ವೈರಲ್ ವೀಡಿಯೊ: ಧೋನಿ ಶೈಲಿಯಲ್ಲಿ ಹೆಲಿಕಾಪ್ಟರ್ ಸಿಕ್ಸ್​ ಸಿಡಿಸಿದ ರಶೀದ್ ಖಾನ್

ಟೀಂ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಎಂದರೆ ಹೆಲಿಕಾಪ್ಟರ್ ಶಾಟ್​ ಕಣ್ಮುಂದೆ ಬರುತ್ತದೆ. ಧೋನಿ ಕ್ರಿಕೆಟ್​ ಜಗತ್ತಿಗೆ ಮೊತ್ತ ಮೊದಲ ಬಾರಿಗೆ ಹೆಲಿಕಾಪ್ಟರ್ ಶಾಟ್​ ಪರಿಚಯಿಸಿದ್ದರು. ಆ ಬಳಿಕ ಈ ರೀತಿಯ ಶಾಟ್ ಹೊಡೆಯಲು ಆಗಾಗ್ಗೆ ವಿಶ್ವದ ಅನೇಕ ಆಟಗಾರರು ಪ್ರಯತ್ನಿಸಿದುಂಟು. ಆದರೆ ಧೋನಿಯ ಟ್ರೇಡ್ ಮಾರ್ಕ್​ನಂತಿರುವ ಈ ಬಿರುಸಿನ ಹೊಡೆತವನ್ನು ಯಾರಿಂದಲೂ ಕಾಪಿ ಮಾಡಲಾಗುವುದಿಲ್ಲ ಎಂದು ಹೇಳಲಾಗಿತ್ತು.

ಆದರೆ ಇದೀಗ ಅಫ್ಘಾನಿಸ್ತಾನದ ಯುವ ಆಲ್​ರೌಂಡರ್ ರಶೀದ್ ಖಾನ್ ಅಧ್ಭುತ ಹೆಲಿಕಾಪ್ಟರ್ ಶಾಟ್​ ಸಿಡಿಸಿ ಮಿಂಚಿದ್ದಾರೆ. ಧೋನಿಯ ಹೊಡೆತಕ್ಕೆ ಸರಿ ಸಮಾನವಾದ ಹೆಲಿಕಾಪ್ಟರ್ ಶಾಟ್​ ಎಂಬ ವಿಶ್ಲೇಷಣೆ ಈ ಸಿಕ್ಸರ್​ಗೆ ಲಭಿಸಿದೆ. ಅಂತರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಗೂಗ್ಲಿ ಎಸೆತಗಳಿಂದ ಕಮಾಲ್ ಮಾಡಿರುವ ರಶೀದ್ ಖಾನ್ ತಾನು ಅತ್ಯುತ್ತಮ ಬ್ಯಾಟ್ಸಮನ್​ ಕೂಡ ಹೌದು ಎಂಬುದನ್ನು ಈ ಮೂಲಕ ನಿರೂಪಿಸಿದಂತಿದೆ.

ಐಪಿಎಲ್​ ಟಿ-20ನಲ್ಲಿ ಬ್ಯಾಟಿಂಗ್​ ಮತ್ತು ಬೌಲಿಂಗ್​ನಲ್ಲಿ ಮಿಂಚಿರುವ ರಶೀದ್​ ಖಾನ್ ಇದೀಗ ಟಿ- 10 ಲೀಗ್​ನಲ್ಲೂ ತಮ್ಮ ಬ್ಯಾಟಿಂಗ್ ಸಾಮರ್ಥ್ಯವನ್ನು ಧಾರೆಯೆರೆದಿದ್ದಾರೆ. ಶಾರ್ಜಾದಲ್ಲಿ ನಡೆಯುತ್ತಿರುವ ಟಿ-10 ಲೀಗ್​ನಲ್ಲಿ ಮರಾಠಿ ಅರೆಬಿಯನ್ಸ್ ಪರ ಕಣಕ್ಕಿಳಿದ ರಶೀದ್ ಸಿಡಿಸಿದ ಹೆಲಿಕಾಪ್ಟರ್ ಸಿಕ್ಸ್ ವೀಡಿಯೊ ಭಾರೀ ವೈರಲ್ ಆಗುತ್ತಿದೆ.

ಪಾಕಿಸ್ತಾನದ ವೇಗಿ ಮೊಹಮ್ಮದ್ ಇರ್ಫಾನ್ ಎಸೆತವನ್ನು ಹೆಲಿಕಾಪ್ಟರ್ ಶಾಟ್​ ಮೂಲಕ ಸಿಕ್ಸರ್​ಗೆ ಅಟ್ಟಿದ ರಶೀದ್ ಎಲ್ಲರೂ ನಿಬ್ಬೆರಗಾಗುವಂತೆ ಮಾಡಿದ್ದಾರೆ. ಯುವ ದಾಂಡಿಗ ಹೊಡೆದ ಚೆಂಡು ಸ್ಟೇಡಿಯಂ ಛಾವಣಿ ಮೇಲೆ ಹೋಗಿ ಬಿದ್ದಿರುವುದು ವಿಶೇಷ. ವಿಶ್ವದ ನಂಬರ್ ಟಿ-20 ಬೌಲರ್ ಇತ್ತೀಚೆಗೆ ಬ್ಯಾಟಿಂಗ್​ನಲ್ಲೂ ಮಿಂಚುತ್ತಿದ್ದು, ಈ ಹಿಂದೆ ಐಪಿಎಲ್​ನಲ್ಲಿ ಸನ್​ರೈಸರ್ಸ್​ ಹೈದರಾಬಾದ್ ಪರ 7 ಎಸೆತಗಳಿಂದ 21 ರನ್​ಗಳಿಸಿದ್ದರು.

😍😍😍👍🏻🙏 #Helicopters #Inventer @msdhoni Bhai 👍🏻👍🏻👍🏻 @T10League @MarathaArabians pic.twitter.com/DH8RdfUnYA

— Rashid Khan (@rashidkhan_19) November 29, 2018

ಅಫ್ಘಾನಿಸ್ತಾನದ ಯುವ ಆಟಗಾರ ಸಿಡಿಸಿರುವ ಹೆಲಿಕಾಪ್ಟರ್ ಸಿಕ್ಸರ್ ವೀಡಿಯೊ ವೈರಲ್ ಆಗುತ್ತಿದ್ದಂತೆ, ತಮ್ಮ ಟ್ವಿಟರ್​ ಖಾತೆಯಲ್ಲಿ ರಶೀದ್ ಖಾನ್ ವೀಡಿಯೋ ಶೇರ್ ಮಾಡಿ ಮೊದಲ ಬಾರಿಗೆ ಹೆಲಿಕಾಪ್ಟರ್ ಶಾಟ್​ನ್ನು ಪರಿಚಯಿಸಿದ ಧೋನಿಗೆ ಕ್ರೆಡಿಟ್ ನೀಡಿದ್ದಾರೆ.

😍😍😍👍🏻🙏 #Helicopters #Inventer @msdhoni Bhai 👍🏻👍🏻👍🏻 @T10League @MarathaArabians pic.twitter.com/DH8RdfUnYA

— Rashid Khan (@rashidkhan_19) November 29, 2018