ಫುಟ್​ಬಾಲ್​ ದಂತಕಥೆ ಮೆಸ್ಸಿಯ ದಾಖಲೆ ಉಡೀಸ್: ಈಗ ಸುನೀಲ್ ಚೆಟ್ರಿ ವಿಶ್ವದ ಸ್ಟಾರ್ ಆಟಗಾರ

ಫುಟ್​ಬಾಲ್​ ದಂತಕಥೆ ಮೆಸ್ಸಿಯ ದಾಖಲೆಯನ್ನು ಮುರಿದು ವಿಶ್ವವೇ ತನ್ನತ್ತ ನೋಡುವಂತೆ ಮಾಡಿದ ಸುನೀಲ್ ಚೆಟ್ರಿ

zahir | news18
Updated:January 7, 2019, 9:01 PM IST
ಫುಟ್​ಬಾಲ್​ ದಂತಕಥೆ ಮೆಸ್ಸಿಯ ದಾಖಲೆ ಉಡೀಸ್: ಈಗ ಸುನೀಲ್ ಚೆಟ್ರಿ ವಿಶ್ವದ ಸ್ಟಾರ್ ಆಟಗಾರ
ಸುನೀಲ್ ಚೆಟ್ರಿ
zahir | news18
Updated: January 7, 2019, 9:01 PM IST
ಫುಟ್​ಬಾಲ್ ಲೋಕದ ದಂತಕತೆಗಳಾದ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಲಿಯೊನೆಲ್​ ಮೆಸ್ಸಿ ಅವರ ದಾಖಲೆಯನ್ನು ಯಾರು ಮುರಿಯಲಿದ್ದಾರೆ? ಈ ಪ್ರಶ್ನೆಗೆ ಹೊಸ ಉತ್ತರ ಭಾರತದ ಸುನೀಲ್ ಚೆಟ್ರಿ. ಅಂತರಾಷ್ಟ್ರೀಯ ಫುಟ್​ಬಾಲ್​ನಲ್ಲಿ ಅತಿ ಹೆಚ್ಚು ಗೋಲು ದಾಖಲಿಸಿದ ಸಕ್ರಿಯ ಆಟಗಾರರ ಪಟ್ಟಿಯಲ್ಲಿ ಮೆಸ್ಸಿ ದಾಖಲೆಯನ್ನು ಹಿಂದಿಕ್ಕಿ ಚೆಟ್ರಿ ಎರಡನೇ ಸ್ಥಾನವನ್ನು ಅಲಂಕರಿಸಿದ್ದಾರೆ.

ಭಾನುವಾರ ಅಬುಧಾಬಿಯಲ್ಲಿ ನಡೆದ ಥಾಯ್ಲೆಂಡ್​ ವಿರುದ್ಧದ ಪಂದ್ಯದಲ್ಲಿ ಚೆಟ್ರಿ ಎರಡು ಗೋಲುಗಳನ್ನು ಬಾರಿಸಿದ್ದರು. ಇದರೊಂದಿಗೆ ಅಂತರಾಷ್ಟ್ರೀಯ ಮಟ್ಟದಲ್ಲಿ 65 ಗೋಲು ದಾಖಲಿಸಿದ್ದ ಮೆಸ್ಸಿಯ ದಾಖಲೆಯನ್ನು ಹಿಂದಿಕ್ಕಿ ವಿಶ್ವದ ಗೋಲಿನ ಸರದಾರರ ಪಟ್ಟಿಯಲ್ಲಿ ದ್ವಿತೀಯ ಸ್ಥಾನಕ್ಕೇರಿದ್ದಾರೆ.



ಭಾರತ ತಂಡದ ಆಟಗಾರನೊಬ್ಬ ಫುಟ್​ಬಾಲ್​ ಇತಿಹಾಸದಲ್ಲೇ ಇಂತಹದೊಂದು ಸಾಧನೆ ಮೆರೆದಿದ್ದನ್ನು ಇಡೀ ವಿಶ್ವವೇ ಬರಿಗಣ್ಣಿನಿಂದ ನೋಡುವಂತಾಗಿದೆ. 67 ಗೋಲುಗಳನ್ನು ದಾಖಲಿಸಿರುವ ಚೆಟ್ರಿಯ ಮುಂದಿರುವುದು ಇನ್ನು 85 ಗೋಲು ಬಾರಿಸಿದ ಕ್ರಿಸ್ಟಿಯಾನೊ ರೊನಾಲ್ಡೊ ಮಾತ್ರ.
Loading...

ಏಷ್ಯನ್ ಕಪ್​ ಮೊದಲ ಪಂದ್ಯದಲ್ಲೇ  ಭಾರತ ತಂಡ ನಾಯಕ ಸುನಿಲ್ ಚೆಟ್ರಿ ಮಿಂಚಿನ ಸಂಚಲನ ಮೂಡಿಸಿದ್ದರು. ಇದರಿಂದ ಥಾಯ್ಲೆಂಡ್​ ವಿರುದ್ದದ ಈ ಪಂದ್ಯದಲ್ಲಿ ಭಾರತವು 4-1 ಗೋಲುಗಳಿಂದ ಭರ್ಜರಿ ಶುಭಾರಂಭ ಮಾಡುವಂತಾಯಿತು.



ಈ ಹಿಂದೆ ಅರ್ಜೆಂಟೀನಾದ ಸ್ಟಾರ್ ಆಟಗಾರ ಮೆಸ್ಸಿಯೊಂದಿಗೆ 65 ಗೋಲುಗಳಿಂದ ಸಮಬಲ ಹೊಂದಿದ್ದ ಚೆಟ್ರಿ, ಥಾಯ್ಲೆಂಡ್ ವಿರುದ್ಧ ಸಿಕ್ಕಿದ ಅವಕಾಶವನ್ನು ಬಳಸಿ ತಾನು ಕೂಡ ವಿಶ್ವದ ಅತ್ಯುತ್ತಮ ಆಟಗಾರನೆಂದು ನಿರೂಪಿಸಿದ್ದಾರೆ. ಅಲ್ಲದೆ 1967ರ ಬಳಿಕ ಬಾರಿ ಭಾರತ ತಂಡ ಏಷ್ಯನ್ ಕಪ್​ ಫುಟ್​ಬಾಲ್​ನಲ್ಲಿ ಜಯಗಳಿಸಲು ಚೆಟ್ರಿಯ ಆ ಎರಡು ಗೋಲುಗಳು ಪ್ರಮುಖ ಪಾತ್ರವಹಿಸಿತು.



 
ದಾಖಲೆಗಳು ಮತ್ತು ಗೋಲುಗಳನ್ನು ಯಾರು ಬಾರಿಸಿದ್ದಾರೆ ಎಂಬುದು ವಿಷಯವಲ್ಲ. ಯಾರೇ ಗೋಲುಗಳಿಸಿದರೂ ಸಂಭ್ರಮ ಎನ್ನುವುದು ಒಂದೇ ಆಗಿರುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ ಎಎಫ್​ಸಿ ಏಷ್ಯನ್ ಕಪ್​ನಲ್ಲಿ ನನ್ನ ತಂಡಕ್ಕೆ ಮೂರು ಅಂಕಗಳಿಸುವಂತೆ ಮಾಡುವಲ್ಲಿ ಯಶಸ್ವಿಯಾಗಿದ್ದೇವೆ. ಇದಕ್ಕಿಂತ ಸಂತೋಷದ ವಿಷಯ ಬೇರೇನಿದೆ ಎಂದು ಹೊಸ ದಾಖಲೆಯ ಕುರಿತು ಬೆಂಗಳೂರು ಎಫ್​ಸಿಯನ್ನು ಪ್ರತಿನಿಧಿಸುವ ಸುನೀಲ್ ಚೆಟ್ರಿ ಪ್ರತಿಕ್ರಿಯಿಸಿದ್ದಾರೆ.

 


First published:January 7, 2019
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ