Rinku Singh: ರಿಂಕು ಸಿಂಗ್​ಗೆ ಯಾರೂ ಊಹಿಸಲಾಗದ ಗಿಫ್ಟ್ ನೀಡಿದ ಶಾರುಖ್​ ಖಾನ್​!

ಕೋಲ್ಕತ್ತಾ ನೈಟ್ ರೈಡರ್ಸ್ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ರಿಂಕು ಸಿಂಗ್ (Rinku Singh) ಐಪಿಎಲ್ 2023ರಲ್ಲಿ (IPL 2023) ಅದ್ಭುತ ಪ್ರದರ್ಶನ ನೀಡುತ್ತಿದ್ದಾರೆ. ರಿಂಕ್‌ಗೆ ಕೆಕೆಆರ್ ತಂಡ ನೀಡುತ್ತಿರುವ ಪಾತ್ರವನ್ನು ಅವರು ಇಲ್ಲಿಯವರೆಗೆ ಅತ್ಯುತ್ತಮ ರೀತಿಯಲ್ಲಿ ನಿಭಾಯಿಸಿದ್ದಾರೆ. ಗುಜರಾತ್ ಟೈಟಾನ್ಸ್ ವಿರುದ್ಧದ ಓವರ್‌ನಲ್ಲಿ ಸತತ 5 ಸಿಕ್ಸರ್‌ಗಳನ್ನು ಬಾರಿಸಿ ರಾತ್ರೋರಾತ್ರಿ ಸ್ಟಾರ್ ಆದ ರಿಂಕು ಸಿಂಗ್, ಆ ಇನ್ನಿಂಗ್ಸ್ ನಂತರ ತಮ್ಮ ಮತ್ತು ತಂಡದ ಸಹ-ಮಾಲೀಕ ಶಾರುಖ್ ಖಾನ್ ನಡುವೆ ಫೋನ್‌ನಲ್ಲಿ ನಡೆದ ಸಂಭಾಷಣೆಯನ್ನು ಬಹಿರಂಗಪಡಿಸಿದ್ದಾರೆ. ರಿಂಕುಗೆ ಅಭಿನಂದನೆ ಸಲ್ಲಿಸಿದವರಲ್ಲಿ ಶಾರುಖ್ ಖಾನ್​ (Shah Rukh Khan) ಕೂಡ ಸೇರಿದ್ದಾರೆ, ರಿಂಕು ಅವರನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹೊಗಳಿದ ನಂತರ ಕರೆ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ನಿನ್ನ ಮದುವೆಯಲ್ಲಿ ಡ್ಯಾನ್ಸ್ ಮಾಡುತ್ತೇನೆ:

ರಿಂಕು ಸಿಂಗ್​ ಒಂದು ಓವರ್‌ನಲ್ಲಿ ಸತತ 5 ಸಿಕ್ಸರ್‌ಗಳನ್ನು ಬಾರಿಸಿದ ನಂತರ ಶಾರುಖ್ ಖಾನ್ ಅವರೊಂದಿಗೆ ಸಂಭಾಷಣೆ ನಡೆಸಿದ್ದೀರಾ ಎಂದು ಕೇಳಿದಾಗ, ರಿಂಕು ಸಿಂಗ್ ಜಿಯೋ ಸಿನಿಮಾದ ಕಾಮೆಂಟೇಟರ್‌ಗಳಿಗೆ ಹೇಳಿದರು, 'ಶಾರುಖ್ ಖಾನ್ ಸರ್ ಆ ಇನ್ನಿಂಗ್ಸ್ ನಂತರ ನನಗೆ ಹೇಳಿದರು. ಅವರು ನನ್ನ ಮದುವೆಯ ಬಗ್ಗೆ ಮಾತನಾಡುತ್ತಿದ್ದರು. ಜನರು ನನ್ನನ್ನು ಅವರ ಮದುವೆಗೆ ಆಹ್ವಾನಿಸುತ್ತಾರೆ, ಆದರೆ ನಾನು ಹೋಗುವುದಿಲ್ಲ. ಆದರೆ ಖಂಡಿತವಾಗಿ ನಿನ್ನ ಮದುವೆಗೆ ಕುಣಿಯಲು ಬರುತ್ತೇನೆ‘ ಎಂದು ಹೇಳಿದ್ದಾಗಿ ರಿಂಕು ಹೇಳಿಕೊಂಡಿದ್ದಾರೆ. ಇದನ್ನು ಕೇಳಿ ರಿಂಕು ಜೊತೆಗೆ ಅಲ್ಲಿದ್ದ ಎಲ್ಲಾ ಕಾಮೆಂಟೇಟರ್‌ಗಳು ನಗಲು ಪ್ರಾರಂಭಿಸಿದರು. ರಿಂಕು ಸಿಂಗ್ ಐಪಿಎಲ್ 2023 ರಲ್ಲಿ 2 ಅರ್ಧಶತಕಗಳನ್ನು ಗಳಿಸಿದ್ದಾರೆ.

When SRK Called Rinku Singh!#ShahRukhKhan𓀠 #RinkuSingh pic.twitter.com/rC2Ki7eHwl

— Shah Rukh Khan Warriors FAN Club (@TeamSRKWarriors) April 27, 2023

ರಿಂಕು ಸಿಂಗ್ ಐಪಿಎಲ್ 16ನೇ ಆವೃತ್ತಿಯಲ್ಲಿ 8 ಪಂದ್ಯಗಳಲ್ಲಿ 2 ಅರ್ಧ ಶತಕಗಳೊಂದಿಗೆ 251 ರನ್ ಗಳಿಸಿದ್ದಾರೆ. ಈ ಅವಧಿಯಲ್ಲಿ 4 ಬಾರಿ ಅಜೇಯರಾಗಿ ಉಳಿದಿದ್ದಾರೆ. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಆರ್‌ಸಿಬಿ ವಿರುದ್ಧದ ಪಂದ್ಯದಲ್ಲಿ ರಿಂಕು ಸಿಂಗ್ 10 ಎಸೆತಗಳಲ್ಲಿ ಅಜೇಯ 18 ರನ್ ಗಳಿಸಿದರು. ಈ ಪಂದ್ಯದಲ್ಲಿ ಕೆಕೆಆರ್ ಪರ ಜೇಸನ್ ರಾಯ್ ಅರ್ಧಶತಕ ಬಾರಿಸಿದರೆ ನಾಯಕ ನಿತೀಶ್ ರಾಣಾ ಕೂಡ ಬಿರುಸಿನ ಇನ್ನಿಂಗ್ಸ್ ಆಡಿದರು.ರಿಂಕು ಸಿಂಗ್ ಅವರು 2018 ರಿಂದ ಕೆಕೆಆರ್‌ನಲ್ಲಿದ್ದಾರೆ.

ಇದನ್ನೂ ಓದಿ: Virat Kohli: ಕಿಂಗ್​ ಈಸ್​ ಆಲ್​ವೇಸ್​ ಕಿಂಗ್​, ಐಪಿಎಲ್​ನಲ್ಲಿ ಯಾರೂ ಮಾಡಲಾಗದ ದಾಖಲೆ ನಿರ್ಮಿಸಿದ ಕೊಹ್ಲಿ

ರಿಂಕು ಈ ಋತುವಿನಲ್ಲಿ ಇಲ್ಲಿಯವರೆಗೆ ಔಟಾಗದೆ 58, 18, 6, 53 ಮತ್ತು ಔಟಾಗದೆ 18 ರನ್ ಗಳಿಸಿದ್ದಾರೆ. ರಿಂಕು 2018 ರಲ್ಲಿ ಮೊದಲ ಬಾರಿಗೆ ಕೋಲ್ಕತ್ತಾ ತಂಡ ಸೇರಿಕೊಂಡರು. ನಂತರ ಕೆಕೆಆರ್ ಅವರನ್ನು 80 ಲಕ್ಷಕ್ಕೆ ಖರೀದಿಸಿತು. ಅಂದಿನಿಂದ ಅವರು ಕೆಕೆಆರ್ ಜೊತೆಯಲ್ಲಿದ್ದಾರೆ. 2018ರಲ್ಲಿ ರಿಂಕು ಸಿಂಗ್ ಕೇವಲ 4 ಪಂದ್ಯಗಳನ್ನು ಆಡಿದ್ದರು. ಅವರು 2 ಋತುಗಳಲ್ಲಿ 6 ಪಂದ್ಯಗಳನ್ನು ಆಡಬೇಕಾಯಿತು. 2021ರಲ್ಲಿ, ರಿಂಕು ಸಿಂಗ್ ಇಡೀ ಋತುವಿನಲ್ಲಿ ಬೆಂಚ್​ಗೆ ಸೀಮಿತರಾಗಿದ್ದರು. ಆದಾಗ್ಯೂ, ಅದರ ನಂತರವೂ, ಫ್ರಾಂಚೈಸಿ ಅವನ ಮೇಲೆ ನಂಬಿಕೆಯನ್ನು ಇಟ್ಟು 55 ಲಕ್ಷಕ್ಕೆ ಐಪಿಎಲ್ 2022 ಮೆಗಾ ಹರಾಜಿಗೆ ಖರೀದಿಸಿತು.

ಕೊಹ್ಲಿ ಕಾಲಿಗೆ ನಮಸ್ಕರಿಸಿದ ರಿಂಕು:

ರಿಂಕು ಸಿಂಗ್ ವಿರಾಟ್ ಕೊಹ್ಲಿಯ ಪಾದಗಳನ್ನು ಸ್ಪರ್ಶಿಸಿದ ಫೋಟೋ ವೈರಲ್​ ಆಗಿತ್ತು. ಸಾಮಾಜಿಕ ಜಾಲತಾಣಗಳಲ್ಲಿ ರಿಂಕು ಸಿಂಗ್‌ ಅವರು ವಿರಾಟ್ ಕೊಹ್ಲಿಗೆ ತೋರಿಸಿದ ಗೌರವವನ್ನು ನೋಡಿದ ಅಭಿಮಾನಿಗಳು ತುಂಬಾ ಸಂತೋಷಪಟ್ಟಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 179 ರನ್ ಗಳಿಗೆ ನಿಲ್ಲಿಸಿ ಗೆಲುವು ಸಾಧಿಸಿತು. ಪಂದ್ಯದ ನಂತರ ಎರಡೂ ತಂಡಗಳ ಆಟಗಾರರು ಮೈದಾನದಲ್ಲಿ ಪರಸ್ಪರ ಕೈಕುಲುಕುತ್ತಿದ್ದಾಗ ರಿಂಕು ಸಿಂಗ್ ವಿರಾಟ್ ಕೊಹ್ಲಿ ಅವರ ಪಾದ ಮುಟ್ಟಿದರು.