Bengaluru: ಅಪರಿಚಿತರಿಗೆ ನಿಮ್ಮ ಮೊಬೈಲ್ ಕೊಡುವ ಮುನ್ನ ಎಚ್ಚರ!

ಮೊಬೈಲ್​ ಕಳ್ಳತನದ (Mobile Theft) ಹಾವಳಿ ಇತ್ತೀಚೆಗೆ ಹೆಚ್ಚಾಗಿದೆ. ಆದರೆ ಇತ್ತೀಚಿನ ಕಳ್ಳರು ಅಮಾಯಕರಂತೆ ನಟಿಸಿ ಮೊಬೈಲ್​ ಕದಿಯುತ್ತಾರೆ. ಇದರಿಂದ ಮೋಸ ಹೋದ ಜನಗಳು ಎಷ್ಟೋ ಮಂದಿ. ಯಾರೇ ಆದ್ರೂ ನಿಮ್ಮ ಬಳಿ ಬಂದು ಮೊಬೈಲ್ ಕೇಳುವ ಮುನ್ನ ಎಚ್ಚರವಹಿಸಿ. ಸ್ವಲ್ಪ ಯಾಮಾರಿದ್ರು ಮೊಬೈಲ್ (Mobile) ನಿಮ್ಮ ಕೈಯಿಂದ ಮಿಸ್ಸಾಗ್ಬೋದು. ಮೊಬೈಲ್​ ಬಳಕೆ ಹೆಚ್ಚಾದಂತೆ ಇಲ್ಲಿ ಹ್ಯಾಕರ್ಸ್​ಗಳ ಸಂಖ್ಯೆಯೂ ಹೆಚ್ಚಾಗಿದೆ. ಈ ಕಿಡಿಕೇಡಿಗಳು ಅಮಾಯಕರ ಮೊಬೈಲ್​ಗಳನ್ನು ಹ್ಯಾಕ್ ಮಾಡಿ ಅದರಲ್ಲಿದ್ದ ಬ್ಯಾಂಕ್​ ಹಣವನ್ನು (Bank Money), ಡೇಟಾವನ್ನು (Data) ದೋಚುವ ಪ್ರಯತ್ನವನ್ನು ಮಾಡುತ್ತಾರೆ. ಇದೀಗ ಕೈಯಲ್ಲಿದ್ದ ಮೊಬೈಲ್ ಅನ್ನು ಕೂಡ ಸುಲಭದಲ್ಲಿ ಕದ್ದಕೊಂಡು ಹೋಗುತ್ತಿದ್ದಾರೆ. ನೋಡ ನೋಡುತ್ತಿದ್ದಂತೆಯೇ ಅಮಾಯಕರಂತೆ ಮಾಡಿಕೊಂಡು ಮೊಬೈಲ್​ ಕದ್ದುವ ಪ್ರಯತ್ನ ಮಾಡುತ್ತಾರೆ.

ಇಲ್ಲೊಬ್ಬ ದಾರಿ ಬದಿ ನಿಂತಿದ್ದ ಒಬ್ಬರಲ್ಲಿ ಮೊಬೈಲ್ ಕೆಟ್ಟಿದೆ ಎಂದು ಹೇಳಿ ಕರೆ ಮಾಡಲು ಮೊಬೈಲ್​ ಕೇಳಿ, ಮೊಬೈಲ್​ ಕಳ್ಳತನ ಮಾಡುವ ಪ್ರಯತ್ನ ಮಾಡಿದ್ದಾನೆ.

ಮತ್ತಿಕೆರೆಯಲ್ಲಿ ಮೊಬೈಲ್ ಕಳ್ಳತನ

ಮತ್ತಿಕೆರೆಯಲ್ಲಿ ದೇವವ್ರಾತ್​ ಸಿಂಗ್​ ಎಂಬಾತನಲ್ಲಿ ಪವನ್​ ಎಂಬಾತ ನನ್ನ ಮೊಬೈಲ್​ ಕೆಟ್ಟಿದೆ, ಕಾಲ್​ ಮಾಡಬೇಕು ಎಂದು ಮೊಬೈಲ್​ ಕೇಳಿದ್ದಾನೆ. ಏನೋ ಪಾಪ ಎಂದು ದೇವವ್ರಾತ್​ ಸಿಂಗ್ ಮೊಬೈಲ್​ ಕೊಡುತ್ತಾರೆ. ಕೊಡುವ ಮುನ್ನ ಎದುರಲ್ಲೇ ಅನ್​​ಲಾಕ್​ ಮಾಡಿಕೊಡುತ್ತಾರೆ. ಅದೇ ರೀತಿ ಆ ಅನ್​ಲಾಕ್​ ಪ್ಯಾಟರ್ನ್​ ಲಾಕ್​ ಅನ್ನು ಆತ ಗಮನಿಸಿದ್ದ.

ಇದನ್ನೂ ಓದಿ: ತಾಯಿಯನ್ನು ಸದಾ ಜೀವಂತವಿಟ್ಟ ಮಗ, ಅವ್ವನ ನೆನಪು ಎಂಬ ಮಮತೆಯ ಮ್ಯೂಸಿಯಂ

ಮೊಬೈಲ್​ ಹಿಡಿದು ಬೈಕ್​ನಲ್ಲಿ ಎಸ್ಕೇಪ್​

ದೇವವ್ರಾತ್​ ಸಿಂಗ್​ ಅವರು ಪವನ್​ ಬಂದು ಮೊಬೈಲ್​ ಕೇಳಿದಾಗ ತಕ್ಷಣ ಕೊಡುತ್ತಾರೆ. ಆದರೆ ಆರೋಪಿ ಪವನ್ ಮೊಬೈಲ್ ಪಡೆದ ಕ್ಷಣಾರ್ಧದಲ್ಲೇ ತನ್ನ ಬೈಕ್ ಹತ್ತಿ ಮೊಬೈಲ್ ಹಿಡಿದು ಎಸ್ಕೇಪ್ ಆಗಿದ್ದಾನೆ.

ಆರೋಪಿ ಪವನ್ ಮತ್ತು ದೂರಿನ ಅರ್ಜಿ

ಮೊಬೈಲ್​ನ ಗ್ಯಾಲರಿ ನೋಡಿ ಬೆದರಿಕೆ

ಮೊದಲೇ ಹೇಳಿದಂತೆ ಆರೋಪಿ ಪವನ್ ಮೊಬೈಲ್​ ಪಡೆಯುವ ಮುನ್ನ ಮೊಬೈಲ್​ನ ಪ್ಯಾಟರ್ನ್​ ಲಾಕ್​ ಅನ್ನು ಗಮನಿಸಿದ್ದ. ಅದೇ ರೀತಿ ನಂತರ ಮೊಬೈಲ್ ಹಿಡಿದು ಓಡಿ ಹೋಗಿ, ಮೊಬೈಲ್ ಲಾಕ್ ಅನ್ನು ಓಪನ್ ಮಾಡಿದ್ದಾನೆ. ತದನಂತರದಲ್ಲಿ ಮೊಬೈಲ್​ನಲ್ಲಿದ್ದ ಗ್ಯಾಲರಿಯ ಫೋಟೋಗಳನ್ನು ನೋಡಿದ್ದಾನೆ. ಅದರಲ್ಲಿ ದೇವವ್ರಾತ ಸಿಂಗ್​ ಅವರ ಪ್ರೇಯಸಿಯ ಖಾಸಗಿ ಫೋಟೋಗಳನ್ನು ಗಮನಿಸಿದ್ದಾನೆ. ಅದನ್ನು ಹಿಡಿದುಕೊಂಡು ಬೆದರಿಕೆ ಒಡ್ಡಿದ್ದಾನೆ.

ಗರ್ಲ್​ ಫ್ರೆಂಡ್​ ಹಾಗೂ ತಾಯಿಗೆ ಬೆದರಿಕೆ

ದೇವವ್ರಾತ ಸಿಂಗ್ ಅವರ ಹುಡುಗಿಯ ಫೋಟೋವನ್ನು ನೋಡಿದ ತಕ್ಷಣ ಆರೋಪಿ ಪವನ್ ದೇವವ್ರಾತ್ ಸಿಂಗ್ ಅವರ ಗರ್ಲ್​ ಫ್ರೆಂಡ್​ಗೆ ಕಾಲ್​ ಮಾಡಿ ಫೋಟೋ ಲೀಕ್ ಮಾಡುವುದಾಗಿ ಬೆದರಿಕೆ ಒಡ್ಡಿದ್ದಾನೆ. ಜೊತೆಗೆ ಅವರ ಬಳಿ 1 ಲಕ್ಷ ಹಣ ನೀಡಬೇಕೆಂದು ಡಿಮ್ಯಾಂಡ್ ಕೂಡ ಮಾಡಿದ್ದಾನೆ.

ಇದಲ್ಲದೆ ದೇವವ್ರಾತ ಸಿಂಗ್ ಅವರ ತಾಯಿಗೂ ಕಾಲ್ ಮಾಡುವ ಮೂಲಕ ಹಗಣಕ್ಕೆ ಡಿಮ್ಯಾಂಡ್ ಮಾಡಿದ್ದಾನೆ.

ಯಶವಂತಪುರ ಪೊಲೀಸ್​ ಠಾಣೆಗೆ ದೂರು

ನಂತರ ದೇವವ್ರಾತ್ ಸಿಂಗ್ ನಿಂದ ಸ್ಥಳೀಯ ಪೊಲೀಸ್ ಯಶವಂತಪುರ ಠಾಣೆಗೆ ದೂರು ನೀಡಿದ್ದಾರೆ. ಜೊತೆಗೆ ಪೊಲೀಸ್​ನವರು ಹಣ ಕೊಡೋದಾಗಿ ಕರೆಸಿ ಆರೋಪಿ ಪವನ್ ಅನ್ನು ಅರೆಸ್ಟ್​ ಮಾಡಿದ್ದಾರೆ. ಸದ್ಯ ಆರೋಪಿಯನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ ಯಶವಂತಪುರ ಠಾಣೆಯ ಪೊಲೀಸರು.

ಪೊಲೀಸ್​ ಠಾಣೆಗೆ ದೂರು ನೀಡಿದ ಪತ್ರ

ಅಪರಿಚಿತರಿಗೆ ಮೊಬೈಲ್ ಕೊಡುವ ಮುನ್ನ ಎಚ್ಚರ

ಯಾರೇ ಆಗಲಿ ಬಂದು ಅಪರಿಚಿತರು ಮೊಬೈಲ್ ಕೇಳುವಾಗ, ಸರಿಯಾಗಿ ಆಲೋಚಿಸಿ ಮೊಬೈಲ್ ನೀಡಿ. ಇಲ್ಲವಾದರೆ ನಿಮ್ಮ ಮೊಬೈಲ್​ ಕಳ್ಳತನವಾಗುವುದು ಅಂತೂ ಗ್ಯಾರಂಟಿ. ಇದರಿಂದ ನಿಮ್ಮ ಡೇಟಾ, ಬ್ಯಾಂಕ್​ ಹಣವನ್ನು ದೋಚುವ ಪ್ರಯತ್ನ ಮಾಡುತ್ತಾರೆ. ಜೊತೆಗೆ ಬೆದರಿಕೆಯನ್ನು ಹಾಕುತ್ತಾರೆ. ಇತ್ತೀಚೆಗೆ ಅಮಾಯಕರಂತೆ ನಟಿಸಿ ಕೆಲ ವಂಚಕರು ದಾರಿ ಬದಿ ಇದ್ದವರ ಬಳಿ ಬಂದು ಮೊಬೈಲ್ ಅನ್ನು ಕೇಳುತ್ತಾರೆ. ಆದರೆ ತದನಂತರದಲ್ಲಿ ಅಲ್ಲಿಂದ ಓಡಿ ಹೋಗುತ್ತಾರೆ. ಆದ್ದರಿಂದ ಯಾರೇ ಆಗಲಿ ಮೊಬೈಲ್​ ಕೇಳುವಾಗ ಆಲೋಚಿಸಿ ನೀಡಿ.