Deepak Chahar: ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಟೀಂ ಇಂಡಿಯಾ ವೇಗಿ

ಐಪಿಎಲ್ 2022ರ (IPL 2022) ಫೈನಲ್ ಪಂದ್ಯ ಮೇ 29 ರಂದು ನಡೆಯಲಿದೆ. ಇದರ ನಂತರ ಜೂನ್ 9 ರಿಂದ ಭಾರತ ಮತ್ತು ದಕ್ಷಿಣ ಆಫ್ರಿಕಾ (IND vs SA)) ನಡುವೆ 5 ಟಿ20 ಪಂದ್ಯಗಳ ಸರಣಿ ನಡೆಯಲಿದ್ದು, ಅದಕ್ಕೂ ಮೊದಲು ಭಾರತೀಯ ಕ್ರಿಕೆಟಿಗರೊಬ್ಬರು ವಿವಾಹವಾಗಲಿದ್ದಾರೆ. ಹೌದು ಭಾರತದ ವೇಗದ ಬೌಲರ್ ದೀಪಕ್ ಚಹಾರ್ (Deepak Chahar) ಜೂನ್ 1 ರಂದು ತಮ್ಮ ಗೆಳತಿ ಜಯ ಭಾರದ್ವಾಜ್ (Jaya Bhardwaj) ಅವರನ್ನು ವಿವಾಹವಾಗಲಿದ್ದಾರೆ. ಐಪಿಎಲ್‌ನ ಕೊನೆಯ ಸೀಸನ್‌ನಲ್ಲಿ, ದೀಪಕ್ ಚಹಾರ್ ಯುಎಇ ಸ್ಟ್ಯಾಂಡ್‌ಗೆ ಹೋಗಿ ಜಯ ಭಾರದ್ವಾಜ್‌ಗೆ ಪ್ರಪೋಸ್ ಮಾಡಿದ್ದರು. ಈ ವಿಡಿಯೋ ಎಲ್ಲಡೆ ಸಖತ್ ವೈರಲ್ ಆಗಿತ್ತು. ಇದೀಗ ಇವರಿಬ್ಬರೂ ವಿವಾಹವಾಗಲಿದ್ದಾರೆ ಎಂದು ಆಧಿಕೃತವಾಗಿ ಬಹಿರಂಗವಾಗಿದೆ.

ವಿವಾಹ ಆಮಂತ್ರಣ ಪ್ರತಿಕೆ ವೈರಲ್:

ದೀಪಕ್ ಚಹಾರ್ ಮತ್ತು ಜಯಾ ಭಾರದ್ವಾಜ್ ಅವರ ಮದುವೆ ಪತ್ರಿಕೆ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಐಪಿಎಲ್ 2022 ರ ಮೊದಲು ದೀಪಕ್ ಚಹಾರ್ ಗಾಯಗೊಂಡರು, ಆದ್ದರಿಂದ ಅವರು ಐಪಿಎಲ್‌ನಲ್ಲಿ ಆಡಲು ಸಾಧ್ಯವಾಗಲಿಲ್ಲ, ಮತ್ತು ಅವರು ದಕ್ಷಿಣ ಆಫ್ರಿಕಾ ಸರಣಿಗಾಗಿ ಆಡುವುದಿಲ್ಲ ಎಂದು ಹೇಳಲಾಗಿದೆ. ಹೀಗಾಗಿ ಅಕ್ಟೋಬರ್-ನವೆಂಬರ್‌ನಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ಗೆ ಫಿಟ್ ಆಗಲು ಚಹಾರ್ ಶ್ರಮಿಸುತ್ತಿದ್ದಾರೆ.

ದೀಪಕ್ ಚಹಾರ್ ಅವರ ವಿವಾಹದ ಆಮಂತ್ರಣ ಪತ್ರಿಕೆ

ಐಪಿಎಲ್ 2022ರಿಂದ ಹೊರಗುಳಿದ ಚಹಾರ್:

ಐಪಿಎಲ್ 2022 ರ ಹರಾಜಿನಲ್ಲಿ, ಚೆನ್ನೈ ಸೂಪರ್ ಕಿಂಗ್ಸ್ ಚಹರ್ ಅವರನ್ನು ರೂ 14 ಕೋಟಿಗೆ ಖರೀದಿಸಿತು, ಆದರೆ ಗಾಯದ ಕಾರಣ ಅವರು ಆಡಲು ಸಾಧ್ಯವಾಗಲಿಲ್ಲ, ಇದು ಸಿಎಸ್‌ಕೆಗೆ ತೀವ್ರ ಹೊಡೆತ ನೀಡಿತು. ನಾಲ್ಕು ಬಾರಿಯ ಚಾಂಪಿಯನ್ ಚೆನ್ನೈ ಈ ವರ್ಷ ಪ್ಲೇ-ಆಫ್‌ಗೆ ಅರ್ಹತೆ ಪಡೆದಿಲ್ಲ. ಕಳೆದ ವರ್ಷ ಸಿಎಸ್‌ಕೆಯನ್ನು ಐಪಿಎಲ್ ಚಾಂಪಿಯನ್ ಆಗಿಸುವಲ್ಲಿ ದೀಪಕ್ ಚಹಾರ್ ಪ್ರಮುಖ ಪಾತ್ರ ವಹಿಸಿದ್ದರು.

ಇದನ್ನೂ ಓದಿ: IPL 2022 Rohit Sharma: ರೋಹಿತ್ ಶರ್ಮಾ ಹೇಳಿಕೆಗೆ RCB ಅಭಿಮಾನಿಗಳ ಬೇಸರ, ಅಂತದೇನಂದ್ರು ಗೊತ್ತಾ ಹಿಟ್​ಮ್ಯಾನ್?

ಕಳೆದ ಬಾರಿ ಮೈದಾನದಲ್ಲಿಯೇ ಪ್ರಪೋಸ್ ಮಾಡಿದ್ದ ಚಹಾರ್:

ಐಪಿಎಲ್ 2021 ರ ಪ್ಲೇಆಫ್ ಹಂತದಲ್ಲಿ ಚಹಾರ್ ಜಯಾ ಅವರಿಗೆ ಪ್ರಪೋಸ್ ಮಾಡಲು ಯೋಜಿಸಿದ್ದರು ಎಂದು ದೀಪಕ್ ಚಹಾರ್ ಅವರ ತಂದೆ ಲೋಕೇಂದ್ರ ಸಿಂಗ್ ಚಹಾರ್ ಅವರು ಬಹಿರಂಗಪಡಿಸಿದ್ದರು. ಆದಾಗ್ಯೂ, CSK ನಾಯಕ ಧೋನಿ ಅವರ ಸಲಹೆಯ ಮೇರೆಗೆ ಅವರು ಪಂಜಾಬ್ ಕಿಂಗ್ಸ್ ವಿರುದ್ಧ CSK ನ ಕೊನೆಯ ಲೀಗ್ ಪಂದ್ಯದ ಸಂದರ್ಭದಲ್ಲಿ ಚಹಾರ್ ತಮ್ಮ ಪ್ರೇಮ ನಿವೇದನೆಯನ್ನು ಮಾಡಿಕೊಂಡಿದ್ದರು.

View this post on Instagram

A post shared by Deepak Chahar (@deepak_chahar9)

ಜಯಾ ಭಾರದ್ವಾಜ್ ದೆಹಲಿಯ ಕಾರ್ಪೊರೇಟ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಪ್ರಚಾರದಿಂದ ದೂರವಾಗಿರುವುದರಿಂದ ಜಯಾ ಅವರ ಬಗ್ಗೆ ಯಾರಿಗೂ ಹೆಚ್ಚು ತಿಳಿದಿಲ್ಲ. ಸೋಷಿಯಲ್ ಮೀಡಿಯಾದಲ್ಲೂ ಅಷ್ಟಾಗಿ ಆ್ಯಕ್ಟಿವ್ ಸಹ ಇಲ್ಲ. ಅವರು MTV ಸ್ಪ್ಲಿಟ್ಸ್ ವಿಲ್ಲಾ ಸೀಸನ್ 2 ರ ವಿಜೇತ ಸಿದ್ಧಾರ್ಥ್ ಭಾರದ್ವಾಜ್ ಅವರ ಕಿರಿಯ ಸಹೋದರಿ. ಸಿದ್ಧಾರ್ಥ್ ಭಾರದ್ವಾಜ್ ವಿಜೆ ಮಾತ್ರವಲ್ಲದೆ ಮಾಡೆಲ್ ಕೂಡ ಆಗಿದ್ದಾರೆ.

ಇದನ್ನೂ ಓದಿ: IPL 2022 CSK vs RR: ಫ್ಲೇ ಆಫ್ ಹಂತಕ್ಕೆ ತಲುಪಿದ ರಾಜಸ್ಥಾನ್, ಅಂತಿಮ ಪಂದ್ಯದಲ್ಲಿಯೂ ಸೋತ ಸಿಎಸ್​ಕೆ

ದೀಪಕ್ ಚಹಾರ್ ವೃತ್ತಿ ಜೀವನ:

ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ದೀಪಕ್ ಚಹಾರ್ ಪ್ರದರ್ಶನ ನೋಡುವುದಾದರೆ, ಚಹಾರ್ ಭಾರತಕ್ಕಾಗಿ 20 T20I ಮತ್ತು 7 ODIಗಳನ್ನು ಆಡಿದ್ದಾರೆ ಮತ್ತು ಕ್ರಮವಾಗಿ 26 ಮತ್ತು 10 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಐಪಿಎಲ್‌ನಲ್ಲಿ 63 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 29.19 ಸರಾಸರಿಯಲ್ಲಿ ಒಟ್ಟು 59 ವಿಕೆಟ್‌ಗಳನ್ನು ಉರುಳಿಸಿದ್ದಾರೆ. ಅವರು ಐಪಿಎಲ್ ಲೀಗ್‌ನಲ್ಲಿ 2 ಬಾರಿ 4 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಅವರು ಬ್ಯಾಟ್‌ನೊಂದಿಗೆ 79 ರನ್ ಗಳಿಸಿದ್ದಾರೆ ಮತ್ತು ಅವರ ಗರಿಷ್ಠ ಸ್ಕೋರ್ 39 ರನ್ ಆಗಿದೆ.