ಚೂರು ಚೂರಾಗಿದ್ದ ಕಾರ್​​​​ ನಂಬರ್ ಫ್ಲೇಟ್ ಕೊಟ್ಟ ಸುಳಿವು - ಪೊಲೀಸರಿಗೆ ಆ್ಯಕ್ಸಿಡೆಂಟ್ ಮಾಡಿ ಎಸ್ಕೇಪ್​​ ಆದವ ಬಂಧನ

ಬೆಂಗಳೂರು(ಜೂ.09): ಪೊಲೀಸ್ ಚೀತಾ ಬೈಕ್ ಡಿಕ್ಕಿ ಹೊಡೆದು ಪರಾರಿಯಾಗಿದ್ದ ಕಾರಿ ಚಾಲಕನನ್ನು ಬೆಂಗಳೂರು ಹಲಸೂರು ಸಂಚಾರಿ ಪೊಲೀಸರು ಬಂಧಿಸಿದ್ಧಾರೆ. ಸಲ್ಮಾನ್ ಪಾಷ ಎಂಬಾತನನ್ನು ಕೃತ್ಯ ಮಾಡಿದ 12 ಗಂಟೆಗಳಲ್ಲಿ ಇನ್ಸ್​ಪೆಕ್ಟರ್ ವಿಜಯ್ ಹಡಗಲಿ ಅಂಡ್ ಟೀಂ ಬಂಧಿಸಿದೆ.

ಇನ್ನು, ಈ ಸಲ್ಮಾನ್ ಪಾಷ ಜೂನ್ 5ರಂದು ದೊಮ್ಮಲೂರಿನಿಂದ ಇಂದಿರಾ‌ನಗರದ ಕಡೆ ತೆರಳುತ್ತಿದ್ದ. ಇಂದಿರಾನಗರ ಕೆಎಫ್​​ಸಿ ಸಿಗ್ನಲ್ ಬಳಿ ಹೋಗುತ್ತಿದ್ದ ವೇಳೆ ಎದುರಿಗೆ  ಬಂದ ಪೊಲೀಸ್ ಚೀತಾ ಬೈಕ್​​ಗೆ ಡಿಕ್ಕಿ ಹೊಡೆದಿದ್ದಾನೆ. ಇನ್ನು ಡಿಕ್ಕಿ ಹೊಡೆದ ರಭಸಕ್ಕೆ ಪೊಲೀಸ್​​ ಕಾನ್ಸ್​​ಟೇಬಲ್​​​ ಶ್ರೀಶೈಲ ಹಾಗೂ ದಿನೇಶ್ ಇಬ್ಬರೂ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿದ್ದಾರೆ.

ಇದೇ ವೇಳೆ ಚೀತಾ ಬೈಕ್ ಕಾರಿಗೆ ಸಿಕ್ಕಾಕಿಕೊಂಡಿದೆ. ಭಯಭೀತನಾದ ಸಲ್ಮಾನ್ ಜೋರಾಗಿ ಕಾರು ಓಡಿಸಿದ್ದಾನೆ. ಬೈಕ್ ಅನ್ನು ಸಹ ಒಂದು ಕಿಲೋ‌ಮೀಟರ್ ಎಳೆದುಕೊಂಡು ಹೋಗಿದ್ದಾನೆ. ಇತ್ತ ವಿಚಾರ ಗೊತ್ತಾಗುತ್ತಿದ್ದಂತೆ ಇನ್ಸ್​ಪೆಕ್ಟರ್ ವಿಜಯ್ ಹಡಗಲಿ ಸ್ಥಳಕ್ಕೆ ಹೋಗಿ ಹಿರಿಯ ಪೊಲೀಸ್ ಅಧಿಕಾರಿಗಳಿಗೆ ಘಟನೆ ಬಗ್ಗೆ ಮಾಹಿತಿ ನೀಡಿದ್ದಾರೆ.

ತಕ್ಷಣವೇ ಪೂರ್ವ ವಿಭಾಗದ ಸಂಚಾರಿ ಡಿಸಿಪಿ ನಾರಾಯಣ್ ಮಾರ್ಗದರ್ಶನದಲ್ಲಿ ಇನ್ಸ್​ಪೆಕ್ಟರ್ ಅಂಡ್ ಟೀಂ ರಾತ್ರಿಯೇ ಕಾರ್ಯಾಚರಣೆ ಶುರು‌ಮಾಡಿದೆ. ಏನಾದ್ರೂ ಕ್ಲೂ ಸಿಗಬಹುದಾ ಅಂತ ಇನ್ಸ್​ಪೆಕ್ಟರ್ ನಾಲ್ಕು ಕಿಲೋ ಮೀಟರ್ ನಡೆದುಕೊಂಡೇ ಹೋಗಿದ್ದಾರೆ. ಆಗ ಒಂದು ಕಿಲೋ ಮೀಟರ್ ಅಂತರದಲ್ಲಿ ಬೈಕ್ ಹಾಗೂ ನಾಲ್ಕು ಕಾರಿನ ನಂಬರ್ ಪ್ಲೇಟ್ ಚೂರುಗಳ ಸಿಕ್ಕಿದೆ.

ಇದನ್ನೂ ಓದಿ: ಬಿಜೆಪಿ ನಾಯಕ ಜ್ಯೋತಿರಾದಿತ್ಯ ಸಿಂಧಿಯಾ ಮತ್ತು ಅವರ ತಾಯಿಗೆ ಕೊರೋನಾ ಪಾಸಿಟಿವ್‌; ದೆಹಲಿ ಆಸ್ಪತ್ರೆಗೆ ದಾಖಲು

ಅದೇ ನಂಬರ್ ಫ್ಲೇಟ್ ಚೂರುಗಳನ್ನು ಜೋಡಿಸಿದಾಗ 9238 ನಂಬರ್ ಅನ್ನೋದು ಪತ್ತೆಯಾಯ್ತು.‌ ಕೂಡಲೇ ಆರ್​​ಟಿಒ ಅಧಿಕಾರಿಗಳನ್ನು ಸಂಪರ್ಕ ಮಾಡಿದಾಗ ಆರು ಕಾರುಗಳ ವಿಳಾಸ ಕೊಟ್ಟಿದ್ರು. ಇತ್ತ ಸಿಸಿ ಕ್ಯಾಮರಾದ ಪರಿಶೀಲನೆ ವೇಳೆ ಬಿಳಿ ಬಣ್ಣದ ಟಾಟಾ ಬೋಲ್ಟ್ ಕಾರು ಅಂತ ಗೊತ್ತಾಯ್ತು.

ನಂತರ ಆರ್​​ಟಿಒ‌ ಅಧಿಕಾರಿಗಳು ಕೊಟ್ಟ ವಿಳಾಸದ ಪ್ರಕಾರ ಕೆ.ಆರ್ ಪುರಂ ಹೋಗಿ ವಿಚಾರಿಸಾಗ ಕಾರು ಮಾಲೀಕ ತನ್ನ ಡ್ರೈವರ್​​ಗೆ ಕೊಟ್ಟಿದೀನಿ ಅಂತ ಹೇಳಿದ್ದು, ಕೂಡಲೇ ಆತನ ಮೂಲಕ ಸಲ್ಮಾನ್ ಭಾಷಾನನ್ನು ಬಂಧಿಸಿದ್ದಾರೆ. ಇನ್ನು, ಹಲಸೂರು ಸಂಚಾರಿ ಇನ್ಸ್ಪೆಕ್ಟರ್ ವಿಜಯ್ ಹಡಗಲಿ ಅಂಡ್ ಟೀಮ್ ನ ಕಾರ್ಯ ವೈಖರಿಗೆ ಹಿರಿಯ ಪೊಲೀಸ್ ಅಧಿಕಾರಿಗಳು‌ ಮೆಚ್ಚುಗೆ ವ್ತಕ್ತಪಡಿದ್ದಾರೆ.