ವನಿತೆಯರ ವಿಶ್ವಕಪ್ ಟಿ-20: ಕಿವೀಸ್ ಆಟಗಾರ್ತಿ ಹಿಡಿದ ಕ್ಯಾಚ್ ಈಗ ಫುಲ್ ವೈರಲ್

ನ್ಯೂಸ್ 18 ಕನ್ನಡ

ಮಹಿಳಾ ಟಿ-20 ವಿಶ್ವಕಪ್ ಟೂರ್ನಿ ದಿನದಿಂದ ದಿನಕ್ಕೆ ರೋಚಕತೆ ಪಡೆಯುತ್ತಿದೆ. ಮೊನ್ನೆಯಷ್ಟೆ ಪಂದ್ಯ ಆರಂಭಕ್ಕೂ ಮುನ್ನ ಭಾರತ ಮಹಿಳಾ ಕ್ರಿಕೆಟ್ ತಂಡದ ನಾಯಕಿ ಹರ್ಮನ್​​​ಪ್ರೀತ್ ಕೌರ್ ಅವರು ರಾಷ್ಟ್ರಗೀತೆ ಆಗುವವೇಳೆ, ತನ್ನ ಜೊತೆಗಿದ್ದ ವೆಸ್ಟ್​ ಇಂಡೀಸ್ ಪುಟ್ಟ ಬಾಲಕಿ ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಬಳಿಕ ಬಾಲಕಿಯನ್ನು ಎತ್ತಿ ಕ್ರೀಡಾಂಗಣದ ಮ್ಯಾನೇಜ್ಮೆಂಟ್​ಗೆ ಹಸ್ತಾಂತರಿಸಿದ್ದರು. ಈ ವಿಡಿಯೋ ಸಾಮಾಜಿ ತಾಣಗಳಲ್ಲಿ ಸಖತ್ ವೈರಲ್ ಆಗಿತ್ತು. ಸದ್ಯ ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ಪಂದ್ಯಗಳ  ನಡುವೆ ನಡೆದ ಘಟನೆಯೊಂದು ಸಿಕ್ಕಾಪಟ್ಟೆ ಹರಿದಾಡುತ್ತಿದೆ.

ಇದನ್ನೂ ಓದಿ: ಐಪಿಎಲ್ ಆರಂಭಕ್ಕೂ ಮುನ್ನವೇ ಮುಂಬೈಗೆ ಟಾಂಗ್ ನೀಡಿದ ಚೆನ್ನೈ ಸೂಪರ್ ಕಿಂಗ್ಸ್​

ನಿನ್ನೆ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡ 33 ರನ್​ಗಳ ಸೋಲು ಅನುಭವಿಸಿತ್ತು. ಆದರೆ, ಕಿವೀಸ್ ತಂಡದ ಸ್ಟಾರ್ ಆಟಗಾರ್ತಿ ಸೂಜಿ ಬೇಟ್ಸ್​ ಅವರು ಹಿಡಿದ ಆ ಒಂದು ಕ್ಯಾಚ್ ಈ ಪಂದ್ಯದ ಪ್ರಮುಖ ಅಂಶವಾಗಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ ತಂಡ ಉತ್ತಮ ರನ್ ಕಲೆಹಾಕಿತ್ತು. ಆದರೆ, ಪಂದ್ಯದ 15ನೇ ಓವರ್​​ನ ಲೀ ಕ್ಯಾಸ್ಪೆರೆಕ್ ಅವರ 2ನೇ ಎಸೆತದಲ್ಲಿ ಆಸ್ಟ್ರೇಲಿಯಾ ತಂಡದ ಬ್ಯಾಟ್ಸ್​ಮನ್​ ಆಶ್ಲೇ ಗಾರ್ಡ್ನರ್​​ ಅವರು ಚೆಂಡನ್ನು ಸಿಕ್ಸ್​ಗೆ ಅಟ್ಟಲು ಯತ್ನಿಸಿದರು. ಈ ಸಂದರ್ಭ ಲಾಂಗ್ ಆನ್​​ನಲ್ಲಿದ್ದ ಬೇಟ್ಸ್​​ ಅವರು ಅತ್ಯುತ್ತಮ ಕ್ಯಾಚ್ ಪಡೆಯುವ ಮೂಲಕ ಗಾರ್ಡ್ನರ್ ಅವರಿಗೆ ಪೆವಿಲಿಯನ್ ಹಾದಿ ತೋರಿದರು. ಬೇಟ್ಸ್​ ಅವರ ಕೈಯಿಂದ ಚೆಂಡು ಎರಡು ಬಾರಿ ನೆಲಕ್ಕೆ ಮುಟ್ಟಲು ಇತ್ತಾದರು, ಮೂರನೇ ಬಾರಿ ಅದ್ಭುತವಾಗಿ ಹಿಡಿದು, ಬ್ಯಾಟ್ಸ್​ಮನ್​​ಗೆ ಶಾಕ್ ನೀಡಿದರು.

ಇದನ್ನೂ ಓದಿ: 'ಎಫ್​​-1 ರೇಸ್ ಭಾರತದಲ್ಲಿ ವಿಚಿತ್ರ ಅನುಭವ ನೀಡಿತು, ಅದೊಂದು ಬಡ ಪ್ರದೇಶ: ಲೆವಿಸ್ ಹ್ಯಾಮಿಲ್ಟನ್



ಸದ್ಯ ಈ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದ್ದು, ಬೇಟ್ಸ್​ ಅವರ ಈ ಅದ್ಭುತ ಪ್ರಯತ್ನಕ್ಕೆ ಐಸಿಸಿ ಕೂಡ ಟ್ವಿಟರ್​​ನಲ್ಲಿ ಬೇಷ್ ಎಂದಿದೆ.

 

You've got to #WatchThis! A brilliant tumbling, juggling catch by @SuzieWBates to dismiss @akgardner97! 👌

WATCH ▶️ https://t.co/P60vMtZ4A0#AUSvNZ #WT20 pic.twitter.com/XxSIxgJe4n

— ICC (@ICC) November 14, 2018

ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾದ ವನಿತೆಯರು ನಿಗದಿತ 20 ಓವರ್​ನಲ್ಲಿ 7 ವಿಕೆಟ್ ನಷ್ಟಕ್ಕೆ 153 ರನ್ ಕಲೆಹಾಕಿತ್ತು. ಈ ಗುರಿ ಬೆನ್ನತ್ತಿದ ನ್ಯೂಜಿಲೆಂಡ್ ತಂಡ 17.3 ಓವರ್​ನಲ್ಲಿ 120 ರನ್​ಗೆ ಆಲೌಟ್ ಆಗುವ ಮೂಲಕ 33 ರನ್​ಗಳ ಸೋಲು ಅನಭವಿಸಿದೆ.