Bangalore: ಸೆಕ್ಸ್​ ಪಿಲ್ಸ್​​ ಹ್ಯಾಂಪರ್ ಬಹುಮಾನ ಬಂದಿದೆ ಎಂದು ಬೆಂಗಳೂರಿನ ವ್ಯಕ್ತಿಗೆ 2.17 ಲಕ್ಷ ವಂಚನೆ!

ಕಾಮಸೂತ್ರ ಸೆಕ್ಸ್​ ಗೋಲ್ಡ್​ ಮೆಡಿಸಿನ್ ಗಿಫ್ಟ್​ ಬಹುಮಾನವಾಗಿ ಬಂದಿದೆ ಎಂದು ಯಾಮಾರಿಸಿ ಸೈಬರ್ ಕ್ರಿಮಿನಲ್​ಗಳು ಅಮನ್ ಎನ್ನುವ ವ್ಯಕ್ತಿಗೆ 2.17 ಲಕ್ಷ ರೂ. ವಂಚಿಸಿರುವ ಪ್ರಕರಣ ಬೆಂಗಳೂರಿನಲ್ಲಿ ಕಂಡು ಬಂದಿದೆ. ಬೆಳ್ಳಂದೂರಿನ ನಿವಾಸಿಯಾಗಿರುವ ಅಮನ್ ಟ್ಯಾಕ್ಸಿ ಡ್ರೈವರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸೆಕ್ಸ್ ಪಿಲ್ಸ್​​ಗಳನ್ನು ಕೊಳ್ಳಲು ಟಿಕೆಟ್ ಬಹುಮಾನವಾಗಿ ಬಂದಿದೆ ಎಂದು ಅವರಿಗೆ ಕರೆಬಂದಿದೆ ಎನ್ನುವುದನ್ನು ಖಾಸಗಿ ಪತ್ರಿಕೆ ವರದಿ ಮಾಡಿದೆ.

ವಂಚನೆಗೆ ಒಳಗಾದ ಅಮನ್​ ಅವರಿಗೆ ಎರಡು ವಿಭಿನ್ನ ನಂಬರ್​ನಿಂದ ಕರೆ ಮತ್ತು ಮೆಸೇಜ್‌ ಬಂದಿದೆ. ಈ ಸಮಯದಲ್ಲಿ ವಂಚಕ ಮಾತನಾಡಿ ಗಿಫ್ಟ್​ ಕಾರ್ಡ್​ ರೂಪದಲ್ಲಿ ದೊಡ್ಡ ಮಟ್ಟದ ಹಣವನ್ನು ಗೆದ್ದಿದ್ದು, ಸೆಕ್ಸ್​ ಪಿಲ್‌ಗಳನ್ನು ಕೊಳ್ಳಬಹುದು ಎಂದ್ದಿದ್ದಾನೆ. ಇದಕ್ಕೆ ಮುಂಗಡ ತೆರಿಗೆ ಹಣವನ್ನು ಪಾವತಿಸಬೇಕೆಂದು ಹೇಳಿದ್ದಾನೆ.

ಇದಾದ ಬಳಿಕ ಕೆಲವು ದಿನಗಳ ನಂತರ 2.17 ಲಕ್ಷ ಹಣವನ್ನು ಇವರ ಖಾತೆಯಿಂದ ತೆಗೆದಿರುವುದು ತಿಳಿದು ಬಂದಿದೆ. ಸದ್ಯ ವೈಟ್​ಫೀಲ್ಡ್​ನ ಸಿಇಎನ್​ ಪೊಲೀಸ್​ ಠಾಣೆಯಲ್ಲಿ ಐಟಿ ಆಕ್ಟ್​ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ಆದರೆ ವಿಷಯ ತಿಳಿದ ಸ್ಕ್ಯಾಮರ್ಸ್​ ಪರಾರಿಯಾಗಿದ್ದಾರೆ.

ಇದನ್ನೂ ಓದಿ: ನಾಯಿಗಳ ಮೇಲಿನ ಪ್ರೀತಿಯಿಂದ ಕಾರ್ಪೊರೇಟ್ ಕೆಲಸಕ್ಕೆ ಗುಡ್​ಬೈ ಹೇಳಿದ ಯುವಕ, ಈಗ ಭಾರೀ ಬೇಡಿಕೆಯ ಪೆಟ್ ಗ್ರೂಮರ್ !

ಆನ್​ಲೈನ್​ ಸ್ಕ್ಯಾಮ್​ ಹೊಸದೇನಲ್ಲ. ಮೊನ್ನೆಯಷ್ಟೇ ಗುಜರಾತ್​ನಲ್ಲಿ ವೈದ್ಯೆಯಾಗಿ ಕೆಲಸ ಮಾಡುತ್ತಿರುವ 71 ವರ್ಷದ ವೃದ್ಧೆಯೊಬ್ಬರು ಆನ್​ಲೈನ್​ನಲ್ಲಿ ಕಾರು ಬುಕ್ ಮಾಡಲು ಹೋಗಿ 1 ಲಕ್ಷ ಹಣ ಕಳೆದುಕೊಂಡಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಆನ್​ಲೈನ್​ನಲ್ಲಿ ಕಾರು ತೋರಿಸಿ, ಹಣವನ್ನು ಪಾವತಿಸಲು ಆಪ್​ಗಳ ಲಿಂಕ್ ಕಳುಹಿಸಿದ್ದಾನೆ. ಆ ಲಿಂಕ್ ಕ್ಲಿಕ್ ಮಾಡಿದ ಬಳಿಕ ಆ ವೃದ್ಧೆಯ ಮೊಬೈಲ್​ನಲ್ಲಿರುವ ಎಲ್ಲಾ ಮಾಹಿತಿಯೂ ಆತನಿಗೆ ಸಿಕ್ಕಿದೆ. ನಂತರ ಮೂರು ಬಾರಿ ಆತ ಹಣವನ್ನು ಆಕೆಯ ಅಕೌಂಟ್​ನಿಂದ ತೆಗೆದಿದ್ದಾನೆ.

ಇದೇ ರೀತಿಯಾದ ಘಟನೆ 2019 ರಲ್ಲಿ ನಡೆದಿತ್ತು. ಒಬ್ಬರು ಆನ್​ಲೈನ್​ನಲ್ಲಿ ಪಿಜ್ಜಾ ಆರ್ಡರ್ ಮಾಡಿದ್ದರು. ಆದರೆ ಅವರ ಅಕೌಂಟ್​ನಿಂದ 95,000 ಹಣವನ್ನು ಹ್ಯಾಕರ್​​ಗಳು ತೆಗೆದಿದ್ದರು. ಎನ್​ ವಿ ಶೇಕ್ ಎಂಬ ಟೆಕ್ಕಿ ಆನ್​ಲೈನ್​ ನಲ್ಲಿ ಪಿಜ್ಜಾ ಆರ್ಡರ್ ಮಾಡಿ ವಂಚನೆಗೊಳಗಾಗಿದ್ದರು. ಬೆಂಗಳೂರಿನ ಕೋರಮಂಗಲದ ನಿವಾಸಿ ತಮ್ಮ ಸ್ಮಾರ್ಟ್​ಫೋನ್​ ಬಳಸಿ ಫುಡ್​ ಡೆಲಿವರಿ ಆ್ಯಪ್‌ ಮೂಲಕ ಡಿಸೆಂಬರ್​ 1 ರಂದು ಪಿಜ್ಜಾ ಆರ್ಡರ್ ಮಾಡಿದ್ದರು. ಪಿಜ್ಜಾ ಪಡೆದುಕೊಂಡು ಅದಕ್ಕಾಗಿ 95,000 ಯನ್ನು ಸಹ ಕಳೆದುಕೊಂಡಿದ್ದರು.

ಇದನ್ನೂ ಓದಿ: ಹೆತ್ತ ಮಗಳನ್ನೇ ತನ್ನ ಮಗನಿಗೆ ಮದುವೆ ಮಾಡಿದ ತಾಯಿ!; ಅಷ್ಟಕ್ಕೂ ನಡೆದಿದ್ದೇನು?ಆನ್​​ಲೈನ್​ಲ್ಲಿ ವಿವಿಧ ರೀತಿಯ ಮೋಸದ ಜಾಲಗಳಿವೆ. ಇಲ್ಲಿ ಗ್ರಾಹಕರು ಆನ್​ಲೈನ್ ಪೇಮೆಂಟ್ ಮಾಡುವುದು, ಓಟಿಪಿ, ಹಣ ಡಬಲ್ ಮಾಡುವ ಯೋಜನೆಯಂತಹ ಹಲವಾರು ಆಫರ್​ಗಳಿದ್ದು, ಇ-ಮೇಲ್, ಫೋನ್ ಅಥವಾ ಮೆಸೇಜ್​ ಮೂಲಕ ವಂಚಕರು ಮೋಸದ ಜಾಲಕ್ಕೆ ಇಳಿದಿದ್ದಾರೆ. ಬ್ರ್ಯಾಂಡೆಡ್ ಕಂಪನಿಗಳ ಗಿಫ್ಟ್​ ಕಾರ್ಡ್​ಗಳಿಗಾಗಿ ಹಣವನ್ನು ವಂಚಿಸಲಾಗುತ್ತದೆ. ಈ ನಿಟ್ಟಿನಲ್ಲಿ ಬ್ರ್ಯಾಂಡೆಡ್​ ಕಂಪನಿಗಳು ಹಲವಾರು ರೀತಿಯ ಕಠಿಣ ನಿಯಮ ಪಾಲನೆ ಮಾಡುತ್ತಿದ್ದು, ಆಗಾಗ ತನ್ನ ಗ್ರಾಹಕರನ್ನು ಎಚ್ಚರಿಸುತ್ತಿರುತ್ತದೆ.

ಸಾಮಾನ್ಯವಾಗಿ ವಂಚಕರು ಫೋನ್, ಇ-ಮೇಲ್ ಇಲ್ಲವೇ ಸಾಮಾಜಿಕ ಜಾಲತಾಣದ ಮೂಲಕ ಸಂಪರ್ಕಿಸುತ್ತಾರೆ. ಹೆಚ್ಚಿನ ಹಣದ ಆಮಿಷ ಇಲ್ಲವೇ ಲಿಮಿಟೆಡ್ ಡೇಟ್ ಹೇಳಿ ನಿಮ್ಮ ಗಿಫ್ಟ್​ ಕಾರ್ಡ್ ಮೂಲಕ ಹಣವನ್ನು ಪಡೆಯುತ್ತಾರೆ. ಈ ನಿಟ್ಟಿನಲ್ಲಿ ನಿಮ್ಮ ಕ್ಲೈಂ ಕೋಡ್​ಗಳ ಬಗ್ಗೆ ಎಚ್ಚರವಾಗಿರಿ. ಇದಿಷ್ಟೇ ಅಲ್ಲದೇ ಇತ್ತಿಚೆಗೆ ಯೋಧರ ಫೋಟೋ ಹಾಕಿ, ಅವರ ಹೆಸರಲ್ಲಿ ಅಕೌಂಟ್ ಕ್ರಿಯೆಟ್ ಮಾಡಿ ಹಣವನ್ನು ಸುಲಿಗೆ ಮಾಡುವವರ ಗ್ಯಾಂಗ್​ ಕೂಡ ಹೆಚ್ಚಾಗಿದೆ.

ಇದಿಷ್ಟೇ ಅಲ್ಲದೇ ಹಬ್ಬಗಳಿಗೆ ನಿಮ್ಮ ಮೊಬೈಲ್​ಗೆ ಬರುವ ನಿಮ್ಮ ಹೆಸರಿನ ಲಿಂಕ್, ಶುಭಾಶಯಗಳ ಲಿಂಕ್, ಫಾವರ್ಡ್ ಮಾಡಿ ಗಿಫ್ಟ್​ ಗೆಲ್ಲಿ ಇಂತಹ ಲಿಂಕ್​ಗಳನ್ನು ಯಾವುದೇ ಕಾರಣಕ್ಕೂ ಓಪನ್ ಮಾಡಬೇಡಿ. ಇವು ನಿಮ್ಮ ಮೊಬೈಲ್​ನ ಎಲ್ಲಾ ಮಾಹಿತಿಯನ್ನು ಕದಿಯಲು ಹ್ಯಾಕರ್​​ಗಳ ತಂತ್ರವಾಗಿರುತ್ತದೆ.