ನಟಿಯರಾದ ತಾರಾ, ಶೃತಿಗೆ ಒಲಿದು ಬಂದ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ

ವಿಧಾನಪರಿಷತ್​ ಸದಸ್ಯೆಯಾಗಿರುವ ನಟಿ ತಾರಾ, ರಾಜಕೀಯ ಜೀವನ ಆರಂಭದಿಂದಲೂ ಬಿಜೆಪಿಯೊಂದಿಗೆ ಗುರುತಿಸಿಕೊಂಡಿದ್ದಾರೆ. ಇನ್ನು ನಟಿ ಶೃತಿಗೆ ಈ ಸ್ಥಾನ ಅದೃಷ್ಟದಂತೆ ಒಲಿದು ಬಂದಿದೆ. 

ಶೃತಿ- ತಾರಾ ಅನುರಾಧ

ಶೃತಿ- ತಾರಾ ಅನುರಾಧ

  • Share this:
ಬೆಂಗಳೂರು(ಜ. 20): ಸಿನಿಮಾ ನಟನೆ ಜೊತೆ ಸಕ್ರಿಯ ರಾಜಕಾರಣದಲ್ಲಿ ತೊಡಗಿಸಿಕೊಂಡಿರುವ ನಟಿಯರಾದ ತಾರಾ ಅನುರಾಧ ಹಾಗೂ ಶೃತಿಗೆ ನಿಗಮ ಮಂಡಳಿ ಅಧ್ಯಕ್ಷ ಸ್ಥಾನ ಒಲಿದಿದೆ. 

ಸಂಪುಟ ದರ್ಜೆ ಸ್ಥಾನಮಾನ ಹೊಂದಿರುವ ನಿಗಮ ಮಂಡಳಿ ಸ್ಥಾನಕ್ಕೆ ಇವರಿಬ್ಬರಬ್ಬನ್ನು ನೇಮಕ ಮಾಡಿ ಬಿಎಸ್​ ಯಡಿಯೂರಪ್ಪ ಸರ್ಕಾರ  ಆದೇಶ ಹೊರಡಿಸಿದೆ.

ನಟಿ ಶೃತಿ ಅವರನ್ನು ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದ ಅಧ್ಯಕ್ಷರಾಗಿ ಹಾಗೂ ತಾರಾ ಅನುರಾಧ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಅಧ್ಯಕ್ಷರಾಗಿ ನೇಮಕ ಮಾಡಲಾಗಿದೆ.



ವಿಧಾನಪರಿಷತ್​ ಸದಸ್ಯೆಯಾಗಿರುವ ನಟಿ ತಾರಾ, ರಾಜಕೀಯ ಜೀವನ ಆರಂಭದಿಂದಲೂ ಬಿಜೆಪಿಯೊಂದಿಗೆ ಗುರುತಿಸಿಕೊಂಡಿದ್ದಾರೆ. ಇನ್ನು ನಟಿ ಶೃತಿಗೆ ಈ ಸ್ಥಾನ ಅದೃಷ್ಟದಂತೆ ಒಲಿದು ಬಂದಿದೆ.

ಬಿಜೆಪಿಯಲ್ಲಿ ಶಿಲ್ಪಾ ಗಣೇಶ್​, ಮಾಳವಿಕಾ ಅವಿನಾಶ್, ಭಾವನಾ ರಾಮಣ್ಣ ಸೇರಿದಂತೆ ಅನೇಕ ತಾರಾನಟಿಯರ ದಂಡೇ ಇದೆ.

ಇದನ್ನು ಓದಿ: ವ್ಯಕ್ತಿ ಪೂಜೆಗಿಂತ ಪಕ್ಷ ಪೂಜೆಯಲ್ಲಿ ನಂಬಿಕೆಯಿಟ್ಟವನು ನಾನು; ಡಿಕೆ ಶಿವಕುಮಾರ್​

ಇನ್ನು ಉಪಚುನಾವಣೆಗೆ ಮುನ್ನ ಪಕ್ಷದೊಳಗೆ ಎದ್ದಿದ್ದ ಅಸಮಾಧಾನ ಹೋಗಲಾಡಿಸಲು ನಿಗಮ-ಮಂಡಳಿ ಸ್ಥಾನಗಳನ್ನು ಗಾಳವಾಗಿ ಬಳಸಿಕೊಂಡಿದ್ದ ಸಿಎಂ ಬಿಎಸ್​ ಯಡಿಯೂರಪ್ಪ 8 ಜನ ಅತೃಪ್ತರಿಗೆ ಅಧ್ಯಕ್ಷ ಸ್ಥಾನ ನೀಡಿದ್ದರು.
First published: