HOME » NEWS » State » BENGALURU URBAN BANGALORE FRAUD CASE A TECHIE LOST 6 LAKH FOR GET 6 PACK IN GYM LG

Bengaluru Fraud: ಸಿಕ್ಸ್ ಪ್ಯಾಕ್ ಆಸೆಗೆ 6 ಲಕ್ಷ ಕಳ್ಕೊಂಡ ಬೆಂಗಳೂರು ಟೆಕ್ಕಿ ! ಮೋಸ ಹೋಗಿದ್ದು ಹೀಗೆ..

ಕಿಶೋರ್​ ತನ್ನ ಬಳಿ ಇಟ್ಟುಕೊಂಡಿದ್ದ 50 ಸಾವಿರ ಹಣದ ಜೊತೆಗೆ, 5 ಲಕ್ಷ ಪರ್ಸನಲ್​ ಲೋನ್​ ತೆಗೆದುಕೊಂಡು ಎಲ್ಲಾ ಹಣವನ್ನು ಮೋಹನ್​ಕುಮಾರ್​ಗೆ ಕೊಡುತ್ತಾನೆ.

news18-kannada
Updated:June 22, 2021, 7:59 AM IST
Bengaluru Fraud: ಸಿಕ್ಸ್ ಪ್ಯಾಕ್ ಆಸೆಗೆ 6 ಲಕ್ಷ ಕಳ್ಕೊಂಡ ಬೆಂಗಳೂರು ಟೆಕ್ಕಿ ! ಮೋಸ ಹೋಗಿದ್ದು ಹೀಗೆ..
ಪ್ರಾತಿನಿಧಿಕ ಚಿತ್ರ
  • Share this:
ಬೆಂಗಳೂರು(ಜೂ.22): ಇತ್ತೀಚೆಗೆ ಜಿಮ್​ಗೆ ಹೋಗುವವರ ಸಂಖ್ಯೆ ಹೆಚ್ಚಾಗಿದೆ. ತಮ್ಮ ದೇಹವನ್ನು ಫಿಟ್​​ ಆಗಿ ಇರಿಸಿಕೊಳ್ಳಲು ಜಿಮ್​ಗೆ ಹೋಗಿ ವರ್ಕೌಟ್​ ಮಾಡುತ್ತಾರೆ. ಅದೇ ರೀತಿ ಜಿಮ್​ಗಳು ಸಹ ಗ್ರಾಹಕರನ್ನು ಸೆಳೆಯಲು ವಿಶೇಷ ಆಫರ್​ಗಳನ್ನು ಕೊಡುವ ಆಸೆ ತೋರಿಸುತ್ತವೆ. ಅದೇ ರೀತಿ ಸಿಲಿಕಾನ್​ ಸಿಟಿ ಬೆಂಗಳೂರಿನಲ್ಲಿ ಜಿಮ್​ ಮಾಲೀಕ ತೋರಿದ ಆಮಿಷಕ್ಕೆ ಒಬ್ಬ ಟೆಕ್ಕಿ ಮೋಸ ಹೋಗಿದ್ದಾನೆ. ಕೇವಲ ಮೂರು ತಿಂಗಳಲ್ಲಿ ಸಿಕ್ಸ್​ ಪ್ಯಾಕ್​​​ ಮಾಡಿಕೊಳ್ಳುವ ಆಸೆಯ ಬಲೆಗೆ ಬಿದ್ದು, ಸುಮಾರು 6 ಲಕ್ಷ ರೂಪಾಯಿ ಹಣ ಕಳೆದುಕೊಂಡಿದ್ದಾನೆ.

ಹೌದು, ಬನಶಂಕರಿ 3ನೇ ಸ್ಟೇಜ್​​ನಲ್ಲಿ ವಾಸವಿರುವ ಕಿಶೋರ್​(ಹೆಸರು ಬದಲಾಯಿಸಲಾಗಿದೆ) ಮೋಸ ಹೋದ ವ್ಯಕ್ತಿ. ಈತನೇ ಜಿಮ್​ ಮಾಲೀಕನಿಗೆ 6.2 ಲಕ್ಷ ಹಣ ಕೊಟ್ಟು ಬರ್ಬಾದ್​ ಆಗಿರುವ ಟೆಕ್ಕಿ. ಜಿಮ್​ ಮಾಲೀಖ ಫಿಟ್​ನೆಸ್​ ಹ್ಯಾಕ್ಸ್​​ ಆಫರ್​​ಗಳನ್ನು ತೋರಿಸಿ ಟೆಕ್ಕಿಯಿಂದ ಲಕ್ಷಾಂತರ ರೂ.ಹಣ ಪೀಕಿದ್ದಾನೆ.

ಕಿಶೋರ್​ ಕಳೆದ ವರ್ಷ ಸೆಪ್ಟೆಂಬರ್ 19ರಲ್ಲಿ ಬೆಂಗಳೂರಿನ ಎಂಪವರ್ ಫಿಟ್​​ನೆಸ್​​ಗೆ ಸೇರಿಕೊಳ್ಳುತ್ತಾನೆ. ಈತ ಜಿಮ್​ಗೆ ಸೇರಿಕೊಂಡಾಗ 3 ತಿಂಗಳ ಶುಲ್ಕವನ್ನಾಗಿ 3000 ರೂ.ಕಟ್ಟಿದ್ದ. ಜಿಮ್​ ಮಾಲೀಕ ಮೋಹನ್​ ಕುಮಾರ್​ ಕಿಶೋರ್​ ಜೊತೆ ಬಹಳ ಸಲುಗೆಯಿಂದ ಇದ್ದು, ಫಿಟ್​​ನೆಸ್​ ಟಿಪ್ಸ್ ಆಫರ್​ ನೀಡುತ್ತಿದ್ದ. ಇದರಿಂದ ಪುಳಕಿತನಾದ ಕಿಶೋರ್​ ತಾನು ಕಡಿಮೆ ಸಮಯದಲ್ಲಿ ಸಿಕ್ಸ್​ ಪ್ಯಾಕ್​ ಮಾಡಿಕೊಳ್ಳಬೇಕೆಂದು ಮೋಹನ್​ ಕುಮಾರ್ ಬಳಿ ಇನ್ನೂ ಹೆಚ್ಚಿನ ಟಿಪ್ಸ್​ ಕೇಳಿದ್ದಾನೆ. ಇದನ್ನೇ ಬಂಡವಾಳವನ್ನಾಗಿ ಮಾಡಿಕೊಂಡ ಜಿಮ್​ ಮಾಲೀಕ ಮೋಹನ್​, ಕಿಶೋರ್​ನಿಂದ ಹಣ ಪಡೆಯಲು ಶುರು ಮಾಡಿದ್ದಾನೆ.

ಇದನ್ನೂ ಓದಿ:Karnataka Weather Today: ರಾಜ್ಯದಲ್ಲಿ ತಗ್ಗಿದ ಮಳೆಯ ಅಬ್ಬರ; ಮಲೆನಾಡು, ಕರಾವಳಿಯಲ್ಲಿಂದು ಹಳದಿ ಅಲರ್ಟ್​ ಘೋಷಣೆ

ನಾನು ನನ್ನ ಜಿಮ್​ ಟ್ರೇನರ್​ಗೆ ಹೆಚ್ಚುವರಿ ಶುಲ್ಕವನ್ನಾಗಿ 15 ಸಾವಿರ ರೂ. ಕೊಟ್ಟೆ ಎಂದು ಕಿಶೋರ್ ಹೇಳಿಕೊಂಡಿದ್ದಾನೆ. ಒಂದು ವಾರ ಕಳೆದ ಬಳಿಕ, ಕೇವಲ ಮೂರು ತಿಂಗಳಲ್ಲಿ ಸಿಕ್ಸ್​ ಪ್ಯಾಕ್​ ಮಾಡಿಕೊಳ್ಳುವ ಜಿಮ್​ ಮಾಲೀಕನ ಫಿಟ್​​ನೆಸ್​ ಟಿಪ್ಸ್​ ಕೇಳಿ ಕಿಶೋರ್​ ಬಲೆಗೆ ಬಿದ್ದಿದ್ದ. ಮತ್ತೆ ಬೇರೆ ಪ್ಯಾಕೇಜ್​ ಆಗಿ 62 ಸಾವಿರ ರೂ. ಹಣವನ್ನು ಮೋಹನ್​ಗೆ ನೀಡಿದ್ದ.

ಹೀಗೆ ಕಿಶೋರ್ ಸಿಕ್ಸ್ ಪ್ಯಾಕ್​ ಮಾಡಿಕೊಳ್ಳುವ ಆಸೆಯಿಂದ ಹಂತ-ಹಂತವಾಗಿ ಜಿಮ್ ಟ್ರೇನರ್​ ಮೋಹನ್​ಗೆ ಹಣ ನೀಡಲು ಶುರು ಮಾಡಿದ. ಒಂದು ದಿನ ಮೋಹನ್​ ಕಿಶೋರ್​ ಬಳಿ ಬಂದು, ನಾನೀಗ ಕಷ್ಟದಲ್ಲಿದ್ದೇನೆ, ಹಣದ ಅವಶ್ಯಕತೆ ತುಂಬಾ ಇದೆ. ಹೀಗಾಗಿ 1ಲಕ್ಷ ಹಣ ಕೊಡು ಎಂದು ಕೇಳಿದ್ದಾನೆ. ಆಗ ಕಿಶೋರ್​ ತನ್ನ ಬಳಿ ಇಟ್ಟುಕೊಂಡಿದ್ದ 50 ಸಾವಿರ ಹಣದ ಜೊತೆಗೆ, 5 ಲಕ್ಷ ಪರ್ಸನಲ್​ ಲೋನ್​ ತೆಗೆದುಕೊಂಡು ಎಲ್ಲಾ ಹಣವನ್ನು ಮೋಹನ್​ಕುಮಾರ್​ಗೆ ಕೊಡುತ್ತಾನೆ. ಜೊತೆಗೆ ತಿಂಗಳ ಇನ್​ಸ್ಟಾಲ್​ಮೆಂಟ್​​ನಲ್ಲಿ ಹಣ ವಾಪಸ್ ಮಾಡಬೇಕೆಂದು ಕಿಶೋರ್​ ಮೋಹನ್​ಗೆ ಕಂಡಿಷನ್ ಹಾಕುತ್ತಾನೆ.

ಕುಮಾರ್ ಎರಡನೇ ಕಂತಿನ ಹಣ ನೀಡುವ ಮುಂಚೆಯೇ ಕಿಶೋರ್​ ಬಳಿ ಇನ್ನೂ ಹೆಚ್ಚಿನ ಹಣ ಕೇಳಲು ಶುರು ಮಾಡುತ್ತಾನೆ. ಆಗ ಕಿಶೋರ್ ಮತ್ತೆ 2 ಲಕ್ಷ ಲೋನ್​ಗೆ ಅಪ್ಲೆ ಮಾಡುತ್ತಾನೆ.ಇದನ್ನೂ ಓದಿ:Bangalore: ಬೆಂಗಳೂರಿನ ಜಕ್ಕೂರು ವೈಮಾನಿಕ ತರಬೇತಿ ಕೇಂದ್ರದಲ್ಲಿ ಹೆಲಿಪೋರ್ಟ್ ನಿರ್ಮಾಣಕ್ಕೆ ಸರ್ಕಾರ‌ ಅಸ್ತು

ಲೋನ್​ಗೆ ಅಪ್ಲೆ ಮಾಡಿದ ಬಳಿಕ, ಬ್ಯಾಂಕ್​ ಅಧಿಕಾರಿಗಳು ಪರಿಶೀಲನೆಗಾಗಿ ಕಿಶೋರ್ ಮನೆ ಬಳಿ ಬರುತ್ತಾರೆ. ಆಗ ಕಿಶೋರ್​ ತಂದೆ ಅಷ್ಟು ಹಣ ಏಕೆ, ಮೊದಲು ತೆಗೆದುಕೊಂಡ ಲೋನ್​ ಹಣ ಏನು ಮಾಡಿದೆ ಎಂದು ಪ್ರಶ್ನಿಸುತ್ತಾರೆ. ಆಗ ಕಿಶೋರ್ ನಡೆದ ವಿಷಯವನ್ನು ತನ್ನ ತಂದೆ ಬಳಿ ಹೇಳುತ್ತಾರೆ. ಕಿಶೋರ್ ಹಾಗೂ ಆತನ ತಂದೆ ಇಬ್ಬರೂ ಕುಮಾರ್ ಬಳಿ ಹೋಗಿ ಕೊಟ್ಟ ಹಣವನ್ನು ವಾಪಸ್ ಕೊಡುವಂತೆ ಕೇಳುತ್ತಾರೆ.

ಆದರೆ ಮೋಹನ್ ಕುಮಾರ್ ಕೇವಲ 30 ಸಾವಿರ ಹಣವನ್ನು ಮಾತ್ರ ವಾಪಸ್ ಕೊಡುತ್ತಾನೆ. ಉಳಿದ ಹಣ ಕೊಡಲು ನಕಾರ ಮಾಡುತ್ತಾನೆ. ದಿಕ್ಕು ತೋಚದ ಅಪ್ಪ-ಮಗ ಕೊನೆಗೆ ಗಿರಿನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
Youtube Video

ಹೀಗಾಗಿ ಜಿಮ್​ಗೆ ಹೋಗುವ ಜನರು ಎಚ್ಚರಿಕೆಯಿಂದ ಇರಬೇಕಾಗಿದೆ. ಫಿಟ್​ನೆಸ್​​​ ಆಸೆಯ ಬಲೆಗೆ ಬಿದ್ದರೆ ಕಿಶೋರ್​ ರೀತಿ ಲಕ್ಷಗಟ್ಟಲೇ ಹಣವನ್ನು ಕಳೆದುಕೊಳ್ಳುತ್ತೀರಾ ಜೋಕೆ..!
Published by: Latha CG
First published: June 22, 2021, 7:59 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories