• Home
  • »
  • News
  • »
  • state
  • »
  • Namma Metro: ನಮ್ಮ ಮೆಟ್ರೋಗೆ ಬರೋಬ್ಬರಿ 2.09 ಕೋಟಿ ದಂಡ, ರೂಲ್ಸ್ ಬ್ರೇಕ್ ಮಾಡಿತಾ ಸಂಸ್ಥೆ?

Namma Metro: ನಮ್ಮ ಮೆಟ್ರೋಗೆ ಬರೋಬ್ಬರಿ 2.09 ಕೋಟಿ ದಂಡ, ರೂಲ್ಸ್ ಬ್ರೇಕ್ ಮಾಡಿತಾ ಸಂಸ್ಥೆ?

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

 ಬೆಂಗಳೂರು ನಗರದ ವಿದ್ಯುತ್​ ಬಳಕೆದಾರರ ಅನುಕೂಲದ ಅನುಸಾರವಾಗಿ ಬೆಂಗಳೂರು ಮೆಟ್ರೋ ರೈಲು ನಿಗಮವು ವಿದ್ಯುತ್ ಸರಬರಾಜು ಕಂಪೆನಿಯ ಜೊತೆಗೆ ವಿದ್ಯುತ್​ ಬಳಕೆಯ ಬಗ್ಗೆ ಕೆಲವೊಂದು ಒಪ್ಪಂದವನ್ನು ಮಾಡಿಕೊಂಡಿತ್ತು. ಆದರೆ ಈ ಒಪ್ಪಂದ ಮೇರೆಗೆ ನಿಯಮವನ್ನು ಉಲ್ಲಂಘಿಸಿದ್ದರಿಂದ ಎರಡು ವರ್ಷಗಳಲ್ಲಿ ಈ ನಮ್ಮ ಮೆಟ್ರೋಗೆ ವಿದ್ಯುತ್​ ಸರಬರಾಜು ಕಂಪೆನಿಯು 2.09 ಕೋಟಿ ದಂಡವನ್ನು ವಿಧಿಸಿದೆ.

ಮುಂದೆ ಓದಿ ...
  • News18 Kannada
  • 2-MIN READ
  • Last Updated :
  • Bangalore [Bangalore], India
  • Share this:

    ಇತ್ತೀಚೆಗೆ ಬೆಂಗಳೂರು ಮೆಟ್ರೋ ರೈಲು ನಿಗಮವು (BMRCL) ಮೆಟ್ರೋ ರೈಲುಗಳ ಕೆಲಸಗಳಿಗಾಗಿ, ನಿಲ್ದಾಣಗಳಲ್ಲಿ ಹಾಗೂ ಇನ್ನಿತರೆ ಕಾರ್ಯವೈಖರಿಗಳುಗಾಗಿ ಅಗತ್ಯವಿರುವ ವಿದ್ಯುತ್​ ಬಳಕೆಯ ವಿಷಯದಲ್ಲಿ ಬೆಸ್ಕಾಂ (Bescom) ಮತ್ತು ಕೆಪಿಟಿಸಿಎಲ್​ (KPTCL) ನೊಂದಿಗೆ ಕೆಲವೊಂದು ಒಪ್ಪಂದವನ್ನು ಮಾಡಿಕೊಂಡಿತ್ತು. ಈ ಒಪ್ಪಂದದಂತೆ ಬೆಂಗಳೂರಿನ ಮೆಟ್ರೋನ (Namma Metro) 4 ಸ್ಟೇಷನ್​ಗಳು ವಾರಷಿಕವಾಗಿ 31 ಸಾವಿರ ಕಿಲೋ ವ್ಯಾಟ್​ ವಿದ್ಯುತ್​ ಅನ್ನು ಮಾತ್ರ ಬಳಸಲು ಅನುಮತಿ ಇತ್ತು. ಆದರೆ ಈ ನಿಯಮವನ್ನು ಬೆಂಗಳೂರು ಮೆಟ್ರೋ ರೈಲು ನಿಗಮವು ಉಲ್ಲಂಘಿಸಿದೆ. ಇದೇ ಕಾರಣಕ್ಕೆ ವಿದ್ಯುತ್​ ಸರಬರಾಜು ಕಂಪೆನಿ ಬೆಂಗಳೂರು ಮೆಟ್ರೋ ರೈಲು ನಿಗಮಕ್ಕೆ ಕಳೆದ ಎರಡು ವರ್ಷಗಳಿಂದ ದಂಡ ವಿಧಿಸುತ್ತಲೇ ಇದೆ. 

     ಬೆಂಗಳೂರು ನಗರದ ವಿದ್ಯುತ್​ ಬಳಕೆದಾರರ ಅನುಕೂಲದ ಅನುಸಾರವಾಗಿ ಬೆಂಗಳೂರು ಮೆಟ್ರೋ ರೈಲು ನಿಗಮವು ವಿದ್ಯುತ್ ಸರಬರಾಜು ಕಂಪೆನಿಯ ಜೊತೆಗೆ ವಿದ್ಯುತ್​ ಬಳಕೆಯ ಬಗ್ಗೆ ಕೆಲವೊಂದು ಒಪ್ಪಂದವನ್ನು ಮಾಡಿಕೊಂಡಿತ್ತು. ಆದರೆ ಈ ಒಪ್ಪಂದ ಮೇರೆಗೆ ನಿಯಮವನ್ನು ಉಲ್ಲಂಘಿಸಿದ್ದರಿಂದ ಎರಡು ವರ್ಷಗಳಲ್ಲಿ ಈ ನಮ್ಮ ಮೆಟ್ರೋಗೆ ವಿದ್ಯುತ್​ ಸರಬರಾಜು ಕಂಪೆನಿಯು 2.09 ಕೋಟಿ ದಂಡವನ್ನು ವಿಧಿಸಿದೆ.


    ತಿಂಗಳಿಗೆ 205 ಲಕ್ಷ ಯೂನಿಟ್​ ವಿದ್ಯುತ್ ಬಳಕೆ


    ಕೇವಲ 56 ಕಿಲೋ ಮೀಟರ್​ಗಳ ಮೆಟ್ರೋ ರೈಲುಗಳ ಕಾರ್ಯಾಚರಣೆಗೆ ತಿಂಗಳಿಗೆ 65 ಲಕ್ಷ ಯೂನಿಟ್ ವಿದ್ಯುತ್​ ವೆಚ್ಚವಾಗುತ್ತಿದೆ. ಇನ್ನು ಇದೇ ಸಂದರ್ಭದಲ್ಲಿ ಪ್ರತೀ ತಿಂಗಳು 40 ಲಕ್ಷ ಯೂನಿಟ್​ ವಿದ್ಯುತ್ ಅನ್ನು ಮೆಟ್ರೋ ಸ್ಟೇಷನ್​ಗಳಿಗೆ ಮತ್ತು ಡಿಪೋಗಳ ಕಾರ್ಯವೈಖರಿಗೆ ಬಳಸಲಾಗುತ್ತಿದೆ. ಈ ಮೂಲಕ ಪ್ರತೀ ಕಿಲೋ ಮೀಟರ್​ಗೆ 22 ಯೂನಿಟ್ ವಿದ್ಯುತ್ ಬೇಕಾಗುತ್ತದೆ. ಈ ಎಲ್ಲಾ ಲೆಕ್ಕಾಚಾರದ ಮೂಲಕ ಒಂದು ತಿಂಗಳಿಗೆ ಮೆಟ್ರೋ ರೈಲುಗಳು, ನಿಲ್ದಾಣಗಳೆಲ್ಲಾ ಕಾರ್ಯನಿರ್ವಹಿಸಬೇಕಾದರೆ 205 ಲಕ್ಷ ಯೂನಿಟ್​ ವಿದ್ಯುತ್​ ಬೇಕಾಗುತ್ತದೆ ಎಂದು ಬಿಎಂಆರ್​​ಸಿಎಲ್​ನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.





    ಎರಡು ವರ್ಷದಲ್ಲಿ 2.09 ಕೋಟಿ ದಂಡ


    ಮೆಟ್ರೋ ಬೆಸ್ಕಾಂ ಮತ್ತು ಕೆಪಿಟಿಸಿಎಲ್​ನೊಂದಿಗೆ ಮಾಡಿಕೊಂಡಿದ್ದಂತಹ ಒಪ್ಪಂದದ ಅನ್ವಯ ವಾರ್ಷಿಕವಾಗಿ ನಾಲ್ಕು ಸ್ಟೇಷನ್​ಗಳಿಂದ ಕೇವಲ 31 ಸಾವಿರ ಕಿಲೋ ವ್ಯಾಟ್​ ವಿದ್ಯುತ್​ ಅನ್ನು ಬಳಸಬೇಕಿತ್ತು. ಆದರೆ ಈ ಒಪ್ಪಂದವನ್ನು ಉಲ್ಲಂಘಿಸಿ ಬಿಎಂಆರ್​​ಸಿಎಲ್​ ಇದಕ್ಕಿಂತ ಹೆಚ್ಚು ವಿದ್ಯುತ್ ಅನ್ನು ಬಳಸಿದೆ. ಹೀಗಾಗಿ ಬೆಸ್ಕಾಂ ಬಿಎಂಆರ್​​ಸಿಎಲ್​ಗೆ 2021ರಲ್ಲಿ 1.80 ಕೋಟಿ ರೂಪಾಯಿ ದಂಡವನ್ನು ವಿಧಿಸಿದೆ. ಅದೇ ರೀತಿ 2022 ರಲ್ಲಿ ಮೈಸೂರು ರಸ್ತೆಯ ಉಪವಿಭಾಗದೊಂದಿಗೆ ವಿದ್ಯುತ್​ ಬಳಕೆಯ ಬಗ್ಗೆ ಒಪ್ಪಂದ ಮಾಡಿಕೊಂಡಿತ್ತು. ಇಲ್ಲಿ ಸಹ ಉಲ್ಲಘಿಸಿದ್ದರಿಂದ ಕೇವಲ 8 ತಿಂಗಳ ಅವಧಿಯಲ್ಲೇ 29.82 ಲಕ್ಷ ರೂಪಾಯಿ ದಂಡವನ್ನು ಪಾವತಿ ಮಾಡಿದೆ.


    ಈ ಬಗ್ಗೆ ಬೆಸ್ಕಾಂ ಅಧಿಕಾರಿಗಳ ಅಭಿಪ್ರಾಯ


    ಒಪ್ಪಂದಗಳ ಷರತ್ತು ಉಲ್ಲಂಘಿಸಿ ನಿಗದಿತ ಪ್ರಮಾಣಕ್ಕಿಂತ ಹೆಚ್ಚಿನ ವಿದ್ಯುತ್‌ ಬಳಸಿದರೆ, ಬೆಸ್ಕಾಂನ ವಿತರಣಾ ವ್ಯವಸ್ಥೆಯ ಮೇಲೆ ದೊಡ್ಡ ಮಟ್ಟಿನಲ್ಲಿ ಪರಿಣಾಮ ಬೀರುತ್ತದೆ. ಇದರಿಂದ ಗ್ರಾಹಕರಿಗೂ ಬಹಳಷ್ಟು ವಿದ್ಯುತ್​ನ ತೊಂದರೆಯುಂಟಾಗಬಹುದು. ಅಧಿಕ ವಿದ್ಯುತ್‌ನ ಅಗತ್ಯವಿದ್ದರೆ, ಬಿಎಂಆರ್‌ಸಿಎಲ್‌ ಒಪ್ಪಂದದಲ್ಲಿ ಬದಲಾವಣೆಯನ್ನು ಸಹ ಮಾಡುವ ಅವಕಾಶವಿದೆ ಅಥವಾ ಹೆಚ್ಚಿನ ಬೇಡಿಕೆಯನ್ನೂ ಸಲ್ಲಿಸಬಹುದು ಎಂದು ಬೆಸ್ಕಾಂ ಅಧಿಕಾರಿಗಳು ತಿಳಿಸಿದರು.




    ಸಾಂದರ್ಭಿಕ ಚಿತ್ರ




    171 ಕೋಟಿ ರೂ. ವಿದ್ಯುತ್​ ಬಿಲ್ ಪಾವತಿಸಿದ ಮೆಟ್ರೋ


    ನಮ್ಮ ಮೆಟ್ರೋ ಸಂಚಾರದ, ನಿಲ್ದಾಣದ ಕಾರ್ಯವೈಖರಿ ಮತ್ತು ಡಿಪೋದ ವಿದ್ಯುತ್ ಬಳಕೆಗೆ ಸಂಬಂಧಿಸಿದಂತೆ 2019 ರಿಂದ 2021 ರವರೆಗೆ ಬರೋಬ್ಬರಿ 171 ಕೋಟಿ ರೂಪಾಯಿ ವಿದ್ಯುತ್ ಬಿಲ್ ಅನ್ನು ಪಾವತಿಸಿದೆ ಎಂಬು ಬಿಎಂಆರ್​ಸಿಎಲ್​ ತಿಳಿಸಿದೆ.


     ಸೌರ ವಿದ್ಯುತ್​ ಉತ್ಪಾದನೆ ಯೋಜನೆ




    ಪ್ರಸ್ತುತ ಕೋಣನಕುಂಟೆ ಕ್ರಾಸ್‌, ದೊಡ್ಡಕಲ್ಲಸಂದ್ರ, ವಾಜರಹಳ್ಳಿ, ತಲಘಟ್ಟಪುರ ಮತ್ತು ಕನಕಪುರ ರಸ್ತೆ ಮೆಟ್ರೋ ಕಾರಿಡಾರ್‌ನಲ್ಲಿರುವ ರೇಷ್ಮೆ ಸಂಸ್ಥೆ ಮೆಟ್ರೋ ನಿಲ್ದಾಣದಲ್ಲಿ ಸೌರ ಫಲಕಗಳನ್ನು ಅಳವಡಿಸಲಾಗಿದೆ. ಈ ಮೂಲಕ ಸೌರಶಕ್ತಿಯ ಮೂಲಕ ವಿದ್ಯುತ್​ ಅನ್ನು ಬಳಕೆ ಮಾಡುವಂತೆ ಯೋಜನೆಯನ್ನು ರೂಪಿಸುತ್ತಿದೆ.



    ಮೆಟ್ರೋ ನಿಲ್ದಾಣಗಳಲ್ಲಿ ಸೌರ ವಿದ್ಯುತ್​ನ ಬಳಕೆ


    ಮೆಟ್ರೋ ಹಂತ-1ರ ನಿಲ್ದಾಣಗಳಲ್ಲಿ ಸೌರ ಶಕ್ತಿ ಉತ್ಪಾದಿಸಲು ಸಾಧ್ಯವಾಗಿಲ್ಲ. ಮೆಟ್ರೋ ನಿಲ್ದಾಣಗಳಲ್ಲಿನ ವಿದ್ಯುತ್‌ ದೀಪಗಳು, ಎಕ್ಸಲೇಟರ್​ಗಳು ಮತ್ತು ಎಸಿಗೆ ಸೌರಶಕ್ತಿಯಿಂದ ಉತ್ಪಾದಿಸಲಾದ ವಿದ್ಯುತ್‌ ಪೂರೈಕೆ ಮಾಡುವ ಯೋಜನೆ ರೂಪಿಸಲಾಗುತ್ತಿದೆ.


    ಇದನ್ನೂ ಓದಿ: ಲುಡೋ ಗೇಮ್​ ಆಡುವಾಗ ಲವ್​​; ಬೆಂಗಳೂರಿನಲ್ಲಿ ಅಕ್ರಮವಾಗಿ ನೆಲೆಸಿದ್ದ ಪಾಕಿಸ್ತಾನದ ಯುವತಿ ಅರೆಸ್ಟ್​
     ಸೌರ ವಿದ್ಯುತ್​ನಿಂದ 11 ಲಕ್ಷ ರೂಪಾಯಿ ಉಳಿತಾಯ


    ಮೆಟ್ರೋ ತನ್ನ ರೈಲುಗಳ ಕಾರ್ಯಾಚರಣೆಗಾಗಿ ತಿಂಗಳಿಗೆ 4.22 ಕೋಟಿ ರೂಪಾಯಿ ಹಾಗೂ ಮೆಟ್ರೋ ನಿಲ್ದಾಣ ಮತ್ತು ಡಿಪೋಗಳ ವಿದ್ಯುತ್​ ಶುಲ್ಕ 2.66 ಕೋಟಿ ರೂಪಾಯಿ ವಿದ್ಯುತ್​ ಬಿಲ್​ ಅನ್ನು ಪಾವತಿಸುತ್ತದೆ. ಆದರೆ ಇದೀಗ ಸೌರ ಫಲಕಗಳ ಸಹಾಯದಿಂದ ತಿಂಗಳಿಗೆ 1.5 ಲಕ್ಷ ಯೂನಿಟ್​ ವಿದ್ಯುತ್​ ಅನ್ನು ಉತ್ಪಾದಿಸಲಾಗುತ್ತಿದೆ. ಈ ಮೂಲಕ ಮಾಸಿಕವಾಗಿ 11 ಲಕ್ಷ ರೂಪಾಯಿ ಉಳಿತಾಯವಾಗುತ್ತಿದೆ ಎಂದು ತಂತ್ರಜ್ಞರು ಹೇಳಿದ್ದಾರೆ.

    Published by:Prajwal B
    First published: