ಬೆಂಗಳೂರಿನಲ್ಲಿ ಶಾಪಿಂಗ್​ ಕಾಂಪ್ಲೆಕ್ಸ್​​ಗೆ ನುಗ್ಗಿದ ಲಾರಿ; ಚಾಲಕ ಸಾವು, ಭೀಕರ ದೃಶ್ಯದ ವಿಡಿಯೋ ವೈರಲ್​

ಕ್ಲೀನರ್ ಮಲ್ಲಪ್ಪನಿಗೆ ಲಾರಿ ಚಾಲನೆ ಮಾಡಲು ತೇಜಸ್​​ ಅವಕಾಶ ಮಾಡಿಕೊಟ್ಟಿದ್ದ. ತೇಜಸ್​ ಪಕ್ಕದ ಸೀಟಿನಲ್ಲಿ ಕೂತಿದ್ದ. ಮಲ್ಲಪ್ಪ ಲಾರಿ ಚಾಲನೆ ಮಾಡುವಾಗ ನಿಯಂತ್ರಣ ತಪ್ಪಿ ಕಾಂಪ್ಲೆಕ್ಸ್​ ಗೋಡೆಗೆ ಡಿಕ್ಕಿ ಹೊಡೆದಿದೆ.

ಅಪಘಾತವಾದ ಲಾರಿ

ಅಪಘಾತವಾದ ಲಾರಿ

  • Share this:
    ಬೆಂಗಳೂರು (ಜ.24): ನಗರದ ಯಲಹಂಕದಲ್ಲಿ ಗುರುವಾರ ತಡರಾತ್ರಿ ಭೀಕರ ಅಪಘಾತ ನಡೆದಿದೆ. ಲಾರಿಯೊಂದು ಕಾಂಪ್ಲೆಕ್ಸ್​ಗೆ ಟಿಪ್ಪರ್​ ಡಿಕ್ಕಿ ಹೊಡೆದಿದ್ದು, ಲಾರಿ ಚಾಲಕ ತೇಜಸ್​ (32) ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.

    ಕ್ಲೀನರ್ ಮಲ್ಲಪ್ಪನಿಗೆ ಲಾರಿ ಚಾಲನೆ ಮಾಡಲು ತೇಜಸ್​​ ಅವಕಾಶ ಮಾಡಿಕೊಟ್ಟಿದ್ದ. ತೇಜಸ್​ ಪಕ್ಕದ ಸೀಟಿನಲ್ಲಿ ಕೂತಿದ್ದ. ಮಲ್ಲಪ್ಪ ಲಾರಿ ಚಾಲನೆ ಮಾಡುವಾಗ ನಿಯಂತ್ರಣ ತಪ್ಪಿ ಕಾಂಪ್ಲೆಕ್ಸ್​ ಗೋಡೆಗೆ ಡಿಕ್ಕಿ ಹೊಡೆದಿದೆ.ಡಿಕ್ಕಿ ರಭಸಕ್ಕೆ ಲಾರಿ ಹಾಗೂ ಗೋಡೆ ಮಧ್ಯೆ ಸಿಲುಕಿ ತೇಜಸ್​ ಮೃತಪಟ್ಟಿದ್ದಾನೆ. ಅಪಘಾತದ ವೇಳೆ ಮಲ್ಲಪ್ಪನಿಗೆ ತೀವ್ರ ಗಾಯಗಳಾಗಿವೆ. ಹೀಗಾಗಿ ಆತ ಸಾವು ಬದುಕಿನ ನಡುವೆ ಹೋರಾಟ ನಡೆಸುತ್ತಿದ್ದಾನೆ.

    ಅಗ್ನಿಶಾಮಕ ಸಿಬ್ಬಂದಿ ಜೆಸಿಬಿ ಬಳಸಿ ಡ್ರೈವರ್ ತೇಜಸ್ ಮೃದೇಹವನ್ನು ಹೊರ ತೆಗೆದಿದ್ದಾರೆ. ಗುದ್ದಿದ ರಭಸಕ್ಕೆ ಲಾರಿ ನಜ್ಜುಗುಜ್ಜಾಗಿದೆ. ಯಲಹಂಕ ಸಂಚಾರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.  ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಸದ್ಯ, ಇದರ ಸಿಸಿಟಿವಿ ದೃಶ್ಯಾವಳಿ ವೈರಲ್​ ಆಗಿದೆ.
    First published: