• Home
  • »
  • News
  • »
  • state
  • »
  • Bengaluru TechHalli: ಸಿಲಿಕಾನ್ ಸಿಟಿ ಅಲ್ಲ, ಬೆಂಗಳೂರು ಇನ್ಮೇಲೆ ಟೆಕ್-ಹಳ್ಳಿ, ರಾಜಧಾನಿಗೆ ಹೊಸಾ ಹೆಸರು !

Bengaluru TechHalli: ಸಿಲಿಕಾನ್ ಸಿಟಿ ಅಲ್ಲ, ಬೆಂಗಳೂರು ಇನ್ಮೇಲೆ ಟೆಕ್-ಹಳ್ಳಿ, ರಾಜಧಾನಿಗೆ ಹೊಸಾ ಹೆಸರು !

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

ಕನ್ನಡದಲ್ಲಿ ಹಳ್ಳಿ ಅಂದರೆ ಗ್ರಾಮ. ಟೆಕ್ ಅಂದ್ರೆ ತಂತ್ರಜ್ಞಾನದ ಗ್ರಾಮ ಎಂದು ಬೆಂಗಳೂರನ್ನು ಕರೆದಿದ್ದಾರೆ. TecHalli ಎನ್ನುವ ಈ ಇಂಗ್ಲಿಷ್ ಪದದಲ್ಲಿ ಮಧ್ಯದ H ಅಕ್ಷರವನ್ನು ಎರಡೂ ಪದಗಳಿಗೆ ಹೊಂದಿಕೆಯಾಗುವಂತೆ ಬಳಸಲಾಗಿದೆ.

  • Share this:

Bengaluru TecHalli: ಗಾರ್ಡನ್ ಸಿಟಿ, ಪೆನ್ಶನರ್ಸ್ ಪ್ಯಾರಡೈಸ್ ಎಂದೆಲ್ಲಾ ಕರೆಸಿಕೊಳ್ಳುವ ಕರ್ನಾಟಕದ ರಾಜಧಾನಿ ಬೆಂಗಳೂರು ಐಟಿ ಸಂಸ್ಥೆಗಳು ಹೆಚ್ಚಾದ ನಂತರ ಭಾರತದ ಸಿಲಿಕಾನ್ ವ್ಯಾಲಿ ಎಂದೆನಿಸಿಕೊಂಡು ಸಿಲಿಕಾನ್ ಸಿಟಿಯಾಯ್ತು. ಆದ್ರೆ ಮಹಿಂದ್ರಾ ಸಂಸ್ಥೆಯ ಅಧ್ಯಕ್ಷ ಆನಂದ್ ಮಹಿಂದ್ರಾ ಟ್ವಿಟರ್​ (Twitter) ಮೂಲಕ ಬೆಂಗಳೂರಿಗೆ ಹೊಸಾ ಹೆಸರನ್ನು ಸೂಚಿಸುವಂತೆ ಸ್ಪರ್ಧೆ ಏರ್ಪಡಿಸಿದ್ದರು. ಈ ಸ್ಪರ್ಧೆಯಲ್ಲಿ ಅನೇಕರು ಥರಾವರಿ ಹೆಸರು ಸೂಚಿಸಿದ್ದರು. ಕೊನೆಗೆ ಬೆಂಗಳೂರಿನವರೇ ಆದ ಉದ್ಯಮಿ ನಂದನ್ ನಿಲೇಕಣಿ ಜೊತೆ ಸೇರಿ ಒಂದು ಹೆಸರನ್ನು ಆಯ್ಕೆ ಮಾಡಿ ಘೋಷಿಸಿದ್ದಾರೆ- ಅದೇ ಟೆಕ್-ಹಳ್ಳಿ.


ಕನ್ನಡದಲ್ಲಿ ಹಳ್ಳಿ ಅಂದರೆ ಗ್ರಾಮ. ಟೆಕ್ ಅಂದ್ರೆ ತಂತ್ರಜ್ಞಾನದ ಗ್ರಾಮ ಎಂದು ಬೆಂಗಳೂರನ್ನು ಕರೆದಿದ್ದಾರೆ. TecHalli ಎನ್ನುವ ಈ ಇಂಗ್ಲಿಷ್ ಪದದಲ್ಲಿ ಮಧ್ಯದ H ಅಕ್ಷರವನ್ನು ಎರಡೂ ಪದಗಳಿಗೆ ಹೊಂದಿಕೆಯಾಗುವಂತೆ ಬಳಸಲಾಗಿದೆ. ಅಂದ್ಹಾಗೆ ಈ ಪದ ಸೂಚಿಸಿದವರು ಶ್ರೀನಿವಾಸ್ ಪಿ ರೆಡ್ಡಿ ಎನ್ನುವವರು. ಬೆಂಗಳೂರಿನ ಈ ಹೊಸಾ ಬಿರುದಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ. ಅನೇಕರು ಸೂಚಿಸಿದ್ದ ನಾನಾ ಬಗೆಯ ಹೆಸರುಗಳಲ್ಲಿ ಒಟ್ಟು 4 ಫೈನಲ್ ಲಿಸ್ಟ್​ಗೆ ಹೋಗಿದ್ದವಂತೆ. ಅದರಲ್ಲಿ ಕೊನೆಯದಾಗಿ ಈ ಹೆಸರನ್ನು ಆನಂದ್ ಮಹಿಂದ್ರಾ ಮತ್ತು ನಂದನ್ ನೀಲೇಕಣಿ ಸೇರಿ ಆರಿಸಿದ್ದಾರೆ. ಟ್ವಿಟರ್ ಮೂಲಕ ಆನಂದ್ ಮಹಿಂದ್ರಾ ಇದನ್ನು ಘೋಷಿಸಿದ್ದಾರೆ.


ಇದನ್ನೂ ಓದಿ: ಗೀತಾ ಮಿಸ್​ನ್ನ ಮಿಸ್ ಮಾಡ್ಕೊಂಡ ಮಕ್ಕಳಿಗೆ ಸರ್ಪ್ರೈಸ್ ಲೆಟರ್, Viral ಆಗ್ತಿದೆ ಶಿಕ್ಷಕಿ ಬರೆದ ಪತ್ರ !


ಸಿಲಿಕಾನ್ ವ್ಯಾಲಿ ಎನ್ನುವ ಹೆಸರು ಬೆಂಗಳೂರಿಗೆ ಅಂಟಿಕೊಳ್ಳುವ ಬದಲು ನಮ್ಮದೇ ಆದ ಸ್ವಂತ ಹೆಸರಿದ್ದರೆ ಚೆನ್ನ ಎಂದು ಈ ವಿಚಾರದ ಚರ್ಚೆ ಆರಂಭಿಸಿದ್ದರು ಆನಂದ್ ಮಹಿಂದ್ರಾ. ಯಾರಾದರೂ ಸೂಚಿಸಿದ ಹೆಸರು ಆಯ್ಕೆಯಾದರೆ ಅವರಿಗೆ Pininfarina H2 Speed ಹೈಡ್ರೋಜನ್ ರೇಸ್ ಕಾರಿನ ಪ್ರತಿಕ್ರಿತಿ ಬಹುಮಾನವಾಗಿ ಸಿಗಲಿದೆ ಎಂದಿದ್ದರು. ಕೊಟ್ಟ ಮಾತಿನಂತೆ ಶ್ರೀನಿವಾಸ್ ಪಿ ರೆಡ್ಡಿಯವರಿಗೆ ವಿಳಾಸ ಕಳಿಸಿಕೊಡಲು ಹೇಳಿದ್ದಾರೆ.



ಆದರೆ ಕೆಲವರು ಸಿಲಿಕಾನ್ ವ್ಯಾಲಿ ಎನ್ನುವುದು ಜಗತ್ತಿಗೇ ತಿಳಿದಿರುವ ಪದ. ಹಾಗಾಗಿ ಅದು ಎಲ್ಲರಿಗೂ ತಿಳಿಯುತ್ತೆ. ಆದ್ರೆ ಟೆಕ್ ಹಳ್ಳಿ ಎನ್ನುವ ಪದ ಕನ್ನಡ ಬಾರದ ಜನರಿಗೆ ಅರ್ಥವೇ ಆಗುವುದಿಲ್ಲ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಈ ಹೆಸರಿನ ಬಳಕೆ ಸಾಧ್ಯವಾಗದು ಎಂದಿದ್ದಾರೆ. ಇದಕ್ಕೆ ಪ್ರತಿಕ್ರಯಿಸಿರುವ ಆನಂದ್ ಮಹಿಂದ್ರಾ ಜಗತ್ತಿನ ಬಹುಪಾಲು ಜನರಿಗೆ ಇಂಗ್ಲಿಷ್ ಕೂಡಾ ಬರುವುದಿಲ್ಲ. ಟೆಕ್ ಹಳ್ಳಿ ಎನ್ನುವುದು ತಿಳಿಯದಿದ್ದರೆ ಅವರು ಅದನ್ನು ತಿಳಿದುಕೊಳ್ಳಲಿ. ಸಿಲಿಕಾನ್ ವ್ಯಾಲಿ ಎನ್ನುವ ಹೆಸರು ಬಂದಾಗ ಅದೂ ಅನೇಕರಿಗೆ ಅರ್ಥವಾಗಿರಲಿಲ್ಲ ಎಂದಿದ್ದಾರೆ. ಕರ್ನಾಟಕದ ಹೆಮ್ಮೆಯ ವಿಚಾರವೊಂದಕ್ಕೆ ಕನ್ನಡದ ಪದದ ಬಳಕೆ, ಅದರದ್ದೇ ಹೆಸರು ಸಿಕ್ಕಿರುವುದು ಕನ್ನಡಿಗರಿಗಂತೂ ಖುಷಿ ಕೊಟ್ಟಿದೆ. ಎಷ್ಟರ ಮಟ್ಟಿಗೆ ಈ ಪದದ ಬಳಕೆಯಾಗುತ್ತದೆ ಎನ್ನುವುದನ್ನು ಕಾದು ನೋಡಬೇಕಷ್ಟೇ.

ನ್ಯೂಸ್​​​18 ಕನ್ನಡ ಕಳಕಳಿಕೊರೋನಾ ಪಾಸಿಟಿವ್​ ಕೇಸ್​ ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತವಲ್ಲ. ಇದರೊಂದಿಗೆ ಬ್ಲಾಕ್ ಫಂಗಸ್ ಪ್ರಕರಣಗಳು ಕೂಡಾ ಹೆಚ್ಚಾಗಿವೆ. ಹಾಗಾಗಿ ಇನ್ನಷ್ಟು ಎಚ್ಚರಿಕೆಯಿಂದ ಇರಬೇಕಾಗಿದೆ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್ ನಿಯಮಗಳಾದ ಮಾಸ್ಕ್ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು. ಹೆಚ್ಚೆಚ್ಚು ಜನ ಲಸಿಕೆ ಪಡೆದರೆ ಎಲ್ಲರೂ ಸುರಕ್ಷಿತವಾಗಿರಲು ಸಾಧ್ಯವಿದೆ. ಆದ್ದರಿಂದ ನಿಮ್ಮ ನಿಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆದುಕೊಳ್ಳಿ.

Published by:Soumya KN
First published: