HOME » NEWS » State » BENGALURU CRIME CCB POLICE ARREST ACCUSED WHO CHEATED PEOPLE WITH CHINA APPS INVESTMENT LG

Bengaluru Crime: ಹೆಚ್ಚಿನ ಬಡ್ಡಿ ಆಸೆಯಿಂದ ಹಣ ಹೂಡಿಕೆ ಮಾಡಿದ್ರೆ ಪಂಗನಾಮ; ಚೀನಿ ಆ್ಯಪ್​ಗಳಿವೆ ಎಚ್ಚರಿಕೆ..!

ದಿಢೀರ್ ಹೂಡಿಕೆ ಹೆಚ್ಚಾದ ಬಳಿಕ ಆಸಾಮಿಗಳು ಕಂಪನಿ ಆ್ಯಪ್ ಮತ್ತು ಅಪ್ಲಿಕೇಶನ್​ಗಳನ್ನು ಡಿಲೀಟ್ ಮಾಡಿದ್ದಾರೆ. ಕೊನೆಗೆ ಅಧಿಕ ಬಡ್ಡಿ ಸಿಗುವ ಆಸೆಯಿಂದ ಹೂಡಿಕೆ ಮಾಡಿದ್ದ ಜನರಿಗೆ ಪಂಗನಾಮ ಹಾಕಿದ್ದಾರೆ. ಸುಮಾರು 290 ಕೋಟಿ ವಂಚಿಸಿರುವುದು ಸಿಐಡಿ ತನಿಖೆಯಿಂದ ಬೆಳಕಿಗೆ ಬಂದಿದೆ. 

news18-kannada
Updated:June 13, 2021, 7:44 AM IST
Bengaluru Crime: ಹೆಚ್ಚಿನ ಬಡ್ಡಿ ಆಸೆಯಿಂದ ಹಣ ಹೂಡಿಕೆ ಮಾಡಿದ್ರೆ ಪಂಗನಾಮ; ಚೀನಿ ಆ್ಯಪ್​ಗಳಿವೆ ಎಚ್ಚರಿಕೆ..!
ಪ್ರಾತಿನಿಧಿಕ ಚಿತ್ರ
  • Share this:
ಬೆಂಗಳೂರು(ಜೂ.13): ಆನ್​ಲೈನ್​ ವಂಚನೆ, ಸೈಬರ್​ ಕ್ರೈಮ್ ಪ್ರಕರಣಗಳು ಹೆಚ್ಚಾಗುತ್ತಲೇ ಇವೆ. ಎಲ್ಲಿವರೆಗೆ ಮೋಸ ಹೋಗುವವರು ಇರುತ್ತಾರೋ, ಅಲ್ಲಿವರೆಗೆ ಮೋಸ ಮಾಡುವವರು ಮಾಡುತ್ತಲೇ ಇರುತ್ತಾರೆ. ಆ್ಯಪ್​ಗಳ ಮೂಲಕ ಹೂಡಿಕೆ ಮಾಡಿಸಿ ಕೋಟ್ಯಂತರ ರೂಪಾಯಿ ಹಣ ಲೂಟಿ ಮಾಡುವ ಜಾಲವೊಂದು ರಾಜ್ಯದಲ್ಲಿ ಸಕ್ರಿಯವಾಗಿದೆ. ಆ್ಯಪ್​ನಲ್ಲಿ ಹೂಡಿಕೆ ಮಾಡಿದ ಎಷ್ಟೋ ಮಂದಿ ಮೋಸದ ಬಲೆಗೆ ಬಿದ್ದು, ತಮ್ಮ ಲಕ್ಷಾಂತರ ರೂಪಾಯಿ ಹಣವನ್ನು ಕಳೆದುಕೊಂಡಿದ್ದಾರೆ. ಚೀನಿ ಆ್ಯಪ್​ಗಳ ಮೂಲಕ ಹೂಡಿಕೆ ಮಾಡಿಸಿ ಹಣ ವಂಚಿಸಿರುವ ಪ್ರಕರಣ ಇದೀಗ ಬೆಳಕಿಗೆ ಬಂದಿದೆ.

ಚೀನಿ ಆ್ಯಪ್​ ಮೂಲಕ ಜನರಿಂದ ಹೂಡಿಕೆ ಮಾಡಿಸಿ ಕೋಟ್ಯಂತರ ಹಣ ದೋಚುತ್ತಿದ್ದ ಜಾಲವನ್ನು ಸಿಐಡಿ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಆರೋಪಿಗಳು ಚೀನಿ ಆ್ಯಪ್​ಗಳಲ್ಲಿ ಹಣವನ್ನು ಹೂಡಿಕೆ ಮಾಡಿಸಿ, ಸುಮಾರು 290 ಕೋಟಿಯಷ್ಟು ಲೂಟಿ ಹೊಡೆದಿದ್ದಾರೆ ಎಂದು ಸಿಐಡಿ ಪೊಲೀಸರು ಹೇಳಿದ್ದಾರೆ. ರಾಜ್ಯದಲ್ಲಿ ಅನೇಕ ಮಂದಿ ಮೋಸದ ಜಾಲಕ್ಕೆ ಸಿಲುಕಿ, ಹೂಡಿಕೆ ಮಾಡಿ ಹಣ ಕಳೆದುಕೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ಜನರು ಕೋಟಿಗಟ್ಟಲೇ ಹಣ ಹೂಡಿಕೆ ಮಾಡಿದ ಬಳಿಕ, ಆಸಾಮಿಗಳು ಆ್ಯಪ್​ ಮತ್ತು ಲಿಂಕ್​ಗಳನ್ನು ಡಿಲೀಟ್ ಮಾಡಿ ದುಡ್ಡನ್ನು ದೋಚಿದ್ದಾರೆ. ಪ್ರಕರಣದ ಬೆನ್ನತ್ತಿದ ಸಿಐಡಿ ಪೊಲೀಸರು ಆರೋಪಿಗಳಿರುವ ಸ್ಥಳವನ್ನು ಪತ್ತೆ ಮಾಡಿ, ಅವರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಸಿಐಡಿ ಪೊಲೀಸರು ಇಬ್ಬರು ಚೀನೀ ಪ್ರಜೆಗಳು, ಇಬ್ಬರು ಟಿಬೆಟಿಯನ್ ಪ್ರಜೆಗಳು ಸೇರಿ ಒಟ್ಟು 11 ಜನರನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ:ಬಿಜೆಪಿಯವರು ಹೆಣ, ಔಷಧಿ, ಬೆಡ್​​ನಲ್ಲೂ ಹಣ ಮಾಡುತ್ತಿದ್ದಾರೆ; ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಕಿಡಿ

ಕೇರಳ ಮೂಲದ ವ್ಯಾಪಾರಿ ಅನಸ್ ಅಹ್ಮದ್ ಎಂಬಾತ ಈ ಜಾಲದ ಪ್ರಮುಖ ರೂವಾರಿ ಎಂದು ತಿಳಿದು ಬಂದಿದೆ.  ಸಿಐಡಿ ತನಿಖೆ ಆರಂಭವಾಗ್ತಿದ್ದಂತೆ ಆಸಾಮಿ ನಾಪತ್ತೆಯಾಗಿದ್ದಾನೆ. ಈತ ಹವಾಲ ಮತ್ತು ಅಕ್ರಮ ವರ್ಗಾವಣೆ ದಂಧೆ ನಡೆಸುತ್ತಿದ್ದ ಎಂಬ ಮಾಹಿತಿ ಲಭ್ಯವಾಗಿದೆ. ಇಷ್ಟೇ ಅಲ್ಲದೇ, ಈತ ಚೀನಾ ಏಜೆಂಟ್​ಗಳ ಜೊತೆಗೂ ನಂಟು ಹೊಂದಿದ್ದ ಎಂದು ತಿಳಿದು ಬಂದಿದೆ.

ಆರೋಪಿ ಅನಸ್ ಅಹ್ಮದ್, ಹಣ ವರ್ಗಾವಣೆ ಸಲುವಾಗಿ ಬುಲ್ ಪಿಂಚ್ ಟೆಕ್ನಾಲಜೀಸ್, ಹೆಚ್ ಆ್ಯಂಡ್ ಎಸ್ ವೆಂಚರ್ಸ್ ಹೆಸರಲ್ಲಿ ಕಂಪನಿ ತೆರೆದಿದ್ದ ಎನ್ನಲಾಗಿದೆ.  ಗೇಮಿಂಗ್, ಸಾಮಾಜಿಕ ಮತ್ತು ಇ-ಕಾಮರ್ಸ್ ಅಡಿಯಲ್ಲಿ ವ್ಯವಹಾರ ಮಾಡುತ್ತಿದ್ದ.  ಪವರ್ ಬ್ಯಾಂಕ್ ಮೊಬೈಲ್ ಅಪ್ಲಿಕೇಶನ್ ಮೂಲಕ ಸಾರ್ವಜನಿಕರಿಂದ ಹಣ ಹೂಡಿಕೆ ಮಾಡಿಸುತ್ತಿದ್ದ ಎನ್ನಲಾಗಿದೆ.

ಇಷ್ಟೇ ಅಲ್ಲದೇ, ಈತ ಜನರಿಗೆ ಆಮಿಷಗಳನ್ನು ತೋರಿಸಿ ತನ್ನ ಜಾಲದಲ್ಲಿ ಬೀಳಿಸಿಕೊಂಡಿದ್ದ.  ಅಧಿಕ ಬಡ್ಡಿ  ಮತ್ತು ಮರುಪಾವತಿ ನೀಡುವ ಅಮಿಷವೊಡ್ಡಿ ವಂಚನೆ ಎಸಗುತ್ತಿದ್ದ. ಅಧಿಕ ಬಡ್ಡಿ ಕೊಡುವ ಅಮಿಷವೊಡ್ಡಿದ್ದರಿಂದ ಹೆಚ್ಚಿನ ಜನರು ಹೂಡಿಕೆ ಮಾಡಲು ಶುರುಮಾಡಿದರು. ಇದರಿಂದಾಗಿ ಆ್ಯಪ್ ನಲ್ಲಿ ಹೂಡಿಕೆ ಹೆಚ್ಚಾಯಿತು. ದಿಢೀರ್ ಹೂಡಿಕೆ ಹೆಚ್ಚಾದ ಬಳಿಕ ಆಸಾಮಿಗಳು ಕಂಪನಿ ಆ್ಯಪ್ ಮತ್ತು ಅಪ್ಲಿಕೇಶನ್​ಗಳನ್ನು ಡಿಲೀಟ್ ಮಾಡಿದ್ದಾರೆ.ಇದನ್ನೂ ಓದಿ:Karnataka Weather Today: ಕರಾವಳಿ ಜಿಲ್ಲೆಗಳಲ್ಲಿ ಇಂದಿನಿಂದ 4 ದಿನ ಭಾರೀ ಮಳೆ; ಆರೆಂಜ್​ ಅಲರ್ಟ್​ ಘೋಷಣೆ

ಕೊನೆಗೆ ಅಧಿಕ ಬಡ್ಡಿ ಸಿಗುವ ಆಸೆಯಿಂದ ಹೂಡಿಕೆ ಮಾಡಿದ್ದ ಜನರಿಗೆ ಪಂಗನಾಮ ಹಾಕಿದ್ದಾರೆ. ಸುಮಾರು 290 ಕೋಟಿ ವಂಚಿಸಿರುವುದು ಸಿಐಡಿ ತನಿಖೆಯಿಂದ ಬೆಳಕಿಗೆ ಬಂದಿದೆ.  ಪವರ್ ಬ್ಯಾಂಕ್ ವಂಚನೆ ಬಗ್ಗೆ ತನಿಖೆಗಾಗಿ ಸಿಐಡಿಯ ಐವರು ಇನ್ಸ್‌ಪೆಕ್ಟರ್ ಗಳ ತಂಡವನ್ನು ರಚಿಸಲಾಗಿದೆ. ಪವರ್ ಬ್ಯಾಂಕ್ ಆ್ಯಪ್ ನಲ್ಲಿ ಹೂಡಿಕೆ ಮಾಡಿ ಮೋಸ ಹೋದ ಸಾರ್ವಜನಿಕರು ಸಿಐಡಿ ಸೈಬರ್ ಕ್ರೈಮ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸುವಂತೆ ಸೂಚನೆ ನೀಡಿದ್ದಾರೆ.
Youtube Video

ಒಟ್ಟಾರೆ, ಕೋಟ್ಯಂತರ ರೂಪಾಯಿ ವಂಚಿಸಿದ್ದ ಆರೋಪಿಗಳ ತಂಡ ಕೊನೆಗೂ ಸಿಕ್ಕಿಬಿದ್ದಿದೆ. ಇನ್ನು, ಹೂಡಿಕೆ ಮಾಡಿದ್ದ ಜನರು ತಮ್ಮ ಹಣವನ್ನು ವಾಪಸ್ ಪಡೆಯಲು ದೂರು ದಾಖಲಿಸುತ್ತಿದ್ದಾರೆ. ಇನ್ನಾದರೂ ಸಾರ್ವಜನಿಕರು ಎಚ್ಚೆತ್ತುಕೊಂಡು ಹಣಕಾಸಿನ ವಿಚಾರದಲ್ಲಿ ಜಾಗೃತರಾಗಿ ವ್ಯವಹರಿಸಬೇಕಿದೆ. ಇಲ್ಲವಾದರೆ ಮೋಸ ಹೋಗುವ ಸಾಧ್ಯತೆ ಹೆಚ್ಚಾಗಿದೆ.
Published by: Latha CG
First published: June 13, 2021, 7:40 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories