ಕೊರೋನಾ ಬಗ್ಗೆ ಸುಳ್ಳು ಸುದ್ದಿ ಹರಡಿದ ಆರೋಪದ ಮೇಲೆ ಬಿಬಿಎಂಪಿ ಸದಸ್ಯೆಯ ಗಂಡನ ಬಂಧನ

ಕೊರೋನಾ ವೈರಸ್ ಸೋಂಕಿತರು ಇದ್ದಾರೆ ಎಂದು ವಾಟ್ಸ್‌ಆ್ಯಪ್ ಗ್ರೂಪ್‌ನಲ್ಲಿ ಸುಳ್ಳು ಸುದ್ದಿ ಹರಿಬಿಟ್ಟು ಅಮರನಾಥ್ ಆತಂಕ ಸೃಷ್ಟಿಸಿದ್ದರು.

ಅಮರನಾಥ್

ಅಮರನಾಥ್

  • Share this:
ಬೆಂಗಳೂರು (ಮಾ.30): ಕೊರೋನಾ ವೈರಸ್ ಬಗ್ಗೆ ವ್ಯಾಟ್ಸ್ ಆ್ಯಪ್​​​ನಲ್ಲಿ ಸುಳ್ಳು ಸುದ್ದಿ ಹಬ್ಬಿಸಿದ ಆರೋಪದ ಮೇಲೆ  ಬಿಬಿಎಂಪಿ ಸದಸ್ಯೆಯ ಗಂಡನನ್ನುಪೊಲೀಸರು ಬಂಧಿಸಿದ್ದಾರೆ. ಚೌಡೇಶ್ವರಿ ವಾರ್ಡ್ ನಂ 2 ರ ಕಾರ್ಪೋರೇಟರ್ ಪದ್ಮಾವತಿ ಗಂಡ ಅಮರನಾಥ್ ಬಂಧಿತ ಆರೋಪಿ.

ಯಲಹಂಕದ ಕೊಂಡಪ್ಪ ಲೇಔಟ್‌ ನಲ್ಲಿ ಕಾರ್ಮಿಕ ವರ್ಗದವರು ಹೆಚ್ಚು ವಾಸವಾಗಿದ್ದಾರೆ. ಇಲ್ಲಿ ಕೊರೋನಾ ವೈರಸ್ ಸೋಂಕಿತರು ಇದ್ದಾರೆ ಎಂದು ವಾಟ್ಸ್‌ಆ್ಯಪ್ ಗ್ರೂಪ್‌ನಲ್ಲಿ ಸುಳ್ಳು ಸುದ್ದಿ ಹರಿಬಿಟ್ಟು ಅಮರನಾಥ್ ಆತಂಕ ಸೃಷ್ಟಿಸಿದ್ದರು.

ಈ ಸುದ್ದಿ ನಂಬಿ ಜನರು ತಂಡೋಪ ತಂಡವಾಗಿ ತಮ್ಮ ತಮ್ಮ ಊರಿಗೆ ತೆರಳಲು ಸಿದ್ದರಾಗಿದ್ದರು. ಈ ವೇಳೆ ಜನರನ್ನು ಪೊಲೀಸರು ತಡೆದು ಕಾರಣ ಕೇಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.

ಇದನ್ನೂ ಓದಿ : ಲಾಕ್​​ಡೌನ್ ಉಲ್ಲಂಘಿಸಿದರಿಗೆ ವಿಜಯಪುರ ಪೊಲೀಸರಿಂದ ಲಾಠಿ ಪ್ರಹಾರ ಬದಲು ವಿನೂತನ ಶಿಕ್ಷೆ

ಅಮರಾಥ್​ ನನ್ನು ಯಲಹಂಕ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ. ಘಟನೆ  ಬಗ್ಗೆ ಯಲಹಂಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿ ವಿರುದ್ದ ಐಪಿಸಿ ಸೆಕ್ಷನ್ 153, 188, 504 ಅಡಿ ಎಫ್ ಐಆರ್ ದಾಖಲು ಮಾಡಲಾಗಿದೆ.

 
First published: