Olympic: ಒಲಿಂಪಿಕ್ಸ್ ನಡೆಯಲಿರುವ ಜಪಾನ್‌ ಸೇರಿ ಡಜನ್‌ಗಟ್ಟಲೆ ದೇಶಗಳಿಗೆ ಪ್ರಯಾಣದ ಎಚ್ಚರಿಕೆ ಸಡಿಲಗೊಳಿಸಿದ ಅಮೆರಿಕ

ಫ್ರಾನ್ಸ್‌ನಲ್ಲಿ ಕೋವಿಡ್‌ ಪ್ರಕರಣಗಳ ಕುಸಿತ ಕಂಡಿದ್ದು, ಮತ್ತು ಲಸಿಕೆ ಪ್ರಕ್ರಿಯೆ ಹೆಚ್ಚಾಗಿದ್ದು, ಈ ಹಿನ್ನೆಲೆ ಕೆಲ ತಿಂಗಳುಗಳ ಬಳಿಕ ಜನರು ಬುಧವಾರ ಮೊದಲ ಬಾರಿಗೆ ಹೋಟೆಲ್‌ಗಳ ಒಳಾಂಗಣಗಳಲ್ಲಿ ಊಟ ಮಾಡಬಹುದಾಗಿದೆ. ರಾತ್ರಿ 11 ರವರೆಗೂ ಹೋಟೆಲ್‌ಗಳನ್ನು ತೆರೆಯಲು ಅವಕಾಶ ನೀಡಲಾಗಿದೆ.

Tokyo Olympics

Tokyo Olympics

  • Share this:

    ಕೊರೋನಾ ಎರಡನೇ ಅಲೆಯ ಭೀತಿಯಿಂದ ವಿದೇಶಿ ಪ್ರಯಾಣ ಬಹುತೇಕ ಸ್ಥಗಿತಗೊಂಡಿದೆ. ಇದರಿಂದ ಅನೇಕ ಚಟುವಟಿಕೆಗಳು ಕಳೆದ ವರ್ಷದಿಂದ ಸ್ಥಗಿತಗೊಂಡಿದೆ. ಒಲಿಂಪಿಕ್ಸ್ ಮೇಲೂ ಇದರ ಕರಿ ನೆರಳು ಬಿದ್ದಿದೆ. ಜಾಗತಿಕ ಕ್ರೀಡೆಯ ಬಗ್ಗೆ ಅನಿಶ್ಚಿತತೆ ಮುಂದುವರಿದಂತೆ ಜಪಾನ್‌ ರಾಷ್ಟ್ರದ ಹಾಗೂ ಒಲಿಂಪಿಕ್ಸ್ ಸಮಿತಿಯ ಚಿಂತೆಗೀಡು ಮಾಡಿದೆ. ಅಮೆರಿಕ ಸದ್ಯ, ಇಂತಹದ್ದೊಂದು ಚಿಂತೆಯನ್ನು ಕಡಿಮೆ ಮಾಡಿದೆ. ಅದೇನೆಂದರೆ ಒಲಿಂಪಿಕ್ಸ್ ಕ್ರೀಡಾಕೂಟ ನಡೆಯಲಿರುವ ಜಪಾನ್‌ ಮತ್ತು ಹೆಚ್ಚಿನ ಯುರೋಪ್ ಸೇರಿದಂತೆ ಡಜನ್‌ಗಟ್ಟಲೆ ದೇಶಗಳಿಗೆ ಪ್ರಯಾಣದ ವಿರುದ್ಧದ ಎಚ್ಚರಿಕೆಗಳನ್ನು ಯುನೈಟೆಡ್ ಸ್ಟೇಟ್ಸ್ ಮಂಗಳವಾರ ಸಡಿಲಿಸಿದೆ. ಲಸಿಕೀಕರಣ ಹೆಚ್ಚಿದಂತೆ ಪ್ರಯಾಣ ಸಾಮಾನ್ಯ ಸ್ಥಿತಿಗೆ ಮರಳಲಿದೆ ಎಂಬ ಭರವಸೆಯನ್ನು ಇದು ಹುಟ್ಟುಹಾಕಿದೆ.


    ಕೆನಡಾ, ಮೆಕ್ಸಿಕೋ, ಫ್ರಾನ್ಸ್ ಮತ್ತು ಜರ್ಮನಿ ಸೇರಿದಂತೆ ಹಲವು ಯುಎಸ್ ಮಿತ್ರರಾಷ್ಟ್ರಗಳು ಮತ್ತು ನೆರೆಯ ದೇಶಗಳು ಪ್ರಯಾನದ ನವೀಕರಣವನ್ನು ಪಡೆದುಕೊಂಡಿದೆ. ಅಮೆರಿಕನ್ನರಿಗೆ ಪ್ರಯಾಣವನ್ನು ಮರುಪರಿಶೀಲಿಸುವಂತೆ ವಿದೇಶಾಂಗ ಇಲಾಖೆಯು ಕೇಳಿಕೊಂಡರೂ ಆ ದೇಶಗಳಿಗೆ ಹೋಗಲೇಬೇಡಿ ಎನ್ನುವ ಎಚ್ಚರಿಕೆಯನ್ನು ತೆಗೆದುಹಾಕಿದೆ. 11 ರಾಷ್ಟ್ರಗಳ ಪ್ರಯಾಣದ ಸ್ಥಿತಿಯನ್ನು ಯುಎಸ್‌ ವಿದೇಶಾಂಗ ಇಲಾಖೆ ಉನ್ನತೀಕರಿಸಿದ್ದು, ಅಲ್ಲಿ ಪ್ರಯಾಣಿಸುವಾಗ ಅಮೆರಿಕನ್ನರು ಸಾಮಾನ್ಯ ಮುನ್ನೆಚ್ಚರಿಕೆಗಳನ್ನು ವಹಿಸಿ ಎಂದು ಹೇಳಿದೆ. ಸಾಂಕ್ರಾಮಿಕ ರೋಗಕ್ಕೂ ಮೊದಲು ಸಹ ಅಮೆರಿಕ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಿಗೆ ಸಹ ಈ ರೀತಿ ಪ್ರಮಾಣಿತ ಸಲಹೆ ನೀಡಿತ್ತು.

    ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರಗಳು ಒಂದು ದಿನ ಮುಂಚಿತವಾಗಿ ಹೊರಡಿಸಿದ ಶಿಫಾರಸುಗಳನ್ನು ಈ ಬದಲಾವಣೆಗಳು ಪ್ರತಿಬಿಂಬಿಸುತ್ತವೆ ಎಂದು ಅಮೆರಿಕ ರಾಜ್ಯ ಇಲಾಖೆಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ. ಇದು ಪ್ರಯಾಣಿಸುವ ಮೊದಲು ಅಮೆರಿಕನ್ನರು ಸಂಪೂರ್ಣವಾಗಿ ಲಸಿಕೆ ಹಾಕಿಸಬೇಕೆಂದು ಕರೆ ನೀಡಿತು. ಹಾಗೂ ಲಸಿಕೆ ಹಾಕಿಸಿಕೊಳ್ಳದ ಜನರು ಪ್ರವಾಸದಿಂದ ದೂರ ಇರಿ ಎಂದೂ ಸಲಹೆ ನೀಡಿದೆ.


    "ಪರಿಸ್ಥಿತಿಗಳು ವಿಕಸನಗೊಳ್ಳುತ್ತಿದ್ದಂತೆ, ನಾವು ನಿಯಮಿತವಾಗಿ ಯುಎಸ್ ಪ್ರಯಾಣಿಕರಿಗೆ ನಮ್ಮ ಸಲಹೆಯನ್ನು ಅಪ್ಡೇಟ್‌ ಮಾಡುತ್ತೇವೆ" ಎಂದೂ ಅಧಿಕಾರಿ ಹೇಳಿದರು.

    ಇದನ್ನೂ ಓದಿ: Mumbai Rain| ಮಳೆಯ ಆರ್ಭಟಕ್ಕೆ ಮುಂಬೈ ತತ್ತರ; ಮುಂದಿನ ನಾಲ್ಕು ದಿನಕ್ಕೆ ಆರೆಂಜ್ ಅಲರ್ಟ್​!

    ಯುರೋಪ್‌ ಒಕ್ಕೂಟ ಮತ್ತು ಬ್ರಿಟನ್‌ನ ಹೆಚ್ಚಿನ ಪ್ರವಾಸಿಗರ ಮೇಲೆ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಒಂದು ವರ್ಷದ ಹಿಂದೆ ವಿಧಿಸಿದ ನಿಷೇಧವನ್ನು ಯುನೈಟೆಡ್ ಸ್ಟೇಟ್ಸ್ ಯಾವಾಗ ಕೊನೆಗೊಳಿಸುತ್ತದೆ ಎಂಬ ಸುಳಿವುಗಳಿಗಾಗಿ ಇಂತಹ ಪ್ರಯಾಣ ಸಲಹೆಗಳನ್ನು ಸೂಕ್ಷ್ಮವಾಗಿ ಗಮನಿಸಲಾಗಿದೆ.


    ಜೋ ಬಿಡೆನ್‌ ಅಮೆರಿಕ ಅಧ್ಯಕ್ಷರಾದ ಬಳಿಕ ಮೊದಲ ಬಾರಿಗೆ ಯುರೋಪ್‌ ಪ್ರವಾಸ ಕೈಗೊಳ್ಳಲಿದ್ದು, ಇದಕ್ಕೂ ಮುನ್ನ ಪ್ರಯಾಣದ ಯಾವುದೇ ನಿರ್ಬಂಧಗಳನ್ನು ಸಡಿಲಿಕೆ ಮಾಡುವುದು ಪಾರದರ್ಶಕವಾಗಿರುತ್ತದೆ ಮತ್ತು “ವಿಜ್ಞಾನ ಮತ್ತು ಪುರಾವೆಗಳಿಂದ ಮಾರ್ಗದರ್ಶಿಸಲ್ಪಡುತ್ತದೆ” ಎಂದು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜೇಕ್ ಸುಲ್ಲಿವಾನ್ ಹೇಳಿದರು.


    ಇದನ್ನೂ ಓದಿ: ಕರ್ತವ್ಯದಲ್ಲಿದ್ದಾಗಲೇ ಬಾಲಿವುಡ್ ನೃತ್ಯ ಮಾಡಿದ್ದ ವಿಡಿಯೋ ವೈರಲ್: ದಿಲ್ಲಿ ಪೊಲೀಸರಿಗೆ ನೋಟಿಸ್

    ಫ್ರಾನ್ಸ್‌ನಲ್ಲಿ ಕೋವಿಡ್‌ ಪ್ರಕರಣಗಳ ಕುಸಿತ ಕಂಡಿದ್ದು, ಮತ್ತು ಲಸಿಕೆ ಪ್ರಕ್ರಿಯೆ ಹೆಚ್ಚಾಗಿದ್ದು, ಈ ಹಿನ್ನೆಲೆ ಕೆಲ ತಿಂಗಳುಗಳ ಬಳಿಕ ಜನರು ಬುಧವಾರ ಮೊದಲ ಬಾರಿಗೆ ಹೋಟೆಲ್‌ಗಳ ಒಳಾಂಗಣಗಳಲ್ಲಿ ಊಟ ಮಾಡಬಹುದಾಗಿದೆ. ರಾತ್ರಿ 11 ರವರೆಗೂ ಹೋಟೆಲ್‌ಗಳನ್ನು ತೆರೆಯಲು ಅವಕಾಶ ನೀಡಲಾಗಿದೆ. ಈ ಮೊದಲು ರಾತ್ರಿ 9 ಗಂಟೆಯಿಂದ ನೈಟ್‌ ಕರ್ಫ್ಯೂ ವಿಧಿಸಲಾಗಿದ್ದು, ಈಗ ರಾತ್ರಿ 11 ರ ಬಳಿಕ ಕರ್ಫ್ಯೂ ಹಾಕಲಾಗುತ್ತದೆ. ಅಲ್ಲದೆ, ಜೂನ್ 30 ರಂದು ನೈಟ್‌ ಕರ್ಫ್ಯೂ ಹಿಂಪಡೆಯಲಾಗಗುತ್ತದೆ ಎಂದೂ ಹೇಳಲಾಗುತ್ತಿದೆ. ಆದರೂ, ಮಾಸ್ಕ್‌ ಕಡ್ಡಾಯವಾಗಿದೆ.




    ಇನ್ನು, ಕೆನಡಾ, ಮೆಕ್ಸಿಕೊ, ಯುರೋಪ್ ಒಕ್ಕೂಟ ಮತ್ತು ಬ್ರಿಟನ್ ಜೊತೆ ಅಂತಾರಾಷ್ಟ್ರೀಯ ಪ್ರಯಾಣವನ್ನು ಹೇಗೆ ಮರುಪ್ರಾರಂಭಿಸಬೇಕು ಎಂಬುದರ ಕುರಿತು ಮಾತುಕತೆ ನಡೆಸುವುದಾಗಿ ಯುನೈಟೆಡ್ ಸ್ಟೇಟ್ಸ್ ಮಂಗಳವಾರ ತಿಳಿಸಿದೆ. "ನಾವು ಇಂದು ಅಂತರರಾಷ್ಟ್ರೀಯ ಪ್ರಯಾಣವನ್ನು ಮತ್ತೆ ತೆರೆಯುತ್ತಿಲ್ಲವಾದರೂ, ಈ ಪರಿಣಿತ ಕಾರ್ಯನಿರತ ಗುಂಪುಗಳು ನಮ್ಮ ಸಾಮೂಹಿಕ ಪರಿಣತಿಯನ್ನು ಮುಂದಿನ ಹಾದಿಯನ್ನು ರೂಪಿಸಲು ಸಹಾಯ ಮಾಡುತ್ತದೆ ಎಂದು ನಾವು ಭಾವಿಸುತ್ತೇವೆ" ಎಂದು ಅಧಿಕಾರಿಯೊಬ್ಬರು ಹೇಳಿದರು. ಯುಎಸ್ ಪ್ರಯಾಣ ಸಲಹೆಯನ್ನು ಸರಾಗಗೊಳಿಸಿದ ಇತರ ದೇಶಗಳಲ್ಲಿ ದಕ್ಷಿಣ ಆಫ್ರಿಕಾ, ಗ್ರೀಸ್ ಮತ್ತು ಸ್ಪೇನ್ ಅನ್ನೂ ಒಳಗೊಂಡಿದೆ.

    First published: