Byadarahalli suicide case: ಕುಟುಂಬದ ಐವರ ಸಾವಿನ ಪ್ರಕರಣ; ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪದ ಮೇಲೆ ಶಂಕರ್​ ಬಂಧನ

ಬೆಂಗಳೂರು (ಅ. 1):  ಸಿಲಿಕಾನ್​ ಸಿಟಿಯನ್ನೇ ಬೆಚ್ಚಿ ಬೀಳಿಸಿದ್ದ ಬ್ಯಾಡರಹಳ್ಳಿಯ ತಿಗಳರ ಪಾಳ್ಯದಲ್ಲಿ ನಡೆದ ಒಂದೇ ಕುಟುಂಬದ ಐವರ ಸಾವು ಪ್ರಕರಣಕ್ಕೆ ((byadarahalli family suicide case) ಸಂಬಂಧಿಸಿದಂತೆ ಕುಟುಂಬದ ಯಜಮಾನ ಶಂಕರ್​ ನನ್ನು ಬ್ಯಾಡರಹಳ್ಳಿ ಪೊಲೀಸರು ಬಂಧಿಸಿದ್ದಾರೆ. ಸಾವನ್ನಪ್ಪಿದ ಶಂಕರ್​ ಮಗ ಮಧು ಸಾಗರ್​ ಹಾಗೂ ಹೆಣ್ಣು ಮಕ್ಕಳು ಬರೆದ ಡೆತ್​ ನೋಟ್​ನಲ್ಲಿ ಶಂಕರ್​ ( ಮೇಲೆ ನೇರ ಆರೋಪ ಕಂಡು ಬಂದಿದೆ. ಈ ಹಿನ್ನಲೆಯಲ್ಲಿ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪದ ಮೇಲೆ ಆತನನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧನದಲ್ಲಿಯೇ ಪ್ರಕರಣ ಸಂಬಂಧ ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಇದೇ ವೇಳೆ ಸಿಂಧೂರಾಣಿ ಗಂಡ ಶ್ರೀಕಾಂತ್​​ ಮತ್ತು ಸಿಂಚನಾ ಗಂಡ ಪ್ರವೀಣ್​ನನ್ನು ವಶಕ್ಕೆ ಪಡೆಯಲಾಗಿದೆ.

ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ ಆರೋಪ

ಆತ್ಮಹತ್ಯೆಗೂ ಮುನ್ನ ಇಬ್ಬರು ಹೆಣ್ಣು ಮಕ್ಕಳು ತಮ್ಮ ಗಂಡನ ವಿರುದ್ಧ ನೇರಾ ಆರೋಪ ಮಾಡಿದ ಹಿನ್ನಲೆ ಅವರ ವಿರುದ್ಧವೂ ಪೊಲೀಸರು ಕ್ರಮಕ್ಕೆ ಮುಂದಾಗಿದ್ದಾರೆ. ಐಪಿಸಿ ಸೆಕ್ಷೆನ್ 306 - ಆತ್ಮಹತ್ಯೆಗೆ ಪ್ರಚೋದನೆ ಆರೋಪದಡಿ ಪ್ರಕರಣ ದಾಖಲಿಸಲಾಗಿದೆ.

9 ತಿಂಗಳ ಗಂಡು ಮಗು ಸೇರಿ ಶಂಕರ್ ಕುಟುಂಬದ 5 ಮಂದಿ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಈ ಬಗ್ಗೆ ಪೊಲೀಸರು ತನಿಖೆಯನ್ನು ಮುಂದುವರೆಸಿ ಮನೆಯ ಯಜಮಾನ ಶಂಕರ್ ಹಾಗೂ ಇಬ್ಬರು ಅಳಿಯಂದಿರನ್ನು ಕರೆದು ವಿಚಾರಣೆ ನಡೆಸಿದ್ದರು. ಈಗ ಮರಣೋತ್ತರ ಪರೀಕ್ಷೆಯ ವರದಿ ಪೊಲೀಸರ ಕೈ ಸೇರಿದ್ದು, ಅದರಲ್ಲಿ ಬೆಚ್ಚಿ ಬೀಳಿಸುವ ವಿಷಯ ಬಹಿರಂಗಗೊಂಡಿದ್ದವು.

ಶಂಕರ್​ ವಿರುದ್ಧ ನೇರಾ ಆರೋಪ
ಮಧು ಸಾಗರ್​ ಮತ್ತು ಆತನ ತಂದೆ ಶಂಕರ್ ನಡುವೆ ಉತ್ತಮ ಸಂಬಂಧ ಇರಲಿಲ್ಲ. ಆಗಾಗ್ಗ ಜಗಳ ನಡೆಯುತ್ತಿತ್ತು ಎಂಬುದು ಈಗಾಗಲೇ ತನಿಖೆಯಿಂದ ತಿಳಿದು ಬಂದಿದೆ. ಈ ಜಗಳದ ವಿಚಾರ ಕೂಡ ಮಧು ಸಾಗರ್​ ಬರೆದಿದ್ದ ಡೈರಿಯಲ್ಲಿ ಪ್ರಸ್ತಾಪವಾಗಿದೆ. ಈ ಡೈರಿಯಲ್ಲಿ ಮಧು ಸಾಗರ್​ ತಂದೆಯ ಅನೇಕ ವಿಚಾರಗಳನ್ನು ಬರೆದಿಟ್ಟಿದ್ದಾನೆ. ಈ ಹಿಂದೆ ಕೂಡ ತಂದೆ ವಿರುದ್ಧವೇ ದೂರು‌ ನೀಡಲು ಬಂದಿದ್ದ ಮಧು ಸಾಗರ್​ ಈ ಡೈರಿ ವಿಚಾರಗಳನ್ನು ಪೊಲೀಸರಿಗೆ ತೋರಿಸಿದ್ದ.

ಲ್ಯಾಪ್​ಟಾಪ್​ನಲ್ಲಿ ಪತ್ತೆಯಾಗಿತ್ತು ಡೆತ್ ನೋಟ್​
ಮಧು ಸಾಗರ್​ ಹೊರತಾಗಿ ಸಿಂಧೂರಾಣಿ ಮತ್ತು ಸಿಂಚನಾ ಕೂಡ ಸಾವಿಗೆ ಮುನ್ನ ತಮ್ಮ ತಂದೆ ಹಾಗೂ ಗಂಡಂದಿರ ಬಗ್ಗೆ ನೇರ ಆರೋಪ ಮಾಡಿದ್ದರು. ತಂದೆಯ ಮನೆಯಲ್ಲೂ ನೆಮ್ಮದಿ ಇಲ್ಲ ಗಂಡನ ಮನೆಯಲ್ಲೂ ನೆಮ್ಮದಿ ಇಲ್ಲ. ಈ ಹಿನ್ನಲೆ ಈ ನಿರ್ಧಾರಕ್ಕೆ ಬರುತ್ತಿರುವುದಾಗಿ ಅವರು ಸ್ಪಷ್ಟವಾಗಿ ಉಲ್ಲೇಖಿಸಿದ್ದರು.

ಇದನ್ನು ಓದಿ: ಕುಟುಂಬದ ಐವರ ಸಾವು ಪ್ರಕರಣಕ್ಕೆ ಹೊಸ ತಿರುವು: ಪೊಲೀಸರಿಗೆ ಸಿಕ್ತು ಸಾವಿಗೆ ಮುನ್ನ ಮಧುಸಾಗರ್​ ಬರೆದಿದ್ದ ಡೈರಿ

ಈ ಹಿಂದೆ ಕುಟುಂಬಸ್ಥರ  ಸಾಮೂಹಿಕ ಆತ್ಮಹತ್ಯೆ ಪ್ರಕರಣ ಕುರಿತು ಕುಟುಂಬದ ಯಜಮಾನ ಶಂಕರ್​ ಹೇಳಿಕೆಯಂತೆ ಪೊಲೀಸರು ದೂರು ದಾಖಲಿಸಿದ್ದಾರೆ. ಐಪಿಸಿ 174 ಸೆಕ್ಷನ್ ಅಡಿ ಎಫ್ ಐಆರ್ ದಾಖಲಿಸಿದ್ದು, ಎಲ್ಲರೂ ಆತ್ಮಹತ್ಯೆಗೆ ಶರಣಾಗಿದ್ದು, ಇದು UDR (ಅಸಹಜ ಸಾವು ) ಎಂದು ದೂರಿನಲ್ಲಿ ದಾಖಲಿಸಲಾಗಿತ್ತು.

ಇದನ್ನು ಓದಿ: ಹೆಂಡತಿಯ ಹಠಕ್ಕೆ ಇಡೀ ಕುಟುಂಬವೇ ನಾಶವಾಯಿತು; ಅಂತ್ಯಕ್ರಿಯೆ ವೇಳೆ ಕಣ್ಣೀರಿಟ್ಟ ಶಂಕರ್

ನಾನು ನಿರಾಪರಾಧಿ ಎಂದಿದ್ದ ಶಂಕರ್​
ಕುಟುಂಬಸ್ಥರ ಸಾವಿನ ಬಳಿಕ ಶಂಕರ್ ಎಲ್ಲಾ ತಪ್ಪನ್ನು ಹೆಂಡತಿಗೆ ಕಟ್ಟುವ ಪ್ರಯತ್ನ ನಡೆಸಿದ್ದರು. ಹೆಂಡತಿಯ ಹಠದಿಂದ ಕುಟುಂಬವೇ ನಾಶವಾಯಿತು. ಹೆಣ್ಣು ಮಕಳನ್ನು ಗಂಡನ ಮನೆಗೆ ಕಳುಹಿಸು ಎಂದರು ಆಕೆ ಕಳುಹಿಸಲಿಲ್ಲ. ಈಕೆಯ ಹಠದಿಂದ ಕುಟುಂಬ ನಿರ್ನಾಮ ಆಯಿತು ಎಂದಿದ್ದರು. ಅಲ್ಲದೇ ಈ ಘಟನೆಯಲ್ಲಿ ತಾನು ನಿರ್ದೋಷಿ. ಎಲ್ಲಾ ಪ್ರಶ್ನೆಗಳಿಗೂ ನಾನು ಉತ್ತರಿಸುತ್ತೇನೆ ಎಂದು ತಿಳಿಸಿದ್ದರು.