RCB vs RR: ಚಿನ್ನಸ್ವಾಮಿಯಲ್ಲಿ ಅಬ್ಬರಿಸಿದ ಫಾಫ್​-ಮ್ಯಾಕ್ಸಿ, ರಾಜಸ್ಥಾನ್​ಗೆ ಬಿಗ್​ ಟಾರ್ಗೆಟ್​

ಐಪಿಎಲ್​ 2023ರ (IPL 2023) 32ನೇ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮತ್ತು ರಾಜಸ್ಥಾನ್​ ರಾಯಲ್ಸ್ (RCB vs RR) ತಂಡಗಳು ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಸೆಣಸಾಡುತ್ತಿದೆ. ಟಾಸ್​ ಗೆದ್ದ ರಾಜಸ್ಥಾನ್​ ನಾಯಕ ಸಂಜು ಸ್ಯಾಮ್ಸನ್​ ಬೌಲಿಂಗ್​ ಆಯ್ಕೆ ಮಾಡಿಕೊಂಡರು. ಹೀಗಾಗಿ ಮೊದಲು ಬ್ಯಾಟಿಂಗ್​ ಮಾಡಿದ ಆರ್​ಸಿಬಿ ತಂಡ ವಿರಾಟ್​ ಕೊಹ್ಲಿ ವಿಕೆಟ್​ ಕಳೆದುಕೊಳ್ಳುವ ಮೂಲಕ ಆರಂಭಿಕ ಆಘಾತ ಅನುಭವಿಸಿತು. ಆದರೆ ಬಳಿಕ ಫಾಫ್​ ಡು ಪ್ಲೇಸಿಸ್​ ಮತ್ತು ಗ್ಲೇನ್​ ಮ್ಯಾಕ್ಸ್​ವೆಲ್​ ಭರ್ಜರಿ ಬ್ಯಾಟಿಂಗ್​ ಮಾಡುವ ಮೂಲಕ ತಂಡದ ಮೊತ್ತ ಹೆಚ್ಚಿಸುವಲ್ಲಿ ಯಶಸ್ವಿಯಾದರು. ಆರ್​ಸಿಬಿ ತಂಡ ಅಂತಿಮವಾಗಿ ನಿಗದಿತ 20 ಓವರ್​ಗೆ 9 ವಿಕೆಟ್​ ನಷ್ಟಕ್ಕೆ 189 ರನ್​ ಗಳಿಸುವ ಮೂಲಕ ರಾಜಸ್ಥಾನ್​​ ತಂಡಕ್ಕೆ 190 ರನ್​ಗಳ ಟಾರ್ಗೆಟ್​ ನೀಡಿದೆ.

ಅಬ್ಬರಿಸಿದ ಫಾಫ್​-ಮ್ಯಾಕ್ಸಿ:

ಇನ್ನು, ಆರ್​ಸಿಬಿ ತಂಡ 20 ಓವರ್​ಗೆ 9 ವಿಕೆಟ್​ ನಷ್ಟಕ್ಕೆ 189 ರನ್​ ಗಳಿಸಿತು.ಆರ್​ಸಿಬಿ ಪರ ಆರಂಭಿಕರಾಗಿ ಕಣಕ್ಕಿಳಿದ ವಿರಾಟ್ ಕೊಹ್ಲಿ ಮೊದಲ ಎಸೆತದಲ್ಲಿಯೇ ಎಲ್​ಬಿ ಆಡಗುವ ಮೂಲಕ ಗೋಲ್ಡನ್​ ಡಕೌಟ್​ ಆದರು. ಬಳಿಕ ಶಹಬಾಜ್ ಅಹ್ಮದ್ ಸಹ 2 ರನ್​ ಗಳಿಸಿ ಫೇವೆಲಿಯನ್​ಗೆ ಮರಳಿದರು. ಆದರೆ ಸಂಕಷ್ಟದ ಸಮಯದಲ್ಲಿ ಜೊತೆಯಾದ ಗ್ಲೇನ್​ ಮ್ಯಾಕ್ಸ್​ವೆಲ್​ ಮತ್ತು ಫಾಫ್ ಡು ಪ್ಲೇಸಿಸ್​ ಶತಕದ ಜೊತೆಯಾಟವಾಡಿದರು. ಮ್ಯಾಕ್ಸ್​ವೆಲ್​ 44 ಎಸೆತದಲ್ಲಿ 6 ಫೋರ್​ ಮತ್ತು 4 ಸಿಕ್ಸ್ ಮೂಲಕ 77 ರನ್ ಗಳಸಿದರು. ಫಾಫ್ ಡು ಪ್ಲೇಸಿಸ್​ 39 ಎಸೆತದಲ್ಲಿ 2 ಸಿಕ್ಸ್ ಮತ್ತು 8 ಬೌಂಡರಿ ಮೂಲಕ 62 ರನ್ ಗಳಿಸಿದರು. ಉಳಿದಂತೆ ಮಹಿಪಾಲ್ ಲೊಮ್ರೋರ್ 8 ರನ್, ಸುಯಶ್ ಪ್ರಭುದೇಸಾಯಿ ಶೂನ್ಯ, ವನಿಂದು ಹಸರಂಗ 6 ರನ್, ದಿನೇಶ್​ ಕಾರ್ತಿಕ್​ 16 ರನ್, ವೈಶಾಕ್​ ವಿಜಯ್​ಕುಮಾರ್ 0 ರನ್​ ಗಳಸಿದರು.

Innings Break!@rajasthanroyals found wickets at regular intervals but they have a tricky chase ahead of themselves!

Will @RCBTweets successfully defend their total?

Scorecard ▶️ https://t.co/lHmH28JwFm#TATAIPL | #RCBvRR pic.twitter.com/hyh3tbspSG

— IndianPremierLeague (@IPL) April 23, 2023

ರಾಜಸ್ಥಾನ್​ ಪರ ಟ್ರೆಂಟ್​ ಬೌಲ್ಟ್​ ಆರ್​ಸಿಬಿ ತಂಡಕ್ಕೆ ಆರಂಭಿಕ ಆಘಾತ ನೀಡುವಲ್ಲಿ ಯಶಸ್ವಿಯಾದರು. ಬೋಲ್ಟ್ 4 ಓವರ್​ಗೆ 41 ರನ್ ನೀಡಿ 2 ವಿಕೆಟ್​ ಪಡೆದರು. ಉಳಿದಂತೆ ರವಿಚಂದ್ರನ್​ ಅಶ್ವಿನ್​ ಮತ್ತು ಚಹಾಲ್​ ತಲಾ 1 ವಿಕೆಟ್​ ಪಡೆದು ಮಿಂಚಿದರು.

ಇದನ್ನೂ ಓದಿ: IPL 2023: ಎರಡು ಎಸೆತಕ್ಕೆ 2 ಸ್ಟಂಪ್ಸ್ ಉಡೀಸ್, ಇದರ ದುಡ್ಡಿಗೆ 5 ಐಫೋನ್-ಒಂದು SUV ಕಾರ್ ಕೂಡ ಬರ್ತಿತ್ತು!

ಮುಂದುವರೆದ ಕೊಹ್ಲಿ ನಾಯಕತ್ವ:

ಇಂದು ಫಾಫ್​ ಬದಲು ಮತ್ತೆ ವಿರಾಟ್ ಕೊಹ್ಲಿ ನಾಯಕನಾಗಿ ಕಣಕ್ಕಿಳಿದಿದ್ದಾರೆ. ಅವರು ಚಿನ್ನಸ್ವಾಮಿಯಲ್ಲಿ ಬರೋಬ್ಬರಿ 1450 ದಿನಗಳ ಬಳಿಕ ಬಳಿಕ ಮತ್ತೆ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿರಾಟ್ ಕೊಹ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕರಾಗಿ ಕಾಣಿಸಿಕೊಂಡರು. ಅವರು 556 ದಿನಗಳ ಅಂತರದ ನಂತರ ತಮ್ಮ RCB ತಂಡದ ನಾಯಕರಾಗಿ ಮೈದಾನಕ್ಕೆ ಕಾಲಿಟ್ಟರು.

ಆರ್​ಸಿಬಿ - ರಾಜಸ್ಥಾನ್​ ಪ್ಲೇಯಿಂಗ್ 11:

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಪ್ಲೇಯಿಂಗ್​ 11: ವಿರಾಟ್ ಕೊಹ್ಲಿ (C), ಫಾಫ್ ಡು ಪ್ಲೆಸಿಸ್, ಮಹಿಪಾಲ್ ಲೊಮ್ರೋರ್, ಗ್ಲೆನ್ ಮ್ಯಾಕ್ಸ್‌ವೆಲ್, ಶಹಬಾಜ್ ಅಹ್ಮದ್, ದಿನೇಶ್ ಕಾರ್ತಿಕ್ (WK), ಸುಯಶ್ ಪ್ರಭುದೇಸಾಯಿ, ಡೇವಿಡ್ ವಿಲ್ಲಿ, ವನಿಂದು ಹಸರಂಗ, ಮೊಹಮ್ಮದ್ ಸಿರಾಜ್, ವಿಜಯ್ ಕುಮಾರ್ ವೈಶಾಕ್.

ರಾಜಸ್ಥಾನ್ ರಾಯಲ್ಸ್ ಪ್ಲೇಯಿಂಗ್​ 11: ಜೋಸ್ ಬಟ್ಲರ್, ಯಶಸ್ವಿ ಜೈಸ್ವಾಲ್, ಸಂಜು ಸ್ಯಾಮ್ಸನ್ (w/c), ದೇವದತ್ ಪಡಿಕ್ಕಲ್, ಶಿಮ್ರಾನ್ ಹೆಟ್ಮೆಯರ್, ಧ್ರುವ್ ಜುರೆಲ್, ರವಿಚಂದ್ರನ್ ಅಶ್ವಿನ್, ಜೇಸನ್ ಹೋಲ್ಡರ್, ಟ್ರೆಂಟ್ ಬೌಲ್ಟ್, ಸಂದೀಪ್ ಶರ್ಮಾ, ಯುಜ್ವೇಂದ್ರ ಚಾಹಲ್.