• Home
  • »
  • News
  • »
  • sports
  • »
  • T20 WC 2022 IND vs PAK: ಭಾರತ-ಪಾಕ್​ ಹೈವೋಲ್ಟೇಜ್​ ಕದನಕ್ಕೆ ಜೋಶ್​ ತುಂಬಿದ WWE ಸೂಪರ್​ ಸ್ಟಾರ್​!

T20 WC 2022 IND vs PAK: ಭಾರತ-ಪಾಕ್​ ಹೈವೋಲ್ಟೇಜ್​ ಕದನಕ್ಕೆ ಜೋಶ್​ ತುಂಬಿದ WWE ಸೂಪರ್​ ಸ್ಟಾರ್​!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

T20 WC 2022 IND vs PAK: T20 ವಿಶ್ವಕಪ್‌ನಲ್ಲಿ ಭಾನುವಾರ (23 ಅಕ್ಟೋಬರ್) ಭಾರತ ಮತ್ತು ಪಾಕಿಸ್ತಾನದ ಪಂದ್ಯವನ್ನು ಹಾಲಿವುಡ್ ನಟ ಮತ್ತು WWE ಸೂಪರ್ ಸ್ಟಾರ್ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಚಾರ ಮಾಡಿದರು. WWE ಸಮಯದಲ್ಲಿ 'ದಿ ರಾಕ್' ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಡ್ವೇನ್ ಜಾನ್ಸನ್ ಅವರು ತಮ್ಮ ಹೊಸ ಸಾಹಸ ಚಿತ್ರ 'ಬ್ಲ್ಯಾಕ್ ಆಡಮ್' ನ ಪ್ರಚಾರದ ಭಾಗವಾಗಿ ಭಾರತ ಮತ್ತು ಪಾಕಿಸ್ತಾನದ ಪಂದ್ಯವನ್ನು ಪ್ರಚಾರ ಮಾಡಿದರು.

ಮುಂದೆ ಓದಿ ...
  • Share this:

ಹಾಲಿವುಡ್ ಸೂಪರ್‌ಸ್ಟಾರ್ ಡ್ವೇನ್ ಜಾನ್ಸನ್ (Dwayne Johnson) ಅವರು ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ICC T20 ವಿಶ್ವಕಪ್ 2022 ರಲ್ಲಿ ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ (IND vs PAK) ನಡುವಿನ ಬಹುನಿರೀಕ್ಷಿತ ಪಂದ್ಯಕ್ಕಾಗಿ ಪ್ರಚಾರ ಮಾಡಿದ್ದಾರೆ. ಅಕ್ಟೋಬರ್ 23 ರಂದು ಪ್ರತಿಷ್ಠಿತ ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ (Melbourne Cricket Ground) ಸೂಪರ್ 12 ಸುತ್ತಿನಲ್ಲಿ ಎರಡೂ ತಂಡಗಳು ಮುಖಾಮುಖಿಯಾಗಲಿವೆ. ಈ ವರ್ಷದ ಆರಂಭದಲ್ಲಿ, 2022 ರ ಏಷ್ಯಾಕಪ್‌ನಲ್ಲಿ ಭಾರತ ಎರಡು ಬಾರಿ ಪಾಕಿಸ್ತಾನವನ್ನು ಎದುರಿಸಿತ್ತು. ರೋಹಿತ್ ಶರ್ಮಾ ಪಡೆ ಮೊದಲ ಪಂದ್ಯದಲ್ಲಿ ಜಯಗಳಿಸಿತ್ತು, ಆದರೆ ಎರಡನೇ ಪಂದ್ಯದಲ್ಲಿ ಸೋಲನ್ನು ಎದುರಿಸಬೇಕಾಯಿತು. ಹೀಗಾಗಿ ಈ ಬಾರಿ ಮತ್ತೆ ಗೆದ್ದು ಹಳೆಯ ಸೇಡನ್ನು ತೀರಿಸಿಕೊಳ್ಳಲು ಟೀಂ ಇಂಡಿಯಾ ಸಿದ್ಧವಾಗಿದೆ.


ಭಾರತ-ಪಾಕ್​ ಪಂದ್ಯದ ಪ್ರಚಾರ ಮಾಡಿದ ದಿ ರಾಕ್:


ಡ್ವೇನ್ ಜಾನ್ಸನ್ ಅವರ ಮುಂಬರುವ ತಮ್ಮ ಸೂಪರ್ ಹೀರೋ ಚಿತ್ರ 'ಬ್ಲ್ಯಾಕ್ ಆಡಮ್' ಅನ್ನು ಪ್ರಚಾರ ಮಾಡಲು T20 ವಿಶ್ವಕಪ್ ಪ್ರಸಾರಕರೊಂದಿಗೆ ಕೈ ಜೋಡಿಸಿದ್ದಾರೆ. ಸ್ಟಾರ್ ಸ್ಪೋರ್ಟ್ಸ್ ಹಂಚಿಕೊಂಡ ಪ್ರೋಮೋದಲ್ಲಿ ಹಾಲಿವುಡ್ ಐಕಾನ್ ಮತ್ತು WWE ಸೂಪರ್ ಸ್ಟಾರ್​ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪೈಪೋಟಿಯ ಬಗ್ಗೆ ಮಾತನಾಡಿದ್ದಾರೆ.



ಅವರು ಪ್ರೋಮೋದಲ್ಲಿ, “ದೊಡ್ಡ ಪ್ರತಿಸ್ಪರ್ಧಿಗಳು ಡಿಕ್ಕಿ ಎದುರಾದಾಗ, ಜಗತ್ತು ನಿಲ್ಲುತ್ತದೆ. ಇದು ಕೇವಲ ಕ್ರಿಕೆಟ್ ಪಂದ್ಯವಲ್ಲ, ಅದಕ್ಕಿಂತ ಹೆಚ್ಚಿನದು. ಇದು ಭಾರತ ಮತ್ತು ಪಾಕಿಸ್ತಾನದ ಸಮಯ. ಜಾನ್ಸನ್ ಅವರ ಮುಂಬರುವ ಚಿತ್ರ 'ಬ್ಲ್ಯಾಕ್ ಆಡಮ್' DC ಕಾಮಿಕ್ ಪಾತ್ರವನ್ನು ಆಧರಿಸಿದೆ ಮತ್ತು ಈ ವರ್ಷ ಅಕ್ಟೋಬರ್ 20 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ‘ ಎಂದು ಹೇಳಿದ್ದಾರೆ.


ಇದನ್ನೂ ಓದಿ: IND vs PAK: ಪಾಕ್​ನಲ್ಲಿ ಮ್ಯಾಚ್​ ಆಡಲ್ಲ ಅಂದಿದ್ದಕ್ಕೆ ಪಿಸಿಬಿಗೆ ಉರಿ ಉರಿ! ವಿಶ್ವಕಪ್​ಗೆ ಬರಲ್ಲ ಅಂತ ಪಟ್ಟು ಹಿಡಿದ್ರಾ?


ಪಂದ್ಯದ ಸಂಪೂರ್ಣ ಟಿಕೆಟ್​ ಸೋಲ್ಡ್ ಔಟ್:


ಅಕ್ಟೋಬರ್ 23ರ ಭಾರತ-ಪಾಕಿಸ್ತಾನ ಪಂದ್ಯದ ಎಲ್ಲಾ ಟಿಕೆಟ್‌ಗಳು ಸೋಲ್ಡ್ ಔಟ್ ಆಗಿರುವುದರಿಂದ ಪಂದ್ಯದ ದಿನದಂದು ಮೆಲ್ಬೋರ್ನ್ ಕ್ರಿಕೆಟ್ ಮೈದಾನ (ಎಂಸಿಜಿ) ಹೌಸ್‌ಫುಲ್ ಆಗಲಿದೆ ಎಂದು ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಈಗಾಗಲೇ ಘೋಷಿಸಿದೆ. 100,024 ಆಸನ ಸಾಮರ್ಥ್ಯದೊಂದಿಗೆ, MCG ಭಾರತದ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂ ಅಹಮದಾಬಾದ್ ನಂತರ ವಿಶ್ವದ ಎರಡನೇ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣವಾಗಿದೆ. ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅವರು ಪಾಕಿಸ್ತಾನದ ವಿರುದ್ಧ ಆಡುವ XI ಅನ್ನು ಆಯ್ಕೆ ಮಾಡಿರುವುದಾಗಿ ಈಗಾಗಲೇ ಹೇಳಿದ್ದಾರೆ.


ಏತನ್ಮಧ್ಯೆ, ಶಾಹೀನ್ ಶಾ ಆಫ್ರಿದಿ ಗಾಯದಿಂದ ಚೇತರಿಸಿಕೊಂಡಿರುವುದು ಪಾಖ್ ತಂಡದ ಆತ್ಮವಿಶ್ವಾಸ ಹೆಚ್ಚಿಸಿದೆ. ಅವರು ಕಳೆದ ಟಿ20 ವಿಶ್ವಕಪ್​ನಲ್ಲಿ ಭಾರತದ ಅಗ್ರ ಮೂರು ಸ್ಟಾರ್ ಬ್ಯಾಟ್ಸ್‌ಮನ್‌ಗಳಾದ ರೋಹಿತ್ ಶರ್ಮಾ, ಕೆಎಲ್ ರಾಹುಲ್ ಮತ್ತು ವಿರಾಟ್ ಕೊಹ್ಲಿಯನ್ನು ಫೇವೆಲಿಯನ್​ಗೆ ಕಳಿಸುವಲ್ಲಿ ಪ್ರಮುಖಪಾತ್ರ ವಹಿಸಿದ್ದರು.


ಇದನ್ನೂ ಓದಿ: Mohammad Azharuddin: ಟೀಂ ಇಂಡಿಯಾ ಮಾಜಿ ಆಟಗಾರ ಮೊಹಮ್ಮದ್ ಅಜರುದ್ದೀನ್ ತಂದೆ ನಿಧನ


ಟಿ20 ವಿಶ್ವಕಪ್​ಗೆ ಭಾರತ ತಂಡ:


ರೋಹಿತ್ ಶರ್ಮಾ (ನಾಯಕ), ಕೆಎಲ್ ರಾಹುಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ರಿಷಭ್ ಪಂತ್ (ವಿಕೆಟ್ ಕೀಪರ್), ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಹಾರ್ದಿಕ್ ಪಾಂಡ್ಯ, ಆರ್ ಅಶ್ವಿನ್, ಮೊಹಮ್ಮದ್ ಶಮಿ, ಯುಜ್ವೇಂದ್ರ ಚಾಹಲ್, ಅಕ್ಷರ್ ಪಟೇಲ್, ಭುವನೇಶ್ವರ ಕುಮಾರ್, ಹರ್ಷಲ್ ಪಟೇಲ್, ಅರ್ಷದೀಪ್ ಸಿಂಗ್.

Published by:shrikrishna bhat
First published: