• ಹೋಂ
  • »
  • ನ್ಯೂಸ್
  • »
  • ರಾಜ್ಯ
  • »
  • Karnataka Electionನಲ್ಲಿ ಬಿಜೆಪಿ ಸೋಲಿಗೆ ಈ ಎರಡು ಅಂಶಗಳೇ ಕಾರಣನಾ? ಸಿ ಟಿ ರವಿ ಸೋತಿದ್ದೇಗೆ?

Karnataka Electionನಲ್ಲಿ ಬಿಜೆಪಿ ಸೋಲಿಗೆ ಈ ಎರಡು ಅಂಶಗಳೇ ಕಾರಣನಾ? ಸಿ ಟಿ ರವಿ ಸೋತಿದ್ದೇಗೆ?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Karnataka Election Results 2023: ಮಾಜಿ ಸಿಎಂ ಸ್ಪರ್ಧಿಸದಿದ್ದರೂ ಹೆಚ್ಚಿನ ಸಂಖ್ಯೆಯ ಲಿಂಗಾಯತ ಮತದಾರರು ಪಕ್ಷದ ಅಭ್ಯರ್ಥಿಗಳನ್ನು ತಿರಸ್ಕರಿಸಿದ ಹಲವು ಕ್ಷೇತ್ರಗಳಲ್ಲಿ ಯಡಿಯೂರಪ್ಪ ಎಫೆಕ್ಟ್ ಕೂಡ ಪ್ರಾಮುಖ ಪಾತ್ರ ವಹಿಸಿದೆ ಎಂದು ಬಿಜೆಪಿ ಮೂಲಗಳು ತಿಳಿಸಿವೆ.

  • Share this:

ಬೆಂಗಳೂರು: ಕರ್ನಾಟಕದಲ್ಲಿ ಕಾಂಗ್ರೆಸ್ (Congress) ಪಕ್ಷವು ಬಹುಮತದೊಂದಿಗೆ ಸರ್ಕಾರ ರಚಿಸಲು ಸಜ್ಜಾಗಿದ್ದು, ಚುನಾವಣಾ ಆಯೋಗವು (Election Commission) 2023 ರಲ್ಲಿ ಘೋಷಿಸಿದ ಫಲಿತಾಂಶಗಳ ಪ್ರಕಾರ ಇದು 1989 ರಿಂದ ರಾಜ್ಯದಲ್ಲಿ ಕಾಂಗ್ರೆಸ್‌ನ ಅತ್ಯುತ್ತಮ ಚುನಾವಣಾ ಸಾಧನೆಯಾಗಿದೆ ಎಂದು ತಿಳಿದುಬಂದಿದೆ. 2013ರಲ್ಲಿ ಪೂರ್ಣಾವಧಿ ಅಧಿಕಾರದ ನಂತರ ಬಿಜೆಪಿ (BJP) ಇದೀಗ ತಮ್ಮ ಅಧಿಕಾರವನ್ನು ಕಾಂಗ್ರೆಸ್‌ಗೆ ಬಿಟ್ಟುಕೊಟ್ಟಿದೆ. ಈ ಸಮಯದಲ್ಲಿ ಪ್ರಮುಖ ವಿಚ್ಛಿದ್ರಕಾರಕ ಅಂಶವೆಂದರೆ ಆಂತರಿಕ ಕಚ್ಚಾಟವು ಲಿಂಗಾಯತ ನಾಯಕ ಬಿ.ಎಸ್ ಯಡಿಯೂರಪ್ಪನವರ (BS Yediyurappa) ನಿರ್ಗಮನಕ್ಕೆ ಕಾರಣವಾಯಿತು, ಇದರಿಂದ ಬಿಜೆಪಿಗೆ ನಷ್ಟವಾಗಿದೆ ಎಂದು ಕೆಲವು ವರದಿಗಳು ಉಲ್ಲೇಖಿಸಿವೆ.


2013 ರಲ್ಲಿ ಕೆಜೆಪಿ 10% ಕ್ಕಿಂತ ಕಡಿಮೆ ಮತಗಳನ್ನು (9.79%) ಪಡೆದುಕೊಂಡಿತು ಹಾಗೂ 224 ಸಂಸದರಲ್ಲಿ ಕೇವಲ ಆರು ಸ್ಥಾನಗಳನ್ನು ಗೆದ್ದಿತು, ಆದರೆ 2023ರ ಚುನಾವಣೆಯಲ್ಲಿ ಬಿಜೆಪಿ ನಾಯಕರ ಸೋಲಿಗೆ ಪರೋಕ್ಷವಾಗಿ ಕೆಜೆಪಿ ನಾಯಕರೇ ಕಾರಣ ಎಂಬ ಮಾತು ರಾಜ್ಯದಲ್ಲಿ ಹಬ್ಬುತ್ತಿದೆ.


ಲಿಂಗಾಯತ ನಾಯಕ ಯಡಿಯೂರಪ್ಪ ಅವರಿಗೆ ಸಂಬಂಧಿಸಿದ ವಿದ್ಯಮಾನವು ಇತ್ತೀಚೆಗೆ ಮುಕ್ತಾಯಗೊಂಡ ಸಂಸತ್ತಿನ ಚುನಾವಣೆಯಲ್ಲಿ ಮಧ್ಯ ಕರ್ನಾಟಕ ರಾಜ್ಯದಲ್ಲಿ ಬಿಜೆಪಿ ಕನಿಷ್ಠ 10 ಸ್ಥಾನಗಳನ್ನು ಕಳೆದುಕೊಳ್ಳುವಲ್ಲಿ ಪ್ರಮುಖ ಮತ್ತು ತಕ್ಷಣದ ಪಾತ್ರವನ್ನು ವಹಿಸಿದ್ದಾರೆ ಎಂದು ಸೂಚಿಸುತ್ತದೆ.


i dont contest 2023 assembly elections says former cm bs yediyurappa in belagavi
ಬಿಎಸ್​ ಯಡಿಯೂರಪ್ಪ


ಲಿಂಗಾಯತ ಬೆಲ್ಟ್‌ನಲ್ಲಿ ಬಿಜೆಪಿಯ ಮತಗಳು ಈ ಬಾರಿ 113 ಸ್ಥಾನಗಳಲ್ಲಿ 31 ಸ್ಥಾನಗಳನ್ನು ಪಡೆದುಕೊಂಡಿದೆ . ಐದು ವರ್ಷಗಳ ಹಿಂದೆ 113 ರಲ್ಲಿ 56 ಸ್ಥಾನಗಳನ್ನು ಪಡೆದುಕೊಂಡಿತ್ತು. ಕಾಂಗ್ರೆಸ್ ಈ ಜಿಲ್ಲೆಗಳ ಒಟ್ಟು ಸಂಖ್ಯೆಯನ್ನು 50 ರಿಂದ 78 ಕ್ಕೆ ಹೆಚ್ಚಿಸಿ ಗೆಲುವನ್ನು ಸಾಧಿಸಿಕೊಂಡಿದೆ.


ಸಿ.ಟಿ ರವಿ ಹಾಗೂ ಯಡಿಯೂರಪ್ಪನವರ ಆಂತರಿಕ ಕಿತ್ತಾಟ


ಚಿಕ್ಕಮಗಳೂರಿನಲ್ಲಿ ಯಡಿಯೂರಪ್ಪ ಫ್ಯಾಕ್ಟರ್‌ನಿಂದ ದೊಡ್ಡ ಹೊಡೆತ ಬಿದ್ದಿದೆ. ಅಲ್ಲಿ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ ಟಿ ರವಿ ಅವರನ್ನು ಕಾಂಗ್ರೆಸ್ ಅಭ್ಯರ್ಥಿ ಹೆಚ್ ಡಿ ತಮ್ಮಯ್ಯ 5,926 ಮತಗಳಿಂದ ಸೋಲಿಸಿದ್ದಾರೆ.


ಯಡಿಯೂರಪ್ಪನವರ ನಿಕಟವರ್ತಿಯಾಗಿದ್ದ ತಮ್ಮಯ್ಯ ಲಿಂಗಾಯತ ಧರ್ಮದವರು. ತಮ್ಮಯ್ಯ ಅವರು 2023 ರ ಚುನಾವಣಾಯಲ್ಲಿ ಬಿಜೆಪಿ ತೊರೆದು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾದರು.


ವಿಜಯೇಂದ್ರ ವಿರುದ್ಧ ಸಿ ಟಿ ರವಿ ಹೇಳಿಕೆ


ಪಕ್ಷದಲ್ಲಿ ಮುಖ್ಯಮಂತ್ರಿ ಅಭ್ಯರ್ಥಿ ಎಂದು ಪರಿಗಣಿಸಲಾದ ನಾಲ್ಕು ಬಾರಿ ಶಾಸಕರಾಗಿದ್ದ ರವಿ ಅವರ ಸೋಲು, ಯಡಿಯೂರಪ್ಪ ಮತ್ತು ಅವರ ಪುತ್ರ ವಿಜಯೇಂದ್ರ ಅವರ ವಿರುದ್ಧದ ರಾಜಕೀಯ ಸೇಡು ಎಂದು ಪರಿಗಣಿಸಲಾಗಿದೆ.


ಮಾರ್ಚ್ 14 ರಂದು ಯಡಿಯೂರಪ್ಪ ಮತ್ತು ಅವರ ಪುತ್ರ ಈಗ ಪಕ್ಷದಲ್ಲಿ ಪ್ರಬಲ ಶಕ್ತಿಯನ್ನು ಹೊಂದಿಲ್ಲ ಎಂದು ಒಕ್ಕಲಿಗ ಸಮುದಾಯದ ರವಿ ಹೇಳಿಕೆಯನ್ನು ನೀಡಿದ್ದರು. "ಒಂದು ವಿಷಯ ನೆನಪಿಟ್ಟುಕೊಳ್ಳಿ. ಅಭ್ಯರ್ಥಿಗಳ ನಿರ್ಧಾರ ಜನರ ನಿರ್ಧಾರ. ಯಾರೊಬ್ಬರ ಮಗನೆಂದು ಯಾರಿಗೂ ಟಿಕೆಟ್ ಸಿಗುವುದಿಲ್ಲ" ಎಂದು ವಿಜಯೇಂದ್ರ ಅವರನ್ನು ಉದ್ದೇಶಿಸಿ ರವಿ ಹೇಳಿದರು ಇದೀಗ ಅವರ ಈ ಹೇಳಿಕೆಗಳೇ ರವಿಗೆ ಮುಳ್ಳಾದವು.


ಲಿಂಗಾಯತ ಅಭ್ಯರ್ಥಿಗಳು ಪಕ್ಷ ತೊರೆದ ಕಾರಣ ಬಿಜಿಪಿಗೆ ಸೋಲು


ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ಕ್ಷೇತ್ರದಲ್ಲಿ ಯಡಿಯೂರಪ್ಪ ನಿಷ್ಠಾವಂತ ಎಂಪಿ ಕುಮಾರಸ್ವಾಮಿ ಅವರು ಚುನಾವಣೆಯ ಹೊಸ್ತಿಲಲ್ಲಿ ಬಿಜೆಪಿ ತೊರೆದು ಜೆಡಿಎಸ್‌ನಿಂದ ಸ್ಪರ್ಧಿಸಿದ್ದರು. ಮೊದಲ ಬಾರಿಗೆ ಸ್ಪರ್ಧಿಸಿದ್ದ ಕಾಂಗ್ರೆಸ್‌ನ ನಯನಾ ಜವಾಹರ್ 722 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದಾರೆ. ಬಿಜೆಪಿ ಮೂಲಗಳ ಪ್ರಕಾರ ಮಾಜಿ ಸಿಎಂ ರವಿ ಪರ ಪ್ರಚಾರ ಮಾಡಿಲ್ಲ ಎಂದು ತಿಳಿದುಬಂದಿದೆ.


ಹಾವೇರಿ ಜಿಲ್ಲೆಯ ಹಿರೇಕೆರೂರು ಕ್ಷೇತ್ರದಲ್ಲಿ ಯಡಿಯೂರಪ್ಪ ಬೆಂಬಲಿಗ ಲಿಂಗಾಯತ ಯುಬಿ ಬಣಕಾರ ಕಳೆದ ಡಿಸೆಂಬರ್‌ನಲ್ಲಿ ಬಿಜೆಪಿ ತೊರೆದು ರಾಜ್ಯ ಕೃಷಿ ಸಚಿವ ಬಿ ಸಿ ಪಾಟೀಲ್ ಅವರನ್ನು ಕಣಕ್ಕಿಳಿಸಿ ಕಾಂಗ್ರೆಸ್‌ಗೆ ಸೇರ್ಪಡೆಗೊಂಡಿದ್ದರು.




ತುಮಕೂರು ಜಿಲ್ಲೆಯ ಚಿಕ್ಕನಾಯಕನಹಳ್ಳಿಯಲ್ಲಿ ಕಿರಣ್ ಕುಮಾರ್ ಬಿಜೆಪಿ ತೊರೆದು ಚುನಾವಣೆಗೂ ಮುನ್ನ ಕಾಂಗ್ರೆಸ್ ಸೇರಿದ್ದರು ಹಾಗೂ ಬಿ ಸುರೇಶ್ ಬಾಬು ಮತ್ತು ಕಾನೂನು ಸಚಿವ ಜೆ ಸಿ ಮಾಧುಸ್ವಾಮಿಯ ವಿರುದ್ದ ಗೆಲವು ಸಾಧಿಸಿದರು.


ಮಾಜಿ ಸಿಎಂ ಸ್ಪರ್ಧಿಸದಿದ್ದರೂ ಹೆಚ್ಚಿನ ಸಂಖ್ಯೆಯ ಲಿಂಗಾಯತ ಮತದಾರರು ಪಕ್ಷದ ಅಭ್ಯರ್ಥಿಗಳನ್ನು ತಿರಸ್ಕರಿಸಿದ ಹಲವು ಕ್ಷೇತ್ರಗಳಲ್ಲಿ ಯಡಿಯೂರಪ್ಪ ಎಫೆಕ್ಟ್ ಕೂಡ ಪ್ರಾಮುಖ ಪಾತ್ರ ವಹಿಸಿದೆ ಎಂದು ಬಿಜೆಪಿ ಮೂಲಗಳು ತಿಳಿಸಿವೆ.


ಚುನಾವಣೆಗೆ ಮುನ್ನ, 2013 ರಂತೆಯೇ ಬಿಜೆಪಿಯು ಯಡಿಯೂರಪ್ಪ, ಪಕ್ಷದ ಸಂಘಟನೆಯ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ ಎಲ್ ಸಂತೋಷ್, ಸಿಎಂ ಬಸವರಾಜ್ ಬೊಮ್ಮಾಯಿ ಮತ್ತು ಬಿಜೆಪಿಯ ಕೇಂದ್ರ ನಾಯಕತ್ವಕ್ಕೆ ಸಂಬಂಧಿಸಿದ ಅನೇಕ ಗುಂಪುಗಳಿಗೆ ನಿಷ್ಠೆಯೊಂದಿಗೆ ಒಂದು ಬಣ-ಪ್ರೇರಿತ ಘಟಕವಾಗಿತ್ತು ಎಂದು ಹಲವು ವರದಿಗಳು ಉಲ್ಲೇಖಿಸಿವೆ.


ಇದನ್ನೂ ಓದಿ:  Karnataka Polls 2023: ಮಮತಾ ಬ್ಯಾನರ್ಜಿ ರಾಜಕೀಯ ಲೆಕ್ಕಾಚಾರದ ಮೇಲೆ ಕರ್ನಾಟಕ ಫಲಿತಾಂಶ ಪರಿಣಾಮ ಬೀರುತ್ತಾ?


ಬಿಜೆಪಿಯ ಹೊಸ ಪ್ರಯೋಗ


ರಾಜ್ಯದ 55 ವಿಧಾನಸಭಾ ಸ್ಥಾನಗಳಲ್ಲಿ ಹೊಸ ಅಭ್ಯರ್ಥಿಗಳನ್ನು ಕಣಕ್ಕಿಳಿಸುವ ಬಿಜೆಪಿಯ ಪ್ರಯೋಗವು 13 ಸ್ಥಾನಗಳಲ್ಲಿ ಮಾತ್ರ ಗೆಲುವು ಸಾಧಿಸಿದೆ. 22 ಹಾಲಿ ಶಾಸಕರನ್ನು ಕಣಕ್ಕೆ ಇಳಿಸಿದ ಬಿಜೆಪಿ, ಹುಬ್ಬಳ್ಳಿ-ಧಾರವಾಡ ಸೆಂಟ್ರಲ್‌ ಕ್ಷೇತ್ರ ಸೇರಿದಂತೆ ಮಾಜಿ ಸಿಎಂ ಜಗದೀಶ್ ಶೆಟ್ಟರ್‌ ಅವರ ಬದಲಿಗೆ ಪಕ್ಷದ ಕಾರ್ಯಕರ್ತ ಮಹೇಶ ಸೇರಿದಂತೆ 6 ಸ್ಥಾನಗಳಲ್ಲಿ ಮಾತ್ರ ಗೆಲ್ಲಲು ಸಾಧಿಸಿದೆ.

First published: