Rishabh Pant: ಮಾನವೀಯತೆ ಮರೆತ ಜನ, ಆ್ಯಂಬುಲೆನ್ಸ್​ಗೆ ಕಾಲ್​ ಮಾಡೋದು ಬಿಟ್ಟು ಕಾರ್​ನಲ್ಲಿದ್ದ ಹಣ ಕದ್ದ ದುರುಳರು!

ರಿಷಭ್​ ಪಂತ್​ (Rishabh Pant) ಕಾರು ಭೀಕರ ಅಪಘಾತ (Deadly Accident) ಕ್ಕೀಡಾಗಿದೆ. ಬೆಳಗ್ಗೆ 5:30 ಉತ್ತರಖಾಂಡ ಮಂಗಳೌರಿನಲ್ಲಿ ಈ ಅಪಘಾತ ಸಂಭವಿಸಿದೆ. ಇನ್ನೂ ರಿಷಭ್ ಪಂತ್ ಅವರ ಸ್ಥಿತಿ ಚಿಂತಾಜಕನಕವಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಡೆಹ್ರಾಡೂನ್​ ಆಸ್ಪತ್ರೆಗೆ  ದಾಖಲಿಸಲಾಗಿದೆ. ಇನ್ನೂ ರಿಷಭ್ ಪಂತ್​ ಕಾರು ಅಪಘಾತವಾದಗ ನಡೆಯಬಾರದ ಘಟೆನಯೊಂದು ನಡೆದಿದೆ. ರಿಷಭ್ ಪಂತ್ ಕಾರು ಅಪಘಾತವಾದಗ ಕೆಲವೊಂದಿಷ್ಟು ಜನ ಅಲ್ಲಿಗೆ ಓಡಿ ಬಂದಿದ್ದಾರೆ. ರಿಷಭ್ ಪಂತ್ ಹರಸಾಹಸ ಮಾಡಿ ಕಿಟಕಿ (Window) ಯಿಂದ ಹೊರಗಡೆ ಹಾರಿದ್ದಾರೆ. ಡಿವೈಡರ್ ಮಧ್ಯದಲ್ಲಿ ರಿಷಭ್ ಪಂತ್ ಮಲಗಿಕೊಂಡು ಸಹಾಯಕ್ಕಾಗಿ ಕೂಗಿದ್ದಾರೆ. ಈ ವೇಳೆ ಅಲ್ಲಿ ನೆರೆದಿದ್ದವರಲ್ಲಿ ಆ್ಯಂಬುಲೆನ್ಸ್ (Ambulance) ​ಗೆ ಕಾಲ್​ ಮಾಡೋದು ಬಿಟ್ಟು ಕಾರಿನಲ್ಲಿದ್ದ ಹಣ (Money) ಕದಿದ್ದಾರೆ ಅಂತ ವರದಿಯಾಗಿದೆ.

ಮಾನವೀಯತೆ ಮರೆತ ಜನ!

ರಿಷಭ್​ ಪಂತ್​ ಆ್ಯಕ್ಸಿಡೆಂಟ್ ಆಗಿ ಕೆಳಗೆ ಬಿದ್ದಿದ್ದಾರೆ. ಈ  ವೇಳೆ ಅಲ್ಲಿಗೆ ಬಂದ ಒಂದಿಷ್ಟು ಜನ ಯಾರಿಗೆ ಏನಾಗಿದೆ ಅಂತ ಮೊದಲು ನೋಡಿದ್ದಾರೆ. ನಂತರ ಅದು ರಿಷಭ್​ ಪಂತ್ ಅಂತ ಗೊತ್ತಾಗುತ್ತಿದ್ದಂತೆ ಮೊಬೈಲ್ ತೆಗೆದು ವಿಡಿಯೋ ಮಾಡಿಕೊಂಡಿದ್ದಾರೆ. ಆ್ಯಂಬುಲೆನ್ಸ್​ಗೆ ಕಾಲ್​ ಮಾಡಿ ಅಂದರೂ, ರಿಷಭ್​ ಬ್ಯಾಗ್​ನಲ್ಲಿದ್ದ ಹಣವನ್ನು ದೋಚಿ ಎಸ್ಕೇಪ್​ ಆಗಿದ್ದಾರಂತೆ. ಇನ್ನೂ ಮೂಲಗಳ ವರದಿ ಪ್ರಕಾರ ಸ್ವತಃ ರಿಷಭ್ ಪಂತ್​ ಅವ್ರೇ ಆ್ಯಂಬುಲೆನ್ಸ್​ಗೆ ಕರೆ ಮಾಡಿದ್ದಾರಂತೆ.

ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ಕೊಟ್ಟ ರಿಷಭ್​ ಪಂತ್​!

ಇನ್ನೂ ಈ ಘಟನೆ ಬಗ್ಗೆ ಪೊಲೀಸರಿಗೆ ಸ್ವತಃ ರಿಷಭ್ ಪಂತ್ ಹೇಳಿದ್ದಾರಂತೆ. ನನ್ನ ಬ್ಯಾಗ್​ ಅನ್ನು ಕೆಲವೊಂದಿಷ್ಟು ಬಂದು ಅದರಲ್ಲಿದ್ದ ಹಣ ತೆಗೆದುಕೊಂಡು ಹೋಗಿದ್ದಾರೆ. ನಾನೇ ಕೊನೆಗೆ ಆ್ಯಂಬುಲೆನ್ಸ್​ ಕರೆ ಮಾಡಿದ್ದೀನಿ ಅಂತ ರಿಷಭ್ ಪೊಲೀಸರ ಬಳಿ ಹೇಳಿದ್ದಾರೆ. ಇನ್ನೂ ಈ ಸುದ್ಧಿ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗುತ್ತಿದೆ. ಮಾನವೀಯತೆ ಸತ್ತು ಹೋಗಿದೆ ಅಂತ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಇದನ್ನೂ ಓದಿ: ರಿಷಭ್​ ಪಂತ್​ ಕುರಿತು ಮಹತ್ವದ ಹೇಳಿಕೆ ನೀಡಿದ ಬಿಸಿಸಿಐ

ದೇಶಕ್ಕಾಗಿ ಆಡಿದವನಿಗೆ ಹೀಗಾ ಮಾಡೋದು!

ಅನೇಕ ನೆಟ್ಟಿಗರು ಈ ಘಟನೆ ಕುರಿತು ಸೋಷಿಯಲ್​ ಮೀಡಿಯಾದಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ. ದೇಶಕ್ಕಾಗಿ, ನಮ್ಮ ಖುಷಿಗಾಗಿ ಕ್ರಿಕೆಟ್ ಆಡಿ ಮನರಂಜನೆ ಕೊಟ್ಟ ವ್ಯಕ್ತಿಗೆ ಹೀಗಾ ಮಾಡೋದು ಅಂತ ಪ್ರಶ್ನೆ ಮಾಡಿದ್ದಾರೆ. ಜೊತೆಗೆ ರಿಷಭ್​ ಪಂತ್​ ಅಂತಾಲೇ ಅಲ್ಲ, ಯಾರೇ ವ್ಯಕ್ತಿ ಈ ರೀತಿಯ ಸ್ಥಿತಿಯಲ್ಲಿದ್ದಾಗ ಹೀಗೆ ಮಾಡೋದು ನಿಜಕ್ಕೂ ನಾಚೀಕೆಗೇಡು ಅಂತ ಆಕ್ರೋಶ್ ಹೊರಹಾಕುತ್ತಿದ್ದಾರೆ.