ತೆ ಕೊರೋನಾ ಮೂರನೇ ಭೀತಿ ಮುನ್ನಲೆಗೆ ಬಂದಿದೆ.‌ ಯಾಕಂದ್ರೆ ಡೆಲ್ಟಾ ರೂಪಾಂತರಿಯಲ್ಲಿ ಮತ್ತೆ ಹೊಸ ಮೂರು ತಳಿಗಳು ಪತ್ತೆಯಾಗಿದೆ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
ಬೆಂಗಳೂರು: ಸದ್ಯ ಗಣೇಶ ಹಬ್ಬ ಅದ್ದೂರಿಯಾಗಿ ನಡೀತಿದೆ. ಇದರ ನಡುವೆ ಆಘಾತಕಾರಿ ಸುದ್ದಿಯೊಂದು‌ ಹೊರ ಬಿದ್ದಿದೆ. ಮತ್ತೆ ಕೊರೋನಾ ಆರ್ಭಟ ಶುರುವಾಗುತ್ತೆ ಅನ್ನೋದಕ್ಕಿರುವ ಮುನ್ಸೂಚನೆ ಇದು ಎಂಬ ಆತಂಕ ಸದ್ಯದ್ದು. ಹೌದು, ರಾಜಧಾನಿ ಬೆಂಗಳೂರಿನಲ್ಲಿ ಮತ್ತೆ ಕೊರೋನಾ ಮೂರನೇ ಭೀತಿ ಮುನ್ನಲೆಗೆ ಬಂದಿದೆ.‌ ಯಾಕಂದ್ರೆ ಡೆಲ್ಟಾ ರೂಪಾಂತರಿಯಲ್ಲಿ ಮತ್ತೆ ಹೊಸ ಮೂರು ತಳಿಗಳು ಪತ್ತೆಯಾಗಿದೆ.

ಜಿನೋಮಿಕ್ ಸೀಕ್ವೆನ್ಸಿಂಗ್ ವೇಳೆ ಪತ್ತೆಯಾದ ಹೊಸ ತಳಿಗಳು!

ಒಂದ್ಕಡೆ ಸಾಲು ಸಾಲು ಹಬ್ಬ. ಸದ್ಯ ಗಣೇಶ ಹಬ್ಬ ಅದ್ದೂರಿಯಾಗಿ ಆಚರಿಸಲಾಗುತ್ತಿದೆ. ಹೀಗಿದ್ರೂ ಮಾರುಕಟ್ಟೆಗಳ ದೃಶ್ಯಗಳು ಭಯಾನಕವಾಗಿದೆ. ಮಾಸ್ಕ್ ಆಗಲಿ ಸಾಮಾಜಿಕ ಅಂತರವಾಗಲಿ ಎಲ್ಲವೂ ಮಾಯಾವಾಗಿದೆ. ಹಬ್ಬದ ನೆಪದಲ್ಲಿ ಜನರು ಹೀಗೆ ನಡೆದಕೊಳ್ಳುವುದಾದರೆ ಆಪಾಯ ತಪ್ಪಿದ್ದಲ್ಲ. ಯಾಕಂದ್ರೆ ಅತ್ತ ಹಬ್ಬ ಸಂಭ್ರಮ ಸಡಗರವಾದರೆ ಇತ್ತ ಕೊರೋನಾದ ಹೊಸ ತಳಿಗಳು ಪತ್ತೆಯಾಗಿದ್ದು, ಆತಂಕ ಉಂಟು ಮಾಡಿದೆ. ಎರಡನೇ ಅಲೆ ವೇಳೆ ಪತ್ತೆಯಾಗಿದ್ದ ಡೆಲ್ಟಾ ವಂಶಕ್ಕೆ ಸೇರಿದ ಕಪ್ಪಾ ಹಾಗೂ ಇತರೆ ತಳಿಗಳು ಈಗ ಜಿನೋಮ್ ಸೀಕ್ವೆನ್ಸಿಂಗ್ ಟೆಸ್ಟ್ ನಲ್ಲಿ ಪತ್ತೆಯಾಗಿದೆ.

ಮೂರನೇ ಅಲೆಗೆ ಕಾರಣವಾಗಬಹುದಾ ಈ ಹೊಸ ತಳಿಗಳು.!?

ಸುಮಾರು 400 ಸ್ಯಾಂಪಲ್‌ಗಳನ್ನು ಜಿನೋಮಿಕ್ ಸೀಕ್ವೆನ್ಸಿಂಗ್ ಟೆಸ್ಟ್ ಗೆ ಒಳಪಡಿಸಲಾಗಿತ್ತು. ಈ ವೇಳೆ ಮೂರು ಹೊಸ ತಳಿಗಳು ಪತ್ತೆಯಾಗಿದೆ. ಈ ಟೆಸ್ಟ್ ನಲ್ಲಿ AY.3, AY.4, AY.6 ಎಂಬ ಮೂರು ಹೊಸ ಡೆಲ್ಟಾ ವಂಶೀಯ ತಳಿಗಳು ಪತ್ತೆಯಾಗಿದೆ. ಇದೇ ಈಗ ಮೂರನೇ ಅಲೆಗೆ ಕಾರಣವಾಗಬಹುದಾ ಎಂಬ ಅನುಮಾನ ಎಲ್ಲೆಡೆ ಇದೆ. ಈ ಪೈಕಿ AY.6 ರೂಪಾಂತರಿ 38 ಮಂದಿಯಲ್ಲಿ ಕಾಣಿಸಿಕೊಂಡಿದೆ. ತಜ್ಞ ವೈದ್ಯರ ಎಚ್ಚರಿಕೆಯ ಮಧ್ಯೆಯೇ ಡೆಲ್ಟಾ ವಂಶವಾಹಿ ಹೊಸ ತಳಿ ಪತ್ತೆಯಾಗಿದ್ದು ಸ್ವಲ್ಪ ಟೆನ್ಶನ್ ಹೆಚ್ಚಿಸಿದೆ.

ಇದನ್ನೂ ಓದಿ: Risk from Vaccines: ಕೊರೊನಾ ಸೋಂಕಿಗಿಂತ ಹದಿಹರೆಯದವರಿಗೆ ಲಸಿಕೆಯೇ ಡೇಂಜರ್ ಅಂತೆ!

ಜಿನೋಮಿಕ್ ಸೀಕ್ವೆನ್ಸಿಂಗ್ ವೇಳೆ ಪತ್ತೆಯಾದ ಡೆಲ್ಟಾದ ಹೊಸ ತಳಿಗಳು.!!

  • B.1.617.1 ಕಪ್ಪಾ - ಇಬ್ಬರಲ್ಲಿ ಪತ್ತೆ

  • AY.3 - 3 ಜನರಲ್ಲಿ ಪತ್ತೆ

  • AY.4 - 4 ಜನರಲ್ಲಿ ಪತ್ತೆ

  • AY.6 - 38 ಜನರಲ್ಲಿ ಪತ್ತೆ

  • ಇತರ ತಳಿಗಳು - 16 ಜನರಲ್ಲಿ ಪತ್ತೆ‌‌


ಬೆಂಗಳೂರಿನ ಇಬ್ಬರಲ್ಲಿ ಹೊಸ ಡೆಲ್ಟಾದ ವಂಶವಾಹಿ ಕಪ್ಪಾ ತಳಿ ಪತ್ತೆ.!!

ಹೀಗೆ ಡೆಲ್ಟಾ ವಂಶಕ್ಕೇ ಸೇರಿದ ಕಪ್ಪಾ ತಳಿ ಎರನೇ ಅಲೆ ವೇಳೆಯೇ ಒಂದು ಪ್ರಕರಣ ದಾಖಲಾಗಿತ್ತು. ಇದಾದ ಬೆನ್ನಲ್ಲೇ ಪಾಲಿಕೆ ಜಿನೋಮ್ ಸೀಕ್ವೆನ್ಸಿಂಗ್ ಟೆಸ್ಟ್ ತೀವ್ರವಾಗಿ ನಡೆಸಿತು. ಇದೀಗ ಮೂರನೇ ಅಲೆ ಭೀತಿ ತಲೆದೂರಿರುವ ಹೊತ್ತಲ್ಲೇ ಈ ಹೊಸ ತಳಿಗಳು ಪತ್ತೆಯಾಗಿರುವುದು ನಿಜಕ್ಕೂ ಆತಂಕ ಇಮ್ಮಡಿ ಮಾಡಿದೆ.

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.
Published by:Kavya V
First published: