ISSF World Cup: ಶೂಟಿಂಗ್​ ವಿಶ್ವಕಪ್​ನಲ್ಲಿ ಭಾರತೀಯ ಜೋಡಿಗೆ ಚಿನ್ನದ ಪದಕ

ಭಾರತೀಯ ಶೂಟರ್‌ಗಳಾದ ಸರಬ್ಜೋತ್ ಸಿಂಗ್ ಮತ್ತು ದಿವ್ಯಾ ಟಿಎಸ್ ಅವರು ಗುರುವಾರ ಅಜರ್‌ಬೈಜಾನ್‌ನ ಬಾಕುದಲ್ಲಿ ನಡೆಯುತ್ತಿರುವ 2023 ಐಎಸ್‌ಎಸ್‌ಎಫ್ ಶೂಟಿಂಗ್ ವಿಶ್ವಕಪ್‌ನಲ್ಲಿ ಮಿಶ್ರ 10 ಮೀಟರ್ ಏರ್ ಪಿಸ್ತೂಲ್ ಟೀಮ್ ಈವೆಂಟ್‌ನಲ್ಲಿ ಚಿನ್ನದ ಪದಕವನ್ನು ಪಡೆದರು. ಅವರು ಸೆರ್ಬಿಯಾದ ಜೊರಾನಾ ಅರುನೋವಿಕ್ ಮತ್ತು ಮೈಕೆಕ್ ದಮಿರ್ ಅವರನ್ನು 16-14 ರಿಂದ ಕಠಿಣ ಹೋರಾಟದ ಫೈನಲ್‌ನಲ್ಲಿ ಸೋಲಿಸಿದರು. ಈ ಮೂಲಕ ಭಾರತೀಯ ಜೋಡಿ ಮತ್ತೊಮ್ಮೆ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ.

ಚಿನ್ನದ ಪದಕ ಗೆದ್ದ ಭಾರತೀಯ ಜೋಡಿ:

ಭೋಪಾಲ್‌ನಲ್ಲಿ ನಡೆದ ಪುರುಷರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ ವೈಯಕ್ತಿಕ ಚಿನ್ನ ಗೆದ್ದ ಸರಬ್ಜೋತ್ ಸಿಂಗ್ ಮತ್ತು ದಿವ್ಯಾ ಟಿಎಸ್ ಅವರು ಸೆರ್ಬಿಯಾದ ಅನುಭವಿ ಜೋಡಿ ಟೋಕಿಯೊ ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ ದಾಮಿರ್ ಮೈಕೆಕ್ ಮತ್ತು ಮಾಜಿ ವಿಶ್ವ ಚಾಂಪಿಯನ್ ಜೊರಾನಾ ಅರುನೋವಿಕ್ ಅವರನ್ನು 16-14 ರಿಂದ 16-14 ರಿಂದ ಫೈನಲ್‌ನಲ್ಲಿ ಸೋಲಿಸಿದರು. ದಿವ್ಯಾ ಟಿಎಸ್‌ಗೆ ಇದು ಐಎಸ್‌ಎಸ್‌ಎಫ್ ವಿಶ್ವಕಪ್‌ನಲ್ಲಿ ಮೊದಲ ಪದಕವಾಗಿದೆ.

And it’s GOLD!!! India’s @DivyaTSD & @Sarabjotsingh30 strike 🥇 in the men’s 10m air pistol mixed team with a thrilling 16-14 win over Serbian legends Damir Mikec & Zorana Arunovic in the gold medal match @ the @issf_official World Cup in Baku. Onwards & upwards🔥👏🇮🇳@Media_SAI pic.twitter.com/Kf2ldkyf4N

— NRAI (@OfficialNRAI) May 11, 2023

ಇದಕ್ಕೂ ಮುನ್ನ, ಸರಬ್ಜೋತ್ ಸಿಂಗ್ ಅರ್ಹತಾ ಸುತ್ತಿನಲ್ಲಿ ಮೂರು ಸರಣಿಗಳಲ್ಲಿ 293 ಪಾಯಿಂಟ್​ ಗಳಿಸಿದರೆ, ದಿವ್ಯಾ ಟಿಎಸ್ ಒಟ್ಟು 581 ಸ್ಕೋರ್‌ಗೆ 288 ಪಾಯಿಂಟ್​ ಗಳಿಸಿದರು. ದಮಿರ್ ಮೈಕೆಕ್ ಮತ್ತು ಝೋರಾನಾ ಅರುನೋವಿಕ್ ಕೂಡ ಅದೇ ಸ್ಕೋರ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಆದರೆ ಸರಬ್ಜೋತ್‌ ಎದುರು ಎರಡನೇ ಸ್ಥಾನ ಪಡೆದರು.

ಶೂಟಿಂಗ್​ನಲ್ಲಿ ಭಾರತೀಯರ ಪ್ರಾಭಲ್ಯ:

ಟರ್ಕಿಯ ಸಿಮಲ್ ಯಿಲ್ಮಾಜ್ ಮತ್ತು ಇಸ್ಮಾಯಿಲ್ ಕೆಲೆಸ್ ಅವರು ಇಟಲಿಯ ಸಾರಾ ಕೊಸ್ಟಾಂಟಿನೊ ಮತ್ತು ಪಾವೊಲೊ ಮೊನ್ನಾ ಅವರನ್ನು 17-9 ರಿಂದ ಸೋಲಿಸಿ ಕಂಚಿನ ಪದಕ ಗೆದ್ದರು. ಭಾರತದ ವರುಣ್ ತೋಮರ್ ಮತ್ತು ಇಶಾ ಸಿಂಗ್ 578 ಸ್ಕೋರ್ ಗಳಿಸಿ 6ನೇ ಸ್ಥಾನ ಗಳಿಸಿದರು ಮತ್ತು ಪದಕ ಸುತ್ತಿಗೆ ಅರ್ಹತೆ ಪಡೆಯುವಲ್ಲಿ ವಿಫಲರಾದರು. ಅರ್ಹತಾ ಸುತ್ತಿನಲ್ಲಿ ಒಟ್ಟು 55 ಜೋಡಿಗಳು ಸ್ಪರ್ಧಿಸಿದ್ದವು.

ಇದನ್ನೂ ಓದಿ: IPL 2023: ಆ ಬೌಲರ್​ನನ್ನು ತಂಡದಿಂದ ಕೈಬಿಡಿ, ಆರ್​ಸಿಬಿ ವಿರುದ್ಧ ಫ್ಯಾನ್ಸ್ ಗರಂ

ಇನ್ನು, ಸರಬ್ಜೋತ್ ಸಿಂಗ್ ಮತ್ತು ದಿವ್ಯಾ ಟಿಎಸ್ ಅವರ ಚಿನ್ನದ ಪದಕವು ISSF ವಿಶ್ವಕಪ್‌ನಲ್ಲಿ ಭಾರತಕ್ಕೆ ಎರಡನೇ ಪದಕವಾಗಿದೆ. ಬುಧವಾರ, ರಿದಮ್ ಸಾಂಗ್ವಾನ್ 10 ಮೀಟರ್ ಏರ್ ಪಿಸ್ತೂಲ್‌ನಲ್ಲಿ ವೈಯಕ್ತಿಕ ಗುಂಪಿನಲ್ಲಿ ಕಂಚಿನ ಪದಕವನ್ನು ಗೆದ್ದರೆ, ದಿವ್ಯಾ ಟಿಎಸ್ ಅರ್ಹತಾ ಸುತ್ತಿನಲ್ಲಿ 18ನೇ ಸ್ಥಾನ ಪಡೆದರು. ವೈಯಕ್ತಿಕ ಪುರುಷರ 10 ಮೀಟರ್ ಏರ್ ಪಿಸ್ತೂಲ್ ಸ್ಪರ್ಧೆಯಲ್ಲಿ, ಸರಬ್ಜೋತ್ ಸಿಂಗ್ ಅರ್ಹತೆಯಲ್ಲಿ ಅಗ್ರಸ್ಥಾನದಲ್ಲಿದ್ದರು ಆದರೆ ಫೈನಲ್‌ನಲ್ಲಿ ನಾಲ್ಕನೇ ಸ್ಥಾನ ಪಡೆದರು.

ಭಾರತೀಯ ಆಟಗಾರರ ಸ್ಥಾನ:

ಏತನ್ಮಧ್ಯೆ, 10 ಮೀಟರ್ ಏರ್ ರೈಫಲ್ ಮಿಶ್ರ ಸ್ಪರ್ಧೆಯಲ್ಲಿ, ಪುರುಷರ 10 ಮೀಟರ್ ಏರ್ ರೈಫಲ್‌ನಲ್ಲಿ ಹಾಲಿ ವಿಶ್ವ ಚಾಂಪಿಯನ್ ರುದ್ರಂಕ್ಷ್ ಬಾಳಾಸಾಹೇಬ್ ಪಾಟೀಲ್ ಮತ್ತು ರಮಿತಾ, ಹೃದಯ್ ಹಜಾರಿಕಾ ಮತ್ತು ತಿಲೋತ್ತಮ ಸೇನ್ ಫೈನಲ್‌ಗೆ ಹೋಗಲು ಸಾಧ್ಯವಾಗಲಿಲ್ಲ. ಹೃದಯ್ ಹಜಾರಿಕಾ ಮತ್ತು ತಿಲೋತ್ತಮ ಸೇನ್ 627.6 ಸಂಯೋಜಿತ ಅಂಕಗಳೊಂದಿಗೆ 17ನೇ ಸ್ಥಾನ ಗಳಿಸಿದರೆ, ರುದ್ರಂಕ್ಷ್ ಬಾಳಾಸಾಹೇಬ್ ಪಾಟೀಲ್ ಮತ್ತು ರಮಿತಾ ಒಟ್ಟು 626.3 ಅಂಕಗಳೊಂದಿಗೆ 28 ​ನೇ ಸ್ಥಾನ ಪಡೆದರು. ಭಾರತವು 34 ಸದಸ್ಯರ ತಂಡವನ್ನು ISSF ವಿಶ್ವಕಪ್ ಬಾಕು 2023 ಗೆ ಕಳುಹಿಸಿದೆ. ಈವೆಂಟ್ ಮೇ 14 ರಂದು ಕೊನೆಗೊಳ್ಳುತ್ತದೆ.