• Home
  • »
  • News
  • »
  • sports
  • »
  • Mohammed Siraj: ದಯವಿಟ್ಟು ನನ್ನ ಬ್ಯಾಗನ್ನು ಕಳುಹಿಸಿಕೊಡಿ! ಮೊಹಮ್ಮದ್ ಸಿರಾಜ್ ಮನವಿ

Mohammed Siraj: ದಯವಿಟ್ಟು ನನ್ನ ಬ್ಯಾಗನ್ನು ಕಳುಹಿಸಿಕೊಡಿ! ಮೊಹಮ್ಮದ್ ಸಿರಾಜ್ ಮನವಿ

ಮೊಹ್ಮಮದ್ ಸಿರಾಜ್

ಮೊಹ್ಮಮದ್ ಸಿರಾಜ್

Mohammed Siraj: ಟೀಂ ಇಂಡಿಯಾದ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಬಾಂಗ್ಲಾದೇಶದಿಂದ ವಾಪಸಾಗುತ್ತಿದ್ದ ವೇಳೆ ಬ್ಯಾಗ್ ಕಳೆದುಕೊಂಡಿದ್ದಾರೆ.

  • Share this:

ಭಾರತೀಯ ಕ್ರಿಕೆಟ್ ತಂಡದ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ (Mohammed Siraj) ತಮ್ಮ ಕಳೆದುಹೋದ ಬ್ಯಾಗ್ ಅನ್ನು ಆದಷ್ಟು ಬೇಗ ಹೈದರಾಬಾದ್‌ಗೆ (Hyderabad) ತಲುಪಿಸಬೇಕೆಂದು ವಿಸ್ತಾರಾ (Vistara) ಏರ್‌ಲೈನ್ಸ್‌ಗೆ ಸಾಮಾಜಿಕ ಮಾಧ್ಯಮದಲ್ಲಿ ವಿನಂತಿಸಿದ್ದಾರೆ. ಸಿರಾಜ್ ಬಾಂಗ್ಲಾದೇಶ (IND vs BAN) ಪ್ರವಾಸದಿಂದ ಹಿಂತಿರುಗುತ್ತಿದ್ದಾಗ ಅವರ ಒಂದು ಬ್ಯಾಗ್ ನಾಪತ್ತೆಯಾಗಿತ್ತು. ಈ ಬಗ್ಗೆ ಭಾರತೀಯ ವೇಗಿ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ನೀಡಿದ್ದಾರೆ. ಟೀಂ ಇಂಡಿಯಾ ಇತ್ತೀಚೆಗೆ ಬಾಂಗ್ಲಾದೇಶವನ್ನು 2 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ 2-0 ಅಂತರದಲ್ಲಿ ಸೋಲಿಸಿದರೆ, 3 ಪಂದ್ಯಗಳ ಏಕದಿನ ಸರಣಿಯಲ್ಲಿ 1-2 ಅಂತರದಿಂದ ಸೋತಿತ್ತು.


ಬ್ಯಾಗ್​ ಕಳೆದುಕೊಂಡ ಸಿರಾಜ್:


28 ವರ್ಷದ ಮೊಹಮ್ಮದ್ ಸಿರಾಜ್ ಅವರು ಢಾಕಾದಿಂದ ದೆಹಲಿ ಮೂಲಕ ಮುಂಬೈಗೆ ವಿಮಾನದಲ್ಲಿ ಬಂದಿದ್ದರು. ಸಿರಾಜ್ ಅವರು 3 ಬ್ಯಾಗ್‌ಗಳೊಂದಿಗೆ ವಿಮಾನ ನಿಲ್ದಾಣದಲ್ಲಿ ಚೆಕ್-ಔಟ್​ ಮಾಡಿದರು ಆದರೆ ಈ ಸಮಯದಲ್ಲಿ ಅವರ ಒಂದು ಬ್ಯಾಗ್ ನಾಪತ್ತೆಯಾಗಿದೆ. ಮಂಗಳವಾರ (ಡಿಸೆಂಬರ್ 27) ತಡವಾಗಿ ವಿಸ್ತಾರಾ ಏರ್‌ಲೈನ್ಸ್ ಅನ್ನು ಟ್ಯಾಗ್ ಮಾಡುವ ಮೂಲಕ ಸಿರಾಜ್​ ತಮ್ಮ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಬರೆದಿದ್ದು, 'ಇದು ನನ್ನ ಎಲ್ಲಾ ಅಗತ್ಯಗಳನ್ನು ಹೊಂದಿತ್ತು. ನನ್ನ ಬ್ಯಾಗ್‌ನ ಹುಡುಕಾಟವನ್ನು ತ್ವರಿತಗೊಳಿಸಿ ಮತ್ತು ಆದಷ್ಟು ಬೇಗ ಬ್ಯಾಗನ್ನು ಹೈದರಾಬಾದ್‌ಗೆ ತಲುಪಿಸಲು ನಾನು ವಿನಂತಿಸುತ್ತೇನೆ‘ ಎಂದು ಹೇಳಿದ್ದಾರೆ.



ಅಲ್ಲದೇ, ‘ನಾನು ಡಿಸೆಂಬರ್ 26ರಂದು ದೆಹಲಿ ಮೂಲಕ ಢಾಕಾ ಯುಕೆ 182 ಮತ್ತು ಯುಕೆ 951 ವಿಮಾನಗಳ ಮೂಲಕ ಮುಂಬೈಗೆ ಬರುತ್ತಿದ್ದೆ. ನಾನು ಮೂರು ಬ್ಯಾಗ್​ ಜೊತೆ ಬಂದಿಳಿದಿದ್ದೆ. ಅದರಲ್ಲಿ ಒಂದು ಕಾಣೆಯಾಗಿದೆ. ತಡ ಮಾಡದೆ ಬ್ಯಾಗ್ ಸಿಗಲಿದೆ ಎಂದು ಭರವಸೆ ನೀಡಿದರು. ಆದರೆ ಇಲ್ಲಿಯವರೆಗೆ ಅವರ ಬಗ್ಗೆ ನನಗೆ ಏನೂ ತಿಳಿದಿಲ್ಲ‘ ಹೀಗಾಘಿ ಆದಷ್ಟು ಭೇಗ ಆ ಬ್ಯಾಗ್​ ಅನ್ನು ತಲುಪಿಸಿ‘ ಎಂದು ಟ್ವೀಟ್​ ಮಾಡಿದ್ದಾರೆ.


ಸಿರಾಜ್ ಟ್ವೀಟ್‌ಗೆ ಉತ್ತರಿಸಿದ ಏರ್‌ಲೈನ್ಸ್:


ಮೊಹಮ್ಮದ್ ಸಿರಾಜ್ ಅವರ ಟ್ವೀಟ್​ಗೆ ಉತ್ತರಿಸಿದ ವಿಸ್ತಾರ ಏರ್​ಲೈನ್ಸ್, ನಿಮ್ಮ ಬ್ಯಾಗ್ ಅನ್ನು ಹುಡುಕಲು ಮತ್ತು ನಿಮಗೆ ತಲುಪಿಸಲು ತಮ್ಮ ಸಿಬ್ಬಂದಿ ಸಂಪೂರ್ಣವಾಗಿ ಸಹಕರಿಸುತ್ತಾರೆ ಎಂದು ವಿಮಾನಯಾನ ಸಂಸ್ಥೆಗಳು ಭರವಸೆ ನೀಡಿವೆ. ಸಿರಾಜ್ ಭಾರತಕ್ಕಾಗಿ 15 ಟೆಸ್ಟ್, 16 ODI ಮತ್ತು 8 T20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ.


ಶ್ರೀಲಂಕಾ ಸರಣಿಗೆ ಭಾರತ ODI ತಂಡ:


ರೋಹಿತ್ ಶರ್ಮಾ (ನಾಯಕ), ಹಾರ್ದಿಕ್ ಪಾಂಡ್ಯ (ಉಪನಾಯಕ), ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್, ಕೆಎಲ್ ರಾಹುಲ್, ಇಶಾನ್ ಕಿಶನ್, ವಾಷಿಂಗ್ಟನ್ ಸುಂದರ್, ಯುಜ್ವೇಂದ್ರ ಚಾಹಲ್, ಕುಲದೀಪ್ ಯಾದವ್, ಅಕ್ಷರ್ ಪಟೇಲ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್ ಉಮ್ರಾನ್ ಮಲಿಕ್, ಅರ್ಷದೀಪ್ ಸಿಂಗ್.


ಇದನ್ನೂ ಓದಿ: Virat Kohli: ಕೊಹ್ಲಿ ಅಭಿಮಾನಿಗಳಿಗೆ ಬಿಗ್​ ಶಾಕ್​! ಟಿ20 ಕ್ರಿಕೆಟ್​ಗೆ​ ವಿರಾಟ್ ತಾತ್ಕಾಲಿಕ ಬ್ರೇಕ್?


ಶ್ರೀಲಂಕಾ ಸರಣಿಗೆ ಭಾರತದ T20 ತಂಡ:


ಹಾರ್ದಿಕ್ ಪಾಂಡ್ಯ (ನಾಯಕ), ಸೂರ್ಯಕುಮಾರ್ ಯಾದವ್ (ಉಪನಾಯಕ), ಇಶಾನ್ ಕಿಶನ್, ರಿತುರಾಜ್ ಗಾಯಕ್ವಾಡ್, ಶುಭಮನ್ ಗಿಲ್, ದೀಪಕ್ ಹೂಡಾ, ರಾಹುಲ್ ತ್ರಿಪಾಠಿ, ಸಂಜು ಸ್ಯಾಮ್ಸನ್, ವಾಷಿಂಗ್ಟನ್ ಸುಂದರ್, ಯುಜ್ವೇಂದ್ರ ಚಾಹಲ್, ಅಕ್ಷರ್ ಪಟೇಲ್, ಅರ್ಷದೀಪ್ ಸಿಂಗ್, ಹರ್ಷಲ್ ಪಟೇಲ್, ಉಮ್ರಾನ್ ಮಲಿಕ್ ಶಿವಂ ಮಾವಿ, ಮುಖೇಶ್ ಕುಮಾರ್.

Published by:shrikrishna bhat
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು