HOME » NEWS » State » AFTER INVESTIGATION VASUDEVA MAIYA SUICIDE REASON WILL COME OUT SAYS MINISTER BASAVARAJA BOMMAI MAK

 M Vasudeva Maiya Suicide: ತನಿಖೆಯ ನಂತರ ವಾಸುದೇವ ಮಯ್ಯ ಆತ್ಮಹತ್ಯೆಯ ಸಂತ್ಯಾಶ ಹೊರಬರಲಿದೆ; ಬಸವರಾಜ ಬೊಮ್ಮಾಯಿ

ವಾಸುದೇವ ಮಯ್ಯ ಆತ್ಮಹತ್ಯೆಯ ಸುತ್ತ ಅನುಮಾನಗಳು ಹುತ್ತ ಕಟ್ಟಿಕೊಂಡಿವೆ. ಅವರು ಮೃತಪಟ್ಟ ಕಾರಿನಲ್ಲಿ ಡೆತ್ ನೋಟ್ ಸೇರಿ ಸುಮಾರು 12 ಪುಟಗಳ ದಾಖಲೆ ಪತ್ತೆ ಆಗಿದೆ. ಆ ದಾಖಲೆಗಳಲ್ಲಿ ರಾಘವೇಂದ್ರ ಕೋ ಅಪರೇಟಿವ್ ಬ್ಯಾಂಕ್ ನ‌ ಅವ್ಯವಹಾರದ ಬಗ್ಗೆ ಮಾಹಿತಿ ಅಡಗಿದೆ ಎನ್ನಲಾಗಿದೆ.

news18-kannada
Updated:July 7, 2020, 6:01 PM IST
 M Vasudeva Maiya Suicide: ತನಿಖೆಯ ನಂತರ ವಾಸುದೇವ ಮಯ್ಯ ಆತ್ಮಹತ್ಯೆಯ ಸಂತ್ಯಾಶ ಹೊರಬರಲಿದೆ; ಬಸವರಾಜ ಬೊಮ್ಮಾಯಿ
M Vasudeva Maiya
  • Share this:
ಬೆಂಗಳೂರು (ಜುಲೈ 07); ವಾಸುದೇವ ಮಯ್ಯ ಆತ್ಮಹತ್ಯೆ ಪ್ರಕರಣವನ್ನು ಅಸ್ವಾಭಾವಿಕ ಸಾವು ಎಂದು ಪೊಲೀಸರು ದಾಖಲಿಸಿದ್ದು, ಈ ಕುರಿತು ತನಿಖೆ ನಡೆಯುತ್ತಿದೆ. ತನಿಖೆಯಿಂದ ಸತ್ಯಾಂಶ ಹೊರ ಬರಬೇಕಿದೆ ಎಂದು ಗೃಹ ಸಚಿವ ಬಸವರಾಜ ಬೊಮ್ಮಾಯಿ ತಿಳಿಸಿದ್ದಾರೆ.

ರಾಘವೇಂದ್ರ ಕೋ ಆಪರೇಟಿವ್ ಬ್ಯಾಂಕ್ 1400 ಕೋಟಿ ಹಗರಣ ಪ್ರಕರಣದ ಪ್ರಮುಖ ಆರೋಪಿ, ಬ್ಯಾಂಕ್​​ನ‌ ಮಾಜಿ ಸಿಇಒ ಹಾಗೂ ಹಾಲಿ ಸೂಪರ್ ವೈಸರ್ ವಾಸುದೇವ್ ಮಯ್ಯ ಸೋಮವಾರ ರಾತ್ರಿ ತಮ್ಮ ಕಾರಿನಲ್ಲೇ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದರು. ಆದರೆ, ಈ ಸಾವಿನ ಸುತ್ತ ಇದೀಗ ಸಾಕಷ್ಟು ಅನುಮಾನಗಳು ಮೂಡಿವೆ.

ಈ ಹಿನ್ನೆಲೆಯಲ್ಲಿ ಇಂದು ವಿಧಾನಸೌಧದಲ್ಲಿ ಹೇಳಿಕೆ ನೀಡಿರುವ ಬಸವರಾಜ ಬೊಮ್ಮಾಯಿ, "ಕೋರ್ಟ್ ಆದೇಶದಂತೆ ಗುರು ರಾಘವೇಂದ್ರ ಬ್ಯಾಂಕ್‌ ಪ್ರಕರಣವನ್ನು ಸಿಐಡಿ ತನಿಖೆಗೆ ವಹಿಸಲಾಗಿದೆ. ಈ ಕುರಿತು ಸಿಐಡಿ ಅಧಿಕಾರಿಗಳು ಈಗಾಗಲೇ ಚುರುಕಿನ ತನಿಖೆ ನಡೆಸಿದ್ದಾರೆ. ಇನ್ನೂ ವಾಸುದೇವ ಮಯ್ಯ ಆತ್ಮಹತ್ಯೆ ಪ್ರಕರಣವನ್ನು ಅಸ್ವಾಭಾವಿಕ ಸಾವು ಎಂದು ಪ್ರಕರಣ ದಾಖಲಿಸಲಾಗಿದೆ. ಪೊಲೀಸರು ತನಿಖೆ ನಡೆಸುತ್ತಿದ್ದು, ತನಿಖೆಯಿಂದ ಸತ್ಯಾಂಶವ ಹೊರ ಬರಬೇಕಿದೆ" ಎಂದು ಅವರು ತಿಳಿಸಿದ್ದಾರೆ.

ಸಾವಿನ ಸುತ್ತ ಅನುಮಾನ:

ವಾಸುದೇವ ಮಯ್ಯ ಆತ್ಮಹತ್ಯೆಯ ಸುತ್ತ ಅನುಮಾನಗಳು ಹುತ್ತ ಕಟ್ಟಿಕೊಂಡಿವೆ. ಅವರು ಮೃತಪಟ್ಟ ಕಾರಿನಲ್ಲಿ ಡೆತ್ ನೋಟ್ ಸೇರಿ ಸುಮಾರು 12 ಪುಟಗಳ ದಾಖಲೆ ಪತ್ತೆ ಆಗಿದೆ. ಆ ದಾಖಲೆಗಳಲ್ಲಿ ರಾಘವೇಂದ್ರ ಕೋ ಅಪರೇಟಿವ್ ಬ್ಯಾಂಕ್ ನ‌ ಅವ್ಯವಹಾರದ ಬಗ್ಗೆ ಮಾಹಿತಿ ಅಡಗಿದೆ ಎನ್ನಲಾಗಿದೆ. ವಾಸುದೇವ ಮಯ್ಯನ ಜೊತೆ ಬ್ಯಾಂಕ್ ವ್ಯವಹಾರ ಹಾಗೂ ಕೋಟ್ಯಾಂತರ ಹಣ ವಹಿವಾಟು ನಡೆಸಿದ್ದ ವ್ಯಕ್ತಿಗಳ ಹೆಸರನ್ನೂ ಡೆತ್‌ನೋಟ್‌ನಲ್ಲಿ ಬರೆದಿರುವ ಶಂಕೆ ಇದೆ.

ಪೊಲೀಸರಿಗೆ ಸ್ಥಳೀಯರು ನೀಡಿದ ಮಾಹಿತಿ ಪ್ರಕಾರ ವಾಸುದೇವ ಅವರು ನೆನ್ನೆ ಮಧ್ಯಾಹ್ನ 2 ಗಂಟೆ ಸುಮಾರಿಗೆ ತಮ್ಮ ಆಲ್ಟೋ ಕಾರ್​​ನಲ್ಲಿ ಪೂರ್ಣ ಪ್ರಜ್ಞಾ ಲೇಔಟ್​​ಗೆ ಬಂದಿದ್ದರು. ಅದೇ ರಸ್ತೆಯಲ್ಲಿ ಒಂದು ಗಂಟೆಯ ಕಾಲ ವಾಕ್ ಮಾಡಿದ್ದರಂತೆ. ನಂತರ ಅವರು ಕಾರಿನಲ್ಲಿ ಬ್ಲಾಕ್ ಅಂಡ್ ವೈಟ್ ಮದ್ಯ ಸೇವನೆ ಮಾಡಿದ್ದರು. ಬಾಟಲಿಯನ್ನು ಕಾರಿನಲ್ಲೇ ಬಿಸಾಡಿದ್ದರು.

ಇದನ್ನೂ ಓದಿ : M Vasudeva Maiya Suicide: 1400 ಕೋಟಿ ರೂಪಾಯಿ ಅವ್ಯವಹಾರ, ವಾಸುದೇವ ಮಯ್ಯ ಸಾವಿನ ಸುತ್ತ ಅನುಮಾನ

ನಂತರ ನೀರಿನಲ್ಲಿ 40ಕ್ಕೂ ಹೆಚ್ಚು ANXIT ಮಾತ್ರೆ ಬೆರೆಸಿ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಸಾಮಾನ್ಯವಾಗಿ ಮಾನಸಿಕ‌ ಖಿನ್ನತೆಗೆ ಒಳಗಾದವರು ANXIT ಮಾತ್ರೆಗಳನ್ನು ಸೇವನೆ ಮಾಡುತ್ತಾರೆ. ವಾಕ್​​ ಮಾಡಿದ ನಂತರ ವಾಸುದೇವ ಅವರು ಕಾರಿನಲ್ಲೇ ಕುಳಿತಿದ್ದರು. ಎಷ್ಟೇ ಹೊತ್ತಾದರೂ ಅವರು ಕಾರಿನಿಂದ ಕೆಳಗೆ ಇಳಿದಿರಲಿಲ್ಲ. ಹೀಗಾಗಿ ಅನುಮಾನಗೊಂಡ ಸ್ಥಳೀಯರು ಕಾರಿನ ಬಳಿ ತೆರಳಿದಾಗ ವಿಚಾರ ಬೆಳಕಿಗೆ ಬಂದಿದೆ.
Published by: MAshok Kumar
First published: July 7, 2020, 6:01 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories