ವಿಶ್ವದ ಲೆಜೆಂಡ್​ ಆಟಗಾರನನ್ನು ಭೇಟಿಯಾದ ವಿರುಷ್ಕಾ ಜೋಡಿ

ಆಸ್ಟ್ರೇಲಿಯಾದಲ್ಲಿ ಐತಿಹಾಸಿಕ ಜಯ ಸಾಧಿಸಿದ ಟೀಂ ಇಂಡಿಯಾ ಸಖತ್ ರಿಲಾಕ್ಸ್ ಮೂಡಿನಲ್ಲಿದೆ. ಕಳೆದೊಂದು ತಿಂಗಳಿಂದ ಕ್ರಿಕೆಟ್​ ಮೈದಾನದಲ್ಲಿ ಬೆವರಿಳಿಸಿದ್ದ ಭಾರತ ತಂಡದ ನಾಯಕ ವಿರಾಟ್​ ಕೊಹ್ಲಿ ಇದೀಗ ಟೆನಿಸ್​ ಕೋರ್ಟ್​ನತ್ತ ಮುಖ ಮಾಡಿದ್ದಾರೆ.

ತನ್ನ ಮುದ್ದಿನ ಮಡದಿ ಬಾಲಿವುಡ್​ ನಟಿ ಅನುಷ್ಕಾ ಶರ್ಮಾರೊಂದಿಗೆ ಕೊಹ್ಲಿ ಆಸ್ಟ್ರೇಲಿಯನ್ ಓಪನ್ ಟೆನಿಸ್​ ಟೂರ್ನಿ ವೀಕ್ಷಿಸಿದ್ದಾರೆ. ವಿಐಪಿ ಗ್ಯಾಲರಿಯಲ್ಲಿ ಸೀಟುಗಿಟ್ಟಿಸಿದ ವಿರುಷ್ಕಾ ಜೋಡಿ ಖ್ಯಾತ ಆಟಗಾರ ನೊವಾಕ್ ಜೊಕೊವಿಚ್ ಮತ್ತು ಡೆನಿಶ್ ಶಪೊವಲೊವ್​ ಅವರ ಪಂದ್ಯವನ್ನು ವೀಕ್ಷಿಸಿದರು. ಅಲ್ಲದೆ ಮಹಿಳಾ ಸಿಂಗಲ್ಸ್​ನಲ್ಲಿ ಟೆನಿಸ್​ ಧ್ರುವತಾರೆ ಸೆರೆನಾ ವಿಲಿಯಮ್ಸ್ ಮತ್ತು ಡಯಾನಾ ಎಸ್ಟ್ರೆಮ್ಸ್ಕಾ ನಡುವಿನ ಪಂದ್ಯಕ್ಕೆ ಸಾಕ್ಷಿಯಾದರು.

ಇದನ್ನೂ ಓದಿ: ಟೀಂ ಇಂಡಿಯಾಗೆ ಐತಿಹಾಸಿಕ ಸರಣಿ ಗೆಲುವು: ಆಸ್ಟ್ರೇಲಿಯಾ ವಿರುದ್ಧ ಗವಾಸ್ಕರ್ ಫುಲ್ ಗರಂ!

ಈ ನಡುವೆ ಬಿಡುವಿನ ವೇಳೆಯಲ್ಲಿ ವಿಶ್ವದ ಸ್ಟಾರ್ ಟೆನಿಸ್ ಆಟಗಾರ ರೋಜರ್​ ಫೆಡರರ್​ ಅನ್ನು ಭೇಟಿ ಮಾಡಿದ್ದಾರೆ. ಅಲ್ಲದೆ ವಿಶ್ವದ ನಂಬರ್-​ 3 ಆಟಗಾರನೊಂದಿಗೆ ಕೊಹ್ಲಿ ಮತ್ತು ಅನುಷ್ಕಾ ಫೋಟೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

What a day at the Australian open. ❤😍👌👌 An amazing way to finish the Australian summer. Forever grateful🙏😇❤#ausopen pic.twitter.com/fqOiekjH3F

— Virat Kohli (@imVkohli) January 19, 2019

'ಇದೊಂದು ಅದ್ಭುತ ದಿನವಾಗಿತ್ತು, ಇದರೊಂದಿಗೆ ಆಸ್ಟ್ರೇಲಿಯಾ ಪ್ರವಾಸವನ್ನು ಮುಗಿಸಿದ್ದೇನೆ. ಈ ಘಳಿಗೆಯು ಸದಾ ನೆನಪಿನಲ್ಲಿರುತ್ತದೆ' ಎಂದು ಆಸ್ಟ್ರೇಲಿಯನ್ ಓಪನ್ ವೀಕ್ಷಿಸಿದ ಕೊಹ್ಲಿ ಟ್ವೀಟ್‌ ಮಾಡಿದ್ದಾರೆ.



ಇದನ್ನೂ ಓದಿ: ಭಾರತದ ವಿರುದ್ಧ ಸರಣಿಗೆ ನ್ಯೂಜಿಲ್ಯಾಂಡ್​ ತಂಡ ಪ್ರಕಟ: ಟೀಂ ಇಂಡಿಯಾಗೆ ಕಬ್ಬಿಣದ ಕಡಲೆ ಆಗಲಿದೆಯೇ ಕಿವೀಸ್?