ಛೇಟ್ರಿ 150ನೇ ಪಂದ್ಯಕ್ಕೆ ಬೆಂಗಳೂರು ಎಫ್​ಸಿಯಿಂದ ಗೆಲುವಿನ ಉಡುಗೊರೆ

ಬೆಂಗಳೂರು: ಇಂಡಿಯನ್ ಸೂಪರ್ ಲೀಗ್ ಫುಟ್ಬಾಲ್ ಪಂದ್ಯಾಟದಲ್ಲಿ ಬೆಂಗಳೂರು ಎಫ್​ಸಿ ತಂಡ ಅದ್ಭುತ ಪ್ರದರ್ಶನ ತೋರುತ್ತಿದ್ದು, ನಿನ್ನೆ ನಡೆದ ಡೈನಮೋಸ್ ವಿರುದ್ಧದ ಪಂದ್ಯದಲ್ಲಿ 1-0 ಅಂತರದಿಂದ ಗೆಲುವು ಸಾಧಿಸಿದೆ. ಈ ಮೂಲಕ ಬೆಂಗಳೂರು ಎಫ್​ಸಿ ತಂಡದ ಪರವಾಗಿ ಆಡಿದ 150ನೇ ಪಂದ್ಯದಲ್ಲಿ ನಾಯಕ ಸುನೀಲ್ ಛೇಟ್ರಿ ಅವರಿಗೆ ಗೆಲುವಿನ ಉಡುಗೊರೆ ಸಿಕ್ಕಿದೆ.

87ನೇ ನಿಮಿಷದಲ್ಲಿ ಉದಾಂತಿ ಸಿಂಗ್ ಅವರು ಚೆಂಡನ್ನು ನೆಟ್​​ನೊಳಗೆ ಅಟ್ಟಿ ಗೆಲುವಿನ ರೂವಾರಿಯಾದರು. ಪಂದ್ಯದ ಮೊದಲಾರ್ಧದಲ್ಲಿ ಉಭಯ ತಂಡಕ್ಕೆ ಯಾವುದೇ ಗೋಲು ದಾಖಲಾಗಿಲ್ಲ. ದ್ವಿತೀಯಾರ್ಧ ಅವಧಿಯೂ ಇದೇ ರೀತಿ ಸಾಗುತ್ತಿತ್ತು. ಪಂದ್ಯ ಡ್ರಾ ಫಲಿತಾಂಶ ಕಾಣುತ್ತದೆಂದು ಎಲ್ಲರು ಅಂದುಕೊಂಡಿದ್ದರು. ಆದರೆ ಕೊನೆ ಕ್ಷಣದಲ್ಲಿ ಉದಾಂತ್ ಸಿಡಿಸಿದ ಗೋಲು ಬಿಎಫ್​​ಸಿ ತಂಡ ಗೆಲುವಿನ ನಗೆ ಬೀರುವಂತೆ ಮಾಡಿತು. ಈ ಮಧ್ಯೆ ಡೈನಮೋಸ್ ತಂಡ ಗೆಲುವಿಗಾಗಿ ಹರಸಾಹಸ ಪಟ್ಟಿತಾದರು, ಬಿಎಫ್​ಸಿ ತಂಡದ ಸಂಘಟಿತ ಹೋರಾಟದ ನಡುವೆ ಯಶಸ್ವಿಯಾಗಿಲ್ಲ.

 

.@chetrisunil11's @bengalurufc teammates didn't want to let go of the momentous occassion of his 1⃣5⃣0⃣th appearance without a little bit of fun with their skipper! 😆#HeroISL #LetsFootball #FanBannaPadega #BENDEL #Chhetri150 pic.twitter.com/KxaYJ6jdFy

— Indian Super League (@IndSuperLeague) November 26, 2018

ಈ ಮೂಲಕ ಬೆಂಗಳೂರು ಎಫ್​ಸಿ ತಂಡ ಇಂಡಿಯನ್ ಸೂಪರ್ ಲೀಗ್​​ನಲ್ಲಿ ಸತತ ಐದು ಮತ್ತು 6ನೇ ಗೆಲುವು ದಾಖಲಿಸಿದೆ. ಒಟ್ಟು 19 ಪಾಯಿಂಟ್​ನೊಂದಿಗೆ ಅಂಕ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.