• Home
  • »
  • News
  • »
  • sports
  • »
  • IND vs AUS: ಯುವ ಬ್ಯಾಟರ್ ಕಡೆಗಣಿಸಿ ಟೆಸ್ಟ್ ತಂಡಕ್ಕೆ ಸೂರ್ಯಕುಮಾರ್ ಆಯ್ಕೆ, ರಣಜಿ ಟ್ರೋಫಿಗೆ ಅವಮಾನ ಎಂದ ಫ್ಯಾನ್ಸ್​

IND vs AUS: ಯುವ ಬ್ಯಾಟರ್ ಕಡೆಗಣಿಸಿ ಟೆಸ್ಟ್ ತಂಡಕ್ಕೆ ಸೂರ್ಯಕುಮಾರ್ ಆಯ್ಕೆ, ರಣಜಿ ಟ್ರೋಫಿಗೆ ಅವಮಾನ ಎಂದ ಫ್ಯಾನ್ಸ್​

ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿ ಭಾರತ ತಂಡ ಪ್ರಕಟ

ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿ ಭಾರತ ತಂಡ ಪ್ರಕಟ

ಸರ್ಫರಾಜ್​ ಖಾನ್ ಪ್ರಥಮ ದರ್ಜೆ ಕ್ರಿಕೆಟ್​ನ​ 2019/20ರ ಆವೃತ್ತಿಯಲ್ಲಿ 154ರ ಸರಾಸರಿಯಲ್ಲಿ 928 ರನ್​ 2021/22ರ ಆವೃತ್ತಿಯಲ್ಲಿ 122.7ರ ಸರಾಸರಿಯಲ್ಲಿ 982 ರನ್​ ಹಾಗೂ 2022/23ರ ಆವೃತ್ತಿಯಲ್ಲಿ 89 ಸರಾಸರಿಯಲ್ಲಿ 801 ರನ್​ಗಳಿಸಿದ್ದಾರೆ. ಆದರೂ ಟೆಸ್ಟ್​ ತಂಡಕ್ಕೆ ಟಿ20 ಕ್ರಿಕೆಟ್​ನಲ್ಲಿ ನೀಡಿರುವ ಪ್ರದರ್ಶನ ಪರಿಗಣಿಸಿ ಬೇರೆ ಆಟಗಾರರಿಗೆ ಅವಕಾಶ ನೀಡಿರುವುದಕ್ಕೆ ಅಭಿಮಾನಿಗಳು ಆಯ್ಕೆಸಮಿತಿ ವಿರುದ್ಧ ಅಸಮಧಾನ ವ್ಯಕ್ತಪಡಿಸಿದ್ದಾರೆ.

ಮುಂದೆ ಓದಿ ...
  • Share this:

 ಬಿಸಿಸಿಐ  (BCCI)  ಶುಕ್ರವಾರ ಮುಂಬರುವ ನ್ಯೂಜಿಲ್ಯಾಂಡ್​ ವಿರುದ್ಧದ ಟಿ20 ಸರಣಿ, ಏಕದಿನ ಸರಣಿ ಹಾಗೂ ಆಸ್ಟ್ರೇಲಿಯಾ (Australia) ವಿರುದ್ಧದ ಮೊದಲೆರಡು ಟೆಸ್ಟ್​ ಪಂದ್ಯಗಳಿಗೆ ತಂಡಗಳನ್ನು ಘೋಷಣೆ ಮಾಡಿದೆ. ಈ ತಂಡದಲ್ಲಿ ಕೆಲವು ಆಶ್ಚರ್ಯಕರ ಹೆಸರುಗಳು ಸೇರಿಕೊಂಡರೆ ಮತ್ತೆ ದೇಶಿ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಕಳೆದೆರಡು ವರ್ಷಗಳಿಂದ ಅದ್ಭುತ ಪ್ರದರ್ಶನ ತೋರುತ್ತಿರುವ ಪೃಥ್ವಿ ಶಾ, ಸರ್ಫರಾಜ್ ಖಾನ್( Sarfaraz khan) ​ ಅಂತಹ ಕೆಲವು ಆಟಗಾರರನ್ನು ತಂಡದಿಂದ ಕೈಬಿಟ್ಟಿರುವುದು ಕ್ರಿಕೆಟ್​ ವಿಶ್ಲೇಷಕರಿಗೆ ಹಾಗೂ ಅಭಿಮಾನಿಗಳಿಗೆ ಆಶ್ಚರ್ಯವನ್ನು ಉಂಟುಮಾಡಿದೆ. ವಿಶೇಷವೆಂದರೆ ಸೀಮಿತ ಓವರ್​ಗಳ ಕ್ರಿಕೆಟ್​ನಲ್ಲಿ ಉತ್ತಮ ಪ್ರದರ್ಶನ ತೋರುತ್ತಿರುವ ಸೂರ್ಯಕುಮಾರ್​ ಯಾದವ್ (Suryakumar Yadav)​ ಹಾಗೂ ಇಶಾನ್ ಕಿಶನ್​ರನ್ನು ಟೆಸ್ಟ್​ ತಂಡಕ್ಕೆ (Test Team) ಪರಿಗಣಿಸಲಾಗಿದೆ.


ಇವರಿಬ್ಬರ ಆಯ್ಕೆಯನ್ನು ಪ್ರಶ್ನಿಸಿರುವ ಕೆಲವು ಕ್ರಿಕೆಟ್ ಅಭಿಮಾನಿಗಳು ರಣಜಿ ಕ್ರಿಕೆಟ್​ನಲ್ಲಿ ಉತ್ತಮ ಪ್ರದರ್ಶನ ತೋರುವವರನ್ನು ಆಯ್ಕೆಗೆ ಪರಿಗಣಿಸಿದೆ ಸೀಮಿತ ಓವರ್​ಗಳ ಆಟಗಾರರನ್ನು ಆಯ್ಕೆ ಮಾಡಿರುವುದು ರಣಜಿ ಕ್ರಿಕೆಟ್​ಗೆ ಅವಮಾನ ಮಾಡಿದಂತೆ ಎಂದು ಕಿಡಿಕಾರಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ನಾಗ್ಪುರದಲ್ಲಿ ಮೊದಲ ಟೆಸ್ಟ್​ ಪಂದ್ಯ ಫೆಬ್ರವರಿ 9ರಿಂಧ 13ರವರೆಗ ನಡೆಯಲಿದೆ. ಎರಡನೇ ಟೆಸ್ಟ್ ಪಂದ್ಯ ದೆಹಲಿಯಲ್ಲಿ ಫೆಬ್ರವರಿ 17ರಿಂದ 21ರವರೆಗೆ ನಡೆಯಲಿದೆ.


ಇದನ್ನೂ ಓದಿ: IND vs AUS: ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಸರಣಿಗೆ ಭಾರತ ತಂಡ ಪ್ರಕಟ; ಸ್ಟಾರ್​​ ಆಲ್​ರೌಂಡರ್​​ ಕಂಬ್ಯಾಕ್, ಪಾಂಡ್ಯ ಔಟ್​!


ಸರ್ಫರಾಜ್​ರನ್ನು ಪರಿಗಣಿಸದಿದ್ದಕ್ಕೆ ಆಕ್ರೋಶ


ಕಳೆದ ಎರಡು ಆವೃತ್ತಿಗಳಿಂದ ರಣಜಿ ಟ್ರೋಫಿಯಲ್ಲಿ ಸರ್ಫರಾಜ್ ಖಾನ್​ ಅದ್ಭುತ ಪ್ರದರ್ಶನ ತೋರುತ್ತಿದ್ದಾರೆ. 25 ವರ್ಷದ ಬ್ಯಾಟರ್​ ಪ್ರಸಕ್ತ ಟೂರ್ನಿಯಲ್ಲಿ 5 ಪಂದ್ಯಗಳಿಂದ 431 ರನ್​ಗಳಿಸಿದ್ದಾರೆ. ಇದರಲ್ಲಿ ಎರಡು ಶತಕ ಹಾಗೂ ಒಂದು ಅರ್ಧಶತಕ ಸೇರಿದೆ. ಅಲ್ಲದೆ ಕಳೆದ ಆವೃತ್ತಿಯಲ್ಲಿ ಕೇವಲ 6 ಪಂದ್ಯಗಳಿಂದ 4 ಶತಕಗಳ ಸಹಿತ 122.5 ಸರಾರಿಯಲ್ಲಿ 982 ರನ್​ಗಳಿಸಿದ್ದರು. ಹಾಗಾಗಿ ಅಭಿಮಾನಿಗಳು ಟೆಸ್ಟ್​ ತಂಡದಲ್ಲಿ ಸೂರ್ಯಕುಮಾರ್ ಹಾಗೂ ಇಶಾನ್​ ಕಿಶನ್​ಗಿಂತಲೂ ಸರ್ಫರಾಜ್ ಖಾನ್​ ಉತ್ತಮ ಆಯ್ಕೆಯಾಗಬಹುದಿತ್ತು ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.



ಇಶಾನ್ ಕಿಶನ್ ಒಕೆ, ಸೂರ್ಯಕುಮಾರ್ ಯಾಕೆ?


ಭಾರತ ಪ್ರಧಾನ ವಿಕೆಟ್ ಕೀಪರ್ ಆಗಿದ್ದ ರಿಷಭ್ ಪಂತ್ ರಸ್ತೆ ಅಪಘಾತಕ್ಕೀಡಾಗಿ ಗಾಯಗೊಂಡಿದ್ದು, 6 ತಿಂಗಳು ವಿಶ್ರಾಂತಿಯಲ್ಲಿದ್ದಾರೆ. ಹಾಗಾಗಿ ಕೆಎಸ್​ ಭರತ್‌ ತಂಡದಲ್ಲಿ ವಿಕೆಟ್​ ಕೀಪರ್ ಆಗಿ ಸ್ಥಾನ ಪಡೆದುಕೊಂಡಿದ್ದಾರೆ. ಹಾಗಾಗಿ ಬ್ಯಾಕ್‌ಅಪ್ ವಿಕೆಟ್ ಕೀಪರ್ ಆಗಿ ಕಿಶನ್​ರನ್ನು ಆಯ್ಕೆ ಮಾಡಲಾಗಿದೆ. ಆದರೆ ಸರ್ಫರಾಜ್‌ಗಿಂತ ಸೂರ್ಯಕುಮಾರ್‌ಗೆ ಆದ್ಯತೆ ನೀಡಿರುವ ಆಯ್ಕೆ ಸಮಿತಿಯ ನಿರ್ಧಾರವನ್ನು ಅಭಿಮಾನಿಗಳು ಸಾಮಾಜಿಕ ಜಾಲಾತಾಣದಲ್ಲಿ ಪ್ರಶ್ನಿಸಿದ್ದಾರೆ.


ರಣಜಿ ಕ್ರಿಕೆಟ್​ಗೆ ಅಪಮಾನ


ಟೆಸ್ಟ್‌ನಲ್ಲಿ ಸರ್ಫರಾಜ್ ಖಾನ್​ ಕಡೆಗಣಿಸಿ ಸೂರ್ಯಕುಮಾರ್ ಯಾದವ್ ಅವರನ್ನು ಆಯ್ಕೆ ಮಾಡಿರುವುದು ರಣಜಿ ಟ್ರೋಫಿಗೆ ಮಾಡಿದ ಅವಮಾನ. ಸರ್ಫರಾಜ್ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಅತ್ಯಂತ ಸ್ಥಿರವಾದ ರನ್ ಗಳಿಸುತ್ತಿರುವವರಲ್ಲಿ ಒಬ್ಬರಾಗಿದ್ದಾರೆ. ಹಾಗಾಗಿ ತಂಡದಲ್ಲಿ ಹೊಸದಾಗಿ ಸ್ಥಾನ ಪಡೆಯುವುದಕ್ಕೆ ಬೇರೆ ಯಾವುದೇ ಆಟಗಾರರಿಗಿಂತಲೂ ಅವರೇ ಹೆಚ್ಚು ಅರ್ಹರಾಗಿದ್ದಾರೆ. ಈ ಸಮಿತಿಯ ಆಯ್ಕೆ ಮತ್ತೊಮ್ಮೆ ಗೊಂದಲ ಮೂಡಿಸಿದೆ ಎಂದು ಟ್ವಿಟರ್​ ಬಳಕೆದಾರರೊಬ್ಬರು ಕಿಡಿಕಾರಿದ್ದಾರೆ.


Sarfaraz Khan exclusion from Indias squad for Australia Tests Twitter angry with BCCI selectors
ಸರ್ಫರಾಜ್ ಖಾನ್


ಸರ್ಫರಾಜ್ ಅಂಕಿ ಅಂಶ


ಭಾರತ ಟಿ20 ತಂಡದ ಇತ್ತೀಚಿನ ಪ್ರದರ್ಶನವನ್ನು ಪರಿಗಣನೆಗೆ ತೆಗೆದುಕೊಂಡು ಸೂರ್ಯಕುಮಾರ್ ಯಾದವ್​ರನ್ನು ಆಯ್ಕೆ ಮಾಡುವುದಾದರೆ, ಡೊಮೆಸ್ಟಿಕ್​ ಕ್ರಿಕೆಟ್​ನಲ್ಲಿ ಕಳೆದ ಮೂರು ವರ್ಷಗಳಿಂದ ಸ್ಥಿರ ಪ್ರದರ್ಶನ ತೋರುತ್ತಿರುವ ಸರ್ಫರಾಜ್​ ಖಾನ್ ಆಯ್ಕೆ ಸಾಧ್ಯವಿಲ್ಲ ಎಂದು ಕ್ರಿಕೆಟ್​ ಅಂಕಿ ಅಂಶ ತಜ್ಞ ಮೋಹನ್​ದಾಸ್​ ಮೆನನ್​ ಅಂಕಿ-ಅಂಶಗಳ ಸಹಿತ ಆಯ್ಕೆಸಮಿತಿಯನ್ನು ಪ್ರಶ್ನಿಸಿದ್ದಾರೆ. ಸರ್ಫರಾಜ್​ ಖಾನ್ ಪ್ರಥಮ ದರ್ಜೆ ಕ್ರಿಕೆಟ್​ನ​ 2019/20ರ ಆವೃತ್ತಿಯಲ್ಲಿ 154ರ ಸರಾಸರಿಯಲ್ಲಿ 928 ರನ್​ 2021/22ರ ಆವೃತ್ತಿಯಲ್ಲಿ 122.7ರ ಸರಾಸರಿಯಲ್ಲಿ 982 ರನ್​ ಹಾಗೂ 2022/23ರ ಆವೃತ್ತಿಯಲ್ಲಿ 89 ಸರಾಸರಿಯಲ್ಲಿ 801 ರನ್​ಗಳಿಸಿದ್ದಾರೆ.

Published by:Rajesha B
First published: