Police Medal: ಅತ್ಯುತ್ತಮ ಸೇವೆ ನೀಡಿದ ಕರ್ನಾಟಕದ 20 ಪೊಲೀಸರಿಗೆ ರಾಷ್ಟ್ರಪತಿ ಪದಕ ಘೋಷಣೆ

ಬೆಂಗಳೂರು: ಪ್ರತೀ ವರ್ಷ ಗಣರಾಜ್ಯೋತ್ಸವ (Republic Day) ದಿನದಂದು ಪೊಲೀಸರಿಗೆ (Police) ತಾವು ಸಲ್ಲಿಸಿದ ಅತ್ಯುತ್ತಮ ಸೇವೆಗಾಗಿ ಕೊಡಮಾಡುವ ರಾ‍ಷ್ಟ್ರಪತಿ ಪದಕ (President Police Medal for Distinguished Service) ಘೋಷಣೆಯನ್ನು ಈ ವರ್ಷವೂ ಪ್ರಕಟ ಮಾಡಲಾಗಿದೆ. ಈ ಬಾರಿ ಕರ್ನಾಟಕದಿಂದ (Karnataka Police) ಒಟ್ಟು 20 ಮಂದಿ ಈ ಅತ್ಯುನ್ನತ ಪುರಸ್ಕಾರಕ್ಕೆ ಆಯ್ಕೆಯಾಗಿದ್ದಾರೆ. 20 ಮಂದಿ ಪೊಲೀಸರ ಪೈಕಿ ಒಬ್ಬರು ರಾ‍ಷ್ಟ್ರಪತಿ ಪೊಲೀಸ್ ಪದಕಕ್ಕೆ ಆಯ್ಕೆಯಾದರೆ, ಇನ್ನುಳಿದ 19 ಮಂದಿ ಪೊಲೀಸ್ ಪದಕದ ಗೌರವವಕ್ಕೆ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ: Santro Ravi: ಪ್ರಧಾನಿ, ಸಿಎಂ ಬರೋ ವಿಐಪಿ ಗೇಟ್ ಮೂಲಕ ಸ್ಯಾಂಟ್ರೋ ರವಿಯನ್ನ ಕರೆತಂದ ಪೊಲೀಸ್​; ಮಾಜಿ ಸಿಎಂ ಹೆಚ್​ಡಿಕೆ ಕೆಂಡಾಮಂಡಲ

ಪೊಲೀಸ್ ಕ್ಷೇತ್ರದಲ್ಲಿ ಸಲ್ಲಿಸಿದ ವಿಶಿಷ್ಟ ಸೇವೆಗಾಗಿ ಪೊಲೀಸರಿಗೆ ನೀಡಲಾಗುವ ಅತ್ಯುನ್ನತ ಗೌರವ ರಾಷ್ಟ್ರಪತಿ ಪದಕ ಪ್ರಶಸ್ತಿಗೆ (President Police Medal for Distinguished Service) ಎಡಿಜಿಪಿ ಶರತ್ ಚಂದ್ರ ಅವರಿಗೆ ಸಿಕ್ಕಿದ್ದು, ಶಿಕ್ಷಕರ ನೇಮಕಾತಿ ಹಗರಣ ಪ್ರಕರಣ ಸೇರಿದಂತೆ ಹತ್ತಾರು ಪ್ರಮುಖ ಪ್ರಕರಣಗಳನ್ನು ಭೇದಿಸುವಲ್ಲಿ ಎಡಿಜಿಪಿ ಶರತ್ ಚಂದ್ರ ಅವರ ಪಾತ್ರ ಪ್ರಮುಖವಾಗಿದೆ. ಹೀಗಾಗಿ ವೃತ್ತಿ ಜೀವನದಲ್ಲಿ ಸಲ್ಲಿಸಿದ ವಿಶಿಷ್ಟ ಸೇವೆಗಾಗಿ ಕರ್ನಾಟಕದ ಎಡಿಜಿಪಿ ಶರತ್ ಚಂದ್ರ ಅವರಿಗೆ ಈ ಬಾರಿಯ ಗಣರಾಜ್ಯೋತ್ಸವದಂದು ನೀಡಲಾಗುವ ರಾಷ್ಟ್ರಪತಿ ಪದಕ್ಕೆ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಇದನ್ನೂ ಓದಿ: Bengaluru: ಬೆಂಗಳೂರಿನಲ್ಲಿ ಹೊಸ ವರ್ಷದ ದಿನದಂದು ದಾಖಲಾಗಿದ್ದು 95 ಡ್ರಂಕ್ ಅಂಡ್ ಡ್ರೈವ್ ಕೇಸ್! ಪೊಲೀಸರು ಹೇಳಿದ್ದೇನು?

19 ಮಂದಿಗೆ ಪೊಲೀಸ್ ಪದಕದ ಗೌರವ - ಯಾರ್ಯಾರು?

ಇದರ ಜೊತೆಗೆ ಅತ್ಯುತ್ತಮ ಸೇವೆ ಸಲ್ಲಿಸಿದ ಪೊಲೀಸರಿಗೆ ಪೊಲೀಸ್ ಪದಕ ಕೂಡ ಘೋಷಣೆ ಮಾಡಲಾಗಿದ್ದು, ಈ ಗೌರವಕ್ಕೆ ಕರ್ನಾಟಕದಿಂದ 19 ಮಂದಿ ಪೊಲೀಸರು ಆಯ್ಕೆಯಾಗಿದ್ದಾರೆ. ಅವರೆಲ್ಲರ ವಿವರ ಇಲ್ಲಿದೆ.

• ಲಾಂಬೂರಾಂ - ಸಿಜಿ, ಹುಬ್ಬಳ್ಳಿ


• ನಾಗರಾಜು- ಡಿಎಸ್‌ಪಿ, ಬೆಂಗಳೂರು


• ಪದ್ಮರಾಜಯ್ಯ ವೀರೇಂದ್ರ ಕುಮಾರ್‌- ಡಿಎಸ್‌ಪಿ ಬೆಂಗಳೂರು


• ಬೆದ್ರಾಜೆ ಪ್ರಮೋದ್ ಕುಮಾರ್- ಡಿಎಸ್‌ಪಿ ಬೆಂಗಳೂರು


• ಸಿದ್ದಲಿಂಗಪ್ಪ ಆರ್‌ ಪಾಟೀಲ್‌- ಡಿಎಸ್‌ಪಿ ಬೆಂಗಳೂರು ಲೋಕಾಯುಕ್ತ


• ಸಿವಿ ದೀಪಕ್‌- ಡಿಎಸ್‌ಪಿ ಬೆಂಗಳೂರು


• ಹೆಚ್‌ ವಿಜಯ- ಡಿಎಸ್‌ಪಿ ಬೆಂಗಳಊರು


• ಬಿ ಶಿವಲಿಂಗೇಗೌಡ ಮಂಜುನಾಥ್, ಇನ್ಸ್‌ಪೆಕ್ಟರ್‌- ಬೆಂಗಳೂರು ಗ್ರಾಮಾಂತರ


• ಗಣೇಶ್‌ ಜನಾರ್ಧನ ರಾವ್‌- ಇನ್ಸ್‌ಪೆಕ್ಟರ್‌- ಬೆಂಗಳೂರು


• ಆರ್‌ಪಿ ಅನಿಲ್- ಸರ್ಕಲ್‌ ಇನ್ಸ್‌ಪೆಕ್ಟರ್‌- ಬೆಂಗಳೂರು


• ಮನೋಜ್ ಹೊವಾಲೇ, ಇನ್ಸ್‌ಪೆಕ್ಟರ್‌- ಬೆಂಗಳೂರು


• ಟಿಎ ನಾರಾಯಣ ರಾವ್‌- ಸ್ಪೆಷಲ್‌ ARSI, KSRP ಬೆಂಗಳೂರು


• ವೆಂಕಟರಮಣಗೌಡ- ARSI, KSRP ಬೆಂಗಳೂರು


• ಎಸ್ ಎಂ ಪಾಟೀಲ್‌- ARSI, KSRP ಬೆಂಗಳೂರು


• ಕೆ ಪ್ರಸನ್ನಕುಮಾರ್‌- ಹೆಡ್‌ ಕಾನ್ಸ್ಟೇಬಲ್‌, ಬೆಂಗಳೂರು


• ಪ್ರಭಾಕರ ಹೆಚ್‌- ಹೆಡ್‌ ಕಾನ್ಸ್ಟೇಬಲ್‌, ಬೆಂಗಳೂರು


• ಬಿಟಿ ವರದರಾಜ- ರಿಸರ್ವ ಪೊಲೀಸ್‌ ಇನ್ಸ್‌ಪೆಕ್ಟರ್‌ - ಬೆಂಗಳೂರು


• ಡಿ ಸುಧಾ- WHC, SCRB, ಬೆಂಗಳೂರು 


• ಟಿಆರ್‌ ರವಿಕುಮಾರ್‌- CHC, City Control Room ಬೆಂಗಳೂರು

ದೇಶಾದ್ಯಂತ ಒಟ್ಟು 544 ಪೊಲೀಸರಿಗೆ ಗೌರವ ಪುರಸ್ಕಾರ

ಇನ್ನುಳಿದಂತೆ ಸೇವೆಯ ಸಂದರ್ಭದಲ್ಲಿ ಶೌರ್ಯವನ್ನು ತೋರಿದ ಪೊಲೀಸರಿಗೆ ನೀಡಲಾಗುವ ಪೊಲೀಸ್ ಪದಕಕ್ಕೆ ದೇಶಾದ್ಯಂತ ಒಟ್ಟು 83 ಪೊಲೀಸರು ಆಯ್ಕೆಯಾಗಿದ್ದು, ರಾ‍ಷ್ಟ್ರಪತಿ ಪದಕಕ್ಕೆ ಒಟ್ಟು 54 ಮಂದಿ ಪೊಲೀಸರು ದೇಶಾದ್ಯಂತ ಆಯ್ಕೆಯಾಗಿದ್ದಾರೆ. ಇನ್ನು ಅತ್ಯುತ್ತಮ ಸೇವೆಗಾಗಿ ನೀಡಲ್ಪಡುವ ಪೊಲೀಸ್ ಪದಕಕ್ಕೆ ದೇಶಾದ್ಯಂತ ಒಟ್ಟು 407 ಪೊಲೀಸರು ಆಯ್ಕೆಯಾಗಿದ್ದಾರೆ. ಇವರೆಲ್ಲರಿಗೆ ಗಣರಾಜ್ಯೋತ್ಸವದ ದಿನ ಪ್ರಶಸ್ತಿ ಪ್ರದಾನ ನಡೆಯಲಿದೆ.